【 တစ်ပတ်အတွင်း နိုင်ငံတကာသတင်း သုံးသပ်ချက် 】 နျူကလီးယားခေတ် တစ်ကျော့ပြန်လာပြီလား

【 တစ်ပတ်အတွင်း နိုင်ငံတကာသတင်း သုံးသပ်ချက် 】 နျူကလီးယားခေတ် တစ်ကျော့ပြန်လာပြီလား

ယခုတစ်ပတ်အတွင်း နိုင်ငံတကာမှာ လှုပ်လှုပ်ခတ်ခတ်ဖြစ်ခဲ့တဲ့ သတင်းများစွာ ရှိခဲ့ပါတယ်။ဒီထဲမှာ ထရန့် က ဆိုင်းမဆင့်ဗုံမဆင့်ဘဲ တာလတ် နျူကလီယားစာချုပ်ကနေ နုတ်ထွက်ဖို့ရှိတယ်လို့ ပြောခဲ့တဲ့အတွက် ဒါ ဟာ ဒုတိယကမ္ဘာစစ်အပြီးနောက်ပိုင်း စစ်အေးခေတ်ကာလလို လက်နက်တွေ အပြိုင်အဆိုင် တပ်ဆင်ကြတဲ့ ခေတ်ကို တစ်ကျော့ပြန်ရောက်ဖို့ ထရန့် ဘက်က လုပ်နေပြီလားဆိုတာ စဉ်းစားစရာ ဖြစ်လာခဲ့ပါတယ်။ဒီသတင်းနဲ့အပြိုင် ဝါရှင်တန်ပို့စ် သတင်းစာရဲ့ဆောင်းပါးရှင် ကာရှိုဂျီ ဆော်ဒီကောင်စစ်ဝန်ရုံးထဲ ပျောက်ဆုံးမှုက ဆော်ဒီအစိုးရဘက်က အသတ်ခံရတယ်လို့ ဝန်ခံလိုက်တဲ့အတွက် ဒီသတင်းက မီဒီယာတွေနဲ့ နိုင်ငံတကာ ခေါင်းဆောင်တွေအတွက်  အရေးတကြီး ကိုင်တွယ်ရမယ့် ကိစ္စဖြစ်လာပါတယ်။
    

ဒီသတင်းနှစ်ပုဒ်က ဒီတစ်ပတ်မှာ နိုင်ငံတကာ သတင်းဖတ်သူ အများစုစိတ်ကို ဆွဲဆောင်စေခဲ့တဲ့ သတင်းတွေ ဖြစ်ပါတယ်။

ထိတ်လန့်စရာ  ဆော်ဒီသံရုံး လူသတ်ပွဲကြီး။

ရက်သတ္တပါတ်ပေါင်းများစွာ လိပ်ခဲတည်းလည်းဖြစ်နေတဲ့ ဝါရှင်တန်ပို့စ် သတင်းစာ၏ ဆောင်းပါးရှင် ဂျမဲလ် ကာရှိုဂျီ ပျောက်ဆုံးမှုဟာ ဆော်ဒီအစိုးရက သေဆုံးသွားပြီဖြစ်ကြောင်း ဝန်ခံမှုနဲ့အတူ ထိတ်လန့်ဖွယ် အဆုံးသတ်ခဲ့ရပြီ ဖြစ်ပါတယ်။

အောက်တိုဘာ ၂ ရက်ကတည်းက အစ္စတန်ဘူလ်ရှိ ဆော်ဒီကောင်စစ်ဝန်ရုံးမှာ ပထမအိမ်ထောင်နဲ့ ကွာရှင်းခွင့် သွားရောက်ယူစဉ်မှာ ပျောက်ဆုံးသွားခဲ့ရတဲ့ ဂျမဲလ် ကာရှိုဂျီ နဲ့ ပတ်သက်ပြီး  ဆော်ဒီအစိုးရက သံရုံးမှ ကောင်းမွန်စွာ ပြန်လည်ထွက်ခွာသွားပြီလို့ တစ်လျှောက်လုံး ပြောဆိုနေခဲ့ရာကနေ အောက်တိုဘာ ၁၉ ရက်နေ့ ညမှာတော့ ကာရှိုဂျီ ဟာ သံရုံးထဲရှိနေစဉ် စကားများရန်ဖြစ်ရာမှ အသတ်ခံလိုက်ရတယ်ဆိုတဲ့ ဂုဏ်သိက္ခာကင်းမဲ့စွာ ကြေငြာခဲ့ပါတယ်။ဆော်ဒီအစိုးရက ကြေငြာချက်ကြောင့် နိုင်ငံတကာမှာ ဂယက်တွေရိုက်ခဲ့သလို ဆော်ဒီအစိုးရအပေါ် ပြစ်တင်မှုတွေဖြစ်ခဲ့သလို ဆော်ဒီ်မှာ ကျင်းပမယ့် ဆော်ဒီရင်းနှီးမြုပ်နှံမှု ဖိုရမ်ကို သပိတ်မှောက်မှုတွေလည်း ရှိလာခဲ့ပါတယ်။

ဆော်ဒီအစိုးရ ထုတ်ပြန်ချက်ထဲမှာ ကောင်စစ်ဝန်ရုံးအတွင်းမှာ ကာရှိုဂျီ နဲ့ သူ့ကိုလက်ခံတွေ့ဆုံတဲ့သူတွေ အငြင်းအခုံဖြစ်ရာက ခိုက်ရန်ဖြစ်ပြီး နောက်ဆုံး ကာရှိုဂျီ သေဆုံးခဲ့ရတာလို့ ဖော်ပြခဲ့သလို ဒီအမှုမှာ ပါဝင်ပတ်သက်တဲ့ လူ ၁၈ ဦးကို ထိန်းသိမ်းထားပြီး ပါဝင်သူတွေကို ထိုက်သင့်သလို အရေးယူမှာ ဖြစ်တယ်လို့လည်း ဆိုပါတယ်။အာဏာရှင်နိုင်ငံတွေ စရိုက်အတိုင်း ထိုးကြွေးတဲ့အနေနဲ့ ဆော်ဒီထောက်လှမ်းရေးဌာန ဒုတိယအကြီးအကဲ ဗိုလ်မှူးချုပ် အာမတ်အယ်အက်ဆီရီ ကို အနားပေးလိုက်သလို ကာရှိုဂျီ အပြင်းအထန်ဝေဖန်တဲ့ အာဏာပြင်းတဲ့ မင်းသား မိုဟာမတ် ဘင်ဆာလမန် ရဲ့ အနီးကပ်အကြံပေးကို အလုပ်မှ ထုတ်ပယ်လိုက်ကြောင်းလည်း ကြေငြာခဲ့ပါတယ်။

