【 ဆောင်းပါး 】ဖောက်သည်တန်ဖိုး ခရီးစဉ် (Customer Value Journey)

【 ဆောင်းပါး 】ဖောက်သည်တန်ဖိုး ခရီးစဉ် (Customer Value Journey)

ရင်းနှီသော မိတ်ဆွေများက စာရေးသူကို အားကိုးတကြီး မေးကြပါသည်။ အောင်မြင်သော ဈေးကွက်ထိုးဖောက်မှုဖြစ်ရန် ဘာတွေလိုအပ်ပါသလဲ ဟူ၍ မေးကြခြင်း ဖြစ်ပါသည်။ အောင်မြင်သော ဈေးကွက်ထိုးဖောက်မှုဖြစ်ရန် အဓိကအချက်နှစ်ချက် လိုအပ်ပါသည်။ (၁) သင့်ဖောက်သည်ကို လုံးဝနားလည်ရမည်။ (၂) ဖောက်သည်ကို လုံးဝ နားလည်ဖို့ဆိုသည်မှာ လွယ်လွယ်နှင့်မရနိုင်ဟူသော အချက်ဖြစ်သည်ကို လက်ခံထားဖို့  ကြိုးစားဖို့ ဖြစ်ပါသည်။ သင် ဒါကို သိပြီးသား ဆိုပါစို့။ ဒါဆို သင့်တွင် ဖောက်သည်တန်ဖိုးခရီးစဉ် မြေပုံရှိပြီလား။
 
အကြံပြုလိုသည်မှာ ရိုးရိုးရှင်းရှင်းပဲ လုပ်ပါ။ ဖောက်သည်တန်ဖိုး ခရီးစဉ်သည် ခြေလှမ်းတစ်လှမ်းခြင်း သွားရသော လုပ်ငန်းစဉ်ဖြစ်သည်။ ခြေလှမ်းတစ်လှမ်းခြင်းစီတွင် ဖောက်သည်ဖြစ်လာအောင် ဆွဲဆောင်ခြင်း၊ အလားအလာရှိသူများကို ဝယ်ယူသောဖောက်သည်အဖြစ် ပြောင်းလဲခြင်းနှင့် ၎င်းတို့ကို အခါခါပြန်လာဝယ်ယူသူများ ဖြစ်စေခြင်းဖြစ်စဉ်တို့ ပါဝင်သည်။ ဤခရီးစဉ်သည် လက်မလွှတ်သင့်သော အလွန်တန်ဖိုးရှိသည့် Digital Marketing Tool ဖြစ်သည်။ ဤခရီးစဉ်သည် ဝယ်ယူသောဖောက်သည်များ တိုးပွားလာအောင် ကူညီပေးသည့်နည်းတူ ရောင်းအားနှင့် ရင်းနှီးမြှုပ်နှံမှုအပေါ်မှ ပြန်လည်ရရှိမှု - ROI (Return On Investment) ကိုပါ တိုးတက်လာအောင် ကူညီပေးသည်။
 
ဖောက်သည်တန်ဖိုးခရီးစဉ်အတွက် ခြေလှမ်းအဆင့် များက ဘာလဲ
 
ဖောက်သည်တန်ဖိုးခရီးစဉ်သည် ခြေလှမ်းအဆင့် ၈ဆင့်ပါသော လုပ်ငန်းစဉ် ဖြစ်သည်။ အမြဲတန်း ဖြောင့်ဖြူးနေသော လမ်းတော့ မဟုတ်ပါ။ သင့်ဖောက်သည်များအတွက် လမ်းပြမြေပုံဆွဲလိုက်မည်ဆိုပါက သင့်အနေဖြင့် ကြွယ်ဝများပြားသော အကျိုးကျေးဇူးများ ရမည်ဖြစ်သည်။ အောက်ပါ အဆင့်များဖြင့် ဖော်ဆောင်ရမည် ဖြစ်သည်။
 
အဆင့်-၁ - သိစေခြင်း (Aware)
 
