【 ဆောင်းပါး 】ရုရှား ကျူးကျော်စစ် နှင့် ယူကရိန်းသိပ္ပံပညာရှင်များ၏ ခုခံမှု

ယူကရိန်းစစ်ပွဲကြားတွင် ၎င်းတို့၏ သုတေသနကို ဆက်လက်လုပ်ဆောင်ကြခြင်းကို ရုရှားအပေါ် ၎င်းတို့၏ ခုခံမှုဟု သိပ္ပံပညာရှင်များက ခေါ်ဆိုကြသည်။

စစ်ပွဲ၏ ရှေ့တန်းနေရာနှင့် မဝေးသော ယူကရိန်း၏ ဒုတိယအကြီးဆုံးမြို့ခါကိဗ့် ရှိ  အန်တွန် ဗီလက်ချန်ကို မှာ ၎င်း၏ရုံးအပြင်ဘက်မှာ  မကြာခဏဆိုသလို ပစ်ခတ်သံများ ကြားနေရသည်။

တစ်ခါတစ်ရံတွင် ရုရှားတင့်ကားများမှ ပစ်သည့်ဒုံးကျည်များ ထိမှန်သဖြင့် မီးခိုးများ ထွက်လာသည်ကိုပင် သူမြင်ရသည်။

သို့သော် အသက် ၄၀ အရွယ်ရှိ သတ္တဗေဒပညာရှင်သည် ပျံသန်းနေသောနို့တိုက်သတ္တဝါများ၏ ရောဂါဗေဒကို စူးစမ်းလေ့လာကာ လင်းနို့တစ်သျှူးများကို ခွဲခြမ်းစိပ်ဖြာ၍ အညွှန်းတပ်ခြင်းလုပ်ငန်းကို ဆက်လက်လုပ် ဆောင်ခဲ့သည်။

စစ်ပွဲသတင်းက သူ့ကို လွှမ်းမိုးလာတဲ့အခါ သူ့လက်က  ရင်းနှီးတဲ့ အရာတစ်ခုခုနဲ့ ကူညီပေးတယ်လို့ သူက ပြောပါတယ်။

ဒါကို ၎င်းက အံတုမှုတစ်ခုအဖြစ် သူမြင်သည်။

"ကျွန်တော်တို့ရဲ့ ယူကရိန်းမှာနေနေတာ၊ ကျွန်တော်တို့ရဲ့ ဆက်လက်လုပ်ဆောင်နေတဲ့အရာက ရုရှားရဲ့ကျူး ကျော်မှု ကို ခုခံမှုတစ်မျိုးပါပဲ" ဟု နောက်မှ ပစ်ခတ်သံများကြားနေရသည့် ထဲမှ Zoom ဖြင့်တစ်ဆင့် ဗီလက်ချန်ကို က ပြောကြားခဲ့သည်။

 “ တိုက်ပွဲဝင်ဖို့  သေနတ်ရှိမှ မဟုတ်ဘဲ ယူကရိန်းက လူတွေက အဆင်သင့်ဖြစ်နေပါပြီ။ ငါတို့နိုင်ငံကို မဆုံးရှုံးချင်ဘူး”

သူ့၏ဆုံးဖြတ်ချက်မှာ  မထူးခြားပေ။ စစ်ပွဲအတွက် မရှိမဖြစ် လက်နက်မကိုင်နိုင်သော အခြားယူကရိန်းနိုင်ငံသားများကဲ့သို့ပင် သိပ္ပံပညာရှင်များနှင့် ပညာရှင်များသည် ၎င်းတို့၏ အရေးကြီးသော အလုပ်များကို တတ်နိုင်သမျှ ဆက်လက်လုပ်ဆောင်လိုကြသည်။

ယေဘုယျအားဖြင့် ပရမ်းပတာအခြေအနေနှင့် အကြမ်းဖက်မှုများကြားတွင် ပုံမှန်အနေအထားကို ပံ့ပိုးပေးသည့် ၎င်းတို့၏ ပညာရှင်အသိုက်အဝန်းနှင့် ဆက်နွှယ်နေလိုမှုဖြစ်ပြီး ယူကရိန်းသိပ္ပံအလင်းတန်းနဲ့ လူသားတွေရဲ့ဘ၀ကို ရှင်သန်စေလိုမှုဖြစ်တယ်လို့ Kyiv National Economic University မှာ သင်ကြားနေတဲ့ Yevheniia Polishchuk က ပြောပါတယ်။