ဒီဖြစ်စဉ်မှာ လွဲနေတဲ့ အချက်တွေ၊ ရှေ့နောက်မညီတဲ့ အချက်တွေ များစွာရှိပြီး ကာရှိုဂျီ သံရုံးသို့ မလာမီကလေးမှာ ၎င်းနှင့် ရန်ဖြစ်ထိုးကြိတ်သည်ဆိုသော လူအုပ်ကြီးက ဆော်ဒီ ပရိုက်ဗိတ် ဂျက်လေယာဉ်နဲ့ အစ္စတန်ဘူလ်သို့ရောက်လာခဲ့တာက အကြောင်းပြစရာမရှိဘူး ဖြစ်နေခဲ့တာပါ။တူရကီအာဏာပိုင်တွေ အဆိုအရတော့ ဒီလူအုပ်ထဲမှာ ဆော်ဒီထောက်လှမ်းရေးတွေ၊ အထူးတပ်ဖွဲ့ဝင်တွေနဲ့ သေမှုသေခင်းစစ်ဆေးရေး အရာရှိတစ်ယောက်တောင် ပါတယ်ဆိုပါတယ်။

တူရကီအာဏာပိုင်တွေကတော့ ဆော်ဒီကို အပိုင်ကိုင်ဖို့  ဖြစ်စဉ်နောက်ပိုင်း ဆော်ဒီသံရုံးထဲက ထွက်လာတဲ့ ကားဝင်သွားရာ သစ်တောထဲကို တောနင်းပြီး သတ်ဖြတ်ပြီး အပိုင်းပိုင်းဖြတ်ထားတဲ့ထားတဲ့  ကာရှိုဂျီ ရဲ့ ခန္ဓာကိုယ်အစိတ်အပိုင်းတွေကို ရှာဖွေဖို့ လုပ်ဆောင်နေပါတယ်။

စီးပွားရေးတစ်ခုသာကြည့်တဲ့ အမေရိကန် သမ္မတ ထရန့် ကတော့ ဆော်ဒ်ီရဲ့ ဖြေရှင်းချက်ကို လက်ခံသလိုလို ရှိပေမယ့် အမေရိကန် ဥပဒေပြု အမတ်များကတော့ လူသတ်ပွဲကြီးတွင် ပါဝင်သော ဆော်ဒီအရာရှိတွေကို စီးပွားရေးပိတ်ဆို့မှုတွေလုပ်ဖို့ တောင်းဆိုခဲ့တာတွေ ရှိခဲ့ပါတယ်။ဖြစ်စဉ်အသေးစိတ်ကို ထုတ်ပြောဖို့ ဥရောပခေါင်းဆောင်များနှင့် အမေရိကန် သမ္မတ ဒေါ်နယ်ထရန့် က ဆော်ဒီကို ဖိအားပေးနေသလို ဂျာမနီကတော့ ဆော်ဒီရဲ့ ရှင်းလင်းချက်ကို လက်မခံဘဲ  ဆော်ဒီကို လက်နက်တွေမရောင်းဖို့ ဆုံးဖြတ်လိုက်ပြီ ဖြစ်ပါတယ်။

အမေရိကန်နဲ့ ဆက်ဆံရေးမကောင်းတဲ့ တူရကီအနေနဲ့ သူ့မြေပေါ်မှာ လာသတ်တဲ့ ဆော်ဒီရဲ့ ယခုလုပ်ရပ်က  နိုင်ငံကို စော်ကားသလို ဖြစ်သလို ထီမထင်သလို ဖြစ်နေလို ယခုကိစ္စကို တစ်ချက်တည်းနဲ့ အမေရိကန် နဲ့ ဆော်ဒီကို အပိုင်ကိုင်ဖို့ လုပ်နေတာကို တွေ့ရပါတယ်။ဒေသတွင်းရန်ဘက် အီရန်ရဲ့ စစ်အင်အားကို ဘက်မျှဖို့ ဆော်ဒီကို နောက်ကနေ ထောက်ပံ့တာကနေ ဒေသတွင်းမှာ တူရကီကိုပခုံးယှဉ်ဖို့ ကြိုးစားလာတဲ့ ဆော်ဒီကို ဖိထားဖို့နဲ့ ဆော်ဒီကို အလိုလိုက်လွန်းတဲ့ ထရန့် ကို အပိုင်ကိုင်ဖို့ ကာရှိုဂျီ သေဆုံးမှု အသေးစိတ်အချက်အလက် သက်သေတွေကို ယခုထိ ဖွင့်မချဘဲ ကိုင်ထားတာကို တွေ့ရပါတယ်။

ယခုဖြစ်ရပ်က အရှေ့အလယ်ပိုင်းက အစ္စလာမ်ကမ္ဘာထဲက အရှုပ်တွေ ဆိုပေမယ့် တူရကီ သမ္မတ အာဒိုဂန် နဲ့ အမေရိကန် သမ္မတ ထရန့် တို့ ဒီပြဿနာကနေ ဘယ်လိုအကျိုးအမြတ်တွေ ရအောင်ထုတ်ကြမလဲဆိုတာ စောင့်ကြည့်ရတော့မှာ ဖြစ်ပါတယ်။

