【 ဆောင်းပါး 】 “ဗိုင်းရပ်စ်ကြောင့်ရတဲ့ နောက်ထပ်အမုန်းတွေ”

တရုတ်နိုင်ငံတွင်ဖြစ်ပွားလျက်ရှိသော ကိုရိုနာဗိုင်းရပ်စ်က ထိတ်လန့်တုန်လှုပ်စရာကောင်းလှသည်။ဗိုင်းရပ်စ် ကူးစက်ပျံ့နှံ့နေသည့် ဝူဟန်မြို့မြင်ကွင်းကိုပင်ကြည့်။လမ်းများပေါ်တွင် လမ်းသွားလမ်းလာ ရှင်းလင်းနေသည်။လူတွေကလည်း တစ်ယောက်ကို တစ်ယောက် သံသယမကင်းဟန်၊ ဘယ်သူ့ဆီမှာများ ကိုရိုနာဗိုင်းရပ်စ် ကူးစက်ခံထားရပြီလဲဟူသော အတွေးနှင့်။လူမှုရေးမီဒီယာစာမျက်နှာများတွင် ကိုရိုနာဗိုင်းရပ်စ် ကူးစက်ခံထားသူ လူ ၆၇၀၀၀ နီးပါးရှိပြီး သေဆုံးသူပေါင်း ၁၅၂၆ ဦး ရှိနေပြီဟုဆိုသည်။ရောဂါပိုးကူးစက်ပျံ့နှံ့မှုကလည်း အလျင်အမြန်ဆိုသလို ဖြစ်နေသည်။ကိုရိုနာက ကြောက်စရာကောင်းလောက်အောင် ကူးစက်ပျံ့နှံ့နေခြင်းဖြစ်သည်။

သို့တစေ ကိုရိုနာဗိုင်းရပ်စ် ကူးစက်ပျံ့နှံ့မှုကဲ့သို့ပင် အင်တာနက်ပေါ်၌ နောက်ထပ်ပျံ့နှံ့နေမှုကလည်း တုန်လှုပ်စရာကောင်းလှပါသည်။ဆိုရလျှင် ကိုရိုနာဗိုင်းရပ်စ် သတင်းနှင့်အတူ အင်တာနက်ပေါ်တွင် တရုတ်လူမျိုးတို့အပေါ် အမုန်းတရားနှင့် ပြစ်တင်ဝေဖန်မှုများပင်ဖြစ်သည်။တရုတ်လူမျိုးတို့၏ အစားသောင်းကြမ်းမှု၊ စည်းမဲ့ကမ်းမဲ့ အနေအထိုင်ပက်စက်မှု၊ ကိုရိုနာဗိုင်းရပ်စ်ကြောင့် တရုတ်တို့သေဆုံးရသည်မှာ တရုတ်လူမျိုးတို့ကြောင့်ပင် ဖြစ်သည်ဟူသော ပြစ်တင်ကဲ့ရဲ့သံများ လူမှုရေးမီဒီယာတွင် တရစပ်ပျံ့နှံ့နေခြင်းဖြစ်သည်။

ထိုသို့သော ပြစ်တင်ဝေဖန်မှုများအကြားမှာပင် ကိုရိုနာဗိုင်းရပ်စ် အမှုအခင်းမဖြစ်ပွားမီက တရုတ်တို့၏ လူမှုရေးမီဒီယာပေါ်တွင် တင်ထားသော ပို့စ်တစ်ခုကို သာဓကထုတ်ပြလာကြပါသေးသည်။ပို့စ်တွင် တရုတ်အမျိုးသမီးတစ်ဦးက လင်းနို့စွပ်ပြုတ်ဟူသော စားဖွယ်ရာကို စားပြနေပုံဖြစ်သည်။ထိုပို့်စ်နှင့်ပတ်သက်၍ တရုတ်တွေ တွေ့ကရာပေါက်ပန်းဈေးစားလို့ ကမ္ဘာကြီးကို ရောဂါပိုးတွေကူးစက်ကုန်တော့မယ်ဆိုတဲ့ ရေးသားပြောဆိုမှု၊ တရုတ်လူမျိုးတွေ အနေအထိုင်ပရမ်းပတာနိုင်ပြီး အတော်ညစ်ပတ်တဲ့သူတွေဆိုတဲ့ ဝေဖန်သံတွေ၊ တရုတ်တွေနဲ့ပတ်သက်ရင် သတိထားဗျဆိုတဲ့ သတိပေးသံတွေလည်း ထွက်ပေါ်လာခဲ့သည်။

