【 အနုပညာ 】ပရိသတ်ရှေ့မှာ ဆက်aတိုက် မြင်တွေ့လာရဖို့ရှိနေတယ်ဆိုတဲ့ “ဟန်တီ”

မျိုးဆက်သစ်အနုပညာရှင်တစ်ယောက်ဖြစ်ပေမယ့် အားပေးသူပရိသတ်တွေ အခိုင်အမာရနေတဲ့ သရုပ်ဆောင် ဟန်တီဟာ အခုရက်ပိုင်းအတွင်း ဇာတ်လမ်းရိုက်ကူးတာတွေအပါအဝင် ကြော်ငြာလေးတွေလည်း ရိုက်ကူးဖို့ လက်ခံထားတဲ့ အခြေအနေတွေကြောင့် ပရိသတ်တွေအနေနဲ့ ဆက်တိုက်မြင်တွေ့လာရဖို့ရှိနေတယ်လို့ သိရပါတယ်။

 

“အခုဆိုရင် ဗီဒီယိုကားလေး လက်ခံထားတယ်၊ ကြော်ငြာလေးတွေ လက်ခံထားတာ ဖြစ်တဲ့အတွက် ပရိသတ်တွေ အနေနဲ့ ဟန်တီကို အဆက်မပြတ်မြင်ရမှာပါ။ အားပေးတဲ့ ပရိသတ်တွေကို ကျေးဇူးအများကြီး တင်ပါတယ်ရှင်၊ မတ်လထဲ UK မှာ ကျောင်းသွားတက်ဖို့ရှိတယ်၊ Bussiness Communication ကို scholarship စကောလားရှစ်နဲ့ သွားတက်မှာပါ၊ ဟန်တီက ပညာတွေဆက်သင်မယ်၊ စီးပွားရေးတွေလုပ်မယ်၊ Plan တွေ အများကြီးဖော်ထားတယ်”လို့ သရုပ်ဆောင် ဟန်တီက ရှင်းပြပါတယ်။

 

သူမဟာ အင်ဂျင်နီယာတစ်ယောက်အဖြစ် ဝါသနာပါခဲ့ပေမယ့် အနုပညာအလုပ်ကိုလုပ်ကိုင်ရင်း အား ပေးသူတွေအခိုင်အမာ ရလာသလို ဆက်လက်ပြီးလည်း အနာဂတ်လမ်းမှာ အနုပညာအလုပ်ကိုသာ လုပ်ကိုင်သွားဖို့ ပြင်ဆင်ထားသလို အောင်မြင်တဲ့ အနုပညာရှင်တစ်ယောက်အဖြစ် ရောက်ရှိလာစေဖို့ မျှော်မှန်း ကြိုးပန်းနေသူ တစ်ဦးလည်း ဖြစ်ပါတယ်။

 

 “ငယ်ငယ်လေးကတည်းက လိုချင်တဲ့ဘဝတော့မဟုတ်ဘူး၊ မြန်မာ နိုင်ငံမှာ အနုပညာရှင်တစ်ယောက် ဖြစ်ရတာ ဂုဏ်ယူတယ်၊ ကိုယ်ဆက်ပြီး လုပ်လို့ရတာတွေ အများကြီး မြင်ရ တယ်၊ ဆက်ပြီးတော့လည်း မြန်မာကို ကမ္ဘာကသိအောင်လုပ်ချင်စိတ်တွေပဲပေါ်တယ်၊ ကိုယ့်အနုပညာ အလုပ်ကို သေသေချာချာနဲ့ အကောင်းဆုံးလုပ် မယ်၊ အားထည့်ပြီးလုပ်မယ်၊ အဲ့ဒီလို လုပ်တဲ့အခါ မှာလည်း Result ကတော့ ကောင်းမှာပဲ၊ ဒါသေချာတယ်၊ ဘယ်သူနဲ့ပဲ ယှဉ်လိုက်ယှဉ်လိုက် ကိုယ်က တစ်ပန်းသာနေ ရမယ်ဆိုတဲ့ စိတ်ကို ဟန်တီက အမြဲထည့်ထားတယ်၊ ကိုယ့်ကိုယ်ကိုပဲ အဓိကထားပြိုင်တာပါ၊ မနေ့က ဟန်တီထက် ဒီနေ့က ပိုပြီးတော်ရမယ်”လို့ ၎င်းက ရှင်းပြခဲ့ပါတယ်။

 

သူမဟာ အတွက်အချက်ဝါသနာပါသူလည်းဖြစ်သလို ရှေ့ဆက်ရမယ့်ဘဝအတွက် ကိုယ်တိုင်အစီအမံတွေ ကို ရေးဆွဲရင်း တွက်ချက်လုပ်ဆောင်ခဲ့ပြီး ဘဝအတွက် ဦးတည်ချက်တွေထားကာ ကြိုးပမ်းခဲ့တာကြောင့် အချစ် ရေး ကိစ္စကိုလည်း ဦးနှောက်နဲ့ပဲ စဉ်းစားဖြစ်တယ်လို့ ဆိုပါတယ်။

 

“ကိုယ်က ယူတာက ယူလိုက်တယ်၊ ရှေ့ဆက်ရမယ့်လမ်းမှာ အခုထက်ပိုပြီးတော့ နှစ်ဆလောက် ထပ်ပြီး အလုပ်လုပ်နေရဦးမယ်ဆိုရင် ကိုယ်က ဒီလမ်းကို ဘာလို့ရွေးချယ်တော့မှာလဲ၊ ကိုယ့်ရဲ့ဘဝကို ဒီထက်ပိုပြီး တိုး တက်အောင် စဉ်းစားသင့်တယ်လေ၊ ဟန်တီကတော့ အဲ့လိုစဉ်းစားတတ်တယ်၊ အရာရာမှာလဲ တွက်ချက်တတ် တယ်၊ တွက်ချက်တာကို အရမ်း ဝါသနာပါတာလေ”လို့ ၎င်းက ဆက်ပြောပါတယ်။

 

သူမဟာ ငယ်စဉ်ကတည်းက ဘဝကို စနစ်တကျပြုစုပျိုးထောင်မှုနဲ့ နေထိုင်ခဲ့ပြီး အနုပညာအလုပ်တွေကို အသက် ၁၄ နှစ်အရွယ်ကတည်းက လုပ်ကိုင်ခဲ့တာကြောင့် သာမန်လူငယ်တွေရဲ့ လွတ်လပ်မှုကုန်ဆုံးခဲ့ပေမယ့် အတွေးအခေါ်တွေ၊ အတွေ့အကြုံ တွေ ရင့်ကျက်ခဲ့ကာ လူတွေရဲ့အကြောင်းကိုလည်း ပိုမိုသိရှိလာခဲ့တယ်လို့ သိရပါတယ်။ 

 

မင်းခေတ်လင်း  

 

(  Zawgyi  )