ကျွနှ်ုပ်တို့၏ စိတ်ကို ကြော်ငြာအမျိုးမျိုးဖြင့် ဆွဲဆောင်ရန် လိုအပ်သကဲ့သို့ မိမိတို့ အလိုချင်ဆုံးဖောက်သည်၏ အာရုံကို အတိအကျ ဖမ်းစားနိုင်ရန် ထူးခြားပေါ်လွင်သောနည်းလမ်း ရှာဖွေရန်သည်လည်း အရေးကြီးပါသည်။ ထိုသို့ဖြစ်စေရန်အတွက် ကိုယ်ပိုင်စကားလုံးများဖြင့် ဖမ်းစားပြီး ယင်းနှင့်လိုက်ဖက်သော ပုံများသုံးခြင်းဖြင့် ၎င်းဖောက်သည်များ၏ စိတ်ဝင်စားမှုကို သိမ်းပိုက်ပြီး မိမိကြော်ငြာကို လက်မလွတ်တမ်း ကြည့်ချင်စေရန် ဖန်တီးလိုက်ပါ။ ထိုကြော်ငြာပုံစံကို Facebook ကြော်ငြာအပါအဝင် ဘလော့ပို့စ်များ၊ လူမှုကွန်ရက်ပို့စ်များ၊ တစ်ဆင့်စကားတစ်ဆင့်နား ကြော်ငြာများ၊ Webinar၊ ပွဲများ အစရှိသည့် Top of Funnel Content တွင် ထည့်သွင်း အသုံးပြုရန် ဖြစ်သည်။
 
အဆင့်- ၂- ပါဝင်ထိတွေ့စေခြင်း (Engage)
 
ဝယ်ယူ စားသုံးမည့်သူများ၏ အာရုံကို ဆွဲယူနိုင်ခြင်းသည် ၎င်းတို့က သင့်ကို ရပ်ကြည့် သတိပြုမိအောင်သာ လုပ်ဆောင်နိုင်သည်။ သူတို့၏ ပါဝင်ထိတွေ့ပတ်သက်မှု ရလာအောင် မလုပ်နိုင်ှင် အချည်းနှီးသာ။ ဖောက်သည်တန်ဖိုးခရီးစဉ်၏ ဤအဆင့်တွင် သင်ရည်စူးထားသော ပရိတ်သတ်က သင့်ဆောင်းပါးကိုဖတ်ခြင်း၊ သင့်ဗီဒီယိုကိုကြည့်ခြင်း၊ သင့်Chatbox(CB)တွင် မေးခွန်းများလာမေးခြင်း စသဖြင့် သင့် လှုမှုကွန်ရက်ပေါ်တွင် တင်ထားသော ပို့စ်များအနက် တစ်ခုခုမှ တုံ့ံ့န်ပါဝင်ထိတွေ့မှုကို ရရှိလာသင့်သည်။ ပါဝင်ထိတွေ့မှုသည် ဤအဆင့်တွင် စတင်နိုင်သင့်သည်၊၊ ဖောက်သည်တန်ဖိုးခရီးစဉ် တစ်လျှောက်၏ အဆင့်တိုင်းတွင် ပရိသတ်၏ ပါဝင်ထိတွေ့နိုင်မှုကို ရှာဖွေသင့်သည်။ လုံးဝအမှားအယွင်းမရှိသင့်ပေ၊၊ သူတို့၏ ပါဝင်ထိတွေ့မှုမရှိပဲနှင့် ကုမ္ပဏီအပေါ် သူတို့၏ ရင်ခုန်လှုပ်လျားစိတ်ဝင်စားမှုကို ရရှိနိုင်မည်မဟုတ်ပေ။
 
အဆင့်- ၃- ကြိုတင်စာရင်းသွင်းမှာယူခြင်း (Subscribe)
 