အမှန်တော့ တရုတ်လူမျိုးတွေနဲ့ပတ်သက်တဲ့ ဒီလိုအမြင်မျိုး အပြောမျိုးတွေဟာ အခုမှမဟုတ်ပါဘူး။တရုတ်လူမျိုးတွေနဲ့ပတ်သက်ရင် အားမနာပဲ ပြောဆိုကဲ့ရဲ့ ပြစ်တင်သံတွေဟာ သမိုင်းတစ်လျှောက်မှာ ရှိနေခဲ့တာပဲဖြစ်သည်။တရုတ်လူမျိုးတွေဟာ အရိုင်းအစိုင်းတွေ၊ ခေတ်နောက်ကျ ကျန်ရစ်ခဲ့တဲ့လူတွေ၊ ညစ်တီးညစ်ပတ် တောသားတွေဆိုပြီး နိုင်ငံခြားသားတွေက ခွဲခွဲခြားခြားနှင့် ရှာကြံပြစ်တင်လာခဲ့ကြတာပဲဖြစ်သည်။ဒီလိုအသံမျိုးတွေကို ဒီနေ့ခေတ် လက်တင်အမေရိက က ရွှေ့ပြောင်းအခြေချသူများနှင့် ပတ်သက်ပြီး ရက်စက်ကြမ်းကြုတ်သူတွေ၊ လူစဉ်မမီတဲ့သူ၊ တကယ့်အရိုင်းအစိုင်းတွေဆိုပြီး ဒေါ်နယ်ထရမ့် အပါအဝင် သူ၏အစိုးရအဖွဲ့ဝင် အချို့ထံမှ ပြောဆိုမှုများကိုပင် ကြားခဲ့ကြဖူးပါပြီ။

တကယ်တော့ တရုတ်လူမျိုးတို့ရဲ့ အစားအသောက်နဲ့ပတ်သက်လို့၊ တစ်ကိုယ်ရေသန့်ရှင်းရေးနဲ့ပတ်သက်လို့ အနောက်နိုင်ငံသားတွေက အထင်သေးအမြင်သေး ရှုတ်ချဝေဖန်တာဟာ တရုတ်လူမျိုးတို့အတွက်ကတော့ လှံသွားနဲ့အထိုးခံလိုက်ရသလို နာကျင်ရသည်မှာလည်း အမှန်ပင်ဖြစ်သည်။အနောက်နိုင်ငံသားတို့က တရုတ်လူမျိုးတို့အပေါ် ရှုတ်ချမှုနှင့်ပတ်သက်၍ ၁၉ ရာစုနှစ်လောက်က အဖြစ်အပျက်များကို ပြန်လည်အမှတ်ရစရာ ဖြစ်ရသည်။၁၉ ရာစုနှစ်လောက်ကတည်းက တရုတ်လူမျိုးတို့၏ အစားအသောက်နှင့်ပတ်သက်၍ ပေါက်ပန်းဈေးစားသောက်မှုအပေါ် အထင်သေးအမြင်သေး ကဲ့ရဲ့ပြစ်တင်မှုများရှိခဲ့သည်။

၁၈၅၄ ခုနှစ်လောက်က New York Daily Tribune သတင်းစာနဲ့ အယ်ဒီတာ့အာဘော်မှာ တရုတ်လူမျိုးတွေကို ယဉ်ကျေးမှုမရှိတဲ့ အရိုင်းအစိုင်းတွေ၊ ညစ်တီးညစ်ပတ်တွေ၊ ကာမဂုဏ်အာရုံ လွန်ကျူးတဲ့သူတွေဆိုပြီး ဝါးလုံးချေးသုတ်လိမ်းပြီး ရမ်းလိုက်သည့် ရှုတ်ချကဲ့ရဲ့မှုရှိခဲ့ဖူးသည်။အမှန်တော့ တဏှာရာဂအားကြီးသူတွေဆိုတာ အနောက်နိုင်ငံသားတို့၏ ပင်ကိုယ်စရိုက်ဆိုသည်ကို အားလုံးကအသိဖြစ်သည်။