ယူကရိန်းပညာရေးနှင့် သိပ္ပံဌာနရှိ Young Scientists Council ၏ ဒုတိယဥက္ကဋ္ဌဖြစ်သည့် ပိုလစ်ရှုချက်ခ် (Polishchuk) သည် ဖေဖော်ဝါရီ ၂၄ ကျူးကျော်ပြီးနောက် ၎င်းတို့၏အခြေအနေနှင့် လိုအပ်ချက်များကို အကဲဖြတ်ရန် ပညာရှင်များ၏ အွန်လိုင်းစစ်တမ်းတစ်ခုကို စီစဉ်ခဲ့သည်။

ဧပြီလအစောပိုင်းတွင် ပညာရှင် ၄၀၀၀ မှ ၆၀၀၀ အကြား ယူကရိန်းမှ ထွက်ခွာခဲ့ကြသည် ။ အများစုမှာ မိသားစုရှိသည့် အမျိုးသမီးများ ဖြစ်ပြီး ပညာရှင် တစ်သိန်းခန့်မှာ ကျန်နေခဲ့သည်။

နိုင်ငံရပ်ခြားသွားသူ အများစုသည် ပိုလန်နှင့် အရှေ့ဥရောပရှိ အခြားနေရာများနှင့် ဥရောပအဖွဲ့အစည်းများတွင် ယာယီတာဝန်များယူခဲ့ကြသည်။

သိပ္ပံပညာရှင်အချို့သည် ပိုလန်သိပ္ပံအကယ်ဒမီ၊ US National Academy of Sciences နှင့် အခြားအဖွဲ့ အစည်း များထံမှ ထောက်ပံ့ကြေးများ ရရှိထားသည်။

ယခုအခါ သူမ၏ သားသမီးများ၊ ခင်ပွန်းနှင့်အတူ ကရာခ်ကိုးတွင်ရှိသော ပိုလစ်ရှုချက်ခ် သည် မေလနှင့် ဇွန်လ အတွက် တက္ကသိုလ်တစ်ခုတွင် ဧည့်ပါမောက္ခဖြစ်နေသော်လည်း တိုက်ပွဲများ ရပ်တန့်သွားပါက ကိယက်ဗ့်သို့ ပြန်သွားရန် မျှော်လင့်ထားကြောင်း ပြောကြားခဲ့သည်။

“စစ်ပွဲက ယူကရိန်းကနေ ဦးနှောက်ယိုစီးမှု မဖြစ်စေရဘူး” ဟု  သူမက ဆိုသည်။

ယူကရိန်းပညာတော်သင်များသည် အဝေးမှ အလုပ်အခွင့်အလမ်းများနှင့် ဂျာနယ်များ၊ ဒေတာအစုံများ၊ မော်ကွန်းတိုက်များနှင့် အခြားပစ္စည်းများကို ဝင်ရောက်ကြည့်ရှုခွင့် အပါအဝင် နိုင်ငံတကာ သိပ္ပံပညာဆိုင်ရာ အဖွဲ့အစည်းများကို အကူအညီပေးရန် ပန်ကြားနေသော်လည်း တိုင်းပြည်၏ ပညာရေးနှင့် ပရော်ဖက်ရှင် နယ်အဆင့်များမှ အရည်အချင်းနှင့် အရှိန်အဟုန်ကို အပြီးတိုင် ဆုတ်ယုတ်စေမည့် စစ်ပွဲကို တားဆီးရန် ဆန္ဒရှိနေပြီး ၎င်းတို့မှာ တိုက်ပွဲများရပ်တန့်ပြီးနောက်တိုင်းပြည် ပြန်လည်တည်ဆောက်ရာတွင် လိုအပ်မည် ဖြစ်သည်။

“ကျွန်ုပ်တို့၏ ပညာတော်သင် အများစုမှာ နိုင်ငံခြားသို့ အပြီးအပိုင် မပြောင်းရွှေ့ချင်ကြပါဘူး။ သူတို့က ယူကရိန်းမှာဘဲ  ဆက်နေချင်တယ်” ဟု ပိုလစ်ရှုချက်ခ် က ပြောသည်။

စစ်ပွဲစတင်ပြီးနောက် မကြာမီတွင် အသက် ၃၄ နှစ်အရွယ် နက္ခတ္တဗေဒပညာရှင် အီဗန်ဆလိုင်ဆာဗက်ဗ့် (Ivan Slyusarev) သည် ဒုတိယကမ္ဘာစစ်အတွင်း နာဇီတပ်များက မြို့တော်ကို သိမ်းပိုက်ခဲ့စဉ်က အသုံးအဆောင်ပစ္စည်း များနှင့် သမိုင်းဝင်ရှေးဟောင်းပစ္စည်းများ အမိုးအကာများ ထားရှိခဲ့သကဲ့သို့ Kharkiv National University ၏ နက္ခတ်တာရာ ဒါရိုက်တာအား ကွန်ပျူတာများ၊ မော်နီတာများနှင့် အခြားပစ္စည်းများကို မြေအောက်ခန်းထဲသို့ ကူညီရွှေ့ပြောင်းပေးခဲ့သည်။