သင့်ပရိတ်သတ်က ပါဝင်ထိတွေ့မှု ရလာပြီဆိုသည်နှင့် သင်သည် သူတို့ကို ဆက်သွယ်ရမည့် နည်းလမ်းကို ရယူရတော့မည်။ သို့မှသာ သူတို့အား အဆက်အသွယ်မပြတ် ထပ်မံဆက်သွယ်နိုင်မည် ဖြစ်သည်။ အလွယ်ကူဆုံး ရရှိနိုင်သည့် နည်းလမ်းမှာ Lead Magnet ဟုခေါ်သော သူတို့အား ဈေးလျော့ ကုတ်နံပါတ်လက်ဆောင်ပေးခြင်း၊ webinar, white paper, ebook, template စသည့် စိတ်ဝင်စားစရာ လက်ဆောင်တစ်မျိုးမျိုး နှင့် ၎င်းတို့၏ ဆက်သွယ်ရန် သတင်းအချက်အလက်များ (အမည်၊ အီးမေးလ်လိပ်စာ၊ အိမ်လိပ်စာ၊ ရုံးလိပ်စာ၊ ဖုန်းနံပါတ် စသည်) အပြည့်အစုံနှင့် လဲလှယ်ခြင်းဖြစ်သည်။ သို့ဖြင့် သူတို့အား email marketing ဖြင့် ဆက်သွယ်နိုင်မည်ဖြစ်သည်။ သူတို့က အဆိုပါ သတင်းအချက်အလက်များကို ဖောင်ပုံစံတစ်ခုတွင်ဖြည့်ပေးမည်ဖြစ်ပြီး သင်က သဘောတူထားသည့် လက်ဆောင်တစ်ခုခုကို ပေးရမည်ဖြစ်သည်။ သို့ဆိုသည့်အတွက် အလွန်လွယ်သည်ဟု ထင်စရာဖြစ်သော်လည်း လက်ရှိအခြေအနေတွင် ယခင်လောက် မလွယ်တော့ပါ။ လူများသည် (ယခု အခါတွင်) အခမဲ့ လက်ဆောင်များ ဗုန်းပေါလအော ရနေကြသည်၊ ထို့ကြောင့် မိမိပေးသော လက်ဆောင်သည် အများနဲ့မတူ ထူးခြားပေါ်လွင်ပြီး တန်ဖိုးများစွာပေးနိုင်ရမည်ဖြစ်သည်။ သို့ဖြစ်၍ ပေးသော လက်ဆောင်သည် e-book, လမ်းညွှန် (guide) သို့မဟုတ် အကြံပေးချက် အတိုလေးများ ပါသော စာရွက် (tip sheet) စသည်တို့ဖြစ်နေပါက ပိုမို စွဲမက်စရာကောင်းမှ ဖြစ်မည်။ အခမဲ့ Online အစည်းအဝေး/ သင်တန်း (Webinar)၊ နည်းပြ သရုပ်ပြ ဗီဒီယို (Demo)၊ ပစ္စည်းမထွက်ခင် အကြိုတွေ့မြင်သိရှိစေခြင်း (sneak peek) ၊ ပစ္စည်းနမူနာပေးခြင်း/ အခမဲ့ဝန်ဆောင်မှုပေးခြင်း တို့ဖြင့် စမ်းသပ်ကြည့်ပါ၊၊ အပေါ်မှာ ဖော်ပြခဲ့သော အဆင့် ၁ နှင့် ၂ ကို ကောင်းစွာလုပ်ခဲ့နိုင်ပြီဆိုပါက ထို ဖောက်သည်ဖြစ်ရန် အလားအလားရှိသူသည် သင့်အပေါ်စတင် ယုံကြည်လာပြီဖြစ်သည့်အတွက် သင့်ထံမှ ထပ်မံ ရချင်တာ ရှိနေပြီ ဖြစ်မည်။ သူတို့ တကယ်လိုချင်တာကိုသာ သင်ပေးနိုင်ပြီဆိုပါက သင်သည် ကြိုတင်စာရင်းသွင်းမှာယူသူ အများအပြားကို ရတော့မည် ဖြစ်သည်။
 
အဆင့် - ၄- ကူးပြောင်းခြင်း (Convert)
 
