မင်းကွတ်သီးနှင့် ကျန်းမာရေး

မင်းကွက်သီးရဲ့ ဆေးဖက်ဝင်အာနိသင်အကြောင်းကိုပြောရင် အဓိက (၂) ပိုင်းနဲ့ ပြောရပါလိမ့် မယ်။

အဲ့ဒါကတော့ အတွင်းက အဖြူသား (White flesh) နဲ့ အပြင်က အခွံပဲဖြစ်ပါတယ်။အတွင်းက အဖြူသားက စားလို့ရပါတယ်။

အာဟာရဓာတ်လည်း ကြွယ်ဝစွာ ပါဝင်ပါတယ်။အပြင်ပိုင်း အခွံကိုလည်း ထပ်မံပြီး အတွင်းပိုင်း ပျော့ပြောင်းတဲ့အလွှာ

ပယ်ရီကပ် (Pericarp) နဲ့ အပြင်ပိုင်း မာကျောတဲ့အလွှာ အိတ်ချ်စိုကပ်  (Exocarp) ဆိုပြီး (၂) ခု ထပ်ခွဲနိုင်ပါတယ်။

 

 မင်းကွတ်သီးအတွင်းပိုင်းက အဖြူသားကိုစားရင် ရနိုင်တဲ့အာဟာရဓာတ်တွေကတော့ -

(၁) ကာဘိုဟိုက်ဒြိတ်အနေနဲ့အမျှင်ဓာတ်အပါအဝင်၂၀% ရရှိနိုင်ပါတယ်။ဥပမာ ၁၀ဝ ဂရမ်စားရင်၂၀ ဂရမ်ဟာ ကာဘိုဟိုက်ဒြိတ်တွေ ဖြစ်ပါတယ်။

(၂) ဗီတာမင်ဓာတ်တွေ အနည်းငယ်စီ မျှတစွာပါဝင်နေပါတယ် ......B1, B2, B3 (Niacin). B5 (Pantothenic acid), B6, B9 (Folate) နဲ့ Vitamin C

(၃) သတ္တုဓာတ်တွေအနေနဲ့ ပိုတက်စီယမ် ကြွယ်ဝစွာပါဝင်ပြီး သူ့နောက်မှာ ကယ်လ်စီယမ်၊ မဂ္ဂနီစီယမ်နဲ့ ဖော့စ်ဖရပ်တို့ ပါဝင်ပါတယ်။

ဒါ့အပြင် သွပ်ဓာတ်၊ သံဓာတ်၊ မဂ္ဂနီးလ်ဓာတ်နဲ့ ဆိုဒီယမ်တို့လည်း အနည်းငယ်စီ ပါဝင်ပါတယ်။

 

 

 အပင်ဓာတုဗေဒပညာ (Phytochemistry) အရမင်းကွတ်သီးရဲ့ အကာပိုင်းမှာပါတယ်ဆိုတဲ့ ဇန်သုန်းတွေဟာ ဆေးဖက်ဝင်အာနိသင်

ထက်မြက်လှတဲ့ ပေါ်လီဖီနောလစ်ဓာတ်ပစ္စည်း (Biologically active polyphenolic compound) ဖြစ်ပါတယ်။

 

သဘာဝအပင်တွေမှာ ဇန်သုန်းတွေဟာ သိပ်တွေ့ရလေ့မရှိဘဲ ရှားပါးဓာတ်ပစ္စည်းတစ်ခုလို့ ပြောနိုင်ပါတယ်။မင်းကွတ်သီးမှ

ာ ဇန်သုန်းအမျိုးအစားပေါင်း (၄၀) ကျော်ပါဝင်ပြီး အယ်ဖာ မန်ဂိုစတင် ၊ ဂါမာ မန်ဂိုစတင်  နဲ့ ဂါစီနုန်း အီး တို့ကတော့ အထင်ရှားဆုံးဖြစ်ပါတယ်။ 

 အမျိုးအစားတစ်ခုချင်းစီမှာ ထူးခြားတဲ့ဆေးဖက်ဝင်အာနိသင်တွေ ပေးတာခြင်းလည်း နည်းနည်းစီကွဲပြားပါတယ်။

 

 အဓိကပေးတဲ့အာနိသင်တွေကတော့ -

(၁) အရောင်ကျစေတဲ့အာနိသင် (Anti-inflammatory action)

(၂) အလာဂျီများကို သက်သာစေခြင်း (Anti-allergic action)

(၃) ကင်ဆာရောဂါသက်သာစေသောအာနိသင် (Anti-cancer action)

တို့ပဲဖြစ်ပါတယ်။

 

အရောင်ကျစေတဲ့ အာနိသင်ကို လေ့လာတဲ့အခါမှာ ဇန်သုန်းဟာ သွေးထဲမှာရှိတဲ့ C-reactive protein (ရောင်ရမ်းရင်ထွက်လာတဲ့ဓာတ်ပစ္စည်း )တွေကို

ကျစေတာတွေ့ရပါတယ်။

 