နက္ခတ်တာရာ၏ ပင်မကြည့်မှန်ပြောင်းသည် ရုရှားသိမ်းပိုက်ထားသော နယ်မြေအတွင်းရှိ ကွင်းပြင်တစ်ခုတွင် တည်ရှိပြီး ခါကိဗ့်မှ ဒွန်စတက်ခ့် သို့သွားသောလမ်းနှင့် ၇၀ ကီလိုမီတာ (၄၃မိုင်) အကွာတွင် တည်ရှိသည်။

ဆလိုင်ဆာဗက်ဗ့်က သူ့အခြေအနေ မသိကြောင်း၊သို့သော် ယူကရိန်းတပ်ဖွဲ့ဝင်များသည် ရုရှား၏ အရှိန်အဟုန်ကို ရပ်တန့်ရန် အနီးနားရှိ တံတားတစ်ခုကို ဖောက်ခွဲခဲ့သည်ဟု ထင်မြင်ကြောင်း ပြောကြားခဲ့သည်။

သူက  ၎င်း၏လုပ်ငန်းကို ဆက်လက်လုပ်ဆောင်ရန် ယူကရိန်းနိုင်ငံပြင်ပမှ သိပ္ပံပညာရှင်များကို အားကိုးလျက်ရှိသည်။

ချက်သမ္မတနိုင်ငံရှိ နက္ခတ္တဗေဒပညာရှင်များသည် သတ္တုဂြိုဟ်သိမ်ဂြိုဟ်မွှားများ၏ ဂုဏ်သတ္တိများကို ဆက်လက်ခွဲခြမ်း စိတ်ဖြာနိုင်စေရန် ၎င်းတို့၏ အဝေးကြည့်မှန်ပြောင်းမှ စူးစမ်းလေ့လာမှုဆိုင်ရာ အချက်အလက်များကို ၎င်းဆီပေးပို့ခဲ့သည်။

သူက စပိန်နိုင်ငံ ကနေရီ ကျွန်းစုများရှိ စက်ရုပ်တယ်လီစကုပ်ငယ်မှ ဒေတာများကိုလည်း ကြည့်ရှုနိုင်သည်ဆိုသည်။ သူသည် ခါကိဗ့်မြို့ စွန်ရှိ  အိမ်မှနေကာ အလုပ်အများစုကို လုပ်ခဲ့သည်။

ကြယ်များနှင့်ပတ်သက်သော "ရိုမန်းတစ်" စိတ်ကူးများကြောင့် နက္ခတ္တဗေဒပညာရှင်ဖြစ်လာသည်ဟုဆိုသည့် ဆလိုင်ဆာဗက်ဗ့်မှာ သိပ္ပံနည်းကျရှာဖွေတွေ့ရှိမှုက ပြီး သူအတွက် ခိုလှုံရာဖြစ်သည်။

နက္ခတ္တဗေဒပညာသည် "အပြုသဘောဆောင်သောသတင်းများကိုသာ ထုတ်လုပ်ကာ နေ့စဉ်ဘ၀ကို သက်သောင့်သက်သာဖြင့် ဆီးကြိုကြောင်း သူကဆိုသည်။

“စစ်အတွင်းက အရမ်းအရေးကြီးပါတယ်” ဟု ၎င်းက ဆက်ပြောခဲ့သည်။

စစ်ပွဲစတင်ပြီးနောက်တွင် သီအိုရီပိုင်းဆိုင်ရာ ရူပဗေဒပညာရှင်နှင့် နက္ခတ္တဗေဒပညာရှင် အလက်ဆီးဂိုအိုဘောဗ့် သည် ယူကရိန်းအနောက်ပိုင်းရှိ ဘတ်ကိဗ့် ရွာမှ ၎င်း၏မိဘများနှင့်အတူ ခါကိဗ် မှထွက်ခွာခဲ့သည်။

Kharkiv Institute of Physics and Technology ၏ အဆောက်အဦများသည် “အမြောက်အမြား ဗုံးကြဲ ပစ်ခတ်ခံရပြီး ပျက်စီးလုနီးပါးဖြစ်” သော်လည်း၊ ကျောင်းတွင် အဝေးသင် တန်းခွဲအချို့ကို ဆက်လက် သင်တန်းပေးလျက်ရှိသည်။