အကယ်၍ မိမိစာရင်းဝင်ဖြစ်လာစေရန် ပေးသောလက်ဆောင်များသည် ကောင်းစွာအလုပ်ဖြစ်ပြီး သင်ရည်စူးထားသူသည်လည်း မှန်ကန်သောရွေးချယ်မှု ဖြစ်ခဲ့ပါက သူသည် သင့်ဖောက်သည်ဖြစ်ရန် လိုလားသူဖြစ်လာမည်ဖြစ်သည်။ သင့်အနေဖြင့် သူတို့ အလွယ်တကူ ကူးပြောင်းလာအောင် ဖန်တီးပေးရန်သာ လိုပါတော့သည်။ များသောအားဖြင့် ဤကူးပြောင်းခြင်းအဆင့် ဖြစ်လာအောင် အကောင်းဆုံးလုပ်ဆောင်ရန်မှာ တန်ဖိုးရှိသော်လည်း တာဝန်သိပ်မကြီးသော ကမ်းလှမ်းချက်ဖြင့် လုပ်ဆောင်ရန်ဖြစ်သည်။ ဤ ကမ်းလှမ်းချက်သည် အမြတ်အစွန်းရရှိရေးနှင့် လုံးဝသက်ဆိုင်ခြင်းမရှိပဲ၊ အလားအလာရှိသူမှ ဝယ်ယူသော ဖောက်သည်အဖြစ် အသွင်ကူးပြောင်းစေရေးသာ အဓိကဖြစ်သည်။  သင့်အနေဖြင့် ထိုအတွက် ကုန်ကျစရိတ်ကို ကာမိနိုင်မည်ဆိုပါက ရွှေရောင် တဝင်းဝင်းဖြစ်တော့မည့် အခြေအနေဖြစ်သည်။
 
အဆင့်- ၅- စိတ်လှုပ်ရှားပျော်ရွှင်စေခြင်း (Excite)
 
“လူတွေက ဈေးဝယ်ရတာကို နှစ်သက်ကြတယ်၊ ဘာကြောင့်များလဲ။ ဘာကြောင့်လဲ ဆိုတော့ သူတို့ကို ခံစားချက်ကောင်း ပေးလို့ပါပဲ။ အဲဒီ ပစ္စည်းအသစ်ဝယ်လို့ ဖြစ်ပေါ်လာတဲ့ ကောင်းသောခံစားချက်ဟာ ဈေးဝယ်ချိန်မှာ ကိုယ်ခန္ဓာကထွက်လာတဲ့ Dopamine လို့ခေါ်တဲ့ ဓာတ်ကြောင့်ပါ။” သင်က ထိုစိတ်လှုပ်ရှားပျော်ရွှင်မှုကို အခွင့်ကောင်းယူ အသုံးချရမည်ဖြစ်သည်။ သင့် ဖောက်သည် အသစ်များ၏ ပစ္စည်းအသစ် ဝယ်ယူရာမှာ စိတ်လှုပ်ရှားပျော်ရွှင်မှု ဖြစ်အောင် များများလုပ်ပေးနိုင်လေ၊ သင့်အနေနဲ့ သူတို့အပေါ်မှာ များများလွှမ်းမိုးနိုင်လေ ဖြစ်သည်။ ဖောက်သည်တန်ဖိုး ခရီးစဉ်၏ ဤ အဆင့်တွင် သင်သည် သူတို့ အံ့ဩပျော်ရွှင်အောင် အပိုဆောင်းဆုများ၊ သူတို့ မျှော်လင့်မထားသော လက်ဆောင်များ သို့မဟုတ် ချက်ခြင်းမဲဖောက်ပေးခြင်း စသည်တို့ဖြင့် မလိုင်များများ ဆမ်းပေးချင်လိမ့်မည်။
 
အဆင့်- ၆- မြင့်တက်စေခြင်း (Ascend)
 
