【 နည်းပညာ 】အာကာသထဲ ဂြိုလ်တုတွေလွှတ်တင်ဖို့ ကြိုးစားသွားမယ့် Virgin Orbit

ဘီလျံနာ ရစ်ချတ်ဘရန်ဆန်စ် ပိုင်ဆိုင်တဲ့ Virgin Galactic ကုမ္ပဏီရဲ့ လက်ခွဲကုမ္ပဏီလို့ဆိုရမယ့် Virgin Orbit ကုမ္ပဏီမှ ၎င်းရဲ့ ဂြိုလ်တုတွေကို အာကာသထဲလွှတ်တင်သွားဖို့ ကြိုးစားနေတယ်လို့ သိရပါတယ်။

 

Virgin Orbit မှ သေးငယ်တဲ့ ဂြိုလ်တုတပ်ဆင်လွှတ်တင်တဲ့ ဒုံးပျံကို ဒုတိယအကြိမ်‌မြောက် စမ်းသပ်သွားဖို့ရှိနေပြီး၊ NASA ရဲ့ ကိုယ်စား ၎င်းရဲ့ ဂြိုလ်တုတွေကို ပထမဆုံးလွှတ်တင်သွားရန် ကြိုးပမ်းနေတာလည်းဖြစ်ပါတယ်။

 

စမ်းသပ်မှုမှာ မိုဂျေ့ဖ် သဲကန္တာရရှိ Virgin Galactic အာကာသယာဉ်စခန်းမှ ဘိုးအင်း ၇၄၇ လေယာဉ်ဖြင့် ဂြိုလ်တုတပ်ဆင်ထားသော ဒုံးပျံကို အမြင့်ပေ ၃၅,၀၀၀ အထိ သယ်ဆောင်သွားပြီး၊ သတ်မှတ်ထားသောနေရာအရောက်တွင် ဒုံးပျံမှာပျက်ဆီးသွားမှာဖြစ်ပါတယ်။ထိုနောက်မှာတော့ သေးငယ်သော ဂြိုလ်တုများကို ကမ္ဘာပတ်လမ်းကြောင်းသို့ သယ်ဆောင်သွားမှာဖြစ်တယ်လို့ Virgin Orbit က ဆိုပါတယ်။

 

အဆိုပါစမ်းသပ်လွှတ်တင်မှုကို တိုက်ရိုက်ထုတ်လွှင့်မှာမဟုတ်ပဲ၊ စမ်းသပ်လွှတ်တင်မှုအခြေအနေများကို အချိန်နှင့်တပြေးညီ တွစ်တာလူမှုကွန်ယက်တွင် တွစ်လုပ် (ပို့စ်တင်) ကာ ဖော်ပြပေးသွားမှာဖြစ်တယ်လို့လည်း Virgin Orbit မှ ဆိုခဲ့ပါသေးတယ်။စမ်းသပ်မှုပြီးဆုံးသွားပါ စမ်းသပ်မှုအခြေအနေရဲ့ ဓာတ်ပုံတွေ၊ ဗီဒိယိုတွေကို တင်ပေးသွားမှာဖြစ်တယ်လို့လည်း သိရပါတယ်။ 

 

Virgin Orbit ကုမ္ပဏီကို မတ်လ ၂ ရက်၊ ၂၀၁၇ ခုနှစ်မှာ တည်ထောင်ခဲ့ပြီး၊ လေးနှစ်ဝန်းကျင်အတွင်း နည်းပညာပိုင်းမှာ တိုးတက်ဖွံ့ဖြိုးလာတဲ့ ကုမ္ပဏီတစ်ခုဖြစ်လာခဲ့ပါတယ်။

 

Damien 

 

(  Zawgyi  )