ပြည်ပစျေးကွက် ဝယ်လိုအားကျဆင်းမှုကြောင့် ပြည်တွင်းငါးမွေးမြူရောင်းချသူများ ဆုံးရှုံးမှုများနေ

ပြည်တွင်းက မွေးမြူရေးငါးစျေးကွက်ထဲမှာ ပြည်ပပို့ကုန်အဝယ်ဆွဲမှုကျဆင်းနေတဲ့ အခြေအနေတွေကြောင့် ငါးမွေးမြူသူတွေအနေနဲ့ ဆုံးရှုံးမှုတွေကြုံရသလို ပြည်တွင်းစျေးကွက်ထဲမှာလည်း ဝယ်လိုအားကျဆင်းနေတဲ့အခြေအနေမျိုးဖြစ်နေတယ်လို့ သိရပါတယ်။

“အမှန်ကလေ ငါးမွေးတဲ့သူတွေလည်း ရှုံးတယ်ဆိုတာက သူ့ကန်ဖော်တဲ့စျေးက ဘာမှမရဘူး၊ ဘယ်မှာသွားပြီးတော့ စျေးကြီးသလဲဆိုတော့ Transation Cost လို့ ခေါ်တယ်၊ သယ်ယူပို့ဆောင်စရိတ်၊ အလုပ်သမားစရိတ်၊ အကုန်လုံးပေါ့နော်၊ ဟိုမှာပိတ် ဒီမှာပိတ် အကုန်လုံးပေါ့၊ ပိတ်တဲ့အတွက်ကြောင့် ကားခသည် နှစ်ဆလောက်ဖြစ်သွားတယ်၊ နိုင်ငံခြားကိုပို့ရင်လည်း ထို့နည်းလည်းကောင်းပဲ ကွန်တိန်နာခက တက်သွားတယ်၊ ဒီစရိတ်တွေရှိနေတော့ ကန်က စျေးချိုချိုသာသာနဲ့လုပ်ပေမယ့် ဝယ်စားတဲ့သူလက်ထဲရောက်သွားရင် စျေးကြီးသွားမှာပဲ။အဲ့ဒီ Transation Cost ကို ဘယ်လိုထိန်းမလဲဆိုတာသည် အဓိကဖြစ်နေတာပေါ့နော်” လို့ မြန်မာနိုင်ငံ ရေထွက်ပစ္စည်းထုတ်လုပ်သူများနှင့် ပို့ကုန်လုပ်ငန်းရှင်များအသင်းရဲ့ ဒုတိယဥက္ကဋ္ဌလည်းဖြစ်သူ မြန်မာနိုင်ငံငါးလုပ်ငန်းအဖွဲ့ချုပ် ဒုတိယဥက္ကဋ္ဌ ဒေါက်တာတိုးနန္ဒာတင် က ဆိုပါတယ်။

မြန်မာနိုင်ငံရဲ့ ရေထွက်ပစ္စည်းပို့ကုန်စျေးကွက်ထဲမှာ အိမ်နီးချင်းဖြစ်တဲ့ တရုတ်စျေးကွက်ကို အဓိကရောင်းချနေရပြီး လက်ရှိမှာ နယ်စပ်ကုန်သွယ်ရေးမှ တင်ပို့တဲ့အခါ COVID 19 နဲ့ပတ်သက်တဲ့ သတ်မှတ်ချက်တွေကြောင့် ပိတ်လိုက် ဖွင့်လိုက် လုပ်ဆောင်နေတာတွေ၊ ပင်လယ်ရေကြောင်းမှတင်ပို့တဲ့အခါ ရောဂါစစ်ဆေးမှုအတွက် အချိန်ကြာမြင့်စွာစောင့်ဆိုင်းနေရတာတွေ၊ ယခင်က ငါးမြစ်ချင်း၊ ငါးကြင်းတို့ကို  အဓိကဝယ်ယူတဲ့ ဆော်ဒီစျေးကွက်ကလည်း ယခုအချိန်မှာ သဘာ၀ကဖမ်းတဲ့ ရေငံငါးကိုသာ လက်ခံတာကြောင့် ပြည်ပတင်ပို့ဖို့ ပို့ကုန်ဝယ်လက်တွေရဲ့ ဝယ်လိုအားဟာ ကျဆင်းလာပြီး ပြည်တွင်းစျေးကွက်ထဲမှာလည်း အရောင်းအဝယ်ကျဆင်းတာတွေကို ကြုံနေရတယ်လို့သိရပါတယ်။