သင့်ထံမှာ ဝယ်ယူခြင်း သည် သူတို့အဖို့ စိတ်လှုပ်ရှားပျော်ရွှင်မှုကို ပေးပါက သူတို့သည် သင့်ထံမှာ တစ်ခါဝယ်ဖူးသည် နှင့် နောက်တစ်ခါ ထပ်လာဝယ်ရန် သေချာသလောက်ရှိသည်။ သူတို့ဝယ်ယူနေစဉ်မှာ သူတို့ကို ရလဒ် ပိုကောင်းစေမည့် တစ်ခုခုကို ကမ်းလှမ်းလိုက်ပါ။ သင့်အနေနှင့် တံဆိပ်တူ မူကွဲ ပစ္စည်းအမျိုးမျိုး (Product Dept)ကို လှည့်ပေးပါ သို့မဟုတ် သင့် အတွက်သာပစ္စည်း (Done-for-you product)ကို ပေးပါ။ သင်၏ Marketing ဗျူဟာဖြင့် သူတို့ကို တွန်းအားပေးနေသမျှကာလပတ်လုံး ဤကဲ့သို့ ဆက်ဖြစ်နေဦးမည်သာ။ သင် အခါအားလျော်စွာ ထိတွေ့ဆက်သွယ် နေသရွေ့ ပိုမိုကျယ်ပြန့်သော ကမ်းလှမ်းချက်ကို ဝယ်ယူခြင်း၊ အဖွဲ့ဝင်ခြင်းများ (သို့မဟုတ်) အလားတူပစ္စည်းများကို ဝယ်ယူခြင်းများအား သူတို့ဆက်လုပ်နေမည်သာဖြစ်သည်။ ဒီအဆင့်မှာတော့ အမြတ်ရဖို့ တကယ်စတင်နိုင်ပါပြီ။ သင့်ဖောက်သည်က သင့်ထံမှာ တစ်ကြိမ် သို့မဟုတ် ထိုထက်ပိုဝယ်ယူလာပါက၊ လက်ခမောင်းခတ်ပေရော့၊ သင်သည် ဖောက်သည်တန်ဖိုးကို သူတို့ဘဝတစ်သက်စာ ပေးလိုက်နိုင်ပြီဟု ယူဆနိုင်သလို ဖောက်သည်သစ်များကိုလည်း သူတို့တတ်နိုင်တဲ့ဈေးနဲ့ ဝယ်နိုင်အောင် စည်းရုံးပြီးသားလည်း ဖြစ်နေပါပြီ။
 
အဆင့်- ၇ -  ကိုယ်စား ပြောပေးမယ့်သူ (Advocate)
 
Bright Local ၏ သုတေသနအရ ၈၉% သော စားသုံးသူများသည် လက်တွေ့သုံးစွဲ စားသုံးသူ၏ ခံစားချက်အမြင်အား ယုံကြည်ရသူ မိတ်ဆွေတစ်ဦး၏ ထောက်ခံချက်ကဲ့သို့ပင် လက်ခံယုံကြည်ကြသည်ဟု သိရသည်။
ဖောက်သည်အသစ်တစ်ယောက်က သင့်ထံမှ ပထမဦးဆုံးအကြိမ်ဝယ်ယူချိန်ဟာ သူ့အတွက် (သူဝယ်တဲ့ ပစ္စည်းနဲ့ပတ်သက်ပြီး) စိတ်အလှုပ်ရှား အပျော်ရွှင်ဆုံး အချိန်ပါပဲ။ ဒီ အချိန်ဟာ သူ့အတွေ့အကြုံနဲ့ပတ်သက်ပြီး သူများကို ပြောပြချင်စိတ် အများဆုံးအချိန်လည်းဖြစ်ပါတယ်။ ဖောက်သည်တန်ဖိုး ခရီးစဉ်ရဲ့ ဒီအဆင့်မှာတော့ လူများစုဟာ ပျော်ပျော်ကြီး သတင်းဖြန့်ချင်တဲ့စိတ် ဖြစ်တတ်ပါတယ်။ သို့ရာတွင် သူတို့ကို မေးဖို့တော့ လိုအပ်ပါတယ်။ ဒါကြောင့် (online ဝယ်ယူခြင်းတွေမှာ) အော်ဒါ အတည်ပြု ခလုတ် နဲ့ အတူ Share ခလုတ်ပါ တစ်မျက်နှာထဲမှာ  ထည့်ထားပေးရပါမည်။ သူတို့ဝယ်လိုက်တဲ့ပစ္စည်း/ ဝန်ဆောင်မှု လက်ခံရရှိတဲ့ အချိန်မှာ အလိုအလျောက်ပို့ဖို့စီစဉ်ထားတဲ့ အီးမေးလ်တစ်စောင် ပို့လွှတ်ပြီး သူတို့ရဲ့ ခံစားချက်အမြင် (Review) ကို မေးမြန်းသင့်ပါတယ်။ သင်သာ ဒီလိုထောက်ခံချက်မျိုးရခဲ့မယ်ဆိုှင် လူမှုသက်သေ တိုးမြှင့်လို့ရပါပြီ၊ ဒါကလည်း  အရောင်းရရှိရေး အတွက် အလေးထားရမည့် ကြီးမားသော အခွင့်အလမ်းတစ်ရပ် ဖြစ်သည်။ 
 