မည်သို့ဆိုစေ ထိုအချိန်တုန်းက အယ်ဒီတာ့အာဘော်၏ တွန်းတိုးလှုံ့ဆော်မှုကြောင့် သူတို့နိုင်ငံတွင် တရုတ်လူမျိုးတို့၏ အခြေချနေထိုင်နေသောအရေအတွက်ကို လျှော့ချခဲ့သည်။ဒါတင်မက တရုတ်လူမျိုးမုန်းတီးရေးအုပ်စုတို့က သူတို့နိုင်ငံရှိ တရုတ်လူမျိုးတို့ နေထိုင်ရာရပ်ကွက်ကို မီးရှို့သည်။အချို့ဆိုလျှင် တရုတ်လူမျိုးတို့အား သတ်ဖြတ်မှုများပင်ရှိခဲ့သည်။၁၈၇၁ ခုနှစ် ယခုစာရေးသူနေထိုင်နေသော လော့စ်အိန်ဂျယ်လိစ်မြို့တွင် တရုတ်လူမျိုးတို့မှာ ရမ်းကားသောင်းကျန်းသူတို့၏ လက်ချက်ကြောင့် အသေအပျောက်များစွာ ရှိခဲ့ဖူးသည်။

၁၈၈၂ ခုနှစ်တွင် တရုတ်လူမျိုးအရေအတွက်ကန့်သတ်မှု ဥပဒေကို အမေရိကန်ပြည်ထောင်စု လွှတ်တော်က ခွင့်ပြုခဲ့သည်။နောက်ထပ် နိုင်ငံတွင်းသို့ တရုတ်လူမျိုးများ ဝင်ရောက်ခြင်းကို တားမြစ်ပိတ်ပင်ခဲ့သည်။နှစ်ပေါင်း ၆၁ နှစ် ကြာသည်အထိ တရုတ်လူမျိုးတို့ ပြည်ဝင်ခွင့်မရရှိသေးဘဲ ၁၉၄၃ ခုနှစ်ရောက်မှပင် နှစ်စဉ် တရုတ်လူမျိုး ၁၀၅ ဦး အချိုးကျနှုန်းဖြင့် ပြည်ဝင်ခွင့်ပေးခဲ့သည်။

ဒီနေ့ခေတ်တွင် သမ္မတ ထရမ့်၏ ကုန်သွယ်ရေးစစ်ပွဲနှင့်အတူ သူ၏တွစ်တာမှနေ၍ အရည်မရ အဖတ်မရ တရစပ်ထိုးနှက်ဝေဖန်တိုက်မှုအရှိန်က မီးထိုးပေးသကဲ့သို့ဖြစ်နေလေရာ တရုတ်နိုင်ငံအပေါ် ရန်လိုမှုများ ထပ်မံတွေ့ကြုံလာခဲ့ရသည်ဟုပင် ဆိုရချိမ့်မည်။ထိုသို့ရန်လိုအမုန်းများမှုက အမေရိကန်ပြည်ထောင်စုရှိ တရုတ်နွယ်ဖွား အမေရိကန်များ၊ တရုတ်လူမျိုး အမေရိကန်နိုင်ငံသားများကိုပင် ထိခိုက်မှုရှိလာပါသည်။ဆိုရလျှင် တက္ကသိုလ်များနှင့် နည်းပညာကုမ္ပဏီများမှ တရုတ်လူမျိုးဝန်ထမ်းများကို ထုတ်ပယ်မှုများ ရှိလာသည်အထိဖြစ်သည်။