အာရှက ကြေကွဲဖွယ် အဖြစ်ဆိုး။
    

ယခုတစ်ပတ်အတွင်းဖြစ်ခဲ့တဲ့ သတင်းတွေထဲမှာ အာရှမှာဖြစ်ခဲ့တဲ့ ရထားတိုက်မှု သတင်းနဲ့ တရုတ်မှာဖြစ်ခဲ့တဲ့ အမျိုးသားတစ်ဦး သေကြောင်းကြံစည် ဟန်ဆောင်ရာကနေ တစ်ကယ်ထင်ပြီး ဇနီးနဲ့ ကလေးတွေပါ သေကြောင်းကြံခဲ့တဲ့ ဖြစ်စဉ်တွေက လူ့လောကမှာ တွေးထင်ထားတာထက် ပိုပြီးဆန်းကြယ်နေခဲ့ပါတယ်။
    

အောက်တိုဘာ ၁၉ ရက်က အိန္ဒိယနိုင်ငံ အနောက်ပိုင်း တစ်နေရာဖြစ်တဲ့ ပန်ဂျပ်ပြည်နယ်မှာ ဟိန္ဒူ ဝတ်ပြုဆုတောင်းသူတွေက ဒက်ရှီရာဘာသာရေးပွဲတော်ကို သံလမ်းဘေးမှာ ကျင်းပနေစဉ် ရထားက ဝင်တိုက်လို့ ပွဲတော်ကို ဆင်နွှဲနသူ ၅၈ ဦး သေဆုံးကာ ၄၀ ကျော် ထိခိုက်ဒဏ်ရာရခဲ့ပါတယ်။
    

ပွဲတော်မှာ နတ်ဆိုး ရာဝန် ရဲ့ ရုပ်ပုံကို မီးရှို့ခြင်းနဲ့ မီးရှုးမီးပန်းတွေ ပစ်ဖောက်ကြလို့ ဆူညံနေစဉ် ရထားလာတာကို သတိမမူမိတဲ့အတွက် ရထားလမ်းပေါ်တက်နေတဲ့ ပွဲတော်ဆင်နွှဲနေသူတွေကို ရထားက ဝင်ကြိတ်သလိုဖြစ်ကာ ခေါင်းပြတ်ခြေပြတ် သေဆုံးရတဲ့အထိ ဖြစ်ခဲ့တာပါ။
    

ရထားနဲ့ တိုက်မိချိန်မှာ ည ၇ နာရီဝန်းကျင်မှာ ကျင်းပရတဲ့ ပွဲတော်စချိန်ဖြစ်လို့ အများစုအာရုံက ပွဲတော်ထဲ ရောက်နေတဲ့အတွက် ရထားလာတာကို သတိမမူမိဘဲ အငိုက်မိကာ သေဆုံးသူ များခဲ့ပါတယ်။သေဆုံးသူတွေရဲ့ အဖြစ်က ဆိုးဝါးလွန်းတဲ့အတွက် အလောင်းတွေ လိုက်ကောက်သူတွေတောင် တော်တော်စိတ်ထိခိုက်စရာ အဖြစ်ပါ။ဒါဟာ ရထားလမ်းဘေးမှာ ပွဲတော်တွေ ရှိတတ်တဲ့ အာရှနိုင်ငံတွေအတွက် သတိထားစရာဖြစ်သလို နောင်အချိန်ကာလ အတော်တော်များများထိ ပန်ဂျပ်ပြည်နယ်က လူတွေအတွက် မေ့ပျောက်လို့မရတဲ့ ကိစ္စတစ်ခု ဖြစ်လာဖွယ် ရှိနေပါတယ်။
    

အောက်တိုဘာ ၂၁ ရက် နံနက်ပိုင်းကလည်း ထိုင်ဝမ်မှာ ရထားတစင်း လမ်းချော်တိမ်းမှောက်ခဲ့လို့ လူ ၂၂ ဦးထက်မနည်း သေဆုံးပြီး ၁၇၀ ကျော် ဒဏ်ရာရခဲ့ပါတယ်။ဒီရထားက ထိုင်ဝမ်ကမ်းခြေတလျှောက်ပြေးတဲ့ ရထားဖြစ်ပြီး စနေ၊ တနင်္ဂနွေ အားလပ်ရက် ပြန်လာကြတဲ့လူတွေ အပြည့်ပါလာတဲ့ အမြန်ရထားဖြစ်လို့ ပါလာတဲ့ တွဲ ၈ တွဲထဲက ငါးတွဲထက်မနည်း တိမ်းမှောက်ခဲ့လို့ အသေအပျောက် များခဲ့တာဖြစ်ပြီး ကယ်ဆယ်ရေးတွေက ရှာဖွေကယ်ဆယ်နေရဆဲ ဖြစ်ပါတယ်။
    

ဒီလိုအဖြစ်နဲ့ မတူပေမယ့် နောက်ထပ်ကြေကွဲစရာ ကိစ္စတစ်ခုကတော့ တရုတ်နိုင်ငံမှာဖြစ်ခဲ့တဲ့ အဖြစ်အပျက်တစ်ခုပါဘဲ။
    

အဖြစ်အပျက်က ဒီလိုပါ။တရုတ်နိုင်ငံက အသက် ၃၄ နှစ် အရွယ်ရှိ အမျိုးသားတစ်ဦး ငွေရေးကြေးရေး အခက်အခဲကြောင့် အာမခံငွေကြေး ထုတ်ယူရန် သေဆုံးဟန် လုပ်ကြံဖန်တီးခဲ့ရာမှ ၎င်း၏ ဇနီးက ယုံကြည်ပြီး မိမိကိုယ်ကိုရော၊ ကလေးနှစ်ဦးကိုပါ အဆုံးစီရင်မှု ဖြစ်ပွားခဲ့တဲ့ အမှုပါ။
    

အဆိုပါ အမျိုးသားရဲ့ ကားကို မြစ်ကမ်းဘေးတစ်ခုမှာ ရဲတပ်ဖွဲ့က ရှာတွေ့ခဲ့ပေမယ့် အလောင်းကို ပြန်မတွေ့ရာကနေ သုံးပတ်အကြာမှာ ဇနီးသည်က ခင်ပွန်းဖြစ်သူ အမှန်တကယ် သေဆုံးသွားပြီလို့  ယုံကြည်ပြီး ကလေးနှစ်ဦးနဲ့အတူ ရေနစ်သေကြောင်းကြံစည်ခဲ့ရာမှာ သေဆုံးခဲ့တာ ဖြစ်ပါတယ်။
    