အဆင့်- ၈ - မြှင့်တင်ပေးခြင်း
 
ကိုယ်စားပြောပေးမည့်သူ (Advocate) အဆင့်သည် သွယ်ဝိုက်သော အဆင့်ဆိုပါက ဤမြှင့်တင်ပေးခြင်း (Promote) အဆင့်သည် တိုက်ရိုက်အဆင့်ဖြစ်သည်။ ဤအဆင့်သည် မိမိ၏ သစ္စာရှိသော ဖောက်သည်က အခြားသူများကို မိမိ၏ ပစ္စည်းနှင့် ဝန်ဆောင်မှုများ အကြောင်းကို တက်ကြွစွာ ထွက်ပြောသော အဆင့်ဖြစ်သည်။ သူတို့ ဘာကြောင့်ထိုသို့ လုပ်ကြသနည်းဆိုသော် သူတို့တကယ်ယုံကြည်မှုရှိကြ၍ ဖြစ်သည်။ (ထို့ပြင် အချို့ဖြစ်ရပ်များတွင် သူတို့အား ထိုသို့လုပ်ပေးရန် ဆုပေးထားသောကြောင့် လုပ်ပေးခြင်းဖြစ်သည်။) ဖောက်သည်အသစ်အား အခြားသူများကို ထောက်ခံပေးှင် ဆုလက်ဆောင်ရမည့် အစီအစဉ်သို့ ဝင်ရောက်ခွင့်ပေးလိုက်ပါ။ ဥပမာ- Hello Fresh, Dropbox, and Evernote ကဲ့သို့ ကုမ္ပဏီများစွာက လက်ရှိဖောက်သည် တစ်ယောက်သည် ၎င်း၏ မိတ်ဆွေတစ်ဦး (၎င်းက ဖိတ်ခေါ်ထားသော မိတ်ဆွေ) က စာရင်းသွင်း (Sign up) လုပ်ှင် ၎င်း၏နောက်တစ်ကြိမ် ဝယ်ယူမှုအပေါ်ကျသင့်ငွေမှ money off လျော့ဈေး ခံစားခွင့် ပေးထားသည်။ အခြားကုမ္ပဏီများဖြစ်သော Shopify, Bluehost နှင့် BigCommerce တို့ကမူ “အသင်းဝင် ပွင့်စုံ အစီအစဉ်” (Full-blown Affiliate Programs)ဖြင့် သူတို့၏အသင်းဝင် (Affiliate) များအနေဖြင့် အခြားသူများကို ထောက်ခံစည်းရုံးပေးှင် ကော်မရှင်ခံစားခွင့် ပေးထားသည်။
 
ဖောက်သည်တန်ဖိုးခရီးစဉ်အတွက် မြေပုံ ဘာလို့လိုတာလဲ
 
စိတ်ကူးပုံဖော်ထားသည့် ဖောက်သည်တန်ဖိုးခရီးစဉ် မြေပုံသည် အောက်ပါတို့ကို ဆောင်ရွက်ရာတွင် လွယ်ကူစေသည်။
 
Marketing လှုံ့ဆော်ရေး အစီအစဉ်ရေးဆွဲခြင်း၊
 
ဖောက်သည် သွားမည့်လမ်းကြောင်းကို မြင်နိုင်ခြင်း၊
 
အလာအလားရှိသော ဖောက်သည်များ လက်လွတ်မသွားရေးအတွက် မည်သည့်နေရာအား တိုးတက်အောင် လုပ်ဖို့လိုသည်ကို ဖော်ထုတ်နိုင်ခြင်း။
 
မိမိတို့၏ ဖောက်သည်ခရီးစဉ်ကို အရှင်းလင်းဆုံးပုံဖော်ထားသော ကုမ္ပဏီများသည် အောင်မြင်သူများဖြစ်ကြသည်။ “၂၀၁၈ ဖောက်သည်ခရီးစဉ် လမ်းပြမြေပုံရေးဆွဲခြင်း အပေါ် အစီရင်ခံချက်” အရ  ၉၀%သော ဖောက်သည်တန်ဖိုးခရီးစဉ် မြေပုံ ရေးဆွဲအသုံးပြုသည့် ကုမ္ပဏီများက အပြုသဘောဆောင်သော ရလဒ်များရရှိခဲ့သည်ဟု ဆိုသည်။ ဒါအကုန်ပဲလား ဆိုတော့ မဟုတ်သေးပါ။ ဖောက်သည်တန်ဖိုး ခရီးစဉ် မြေပုံမှ အောက်ပါ ထပ်ဆောင်းအကျိုးကျေးဇူးများကို လည်း ရရှိစေသေးသည်။
 