ကိုရိုနာဗိုင်းရပ်စ် ကူးစက်ပျံ့နှံ့မှုသတင်း ထွက်ပေါ်လာချိန်တွင်မူ တရုတ်နိုင်ငံနှင့် ဆက်စပ်မှုရှိနေသော အာရှသားများအားလုံးနီးပါး ရောဂါပိုးကူးစက်ခံထားရသူများအဖြစ် သံသယဝင်ခြင်း ခံကြရသည်အထိဖြစ်သည်။ထိုအကြောင်းနှင့်ပတ်သက်၍ ပြက်လုံးထုတ်သူအချို့ပင် ရှိလာခဲ့သည်။အခုအချိန်မှာ ဘယ်သူတွေ လူမျိုးရေးခွဲခြားလည်းဆိုတာ သိချင်ရင် သူ့ရှေ့မှာချောင်းဆိုးရင် တမင်အသံကျယ်ကျယ်သာဆိုးလိုက်ဆိုပြီး နောက်ပြောင်ခြင်းဖြစ်သည်။နောက်တစ်ခုက တရုတ်ရပ်ကွက်တွေ၊ အာရှသားတွေစုနေသည့် ရပ်ကွက်တွေကို ရှောင်ရှားဖို့ တီးတိုးတီးတိုး သဖန်းဖိုးလုပ်နေတတ်ကြခြင်းဖြစ်သည်။

ကိုရိုနာဗိုင်းရပ်စ် ကူးစက်ခံရမှုများမှာ အာရှသားတွေထိုက်တန်သည်ဟူသော ယူဆပြောဆိုသံများကိုလည်း ကြားလာရသည်။ဂျာမနီနိုင်ငံမှ မိတ်တွေတစ်ဦးဆိုလျှင် အရင်ကတည်းက ဒီမှာလူမျိုးရေးခွဲခြားခံရတာ မသိမသာရှိနေတာပါ။ဒါပေမဲ့ ကိုရိုနာဗိုင်းရပ်စ်ဖြစ်လာတော့ ခွဲခြားမှုကပိုဆိုးလာတယ်။အခုတော့ တို့တစ်တွေ သရော်လှောင်ပြောင်ခံရသလို စက်ဆုပ်ရွံရှာဖွယ်ရာတွေတောင် ဖြစ်လာရပြီပေါ့ သူငယ်ချင်းဟု သူကဆိုသည်။

မည်သို့ဆိုစေ လက်ရှိ ကိုရိုနာဗိုင်းရပ်စ်ဖြစ်ပွားမှုကအသစ်။သူစိမ်းတစ်ရံဆံကြောက်ခြင်းရောဂါနှင့် လူမျိုးရေးခွဲခြားမှုကတော့ အပြစ်မဟုတ် အရင်ကတည်းကရှိပြီးသား။ဗိုင်းရပ်စ်ကို ထိန်းချုပ်သည်ထက် လူမျိုးရေးခွဲခြားမှုကို ထိန်းချုပ်ဖို့ကတော့ ပို၍ခက်ခဲမည်ဟုထင်သည်။

မြင့်နောင်မိုး
Ref : CNN-A new virus stir up ancient hatred by Jeff Yang
ဖေဖော်ဝါရီ - ၁၅
( Zawgyi )
တ႐ုတ္ႏိုင္ငံတြင္ျဖစ္ပြားလ်က္ရွိေသာ ကို႐ိုနာဗိုင္းရပ္စ္က ထိတ္လန႔္တုန္လႈပ္စရာေကာင္းလွသည္။ဗိုင္းရပ္စ္ ကူးစက္ပ်ံ႕ႏွံ႔ေနသည့္ ဝူဟန္ၿမိဳ႕ျမင္ကြင္းကိုပင္ၾကည့္။လမ္းမ်ားေပၚတြင္ လမ္းသြားလမ္းလာ ရွင္းလင္းေနသည္။လူေတြကလည္း တစ္ေယာက္ကို တစ္ေယာက္ သံသယမကင္းဟန္၊ ဘယ္သူ႔ဆီမွာမ်ား ကို႐ိုနာဗိုင္းရပ္စ္ ကူးစက္ခံထားရၿပီလဲဟူေသာ အေတြးႏွင့္။လူမႈေရးမီဒီယာစာမ်က္ႏွာမ်ားတြင္ ကို႐ိုနာဗိုင္းရပ္စ္ ကူးစက္ခံထားသူ လူ ၆၇၀၀၀ နီးပါးရွိၿပီး ေသဆုံးသူေပါင္း ၁၅၂၆ ဦး ရွိေနၿပီဟုဆိုသည္။ေရာဂါပိုးကူးစက္ပ်ံ႕ႏွံ႔မႈကလည္း အလ်င္အျမန္ဆိုသလို ျဖစ္ေနသည္။ကို႐ိုနာက ေၾကာက္စရာေကာင္းေလာက္ေအာင္ ကူးစက္ပ်ံ႕ႏွံ႔ေနျခင္းျဖစ္သည္။