ပြည်တွင်းက ငါးမွေးမြူသူတွေအနေနဲ့လည်း ငါးသားပေါက်ဝယ်ရတဲ့စျေး မြင့်နေတာတွေ၊ အစာစျေးနှုန်းမြင့်မားနေပြီး ရောင်းရတဲ့စျေးနှုန်းက ကျဆင်းနေတာကြောင့် ရှုံးနေတဲ့ကာလတစ်ခုနဲ့ ရင်ဆိုင်နေရတယ်လို့ ဧရာ၀တီတိုင်းဒေသကြီးအတွင်းက ငါးမွေးမြူသူတွေဆီက သိရပါတယ်။

 

“ကျွန်တော် ၁၀ ဧက မွေးတဲ့အခါ သိန်း ၉၀၀ ကျော် ရင်းနှီးရပါတယ်၊ အစာစျေးကမြင့်နေတယ်၊ ဖွဲနုဆိုရင် အခု ပေါင် ၆၀ ကို ၈၈၀၀ ဖြစ်နေတဲ့အတွက် ကျွန်တော်တို့ ကန်သမားတွေ မကိုက်ဘူး၊ မကိုက်ဘဲတင်လာတော့ ရှုံးတာပေါ့၊ အခု COVID ကာလမှာ ကန်သမားတွေ တော်တော့်ကိုရှုံးတယ်၊ ငါးထွက်ရှိမှုက သိပ်မကွာခြားဘူး၊ စျေးနှုန်းပဲကွာခြားတယ်၊ အခု COVID ဖြစ်တော့ ကန်ကိုမဖော်မဖြစ် ဖော်ရမယ်၊ ဒီကန်ဖော်မှ ကျွန်တော်တို့ အရင်းအနှီးတွေ ငွေကြေးတွေရမှာကိုး၊ ဒီကန်ကိုဖော်ပြီးမှ နောက်လုပ်ငန်းကိုလုပ်ရမှာ” လို့ ဧရာ၀တီတိုင်းဒေသကြီး၊ ဘုရားကုန်းကျေးရွာအုပ်စု၊ ချောင်း၀ကျေးရွာမှ ငါးမွေးမြူရေးလုပ်ငန်းရှင် ဦးသိန်းဇော် က ဆိုပါတယ်။

ပုံမှန်အားဖြင့် ယခုလိုကာလဟာ အလှူအတန်းတွေ ပွဲလမ်းသဘင်တွေနဲ့စည်ကားပြီး အရောင်းအဝယ်သွက်မယ့်ကာလမျိုးဖြစ်ပေမယ့် COVID 19 ကြောင့် စျေးကွက်ထဲမှာ နယ်ဝယ်လက်တွေနဲ့ ပြည်ပပို့ကုန်ဝယ်လက်တွေရဲ့ အဝယ်ဆွဲမှုလျော့နည်းကာ ယခင်ထက် ထက်ဝက်လောက် အဝယ်ကျဆင်းနေတယ်လို့ သိရပါတယ်။

ယခု ၂၀၂၀-၂၁ ဘဏ္ဍာနှစ်အတွင်း ဇန်နဝါရီ ၈ ရက်အထိ ကောက်ယူထားတဲ့ စာရင်းတွေအရ ရေထွက်ပစ္စည်းပြည်ပတင်ပို့မှုတွင် အမေရိကန်ဒေါ်လာ ၂၅၈ ဒသမ ၉၇၁ သန်းဖိုး တင်ပို့ထားပြီး ယခင်နှစ် အလားတူကာလအခြေအနေနဲ့ နှိုင်းယှဉ်ပါက အမေရိကန်ဒေါ်လာ ၂၃ ဒသမ ၈၈၃ သန်းဖိုး လျော့နည်းခဲ့တယ်လို့  စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက စာရင်းတွေအရ သိရပါတယ်။

ဇွဲမာန်၊ ဘိုဘိုသိန်း
ရန်ကုန်၊ ဇန်နဝါရီ - ၂၁

( Zawgyi )