ဒီလို နေအိမ်အနီး ရေအိုင်ထဲမှာ ရေနစ်သေဆုံးနေတဲ့ ကလေးနှစ်ဦးနဲ့ ဇနီးဖြစ်သူကို တွေ့တဲ့သတင်းက တရုတ်မီဒီယာတွေမှာ ပျံ့နှံ့လာပြီးတဲ့နောက် သေဆုံးဟန်ဆောင်ခဲ့တဲ့ ခင်ပွန်းဖြစ်သူက ဟီနန်ဒေသရှိ ရဲစခန်းသို့ ကိုယ်တိုင် လာရောက်ဆက်သွယ် အဖမ်းခံခဲ့ပါတယ်။ယွမ်တစ်သန်းတန် အသက်အာမခံထားပြီး လိမ်လည်ထုတ်ယူဖို့ ကြံစည်တဲ့ အဆိုပါအမျိုးသားအတွက် မြွေပါလည်းဆုံး သားလည်းဆုံးအဖြစ် ဖြစ်သလို ငွေကြေးဆိုင်ရာ အရှုပ်အရှင်းတွေကြောင့်  မိသားစုပြိုကွဲပျက်စီးရတာ သံဝေဂယူစရာပါ။
    

ဒီသတင်းက ယခုတစ်ပတ်ထဲ အာရှမှာဖြစ်ပျက်ခဲ့တဲ့ တိုင်ပေလွတ်လပ်ရေးအတွက် တက်ကြွလှုပ်ရှားသူ ထောင်ပေါင်းများစွာ လမ်းပေါ်ထွက် ဆန္ဒပြခဲ့တဲ့ သတင်း၊ အဂတိလိုက်စားမှု မလေးရှား ရင်းဂစ် ၁၁၄ သန်းအတွက် စွဲချက် ၄၅ နဲ့ မလေးရှား ဒုတိယဝန်ကြီးချုပ်ဟောင်း အာမက်ဇာဟစ်ဟာမီဒီ ကို တရားစွဲခဲ့တဲ့ သတင်း၊ တိဗက်ဒေသမှာ မြေပြိုလို့ ယာလန်ဆန်ပိုမြစ်မှာ မြစ်ကြောင်းပိတ်ဆို့မှုဖြစ်ပြီး ဒေသခံ ၆၀၀၀ ခန့် ဘေးလွတ်ရာ ရွှေ့ပြောင်းပေးထားရတဲ့ သတင်းတွေလိုမျိုးထဲ သတိထားစောင့်ကြည့်စရာ သတင်းတွေ ဖြစ်ခဲ့ပါတယ်။

နျူကလီးယားခေတ် တစ်ကျော့ပြန်စေလိုတဲ့ ထရန့်။
    

ယခုတစ်ပတ် နိုင်ငံတကာ သတင်းလူသားဖြစ်တဲ့ အမေရိကန် သမ္မတ ထရန့် ရဲ့ သတင်းတွေထဲ သတိထားစရာ သတင်းတစ်ခုက ရုရှားနဲ့ ချုပ်ဆိုထားတဲ့ တာလတ် နျူကလီးယားစာချုပ်ထဲကနေ နုတ်ထွက်ဖို့ စီစဉ်နေတယ်လို့ ထရန့် က အောက်တိုဘာ ၂၀ ရက်က ပြောလိုက်တဲ့ သတင်းပါဘဲ။
    

လွန်ခဲ့တဲ့ နှစ် ၃၀ ကာလဖြစ်တဲ့ ၁၉၈၇ ခုနှစ်က အမေရိကန် သမ္မတ ရော်နယ်ရေဂင် နှင့် ဆိုဗီယက်ခေါင်းဆောင် မီခေးလ်ဂေါ်ဘာချော့ဗ် တို့က သဘောတူ လက်မှတ်ရေးထိုးခဲ့တဲ့ တာလတ် နျူကလီးယားစာချုပ်ထဲကနေ အမေရိကန်ဘက်က နုတ်ထွက်ဖို့ စီစဉ်နေတယ်လို့ ထရန့် က ပြောခဲ့တာပါ။အကြောင်းပြချက်အနေနဲ့ အမေရိကန်အနေနဲ့ စာချုပ်ပါ အချက်တွေကို လိုက်နာခဲ့ပေမယ့် ရုရှားဘက်က နှစ်ပေါင်းများစွာ ချိုးဖောက်ခဲ့တဲ့အတွက် ဒီသဘောတူညီချက်ကို  အဆုံးသတ်ပြီး နုတ်ထွက်ဖို့ ဆုံးဖြတ်ခဲ့တာ ဆိုပါတယ်။
    

အမေရိကန် အမျိုးသားလုံခြုံရေးအကြံပေး ဂျွန်ဘိုလ်တန် ရုရှား နိုင်ငံခြားရေးဝန်ကြီးနဲ့တွေ့ဖို့ မော်စကိုရောက်နေစဉ် ထရန့် က INF သဘောတူညီချက်မှ နုတ်ထွက်မည့်အကြောင်း ကြေညာခဲ့လို့ ဒါဟာ သေချာရည်ရွယ်ထားတဲ့ ကိစ္စတစ်ခုဖြစ်ဖို့ များနေပါတယ်။
    