သို႔တေစ ကို႐ိုနာဗိုင္းရပ္စ္ ကူးစက္ပ်ံ႕ႏွံ႔မႈကဲ့သို႔ပင္ အင္တာနက္ေပၚ၌ ေနာက္ထပ္ပ်ံ႕ႏွံ႔ေနမႈကလည္း တုန္လႈပ္စရာေကာင္းလွပါသည္။ဆိုရလွ်င္ ကို႐ိုနာဗိုင္းရပ္စ္ သတင္းႏွင့္အတူ အင္တာနက္ေပၚတြင္ တ႐ုတ္လူမ်ိဳးတို႔အေပၚ အမုန္းတရားႏွင့္ ျပစ္တင္ေဝဖန္မႈမ်ားပင္ျဖစ္သည္။တ႐ုတ္လူမ်ိဳးတို႔၏ အစားေသာင္းၾကမ္းမႈ၊ စည္းမဲ့ကမ္းမဲ့ အေနအထိုင္ပက္စက္မႈ၊ ကို႐ိုနာဗိုင္းရပ္စ္ေၾကာင့္ တ႐ုတ္တို႔ေသဆုံးရသည္မွာ တ႐ုတ္လူမ်ိဳးတို႔ေၾကာင့္ပင္ ျဖစ္သည္ဟူေသာ ျပစ္တင္ကဲ့ရဲ႕သံမ်ား လူမႈေရးမီဒီယာတြင္ တရစပ္ပ်ံ႕ႏွံ႔ေနျခင္းျဖစ္သည္။

ထိုသို႔ေသာ ျပစ္တင္ေဝဖန္မႈမ်ားအၾကားမွာပင္ ကို႐ိုနာဗိုင္းရပ္စ္ အမႈအခင္းမျဖစ္ပြားမီက တ႐ုတ္တို႔၏ လူမႈေရးမီဒီယာေပၚတြင္ တင္ထားေသာ ပို႔စ္တစ္ခုကို သာဓကထုတ္ျပလာၾကပါေသးသည္။ပို႔စ္တြင္ တ႐ုတ္အမ်ိဳးသမီးတစ္ဦးက လင္းႏို႔စြပ္ျပဳတ္ဟူေသာ စားဖြယ္ရာကို စားျပေနပုံျဖစ္သည္။ထိုပို႔္စ္ႏွင့္ပတ္သက္၍ တ႐ုတ္ေတြ ေတြ႕ကရာေပါက္ပန္းေဈးစားလို႔ ကမာၻႀကီးကို ေရာဂါပိုးေတြကူးစက္ကုန္ေတာ့မယ္ဆိုတဲ့ ေရးသားေျပာဆိုမႈ၊ တ႐ုတ္လူမ်ိဳးေတြ အေနအထိုင္ပရမ္းပတာႏိုင္ၿပီး အေတာ္ညစ္ပတ္တဲ့သူေတြဆိုတဲ့ ေဝဖန္သံေတြ၊ တ႐ုတ္ေတြနဲ႔ပတ္သက္ရင္ သတိထားဗ်ဆိုတဲ့ သတိေပးသံေတြလည္း ထြက္ေပၚလာခဲ့သည္။