ျပည္တြင္းက ေမြးျမဴေရးငါးေစ်းကြက္ထဲမွာ ျပည္ပပို႔ကုန္အဝယ္ဆြဲမႈက်ဆင္းေနတဲ့ အေျခအေနေတြေၾကာင့္ ငါးေမြးျမဴသူေတြအေနနဲ႔ ဆုံးရႈံးမႈေတြႀကဳံရသလို ျပည္တြင္းေစ်းကြက္ထဲမွာလည္း ဝယ္လိုအားက်ဆင္းေနတဲ့အေျခအေနမ်ိဳးျဖစ္ေနတယ္လို႔ သိရပါတယ္။

“အမွန္ကေလ ငါးေမြးတဲ့သူေတြလည္း ရႈံးတယ္ဆိုတာက သူ႔ကန္ေဖာ္တဲ့ေစ်းက ဘာမွမရဘူး၊ ဘယ္မွာသြားၿပီးေတာ့ ေစ်းႀကီးသလဲဆိုေတာ့ Transation Cost လို႔ ေခၚတယ္၊ သယ္ယူပို႔ေဆာင္စရိတ္၊ အလုပ္သမားစရိတ္၊ အကုန္လုံးေပါ့ေနာ္၊ ဟိုမွာပိတ္ ဒီမွာပိတ္ အကုန္လုံးေပါ့၊ ပိတ္တဲ့အတြက္ေၾကာင့္ ကားခသည္ ႏွစ္ဆေလာက္ျဖစ္သြားတယ္၊ ႏိုင္ငံျခားကိုပို႔ရင္လည္း ထို႔နည္းလည္းေကာင္းပဲ ကြန္တိန္နာခက တက္သြားတယ္၊ ဒီစရိတ္ေတြရွိေနေတာ့ ကန္က ေစ်းခ်ိဳခ်ိဳသာသာနဲ႔လုပ္ေပမယ့္ ဝယ္စားတဲ့သူလက္ထဲေရာက္သြားရင္ ေစ်းႀကီးသြားမွာပဲ။အဲ့ဒီ Transation Cost ကို ဘယ္လိုထိန္းမလဲဆိုတာသည္ အဓိကျဖစ္ေနတာေပါ့ေနာ္” လို႔ ျမန္မာႏိုင္ငံ ေရထြက္ပစၥည္းထုတ္လုပ္သူမ်ားႏွင့္ ပို႔ကုန္လုပ္ငန္းရွင္မ်ားအသင္းရဲ႕ ဒုတိယဥကၠ႒လည္းျဖစ္သူ ျမန္မာႏိုင္ငံငါးလုပ္ငန္းအဖြဲ႕ခ်ဳပ္ ဒုတိယဥကၠ႒ ေဒါက္တာတိုးနႏၵာတင္ က ဆိုပါတယ္။

ျမန္မာႏိုင္ငံရဲ႕ ေရထြက္ပစၥည္းပို႔ကုန္ေစ်းကြက္ထဲမွာ အိမ္နီးခ်င္းျဖစ္တဲ့ တ႐ုတ္ေစ်းကြက္ကို အဓိကေရာင္းခ်ေနရၿပီး လက္ရွိမွာ နယ္စပ္ကုန္သြယ္ေရးမွ တင္ပို႔တဲ့အခါ COVID 19 နဲ႔ပတ္သက္တဲ့ သတ္မွတ္ခ်က္ေတြေၾကာင့္ ပိတ္လိုက္ ဖြင့္လိုက္ လုပ္ေဆာင္ေနတာေတြ၊ ပင္လယ္ေရေၾကာင္းမွတင္ပို႔တဲ့အခါ ေရာဂါစစ္ေဆးမႈအတြက္ အခ်ိန္ၾကာျမင့္စြာေစာင့္ဆိုင္းေနရတာေတြ၊ ယခင္က ငါးျမစ္ခ်င္း၊ ငါးၾကင္းတို႔ကို  အဓိကဝယ္ယူတဲ့ ေဆာ္ဒီေစ်းကြက္ကလည္း ယခုအခ်ိန္မွာ သဘာ၀ကဖမ္းတဲ့ ေရငံငါးကိုသာ လက္ခံတာေၾကာင့္ ျပည္ပတင္ပို႔ဖို႔ ပို႔ကုန္ဝယ္လက္ေတြရဲ႕ ဝယ္လိုအားဟာ က်ဆင္းလာၿပီး ျပည္တြင္းေစ်းကြက္ထဲမွာလည္း အေရာင္းအဝယ္က်ဆင္းတာေတြကို ႀကဳံေနရတယ္လို႔သိရပါတယ္။

