ရန်ကုန် မိုးသည်းသည်းမဲမဲရွာသွန်းမှု နှစ် ၇၀ ကျော်ကြာ မိုးရေချိန်စံချိန်ကို ချိုး

ရန်ကုန်မြို့ရှိ မိုးလေဝသနှင့် ဇလဗေဒ ညွှန်ကြားမှုဦးစီးဌာန စခန်းများဖြစ်သည့် မင်္ဂလာဒုံနှင့် ကမ္ဘာအေး စခန်းများမှ တိုင်းတာရရှိသည့် မိုးရေချိန်မှတ်တမ်းများအရ ရန်ကုန်မြို့တွင် ယနေ့ရွာသွန်းခဲ့သည့် မိုးရေချိန်မှာ နှစ် ၇၀ ကျော်ကြာ တင်ရှိခဲ့သည့် ရန်ကုန်မိုးရေချိန် စံချိန်ဟောင်းကိုချိုးကာ စံချိန်သစ်တင်ခဲ့တယ်လို့ မိုး/ဇလက ယနေ့ ညနေပိုင်းက ထုတ်ပြန်ခဲ့ပါတယ်။

ယနေ့ နံနက်အစောပိုင်းကတည်းက မပြတ်ရွာနေခဲ့သည့် မိုးကြောင့် ရန်ကုန်မြို့တစ်ဝန်း ရေကြီးမှုအချို့ဖြစ်ခဲ့သလို ရန်ကုန်မြို့၏ အဓိကအဝေးပြေးစခန်းများနှင့် ကားလမ်း၊ ရထားလမ်းပိုင်းအချို့တွင်လည်း ရေကျော်မှုများ၊ ရေကြီးမှုများ ဖြစ်ခဲ့ပါတယ်။

“မနက်အိပ်ယာထကတည်းက ရွာတဲ့မိုး အခုထိမစဲသေးဘူး။အလုပ်သွားတဲ့သူတွေ ကျောင်းသွားတဲ့သူတွေ မသွားနိုင်ဘူး။အိမ်ထဲရေဝင်တာ ညကတည်းက။မနက်ကျရင် မိုးနည်းမလားမှတ်တယ် ပိုတောင်ဆိုးလာသေးတယ်” လို့ ရွှေပြည်သာမြို့နယ်တွင် နေထိုင်သူ ကိုနိုင်ဝင်း က ဆိုပါတယ်။

မိုး/ဇလ တိုင်းတာချက်များအရ ရန်ကုန် (ကမ္ဘာအေး) မိုးလေဝသစခန်းမှ လွန်ခဲ့သော ၅၁ နှစ်က ရှိခဲ့သည့် မိုးရေချိန်စံချိန် ၅ ဒသမ ၆၃ လက်မကို ယနေ့ရွာသွန်းသည့် မိုးရေချိန်က ၅ ဒသမ ၈၆ လက်မဖြင့် စံချိန်ချိုးခဲ့ပြီး ရန်ကုန် (မင်္ဂလာဒုံ) မိုးလေဝသစခန်းမှ လွန်ခဲ့သည့် နှစ် ၇၀ ကျော်က တင်ခဲ့သည့် မိုးရေချိန် ၅ ဒသမ ၀၈ စံချိန်ကို ယနေ့ရွာသွန်းသည့် မိုးရေချိန် ၅ ဒသမ ၆၇ လက်မဖြင့် စံချိန်သစ်တင်ခဲ့ကြောင်း ထုတ်ပြန်ခဲ့ပါတယ်။

မိုး/ဇလ ယနေ့ထုတ်ပြန်ချက်တွင် ဘင်္ဂလားပင်လယ်အော် အနောက်မြောက်ပိုင်းတွင် ဖြစ်ပေါ်နေသော အားကောင်းသော မုန်တိုင်းငယ်ကြောင့် မနက်ဖြန်နံနက်အထိ ရန်ကုန် အပါအဝင် တိုင်းနှင့် ပြည်နယ် ခုနှစ်ခုတွင် နေရာကွက်၍ မိုးကြီးနိုင်ကြောင်း သိတပေးထုတ်ပြန်ထားပါတယ်။

KZ
ရန်ကုန်၊ သြဂုတ် - ၇

( Zawgyi )