အမွန္ေတာ့ တ႐ုတ္လူမ်ိဳးေတြနဲ႔ပတ္သက္တဲ့ ဒီလိုအျမင္မ်ိဳး အေျပာမ်ိဳးေတြဟာ အခုမွမဟုတ္ပါဘူး။တ႐ုတ္လူမ်ိဳးေတြနဲ႔ပတ္သက္ရင္ အားမနာပဲ ေျပာဆိုကဲ့ရဲ႕ ျပစ္တင္သံေတြဟာ သမိုင္းတစ္ေလွ်ာက္မွာ ရွိေနခဲ့တာပဲျဖစ္သည္။တ႐ုတ္လူမ်ိဳးေတြဟာ အ႐ိုင္းအစိုင္းေတြ၊ ေခတ္ေနာက္က် က်န္ရစ္ခဲ့တဲ့လူေတြ၊ ညစ္တီးညစ္ပတ္ ေတာသားေတြဆိုၿပီး ႏိုင္ငံျခားသားေတြက ခြဲခြဲျခားျခားႏွင့္ ရွာႀကံျပစ္တင္လာခဲ့ၾကတာပဲျဖစ္သည္။ဒီလိုအသံမ်ိဳးေတြကို ဒီေန႔ေခတ္ လက္တင္အေမရိက က ေ႐ႊ႕ေျပာင္းအေျခခ်သူမ်ားႏွင့္ ပတ္သက္ၿပီး ရက္စက္ၾကမ္းၾကဳတ္သူေတြ၊ လူစဥ္မမီတဲ့သူ၊ တကယ့္အ႐ိုင္းအစိုင္းေတြဆိုၿပီး ေဒၚနယ္ထရမ့္ အပါအဝင္ သူ၏အစိုးရအဖြဲ႕ဝင္ အခ်ိဳ႕ထံမွ ေျပာဆိုမႈမ်ားကိုပင္ ၾကားခဲ့ၾကဖူးပါၿပီ။

တကယ္ေတာ့ တ႐ုတ္လူမ်ိဳးတို႔ရဲ႕ အစားအေသာက္နဲ႔ပတ္သက္လို႔၊ တစ္ကိုယ္ေရသန႔္ရွင္းေရးနဲ႔ပတ္သက္လို႔ အေနာက္ႏိုင္ငံသားေတြက အထင္ေသးအျမင္ေသး ရႈတ္ခ်ေဝဖန္တာဟာ တ႐ုတ္လူမ်ိဳးတို႔အတြက္ကေတာ့ လွံသြားနဲ႔အထိုးခံလိုက္ရသလို နာက်င္ရသည္မွာလည္း အမွန္ပင္ျဖစ္သည္။အေနာက္ႏိုင္ငံသားတို႔က တ႐ုတ္လူမ်ိဳးတို႔အေပၚ ရႈတ္ခ်မႈႏွင့္ပတ္သက္၍ ၁၉ ရာစုႏွစ္ေလာက္က အျဖစ္အပ်က္မ်ားကို ျပန္လည္အမွတ္ရစရာ ျဖစ္ရသည္။၁၉ ရာစုႏွစ္ေလာက္ကတည္းက တ႐ုတ္လူမ်ိဳးတို႔၏ အစားအေသာက္ႏွင့္ပတ္သက္၍ ေပါက္ပန္းေဈးစားေသာက္မႈအေပၚ အထင္ေသးအျမင္ေသး ကဲ့ရဲ႕ျပစ္တင္မႈမ်ားရွိခဲ့သည္။

၁၈၅၄ ခုႏွစ္ေလာက္က New York Daily Tribune သတင္းစာနဲ႔ အယ္ဒီတာ့အာေဘာ္မွာ တ႐ုတ္လူမ်ိဳးေတြကို ယဥ္ေက်းမႈမရွိတဲ့ အ႐ိုင္းအစိုင္းေတြ၊ ညစ္တီးညစ္ပတ္ေတြ၊ ကာမဂုဏ္အာ႐ုံ လြန္က်ဴးတဲ့သူေတြဆိုၿပီး ဝါးလုံးေခ်းသုတ္လိမ္းၿပီး ရမ္းလိုက္သည့္ ရႈတ္ခ်ကဲ့ရဲ႕မႈရွိခဲ့ဖူးသည္။အမွန္ေတာ့ တဏွာရာဂအားႀကီးသူေတြဆိုတာ အေနာက္ႏိုင္ငံသားတို႔၏ ပင္ကိုယ္စ႐ိုက္ဆိုသည္ကို အားလုံးကအသိျဖစ္သည္။