ဒီသဘောတူညီချက်ကနေ အမေရိကန် နုတ်ထွက်မယ်ဆိုရင်  နောက်တစ်ဖန် စစ်အေးခေတ်ကာလကို ရောက်ဖို့ အလားအလာများနေပါတယ်။ယခင်စစ်အေးခေတ်မှာ ဆိုဗီယက်နဲ့ အမေရိကန် နှစ်နိုင်ငံထဲရှိပေမယ့် ယခုကတော့ တရုတ်နဲ့ ဂျပန်၊ အိန္ဒိယ နိုင်ငံတွေကိုပါ ထည့်တွက်ရမယ့် အခြေအနေရှိနေလို့ ပိုကျယ်ပြန့်လာဖွယ် ရှိနေပါတယ်။အထူးသဖြင့် အမေရိကန် လက်နက်ဈေးကွက်ကို ဖြန့်ချထားခြင်တဲ့ ထရန့် အတွက် ယခု နျူကလီးယားစာချုပ်ကနေ ထွက်ခြင်းက စစ်လက်နက် ပြိုင်ဆိုင်တာထက် သူ့လက်နက်တွေကို ငွေကြေးသုံးနိုင်တဲ့ အာရှနဲ့ ဥရောပမှာ အမေရိကန် လက်နက်တွေကို အရှိန်အဟုန်ကောင်းကောင်း ရောင်းချဖို့ဆိုရင် ဒေသတွင်းစစ်ပွဲတွေ တင်းမာမှုတွေ၊ လက်နက်ပြိုင်ဆိုင်မှုတွေ ဖြစ်နေဖို့ လိုပါတယ်။
    

ထရန့် ရဲ့ ဗျူဟာချနေတဲ့ ရည်ရွယ်ချက် ကမ္ဘာ့စီးပွားရေးအားလုံး ထိန်းချုပ်ထားနိုင်ဖို့ ဖြစ်ဖို့နဲ့ အမေရိကန် လုပ်ငန်းရှင်တွေ စီးပွားရေးကောင်းနေဖို့ ဖြစ်ပါလိမ့်မယ်။စစ်အေးခေတ် ပြီးဆုံးစေတဲ့ ဒီစာချုပ် ချုပ်ဆိုနိုင်ဖို့ အမေရိကန် သမ္မတအဆက်ဆက် ကြိုးပမ်းခဲ့မှု စီးပွားရေးသမား ထရန့် လက်ထက်မှာ ဖျက်သိမ်းဖို့ ဖြစ်လာတဲ့အတွက် ဒါဟာ ကမ္ဘာ့ငြိမ်းချမ်းရေးအတွက် ဆုတ်ယုတ်မှု ဖြစ်လာဖွယ်ရှိနေသလို အားလုံးက စိုးရိမ်တကြီး စောင့်ကြည့်နေရတဲ့  အရေးကြီးကိစ္စတစ်ခု ဖြစ်လာပါတယ်။
    

ဒီလိုနုတ်ထွက်မှု ဘာတွေဆက်ဖြစ်လာမလဲဆိုတာ အားလုံးက စောင့်ကြည့်နေရတဲ့အတွက် ဒီသတင်းက ယခုတစ်ပတ်အတွင်း အမေရိကန်နဲ့ ဆိုင်တဲ့ သတင်းတွေဖြစ်တဲ့ The Guardian သတင်းထောက်တစ်ဦးကို အကြမ်းဖက်တိုက်ခိုက်ခဲ့လို့ ငွေဒဏ်နဲ့ ဆိုင်းငံထောင်ဒဏ် ချခံရတဲ့ အမေရိကန် လွှတ်တော်အမတ် ဂျီ ယန်ဖော် တီ ကို သမ္မတ ဒေါ်နယ်ထရန့် က ချီးကျူးလိုက်တဲ့ သတင်း၊ အမေရိကန်ကို ဦးတည်တဲ့ ထောင်ချီတဲ့ ဗဟိုအမေရိက ရွှေ့ပြောင်းဒုက္ခသည် အုပ်စုတွေ မက္ကဆီကို တောင်ပိုင်း ခိုလှုံရေးစင်တာများမှာ စခန်းချနေတဲ့ သတင်း၊ အမေရိကန်ဆီ ဦးတည်လာနေတဲ့ ဟွန်ဒူးရပ်စ်မှ ရွှေ့ပြောင်းဝင်ရောက်သူ ထောင်ပေါင်းများစွာကို တားဆီးဖို့ မက္ကဆီကို နယ်စပ်ကို စစ်တပ်သုံး ပိတ်ပစ်မယ်လို့ ဒေါ်နယ်ထရန့် က ခြိမ်းခြောက်ပြောဆိုလိုက်တဲ့ သတင်း၊ အီကွေဒေါမှာ ကလေးသူခိုးလို့ သံသယရှိ သူ ၃ ဦးကို ဒေါသထွက်နေတဲ့ လူအုပ်ကြီးက မှားယွင်းပြီး ဝိုင်းဝန်းသတ်ဖြတ်ခဲ့တဲ့ သတင်း၊ နာရေးဝန်ဆောင်မှုလုပ်ငန်း ဆောင်ရွက်တဲ့ အမေရိကန်ပြည်ထောင်စု မီချီဂန်ပြည်နယ် ဒက်ထရိုက်မြို့Funeral Home အဆောက်အအုံမှာ မွေးကင်းစ ကလေးနှင့် သန္ဓေသား ၆၀ ကျော်ရဲ့ အကြွင်းအကျန်တွေ တွေ့ရှိရတဲ့ သတင်း စတဲ့ သတင်းတွေထက် အများစုစိတ်ထဲ ထူးခြားနေခဲ့ပါတယ်။

တစ်ကျော့ပြန် ဘရီဇစ် (Brexit)
    

ယခုတစ်ပတ် သတင်းတွေထဲ ထူးခြားတဲ့ သတင်းတစ်ခု ရှိခဲ့ပါတယ်။ဒါက ပြီးခဲ့တဲ့နှစ်တွေထဲ ဗြိတိန်ဝန်ကြီးချုပ် နုတ်ထွက်ရတဲ့အထိ ဖြစ်ခဲ့တဲ့ ဥရောပသမဂ္ဂ (EU) ကနေ ဗြိတိန်နိုင်ငံ နုတ်ထွက်တဲ့ကိစ္စ အပြီးသတ်ချိန်မှာ ဗြိတိန်နိုင်ငံမှာ ဒီသဘောတူညီချက်နဲ့ ပတ်သက်ပြီး ဒုတိယအကြိမ် လူထုဆန္ဒခံယူဖို့ တောင်းဆိုမှုတွေ ရှိလာခဲ့တာကိုပါ။
    

