ခံတွင်းအနံ့ နံခြင်း (bad breath) အကြောင်းသိကောင်းစရာ

 

ခံတွင်းအနံ့ နံတာကို အင်္ဂလိပ်လို bad breath လို့ခေါ်ပြီး ဆေးပညာက halitosis လို့သုံးပါတယ်။ ပါးစပ်နံစေသောအစားအသောက်များဆိုရင် ် ကြက်သွန်ဖြူ၊ ကြက်သွန်နီ ဒညင်းသီး၊

ဒူးရင်းသီး ဗမာဝမ်းနုတ်ဆေး ခံတွင်းအနံ့နံစေခြင်းမှာ အထက်ကပြောခဲ့သလို အစားအသောက်အပြင် ပါးစပ်နဲ့ဆိုင်တဲ့ ရောဂါ၊သွားဖုံးရောဂါတွေ ကြောင့်လည်းအဖြစ်များပါတယ်။ သွားဆရာဝန်တွေဆီ

သွားပြကြတဲ့ ရောဂါတွေထဲမယ်တတိယမြောက်အဖြစ်များဆုံး လက္ခဏာဖြစ်တယ်လို့ ဆိုပါတယ်။ အဖြစ်အများဆုံးက ခံတွင်းရောဂါဆိုပေမယ့် တခြားအကြောင်းခံကြောင့်ဆိုရင်တော့

အထွေထွေရောဂါကုဆရာဝန်တွေ နဲ့သက်ဆိုင်လာတယ်။အဲ့ဒါတွေကတော့ နှာခေါင်းရောဂါ၊ အာသီးရောင်တာ၊ အသက်ရှုလမ်းကြောင်းပိုးဝင်ခြင်း၊ အစာအိမ်နဲ့အူလမ်းကြောင်းရောဂါတွေ ွ

အသည်းရောဂါ၊ ကျောက်ကပ်ရောဂါ၊ ဆီးချိုရောဂါ၊ ကင်ဆာရောဂါ၊ ဆေးရွက်ကြီးသုံးစွဲသူတွေမှာလဲ တွေ့ရပါတယ်။ အများအားဖြင့် ပါးစပ်သန့်ရှင်းရေး အားနည်းသူတွေမှာ ပိုမိုတွေ့ရတယ်။

ညပိုင်းမှာ အစားအသောက်စားပြီး ပါးစပ်မသန့်ရှင်းသူများပာာ မနက်ပိုင်းအိပ်ရာထတဲ့ အခါမျိုးမှာ အာခံတွင်းနံ့ နံတတ်ပါတယ်။ပါးစပ်ထဲမှာ ကျွင်းကျန်ရစ်တဲ့စားကြွင်းစားကျန်တွေကို ပိုးမွှားတွေက

ပြောင်းလဲခြင်းဖြင့် ထွက်လာတဲ့ gasကြောင့် နံလာခြင်းဖြစ်ပါတယ်။ ဒါမျိုးကို physiological halitosis လို့ခေါ်ပါတယ်။ ဒါမျိုးဟာ ရောဂါကြောင့်မဟုတ်ပဲ သာမန်ဇီဝဖြစ်စဉ်မျှသာ ဖြစ်ပါတယ်။ဒါကြောင့်

ခံတွင်းနံ့ရတိုင်း ရောဂါရှိတယ်လို့ မသတ်မှတ်စေချင်ဘူး။ ဒီလိုဖြစ်တဲ့ အခါမျိုးမှာ ခံတွင်းကို သန့်ရှင်းအောင် ထားခြင်းဖြင့် သက်သာနိုင်ပါတယ်။အနံ့ပျောက်ဆေးများကို သုံးစွဲခြင်းဟာ

ယာယီသာသက်သာနိုင်မှာဖြစ်ပါတယ်။ ရောဂါအခံရှိသူများကတော့ ဆရာဝန်နဲ့ တိုင်ပင်ဆွေးနွေးဖို့လိုအပ်ပါတယ်။မိမိတွင် ခံတွင်းအနံံ့ နံသည်ဟု သံသယရှိပါက မိဘဆွေမျိုး အသိုင်းအဝိုင်းကို

သေချာစွာ မေးမြန်းပြီးမှသာ ဆုံးဖြတ်သင့်ပါတယ်။သို့မဟုတ်ပါက halitophobia ခေါ် ခံတွင်းအနံ့ နံသည်ဟု လွဲမှားစွာ ယုံကြည်တတ်ကြသဖြင့် သတိထားရန် လိုအပ်ပါတယ်။ ကြိုတင်ကာကွယ်ထားသင့်သည့်

အချက်များ ၁။တစ်နေ့လျှင် သုံးကြိမ် (သို့) အစာစားပြီးတိုင်း သွားတိုက်ရန်၊ ၂။ညအိပ်ခါနီးတိုင်း ပါးစပ်ကို ဆေးကြောသန့်စင်ရန်၊ ၃။မနက်အိပ်ရာ ထပြီးတိုင်း ရေတစ်ဖန်ခွက် သောက်ရန်၊

၄။အစားအသောက်၊မနက်စာကို ပုံမှန်စားသုံးရန်၊ ၅။ခံတွင်းအနံ့ နံစေသောအစားအသောက်များကို တတ်နိုင်သမျှရှောင်ရှားရန်၊ ၆။အချို၊အဆိမ့်(ချောကလက်၊ကော်ဖီ၊လက်ဖက်ရည်) လျှော့စားရန်၊

၇။ခံတွင်းကို အမြဲစိုစွတ်၍ သန့်ရှင်းအောင်ထားသင့်သည်။ ၈။ပါးစပ်နံ့ပျောက်စေသော mouthwash များ၊ sprayများ သုံးလိုက အသုံးပြုနိုင်ပါသည်။ ၉။ပါးစပ်နံ့ ပျောက်ရန်ကွမ်းယာစားခြင်းနှင့်ဆေးလိပ်သောက်ခြင်းကို

ရှောင်ကြဉ် သင့်သည်။ ကွမ်းယာစားခြင်းမှ သွားနှင့် သွားဖုံးကို ပျက်စီးနိုင်သည့်ပြင် ပါးစပ်ကင်ဆာပါ ဖြစ်ပွားနိုင်သဖြင့် ရှောင်ကြဉ်ရမည် ဖြစ်သည်။ ၁၀။လိုအပ်လျှင် သွားဆရာဝန်(သို့)

အထွေထွေ ရောဂါကုဆရာဝန်နှင့် ပြသ တိုင်ပင်သင့်လေသည်။

 

 

ဇီဝက ဆေး(၁)