မည္သို႔ဆိုေစ ထိုအခ်ိန္တုန္းက အယ္ဒီတာ့အာေဘာ္၏ တြန္းတိုးလႈံ႕ေဆာ္မႈေၾကာင့္ သူတို႔ႏိုင္ငံတြင္ တ႐ုတ္လူမ်ိဳးတို႔၏ အေျခခ်ေနထိုင္ေနေသာအေရအတြက္ကို ေလွ်ာ့ခ်ခဲ့သည္။ဒါတင္မက တ႐ုတ္လူမ်ိဳးမုန္းတီးေရးအုပ္စုတို႔က သူတို႔ႏိုင္ငံရွိ တ႐ုတ္လူမ်ိဳးတို႔ ေနထိုင္ရာရပ္ကြက္ကို မီးရႈိ႕သည္။အခ်ိဳ႕ဆိုလွ်င္ တ႐ုတ္လူမ်ိဳးတို႔အား သတ္ျဖတ္မႈမ်ားပင္ရွိခဲ့သည္။၁၈၇၁ ခုႏွစ္ ယခုစာေရးသူေနထိုင္ေနေသာ ေလာ့စ္အိန္ဂ်ယ္လိစ္ၿမိဳ႕တြင္ တ႐ုတ္လူမ်ိဳးတို႔မွာ ရမ္းကားေသာင္းက်န္းသူတို႔၏ လက္ခ်က္ေၾကာင့္ အေသအေပ်ာက္မ်ားစြာ ရွိခဲ့ဖူးသည္။

၁၈၈၂ ခုႏွစ္တြင္ တ႐ုတ္လူမ်ိဳးအေရအတြက္ကန႔္သတ္မႈ ဥပေဒကို အေမရိကန္ျပည္ေထာင္စု လႊတ္ေတာ္က ခြင့္ျပဳခဲ့သည္။ေနာက္ထပ္ ႏိုင္ငံတြင္းသို႔ တ႐ုတ္လူမ်ိဳးမ်ား ဝင္ေရာက္ျခင္းကို တားျမစ္ပိတ္ပင္ခဲ့သည္။ႏွစ္ေပါင္း ၆၁ ႏွစ္ ၾကာသည္အထိ တ႐ုတ္လူမ်ိဳးတို႔ ျပည္ဝင္ခြင့္မရရွိေသးဘဲ ၁၉၄၃ ခုႏွစ္ေရာက္မွပင္ ႏွစ္စဥ္ တ႐ုတ္လူမ်ိဳး ၁၀၅ ဦး အခ်ိဳးက်ႏႈန္းျဖင့္ ျပည္ဝင္ခြင့္ေပးခဲ့သည္။

ဒီေန႔ေခတ္တြင္ သမၼတ ထရမ့္၏ ကုန္သြယ္ေရးစစ္ပြဲႏွင့္အတူ သူ၏တြစ္တာမွေန၍ အရည္မရ အဖတ္မရ တရစပ္ထိုးႏွက္ေဝဖန္တိုက္မႈအရွိန္က မီးထိုးေပးသကဲ့သို႔ျဖစ္ေနေလရာ တ႐ုတ္ႏိုင္ငံအေပၚ ရန္လိုမႈမ်ား ထပ္မံေတြ႕ႀကဳံလာခဲ့ရသည္ဟုပင္ ဆိုရခ်ိမ့္မည္။ထိုသို႔ရန္လိုအမုန္းမ်ားမႈက အေမရိကန္ျပည္ေထာင္စုရွိ တ႐ုတ္ႏြယ္ဖြား အေမရိကန္မ်ား၊ တ႐ုတ္လူမ်ိဳး အေမရိကန္ႏိုင္ငံသားမ်ားကိုပင္ ထိခိုက္မႈရွိလာပါသည္။ဆိုရလွ်င္ တကၠသိုလ္မ်ားႏွင့္ နည္းပညာကုမၸဏီမ်ားမွ တ႐ုတ္လူမ်ိဳးဝန္ထမ္းမ်ားကို ထုတ္ပယ္မႈမ်ား ရွိလာသည္အထိျဖစ္သည္။