အရောင်းလုပ်ငန်းစဉ်မှ ဟာကွက်များကို မီးထိုးပြသည်။
 
ဈေးကွက်ထိုးဖောက်သူများကို ၎င်းတို့၏ ရလဒ်များအား တိုင်းတာ၍ ရစေနိုင်သည်၊ တိုးတက်မှုကို အစွမ်းကုန်မြှင့်တင်နိုင်စေသည်၊ အရောင်းလုပ်ငန်းစဉ်ကိုလည်း ချုံ့နိုင်စေသည်။
 
ဘယ်နေရာက ဖောက်သည်နှင့် အလားအလာရှိသူများကို ဆုံးရှုံးစေသည်၊ ဘယ်နေရာက စိတ်ဝင်စားမှု အရဆုံး နှင့် ပါဝင်ထိတွေ့မှု အရဆုံး ဆိုတာကို မြင်စေနိုင်သည်။
 
ကုမ္ပဏီအနေဖြင့် ဖောက်သည်ကို ပိုမို သဘောပေါက်နားလည်စေရန် ပံ့ပိုးပေးသလို စံပြဖောက်သည်အစစ်က ဘယ်လိုမျိုးလဲ သူတို့လိုချင်တာက ဘာလဲ ဆိုသည်ကို ထက်ထက်မြက်မြက် သိနိုင်စေသည်။ ဖောက်သည်များ၏ အတွေ့အကြုံကိုလည်း ပိုမိုတိုးတက်စေသည်။
 
မြေပုံမပါလျင် လွတ်ထွက်သွားနိုင်ချေရှိသော အရောင်းအခွင့်အလမ်းများကို ဈေးကွက်ထိုးဖောက်သူက သတိထားသိမြင်လာနိုင်စေသည်။
 
အချုပ်ဆိုရသော် ဖောက်သည်တန်ဖိုးခရီးစဉ်မြေပုံသည် ကုမ္ပဏီများ အနေဖြင့် ဖောက်သည်၏ နေရာမှ (ဖောက်သည်၏ မျက်လုံးဖြင့်) ဝင်ကြည့်လို့ရနိုင်စေသည်။ မိမိ၏ တံဆိပ်အပေါ် တုံ့ံ့န်ခြင်းနှင့် တံဆိပ်ကို ဝယ်ယူခြင်းအပေါ် အမြင်ကို ရှင်းလင်းစွာ သိမြင်စေနိုင်သည်။ ထိုမြေပုံမပါ ပါက မှန်းဆကစားပွဲ သာဖြစ်နေပြီ၊၊ ဖောက်သည်တန်ဖိုးခရီးစဉ်သည် သင့်ဈေးကွက်ထိုးဖောက်ရေးဗျူဟာ၏ အဓိကသော့ချက် တစ်စိတ်တစ်ပိုင်းဖြစ်သည်။ အလားအလာရှိသော ဖောက်သည်အား အူမြူးရယ်မောနေသောအမာခံ ပရိသတ် အဖြစ်ပြောင်းလဲစေရန် ကူညီသည်။ ဤနေရာအထိ ဖတ်ပြီးပြီဆိုှင် သင်သည် ဖောက်သည်တန်ဖိုးခရီးစဉ်အတွက် မြေပုံဆွဲခြင်း၏တန်ဖိုးကို သိမြင်ပြီးဖြစ်နေပေမည်။ မိတ်ဆွေ သင်ကိုယ်တိုင် စမ်းလုပ်ကြည့်ဖို့ပဲ လိုပါတော့တယ်။ အောင်မြင်ပါစေ။
 
                                                                                                             သက်ထွန်း (သျှမ်း)
 
Source: What Is the Customer Value Journey®? (viralsolutions.net)