【 နည်းပညာ 】ဘေးဘောင်လေးဖက်လုံး မှန်ခုံးထားတဲ့ Xiaomi စမတ်ဖုန်း

တရုတ်နည်းပညာကုမ္ပဏီကြီး Xiaomi ကတော့ ဒီဇိုင်းဆန်းပြားပြီး ခေတ်ရှေ့ပြေးတဲ့ စမတ်ဖုန်းသစ်တစ်လုံးကို ထုတ်ပြလိုက်ပါတယ်။

 

အဆိုပါစမတ်ဖုန်းသစ်မှာ မှန်တွေဟာ ဘေးဘောင်နှစ်ဖက်နဲ့ အပေါ်နဲ့ အောက် ထောင့်တွေကို ခုံးထားတဲ့ ဒီဇိုင်းပုံစံမျိုးကို မြင်တွေ့ရပါတယ်။

 

Xiaomi ရဲ့ ဒီဇိုင်းဆန်းပြားတဲ့ စမတ်ဖုန်းသစ်ဟာ concept စမတ်ဖုန်းဖြစ်တဲ့အတွက် ဈေးကွက်ထဲကို ရောက်ရှိလာမှာတော့ မဟုတ်ပါဘူး။ဒီစမတ်ဖုန်းဟာ Xiaomi အနေနဲ့ Mi Mix Alpha concept စမတ်ဖုန်းကို မိတ်ဆက်ပြသခဲ့အပြီး၊ ဒုတိယမြောက် concept စမတ်ဖုန်း ဖြစ်လာခဲ့ပါတယ်။

 

Xiaomi ဘက်ကတော့ concept စမတ်ဖုန်းရဲ့ မျက်နှာပြင်ကို waterfall display လို့ အမည်ပေးထားပါတယ်။ waterfall display လို့ အမည်ပေးထားတဲ့အတိုင်း ဘေးဘောင်လေးဖက်လုံး မှန်ခုံးပေးထားမှုက တကယ့်ကို ရေတံခွန်မှ ရေတွေကျနေတဲ့ပုံစံနဲ့ ဆွဲဆောင်မှုရှိတာကို မြင်တွေ့ရပါတယ်။ထူးဆန်းတာကတော့ အဆိုပါစမတ်ဖုန်းမှာ အပေါက်နဲ့ ခလုတ်တွေ မပါဝင်ပါဘူး၊ ခလုတ်‌တွေအစား vivo nex 3 မှာ အသုံးပြုထားသလိုမျိုး ထိတွေ့ခလုတ်တွေကို ထည့်သွင်းထားမှာဖြစ်ပါတယ်။

 

Xiaomi ရဲ့ concept စမတ်ဖုန်းကတော့ ဈေးကွက်ထဲကို ရောက်ရှိလာဦးမှာမဟုတ်သေးပါဘူး၊ ဒါပေမယ့် အမြဲမပြတ်တိုးတက်နေတဲ့ နည်းပညာလောကကြီးမှာ Xiaomi ဘက်က ဘယ်လိုနည်းပညာသစ်တွေ ထပ်ချပြမလဲဆိုတာကတော့ စောင့်ကြည့်ရပါဦးမယ်။

 

Damien 

 

(   Zawgyi  )