ျပည္တြင္းက ငါးေမြးျမဴသူေတြအေနနဲ႔လည္း ငါးသားေပါက္ဝယ္ရတဲ့ေစ်း ျမင့္ေနတာေတြ၊ အစာေစ်းႏႈန္းျမင့္မားေနၿပီး ေရာင္းရတဲ့ေစ်းႏႈန္းက က်ဆင္းေနတာေၾကာင့္ ရႈံးေနတဲ့ကာလတစ္ခုနဲ႔ ရင္ဆိုင္ေနရတယ္လို႔ ဧရာ၀တီတိုင္းေဒသႀကီးအတြင္းက ငါးေမြးျမဴသူေတြဆီက သိရပါတယ္။

“ကြၽန္ေတာ္ ၁၀ ဧက ေမြးတဲ့အခါ သိန္း ၉၀၀ ေက်ာ္ ရင္းႏွီးရပါတယ္၊ အစာေစ်းကျမင့္ေနတယ္၊ ဖြဲႏုဆိုရင္ အခု ေပါင္ ၆၀ ကို ၈၈၀၀ ျဖစ္ေနတဲ့အတြက္ ကြၽန္ေတာ္တို႔ ကန္သမားေတြ မကိုက္ဘူး၊ မကိုက္ဘဲတင္လာေတာ့ ရႈံးတာေပါ့၊ အခု COVID ကာလမွာ ကန္သမားေတြ ေတာ္ေတာ့္ကိုရႈံးတယ္၊ ငါးထြက္ရွိမႈက သိပ္မကြာျခားဘူး၊ ေစ်းႏႈန္းပဲကြာျခားတယ္၊ အခု COVID ျဖစ္ေတာ့ ကန္ကိုမေဖာ္မျဖစ္ ေဖာ္ရမယ္၊ ဒီကန္ေဖာ္မွ ကြၽန္ေတာ္တို႔ အရင္းအႏွီးေတြ ေငြေၾကးေတြရမွာကိုး၊ ဒီကန္ကိုေဖာ္ၿပီးမွ ေနာက္လုပ္ငန္းကိုလုပ္ရမွာ” လို႔ ဧရာ၀တီတိုင္းေဒသႀကီး၊ ဘုရားကုန္းေက်း႐ြာအုပ္စု၊ ေခ်ာင္း၀ေက်း႐ြာမွ ငါးေမြးျမဴေရးလုပ္ငန္းရွင္ ဦးသိန္းေဇာ္ က ဆိုပါတယ္။

ပုံမွန္အားျဖင့္ ယခုလိုကာလဟာ အလႉအတန္းေတြ ပြဲလမ္းသဘင္ေတြနဲ႔စည္ကားၿပီး အေရာင္းအဝယ္သြက္မယ့္ကာလမ်ိဳးျဖစ္ေပမယ့္ COVID 19 ေၾကာင့္ ေစ်းကြက္ထဲမွာ နယ္ဝယ္လက္ေတြနဲ႔ ျပည္ပပို႔ကုန္ဝယ္လက္ေတြရဲ႕ အဝယ္ဆြဲမႈေလ်ာ့နည္းကာ ယခင္ထက္ ထက္ဝက္ေလာက္ အဝယ္က်ဆင္းေနတယ္လို႔ သိရပါတယ္။

ယခု ၂၀၂၀-၂၁ ဘ႑ာႏွစ္အတြင္း ဇန္နဝါရီ ၈ ရက္အထိ ေကာက္ယူထားတဲ့ စာရင္းေတြအရ ေရထြက္ပစၥည္းျပည္ပတင္ပို႔မႈတြင္ အေမရိကန္ေဒၚလာ ၂၅၈ ဒသမ ၉၇၁ သန္းဖိုး တင္ပို႔ထားၿပီး ယခင္ႏွစ္ အလားတူကာလအေျခအေနနဲ႔ ႏႈိင္းယွဥ္ပါက အေမရိကန္ေဒၚလာ ၂၃ ဒသမ ၈၈၃ သန္းဖိုး ေလ်ာ့နည္းခဲ့တယ္လို႔  စီးပြားေရးႏွင့္ ကူးသန္းေရာင္းဝယ္ေရးဝန္ႀကီးဌာနက စာရင္းေတြအရ သိရပါတယ္။

ဇြဲမာန္၊ ဘိုဘိုသိန္း
ရန္ကုန္၊ ဇန္နဝါရီ - ၂၁