ပြီးခဲ့တဲ့ အောက်တိုဘာ ၂၀ ရက်က လန်ဒန်ဒေသခံ ခုနှစ်သိန်းဟာ လန်ဒန်မြို့တစ်လျှောက် ချီတက်ကာ ဥရောပသမဂ္ဂမှ ဗြိတိန်နိုင်ငံ နုတ်ထွက်ရေး (Brexit) အပြီးသတ် သဘောတူညီချက်အပေါ် ဒုတိယအကြိမ် လူထုဆန္ဒခံယူပွဲ ကျင်းပပေးဖို့ ဆန္ဒပြတောင်းဆိုခဲ့ပါတယ်။
    

EU ကနေ နုတ်ထွက်ဖို့ လုပ်ဆောင်နေတဲ့ ဗြိတိန်ဝန်ကြီးချုပ် ထရီဆာမေ အတွက် ဒီဆန္ဒထုတ်ဖော်မှုက အကြပ်တွေ့စရာ ဖြစ်လာဖွယ် ရှိနေပါတယ်။Brexit ကြောင့် ဝန်ကြီးချုပ်ရာထူးကို ရလာတဲ့ ထရီဆာမေ အတွက် ပြည်သူတွေက ဒုတိယအကြိမ် ဆန္ဒထုတ်ဖော်ဖို့ တောင်းဆိုနေတာကို အကြိမ်ကြိမ်ပယ်ချခဲ့ရာမှာ ယခုလို လူ သိန်းချီပြီး တောင်းဆိုမှုတွေ ရှိလာတဲ့အတွက် ဗြိတိန် ဥရောပသမဂ္ဂကနေ နုတ်ထွက်ဖို့ ကိစ္စက နောက်ကြောင်းပြန်ဖို့ ဖြစ်လာမလားဆိုတာ ထည့်တွက်စရာ ဖြစ်လာခဲ့ပါတယ်။
    

လတ်တလောမှာ အမေရိကန် သမ္မတ ထရန့် ရဲ့ တစ်ဖက်သတ်ဆန်တဲ့ ကုန်သွယ်ရေးအခွန် တိုးကောက်မှုတွေကြောင့် ဥရောပရဲ့ ကုန်သွယ်ရေးအခြေအနေက သိပ်မဟန်ဘူးဖြစ်နေသလို ကမ္ဘာ့ကုန်သွယ်ရေး အခြေအနေကလည်း သိပ်ပြီးအကောင်းဘက်မှာ မရှိပါဘူး။EU ကနေ ဗြိတိန်ထွက်ရင် EU ကို ပေးလျော်ရမယ့် ဘီလျံနဲ့ချီတဲ့ လျော်ကြေးကလည်း ယခုအချိန်မှာ ဗြိတိန်ပြည်သူတွေအတွက် စဉ်းစားစရာ ဖြစ်လာပါတယ်။
    

ထရန့် ကိုင်တွယ်နေတဲ့ အမေရိကန်ရဲ့ အခွန်ထိုးစစ်ကို တစ်ခုတည်းသော ဥရောပအနေနဲ့ တုံ့ပြန်မှဖြစ်နိုင်မှာကို ယခုချိန်မှာ EU ကနေ ဗြိတိန် ထွက်တာ၊ မထွက်တာက ဗြိတိန်အတွက်သာမက ဥရောပအတွက်လည်း အရေးကြီးနေပြီ ဖြစ်ပါတယ်။ထရီဆာမေ ရဲ့ ပါတီထဲမှာလည်း သဘောထားကွဲလွဲမှုတွေ ဖြစ်နေသလို ၅ - လသာ ကျန်တော့တဲ့  ဥရောပသမဂ္ဂ ကနေ နုတ်ထွက်ရေး ပြဿနာကနေ ဘာတွေဖြစ်လာဦးမလဲ၊ အရင်တစ်ခါလို ဝန်ကြီးချုပ် အပြောင်းအလဲတွေ ဖြစ်လာနိုင်မလား ဆိုတာတွေ စောင့်ကြည့်ရမယ့် အခြေအနေပါဘဲ။
    

ဒီသတင်းက ယခုတစ်ပတ်အတွင်း ဖြစ်ခဲ့တဲ့ စိတ်ဝင်စားဖွယ်ရာ သတင်းတွေဖြစ်တဲ့ မာကျူရီ ဂြိုဟ် (ဗုဒ္ဓဟူးဂြိုဟ်) ကို လေ့လာဖို့ ဂြိုဟ်တုနှစ်စင်းကို တောင်အမေရိက အာကာသစခန်းကနေ လွှတ်တင်လိုက်တဲ့ သတင်း၊ ညဘက် လမ်းတွေ အလင်းပေးဖို့ တရုတ်သိပ္ပံပညာရှင်တွေက လအတုတစ်လုံး လွှတ်တင်ဖို့် စီစဉ်နေတဲ့ သတင်း၊ နိုင်ဂျီးရီးယားနိုင်ငံ မြောက်ပိုင်း ဈေးတစ်ခုမှာ ဟွာဆာလူမျိုး မွတ်စလင်လူငယ်များနှင့် အာဒရာလူမျိုး ခရစ်ယာန်လူငယ်များကြား ရန်ပွဲဖြစ်လို့ လူ ၅၅ ဦး သေဆုံးခဲ့တဲ့ သတင်း၊ လွှတ်တော်ရွေးကောက်ပွဲ ယှဉ်ပြိုင်မည့် အာဖဂန် လွှတ်တော်အမတ် တစ်ဦး၏ ရုံးခန်းမှာ ဗုံးပေါက်ကွဲလို့ လွှတ်တော်အမတ် အပါအဝင် လူလေးဦး သေဆုံးခဲ့တဲ့ သတင်း၊ ကန်ဒါဟာပြည်နယ် ရဲတပ်ဖွဲ့တပ်မှူး ဗိုလ်ချုပ်ကြီး ရာဇက်   အမေရိကန်တပ်မှူး ဗိုလ်ချုပ်ကြီး စကော့မီလာ နှင့် တွေ့ဆုံပြီး ထွက်လာစဉ် သက်တော်စောင့်တစ်ဦး ပစ်ခတ်လို့ သေဆုံးခဲ့တဲ့ သတင်း၊ ဂါဇာရှိ စစ်သွေးကြွတွေ လက်ချက်နဲ့ အစ္စရေး လူနေအိမ်တစ်လုံး ထိခိုက်ပျက်စီးသွားလို့ အစ္စရေး စစ်တပ်က လက်တုံ့ပြန် ပစ်ခတ်ခဲ့တဲ့ သတင်း၊ ဂါဇာကမ်းမြောင်ရှိ အစ္စရေး နယ်စပ်အနီး အစ္စရေး စစ်တပ်က Merkava တင့်ကားတွေနဲ့ ခြေလျင်တင် သံချပ်ကာယာဉ်တွေ တပ်စွဲထားတဲ့ သတင်းတွေ စတဲ့ သတင်းပေါင်းများစွာ ဖြစ်ခဲ့တယ်ဆိုတာ တင်ပြရင်း ယခုတစ်ပတ် သတင်းသုံးသပ်ချက်ကို ဒီမှာဘဲ ရပ်လိုက်ချင်ပါတယ်။