အလာဂျီများကို သက်သာစေတဲ့အာနိသင် ကို လေ့လာတဲ့အခါမှာ မင်းကွတ်သီးရဲ့ ဇန်သုန်းဟာတွေဟာ အလာဂျီဖြစ်စေတဲ့ အဓိကဓာတ်ပစ္စည်းတွေဖြစ်တဲ့

ဆီရိုတိုနင် (Serotonin)၊ ဟစ်တမင်း(Histamine)နဲ့ ပရော်စတာဂလေဒင် အီးတူး (Prostaglandin E2) တို့ရဲ့ ထုတ်လုပ်မှုကိုလည်း ဟန့်တားနိုင်စွမ်းရှိပါတယ်။

 

 

 ကင်ဆာရောဂါသက်သာစေသောအာနိသင်ကို လေ့လာတဲ့အခါမှာတော့ မင်းကွတ်သီးဟာ ကင်ဆာရောဂါ ကာကွယ်ရေးမှာရော၊ တိုက်ဖျက်ရေးမှာပါ

အသုံးဝင်တဲ့ သဘာဝသစ်သီးတစ်မျိုး ဖြစ်ပါတယ်။မင်းကွတ်သီး အပြင်အကာပိုင်းမှာ ကင်ဆာတိုက်ဖျက်နိုင်တဲ့ဓာတ်ပစ္စည်း (Phytochemicals)

တွေ များစွာပါဝင်နေတာ တွေ့ရပါတယ်။မင်းကွတ်သီးအခွံမှာပါဝင်တဲ့ ဇန်သုန်း ဟာ

ကင်ဆာဆဲလ်တွေဖြစ်တဲ့ အစာအိမ်ကင်ဆာ၊ အူမကြီးကင်ဆာ၊ အဆုတ်ကင်ဆာ၊ ရင်သားကင်ဆာ၊ ဆီးကျိတ်ကင်ဆာ၊ အရိုးကင်ဆာတို့

ကိုသက်သာစေကြောင်းတွေ့ခဲ့ရတယ်။ကျန်တဲ့ကင်ဆာတွေကိုလည်း ဆက်လက်လေ့လာနေဆဲ ဖြစ်ပါတယ်။

 

ဒီကနေ့ ကျွန်တော်တို့နိုင်ငံမှာ ကင်ဆာရောဂါဖြစ်ပွားတဲ့နှုန်းဟာ တဖြည်းဖြည်း မြင့်တက်လို့ လာနေပါတယ်။ကင်ဆာဖြစ်စေတဲ့

အကြောင်းရင်းတွေထဲမှာ အဓိကကျတာကတော့ လူတွေရဲ့ အနေအထိုင်၊ အစားအသောက် မှားယွင်းလို့ ဖြစ်ရတာပါ။ အစားအစာနဲ့ပတ်သက်ရင်

ကင်ဆာအားပေးတဲ့ အစားအစာတွေကိုရှောင်ကြဉ်ပြီး ကင်ဆာကိုကာကွယ်တိုက်ဖျက်နိုင်တဲ့ အစားအစာတွေကို နေ့စဉ်စားပေးမယ်ဆိုရင် ကင်ဆာဖြစ်ဖို့အလားအလာကို လျော့နည်းစေမှာ အမှန်ပဲဖြစ်ပါတယ်။ အဲ့ဒီအထဲမှာ မင်းကွတ်သီးဖျော်ရည်ဟာလည်း ကင်ဆာမဖြစ်အောင် ကာကွယ်နိုင်စွမ်းရှိလို့ မကြာခဏ သောက်သုံးသင့်ပါကြောင်း အကြံပြုပြောကြားလိုပါတယ်။

 

**အကြံပြုချက်**

 

 မင်းကွတ်သီးဖျော်ရည် ပြုလုပ်ပုံအဆင့်ဆင့်

 

 မင်းကွတ်သီးရဲ့အတွင်းသား (White flesh) ကတော့ စားလို့ရတော့ ဒီအတိုင်းစားလေ့ရှိကြပါတယ်။ဒါပေမယ့် အပြင်သားကျတော့ စားလေ့မရှိတော့

ဆေးဘက်ဝင်အနေနဲ့ဆိုရင် ဖျော်ရည်လုပ်သောက်မှ အဆင်ပြေပါတယ်။ အတွင်းသားကို ဇွန်းနဲ့ဖယ်လိုက်ရင်အပြင်ပိုင်း မာကြောတဲ့အခွံနဲ့

အတွင်းပိုင်း ပျော့တဲ့အခွံ ရှိပါတယ်။ ပျော့တဲ့အခွံကိုပဲ ဇွန်းနဲ့ခြစ်ပြီး ယူရပါတယ်။ အပြင်ပိုင်း အမာသားနဲ့ ကပ်နေတာတွေတော့ မယူသင့်ပါဘူး။

အင်မတန်ခါးလို့ ဖြစ်ပါတယ်။ အဲ့ဒီအခွံပျော့တွေမှာ အာနိသင်ထက်မြက်တဲ့ ဇန်သုန်းလို့ခေါ်တဲ့ ဖလေဗိုနွိုက်တွေ ပါဝင်နေပါတယ်။

 

ကျန်းမာပျော်ရွှင်ကြပါစေ။