ကို႐ိုနာဗိုင္းရပ္စ္ ကူးစက္ပ်ံ႕ႏွံ႔မႈသတင္း ထြက္ေပၚလာခ်ိန္တြင္မူ တ႐ုတ္ႏိုင္ငံႏွင့္ ဆက္စပ္မႈရွိေနေသာ အာရွသားမ်ားအားလုံးနီးပါး ေရာဂါပိုးကူးစက္ခံထားရသူမ်ားအျဖစ္ သံသယဝင္ျခင္း ခံၾကရသည္အထိျဖစ္သည္။ထိုအေၾကာင္းႏွင့္ပတ္သက္၍ ျပက္လုံးထုတ္သူအခ်ိဳ႕ပင္ ရွိလာခဲ့သည္။အခုအခ်ိန္မွာ ဘယ္သူေတြ လူမ်ိဳးေရးခြဲျခားလည္းဆိုတာ သိခ်င္ရင္ သူ႔ေရွ႕မွာေခ်ာင္းဆိုးရင္ တမင္အသံက်ယ္က်ယ္သာဆိုးလိုက္ဆိုၿပီး ေနာက္ေျပာင္ျခင္းျဖစ္သည္။ေနာက္တစ္ခုက တ႐ုတ္ရပ္ကြက္ေတြ၊ အာရွသားေတြစုေနသည့္ ရပ္ကြက္ေတြကို ေရွာင္ရွားဖို႔ တီးတိုးတီးတိုး သဖန္းဖိုးလုပ္ေနတတ္ၾကျခင္းျဖစ္သည္။

ကို႐ိုနာဗိုင္းရပ္စ္ ကူးစက္ခံရမႈမ်ားမွာ အာရွသားေတြထိုက္တန္သည္ဟူေသာ ယူဆေျပာဆိုသံမ်ားကိုလည္း ၾကားလာရသည္။ဂ်ာမနီႏိုင္ငံမွ မိတ္ေတြတစ္ဦးဆိုလွ်င္ အရင္ကတည္းက ဒီမွာလူမ်ိဳးေရးခြဲျခားခံရတာ မသိမသာရွိေနတာပါ။ဒါေပမဲ့ ကို႐ိုနာဗိုင္းရပ္စ္ျဖစ္လာေတာ့ ခြဲျခားမႈကပိုဆိုးလာတယ္။အခုေတာ့ တို႔တစ္ေတြ သေရာ္ေလွာင္ေျပာင္ခံရသလို စက္ဆုပ္႐ြံရွာဖြယ္ရာေတြေတာင္ ျဖစ္လာရၿပီေပါ့ သူငယ္ခ်င္းဟု သူကဆိုသည္။

မည္သို႔ဆိုေစ လက္ရွိ ကို႐ိုနာဗိုင္းရပ္စ္ျဖစ္ပြားမႈကအသစ္။သူစိမ္းတစ္ရံဆံေၾကာက္ျခင္းေရာဂါႏွင့္ လူမ်ိဳးေရးခြဲျခားမႈကေတာ့ အျပစ္မဟုတ္ အရင္ကတည္းကရွိၿပီးသား။ဗိုင္းရပ္စ္ကို ထိန္းခ်ဳပ္သည္ထက္ လူမ်ိဳးေရးခြဲျခားမႈကို ထိန္းခ်ဳပ္ဖို႔ကေတာ့ ပို၍ခက္ခဲမည္ဟုထင္သည္။

ျမင့္ေနာင္မိုး
Ref : CNN-A new virus stir up ancient hatred by Jeff Yang
ေဖေဖာ္ဝါရီ - ၁၅