မင်းထက်
အောက်တိုဘာ - ၂၂

( Zawgyi )

ယခုတစ္ပတ္အတြင္း ႏိုင္ငံတကာမွာ လႈပ္လႈပ္ခတ္ခတ္ျဖစ္ခဲ့တဲ့ သတင္းမ်ားစြာ ရွိခဲ့ပါတယ္။ဒီထဲမွာ ထရန႔္ က ဆိုင္းမဆင့္ဗုံမဆင့္ဘဲ တာလတ္ န်ဴကလီယားစာခ်ဳပ္ကေန ႏုတ္ထြက္ဖို႔ရွိတယ္လို႔ ေျပာခဲ့တဲ့အတြက္ ဒါ ဟာ ဒုတိယကမာၻစစ္အၿပီးေနာက္ပိုင္း စစ္ေအးေခတ္ကာလလို လက္နက္ေတြ အၿပိဳင္အဆိုင္ တပ္ဆင္ၾကတဲ့ ေခတ္ကို တစ္ေက်ာ့ျပန္ေရာက္ဖို႔ ထရန႔္ ဘက္က လုပ္ေနၿပီလားဆိုတာ စဥ္းစားစရာ ျဖစ္လာခဲ့ပါတယ္။ဒီသတင္းနဲ႔အၿပိဳင္ ဝါရွင္တန္ပို႔စ္ သတင္းစာရဲ႕ေဆာင္းပါးရွင္ ကာရႈိဂ်ီ ေဆာ္ဒီေကာင္စစ္ဝန္႐ုံးထဲ ေပ်ာက္ဆုံးမႈက ေဆာ္ဒီအစိုးရဘက္က အသတ္ခံရတယ္လို႔ ဝန္ခံလိုက္တဲ့အတြက္ ဒီသတင္းက မီဒီယာေတြနဲ႔ ႏိုင္ငံတကာ ေခါင္းေဆာင္ေတြအတြက္  အေရးတႀကီး ကိုင္တြယ္ရမယ့္ ကိစၥျဖစ္လာပါတယ္။
    

ဒီသတင္းႏွစ္ပုဒ္က ဒီတစ္ပတ္မွာ ႏိုင္ငံတကာ သတင္းဖတ္သူ အမ်ားစုစိတ္ကို ဆြဲေဆာင္ေစခဲ့တဲ့ သတင္းေတြ ျဖစ္ပါတယ္။

ထိတ္လန႔္စရာ  ေဆာ္ဒီသံ႐ုံး လူသတ္ပြဲႀကီး။

ရက္သတၱပါတ္ေပါင္းမ်ားစြာ လိပ္ခဲတည္းလည္းျဖစ္ေနတဲ့ ဝါရွင္တန္ပို႔စ္ သတင္းစာ၏ ေဆာင္းပါးရွင္ ဂ်မဲလ္ ကာရႈိဂ်ီ ေပ်ာက္ဆုံးမႈဟာ ေဆာ္ဒီအစိုးရက ေသဆုံးသြားၿပီျဖစ္ေၾကာင္း ဝန္ခံမႈနဲ႔အတူ ထိတ္လန႔္ဖြယ္ အဆုံးသတ္ခဲ့ရၿပီ ျဖစ္ပါတယ္။

ေအာက္တိုဘာ ၂ ရက္ကတည္းက အစၥတန္ဘူလ္ရွိ ေဆာ္ဒီေကာင္စစ္ဝန္႐ုံးမွာ ပထမအိမ္ေထာင္နဲ႔ ကြာရွင္းခြင့္ သြားေရာက္ယူစဥ္မွာ ေပ်ာက္ဆုံးသြားခဲ့ရတဲ့ ဂ်မဲလ္ ကာရႈိဂ်ီ နဲ႔ ပတ္သက္ၿပီး  ေဆာ္ဒီအစိုးရက သံ႐ုံးမွ ေကာင္းမြန္စြာ ျပန္လည္ထြက္ခြာသြားၿပီလို႔ တစ္ေလွ်ာက္လုံး ေျပာဆိုေနခဲ့ရာကေန ေအာက္တိုဘာ ၁၉ ရက္ေန႔ ညမွာေတာ့ ကာရႈိဂ်ီ ဟာ သံ႐ုံးထဲရွိေနစဥ္ စကားမ်ားရန္ျဖစ္ရာမွ အသတ္ခံလိုက္ရတယ္ဆိုတဲ့ ဂုဏ္သိကၡာကင္းမဲ့စြာ ေၾကျငာခဲ့ပါတယ္။ေဆာ္ဒီအစိုးရက ေၾကျငာခ်က္ေၾကာင့္ ႏိုင္ငံတကာမွာ ဂယက္ေတြ႐ိုက္ခဲ့သလို ေဆာ္ဒီအစိုးရအေပၚ ျပစ္တင္မႈေတြျဖစ္ခဲ့သလို ေဆာ္ဒီ္မွာ က်င္းပမယ့္ ေဆာ္ဒီရင္းႏွီးျမဳပ္ႏွံမႈ ဖိုရမ္ကို သပိတ္ေမွာက္မႈေတြလည္း ရွိလာခဲ့ပါတယ္။