ရန္ကုန္ၿမိဳ႕ရွိ မိုးေလဝသႏွင့္ ဇလေဗဒ ၫႊန္ၾကားမႈဦးစီးဌာန စခန္းမ်ားျဖစ္သည့္ မဂၤလာဒုံႏွင့္ ကမာၻေအး စခန္းမ်ားမွ တိုင္းတာရရွိသည့္ မိုးေရခ်ိန္မွတ္တမ္းမ်ားအရ ရန္ကုန္ၿမိဳ႕တြင္ ယေန႔႐ြာသြန္းခဲ့သည့္ မိုးေရခ်ိန္မွာ ႏွစ္ ၇၀ ေက်ာ္ၾကာ တင္ရွိခဲ့သည့္ ရန္ကုန္မိုးေရခ်ိန္ စံခ်ိန္ေဟာင္းကိုခ်ိဳးကာ စံခ်ိန္သစ္တင္ခဲ့တယ္လို႔ မိုး/ဇလက ယေန႔ ညေနပိုင္းက ထုတ္ျပန္ခဲ့ပါတယ္။

ယေန႔ နံနက္အေစာပိုင္းကတည္းက မျပတ္႐ြာေနခဲ့သည့္ မိုးေၾကာင့္ ရန္ကုန္ၿမိဳ႕တစ္ဝန္း ေရႀကီးမႈအခ်ိဳ႕ျဖစ္ခဲ့သလို ရန္ကုန္ၿမိဳ႕၏ အဓိကအေဝးေျပးစခန္းမ်ားႏွင့္ ကားလမ္း၊ ရထားလမ္းပိုင္းအခ်ိဳ႕တြင္လည္း ေရေက်ာ္မႈမ်ား၊ ေရႀကီးမႈမ်ား ျဖစ္ခဲ့ပါတယ္။

“မနက္အိပ္ယာထကတည္းက ႐ြာတဲ့မိုး အခုထိမစဲေသးဘူး။အလုပ္သြားတဲ့သူေတြ ေက်ာင္းသြားတဲ့သူေတြ မသြားႏိုင္ဘူး။အိမ္ထဲေရဝင္တာ ညကတည္းက။မနက္က်ရင္ မိုးနည္းမလားမွတ္တယ္ ပိုေတာင္ဆိုးလာေသးတယ္” လို႔ ေ႐ႊျပည္သာၿမိဳ႕နယ္တြင္ ေနထိုင္သူ ကိုႏိုင္ဝင္း က ဆိုပါတယ္။

မိုး/ဇလ တိုင္းတာခ်က္မ်ားအရ ရန္ကုန္ (ကမာၻေအး) မိုးေလဝသစခန္းမွ လြန္ခဲ့ေသာ ၅၁ ႏွစ္က ရွိခဲ့သည့္ မိုးေရခ်ိန္စံခ်ိန္ ၅ ဒသမ ၆၃ လက္မကို ယေန႔႐ြာသြန္းသည့္ မိုးေရခ်ိန္က ၅ ဒသမ ၈၆ လက္မျဖင့္ စံခ်ိန္ခ်ိဳးခဲ့ၿပီး ရန္ကုန္ (မဂၤလာဒုံ) မိုးေလဝသစခန္းမွ လြန္ခဲ့သည့္ ႏွစ္ ၇၀ ေက်ာ္က တင္ခဲ့သည့္ မိုးေရခ်ိန္ ၅ ဒသမ ၀၈ စံခ်ိန္ကို ယေန႔႐ြာသြန္းသည့္ မိုးေရခ်ိန္ ၅ ဒသမ ၆၇ လက္မျဖင့္ စံခ်ိန္သစ္တင္ခဲ့ေၾကာင္း ထုတ္ျပန္ခဲ့ပါတယ္။

မိုး/ဇလ ယေန႔ထုတ္ျပန္ခ်က္တြင္ ဘဂၤလားပင္လယ္ေအာ္ အေနာက္ေျမာက္ပိုင္းတြင္ ျဖစ္ေပၚေနေသာ အားေကာင္းေသာ မုန္တိုင္းငယ္ေၾကာင့္ မနက္ျဖန္နံနက္အထိ ရန္ကုန္ အပါအဝင္ တိုင္းႏွင့္ ျပည္နယ္ ခုႏွစ္ခုတြင္ ေနရာကြက္၍ မိုးႀကီးႏိုင္ေၾကာင္း သိတေပးထုတ္ျပန္ထားပါတယ္။

KZ
ရန္ကုန္၊ ၾသဂုတ္ - ၇