သူသည် ယူကရိန်းအနောက်ပိုင်းရှိ ခါကိဗ့် ၊ ပိုလန်နှင့် ဂျာမနီတို့မှ ကျောင်းသားများနှင့် အွန်လိုင်းမှ အဆက်အသွယ်မပြတ်ပေ။

အသက် ၃၆ နှစ်အရွယ် သိပ္ပံပညာရှင်သည် ယခုလအတွင်း ကိုလံဘီယာတွင် ကျင်းပနေသော မဖြေရှင်းနိုင်သော ရူပဗေဒပြဿနာများကို ကိုင်တွယ်ရန် ပြိုင်ပွဲဖြစ်သည့် International Physicists Tournament တွင် ဝင်ရောက် ယှဉ်ပြိုင်ရန် ပြင်ဆင်နေသည့် ယူကရိန်းကျောင်းသားများအတွက် ညှိနှိုင်းရေးမှူးနှင့် လေ့ကျင့်ပေးသူ တစ်ဦးလည်းဖြစ်သည်။

စစ်ပွဲကြောင့် ရွှေ့ဆိုင်းထားသော ရထားခရီးစဉ်များအပြီးတွင် အွန်လိုင်းမှ လေ့ကျင့်သင်ကြားနေသည့် ကျောင်းသားများမှ ပထမဆုံးအကြိမ်အဖြစ် လာဗီး (Lviv) တွင် ယခုသီတင်းပတ်တွင် တွေ့ဆုံခဲ့ကြသည်။

“စစ်ပွဲလို ဆိုးဝါးတဲ့ အခြေအနေမှာတောင် ကောင်းမွန်တဲ့သိပ္ပံပညာနဲ့ ကောင်းမွန်တဲ့ပညာရေးကို ရပ်တန့်အောင်လုပ်လို့ မရဘူးဆိုတာကို  ကျွန်တော်တို့ ပါဝင်ပြီး သက်သေပြချင်ပါတယ်” ဟု ၎င်းက ဆိုသည်။

လက်မမြဲခြေမမြဲသည့် ပါရာလိုက်ဇ်ဟန်းဒ် ရောဂါရှိသဖြင့် စစ်မှုထမ်းရန် ငြင်းပယ်ခံရသော ဂိုအိုဘောဗ့်သည် Astronomy and Astrophysics ဂျာနယ်သို့ မတ်လတွင် စာတမ်းတစ်စောင်တင်သွင်းခဲ့ပြီး အသိအမှတ်ပြုစာတွင် “စစ်ပွဲကို ရပ်တန့်နိုင်အောင် တိုက်ပွဲဝင်နေသော ယူကရိန်းနိုင်ငံသားများကို ကျေးဇူးတင်ပါသည်။ ဤဆောင်းပါး တည်းဖြတ်မှုကို ဘေးကင်းစွာဖြင့် အဆုံးသတ်ပါ။"ဟု ဖော်ပြခဲ့သည်။

Taras Shevchenko National University of Kyiv မှ သမိုင်းဌာန ဌာနမှူး အီဗန်ပါတီရဲလ်ယက်ခ် ကဲ့သို့သော ပညာရှင်အချို့လည်း  စာတမ်းတင်သွင်းခဲ့သည်။

လွန်ခဲ့သော ဆယ့်ရှစ်လ၊သူသည် ဒုတိယကမ္ဘာစစ်၏ အမွေအနှစ်နှင့် မီးလောင်တိုက်သွင်းခြင်းအကြောင်း ဟောပြောပို့ချမှု အစီအစဉ်များနှင့် လုံးထွေးနေပြီး ယခုအခါ သူသည် ကိယက်ဗ်ရှိ နယ်မြေကာကွယ်ရေး တပ်ဖွဲ့တစ်ခုတွင် ရှိနေပြီ ဖြစ်သည်။

ဘာဒိုင်းနက်စ်ခ် (Berdyansk) ရှိ State Pedagogical University မှ သမိုင်းပညာရှင်အီဂေါလိုင်းမန်း သည် စစ်ပွဲအစောပိုင်းတွင် ရုရှားတပ်များက ဆိပ်ကမ်းမြို့ကို သိမ်းပိုက်သောအခါ ထွက်ပြေးခဲ့ရသည်။

ထိုသို့မထွက်ခွာမီတွင်  ရုရှားတပ်ဖွဲ့ဝင်များက  ကျောင်းသားများအား စစ်ဆေးမေးမြန်းရန် အဆောင်များ အတွင်းသို့ ဝင်ရောက်ကာ အုပ်ချုပ်သူများကို မော်စကိုမှ ခွင့်ပြုထားသော သင်ရိုးညွှန်းတမ်းကို အသုံးပြု ပြီး ယူကရိန်းဘာသာစကားထက် ရုရှားဘာသာဖြင့် သင်ကြားရန် အမိန့်ပေးသည်ကို မြင်တွေ့ခဲ့ရသည်။

ဒါရိုက်တာတွေက ငြင်းဆန်ပြီး ရာထူးက နုတ်ထွက်သွားတယ်လို့ သူက ပြောခဲ့သည်။

နောက်ပိုင်းတွင် သူသည် ကိဗ့် ၊ခါကိဗ့်၊ ချာနီဟစ်၊ ခါဆန် နှင့် အခြားမြို့များမှ ပညာရှင်များနှင့်အတူ အဆောင်တစ်ခုတွင် နေထိုင်ပြီး Chernivtsi National University ရှိ ပြည်တွင်းရွှေ့ပြောင်းနေထိုင်သူများအတွက် စခန်းတွင် အခြေချနေထိုင်ခဲ့သည်။

“ဒီမိသားစုတစ်ခုစီမှာ စစ်ပွဲရဲ့ကြောက်စရာကောင်းတဲ့ ဇာတ်လမ်းကိုယ်စီရှိကြတယ်” ဟု အီးမေးလ်တစ်စောင်တွင် သူက ရေးသားခဲ့သည်။ “ကျွန်တော်လိုပဲ လူတိုင်းက ကျွန်တော်တို့ရဲ့ အောင်ပွဲနဲ့ အိမ်ပြန်လာတာကို အိပ်မက်မက်ကြပါတယ်။”

ရုရှားတပ်ဖွဲ့များသည် ၎င်းတို့၏ ဝါဒဖြန့်မှုကို တွန်းအားပေးရန် တတ်နိုင်သမျှ လုပ်ဆောင်နေကြောင်း ၎င်းက ပြောကြားခဲ့သည်။

ခါကိဗ့်မှ တိရစ္ဆာန်ဗေဒပညာရှင် ဗလက်ရှင်ကိုသည် ၎င်း၏စောင့်ရှောက်ထားသည့် လင်းနို့အကောင် ၂၀ ကို ပစ်ခတ်ခြင်းမှ ကာကွယ်လိုသောကြောင့် ၎င်းတို့အား သယ်ဆောင်ကာ တစ်နာရီခန့် လမ်းလျှောက်ပြီး ၎င်း၏အိမ်သို့ သယ်ဆောင်သွားခဲ့သည်။

ထိုအဖြစ်က အဆောက်အအုံများနှင့် ဓာတ်ခွဲခန်းများကို စစ်ပွဲအပြီးတွင် ပြန်လည်တည်ဆောက်နိုင်သော်လည်း အလွယ်တကူ အစားထိုး၍မရနိုင်သည့် ၎င်း၏တန်ဖိုးရှိသော သုတေသနကို ထိန်းသိမ်းရန်လည်း ကူညီပေးခဲ့ခြင်းဖြစ်သည်။

"ခါကိဗ့်မှာ နေဖို့ဆုံးဖြတ်ထားတဲ့လူတွေအားလုံးက ဒီအန္တရာယ်ကြီးပြီး သေစေနိုင်တဲ့ လောင်းကစားပွဲမှာ ကံစမ်းကစားဖို့ သဘောတူခဲ့ပါတယ်" လို့ သူကပြောခဲ့သည်။

"ဘာလို့လဲဆိုတော့ ဒုံးပျံအသစ် (ဒါမှမဟုတ်) ကျည်ဆန်အသစ်တစ်ခုက ဘယ်ဒေသတွေကနေ ပစ်လိုက်မယ်ဆိုတာကို သင်မသိနိုင်လို့ပါ။"

အချက်အလက်တွေကို မှတ်တမ်းတင်ဖို့နဲ့ သူ့ရဲ့ရှားပါးနမူနာတွေကို ကာကွယ်စောင့်ရှောက်ရင်း၊၎င်းက သူကိုယ်သူ “ကျွန်ုပ်တို့အတွက်သာမက သိပ္ပံပညာအတွက်”မစ်ရှင်၏ တစ်စိတ်တစ်ပိုင်းအဖြစ် မြင်လေသည်။    

 

 Linko

https://www.outlookindia.com/international/scientists-continue-their-res...