ေဆာ္ဒီအစိုးရ ထုတ္ျပန္ခ်က္ထဲမွာ ေကာင္စစ္ဝန္႐ုံးအတြင္းမွာ ကာရႈိဂ်ီ နဲ႔ သူ႔ကိုလက္ခံေတြ႕ဆုံတဲ့သူေတြ အျငင္းအခုံျဖစ္ရာက ခိုက္ရန္ျဖစ္ၿပီး ေနာက္ဆုံး ကာရႈိဂ်ီ ေသဆုံးခဲ့ရတာလို႔ ေဖာ္ျပခဲ့သလို ဒီအမႈမွာ ပါဝင္ပတ္သက္တဲ့ လူ ၁၈ ဦးကို ထိန္းသိမ္းထားၿပီး ပါဝင္သူေတြကို ထိုက္သင့္သလို အေရးယူမွာ ျဖစ္တယ္လို႔လည္း ဆိုပါတယ္။အာဏာရွင္ႏိုင္ငံေတြ စ႐ိုက္အတိုင္း ထိုးေႂကြးတဲ့အေနနဲ႔ ေဆာ္ဒီေထာက္လွမ္းေရးဌာန ဒုတိယအႀကီးအကဲ ဗိုလ္မႉးခ်ဳပ္ အာမတ္အယ္အက္ဆီရီ ကို အနားေပးလိုက္သလို ကာရႈိဂ်ီ အျပင္းအထန္ေဝဖန္တဲ့ အာဏာျပင္းတဲ့ မင္းသား မိုဟာမတ္ ဘင္ဆာလမန္ ရဲ႕ အနီးကပ္အႀကံေပးကို အလုပ္မွ ထုတ္ပယ္လိုက္ေၾကာင္းလည္း ေၾကျငာခဲ့ပါတယ္။

ဒီျဖစ္စဥ္မွာ လြဲေနတဲ့ အခ်က္ေတြ၊ ေရွ႕ေနာက္မညီတဲ့ အခ်က္ေတြ မ်ားစြာရွိၿပီး ကာရႈိဂ်ီ သံ႐ုံးသို႔ မလာမီကေလးမွာ ၎ႏွင့္ ရန္ျဖစ္ထိုးႀကိတ္သည္ဆိုေသာ လူအုပ္ႀကီးက ေဆာ္ဒီ ပ႐ိုက္ဗိတ္ ဂ်က္ေလယာဥ္နဲ႔ အစၥတန္ဘူလ္သို႔ေရာက္လာခဲ့တာက အေၾကာင္းျပစရာမရွိဘူး ျဖစ္ေနခဲ့တာပါ။တူရကီအာဏာပိုင္ေတြ အဆိုအရေတာ့ ဒီလူအုပ္ထဲမွာ ေဆာ္ဒီေထာက္လွမ္းေရးေတြ၊ အထူးတပ္ဖြဲ႕ဝင္ေတြနဲ႔ ေသမႈေသခင္းစစ္ေဆးေရး အရာရွိတစ္ေယာက္ေတာင္ ပါတယ္ဆိုပါတယ္။

တူရကီအာဏာပိုင္ေတြကေတာ့ ေဆာ္ဒီကို အပိုင္ကိုင္ဖို႔  ျဖစ္စဥ္ေနာက္ပိုင္း ေဆာ္ဒီသံ႐ုံးထဲက ထြက္လာတဲ့ ကားဝင္သြားရာ သစ္ေတာထဲကို ေတာနင္းၿပီး သတ္ျဖတ္ၿပီး အပိုင္းပိုင္းျဖတ္ထားတဲ့ထားတဲ့  ကာရႈိဂ်ီ ရဲ႕ ခႏၶာကိုယ္အစိတ္အပိုင္းေတြကို ရွာေဖြဖို႔ လုပ္ေဆာင္ေနပါတယ္။

စီးပြားေရးတစ္ခုသာၾကည့္တဲ့ အေမရိကန္ သမၼတ ထရန႔္ ကေတာ့ ေဆာ္ဒ္ီရဲ႕ ေျဖရွင္းခ်က္ကို လက္ခံသလိုလို ရွိေပမယ့္ အေမရိကန္ ဥပေဒျပဳ အမတ္မ်ားကေတာ့ လူသတ္ပြဲႀကီးတြင္ ပါဝင္ေသာ ေဆာ္ဒီအရာရွိေတြကို စီးပြားေရးပိတ္ဆို႔မႈေတြလုပ္ဖို႔ ေတာင္းဆိုခဲ့တာေတြ ရွိခဲ့ပါတယ္။ျဖစ္စဥ္အေသးစိတ္ကို ထုတ္ေျပာဖို႔ ဥေရာပေခါင္းေဆာင္မ်ားႏွင့္ အေမရိကန္ သမၼတ ေဒၚနယ္ထရန႔္ က ေဆာ္ဒီကို ဖိအားေပးေနသလို ဂ်ာမနီကေတာ့ ေဆာ္ဒီရဲ႕ ရွင္းလင္းခ်က္ကို လက္မခံဘဲ  ေဆာ္ဒီကို လက္နက္ေတြမေရာင္းဖို႔ ဆုံးျဖတ္လိုက္ၿပီ ျဖစ္ပါတယ္။

အေမရိကန္နဲ႔ ဆက္ဆံေရးမေကာင္းတဲ့ တူရကီအေနနဲ႔ သူ႔ေျမေပၚမွာ လာသတ္တဲ့ ေဆာ္ဒီရဲ႕ ယခုလုပ္ရပ္က  ႏိုင္ငံကို ေစာ္ကားသလို ျဖစ္သလို ထီမထင္သလို ျဖစ္ေနလို ယခုကိစၥကို တစ္ခ်က္တည္းနဲ႔ အေမရိကန္ နဲ႔ ေဆာ္ဒီကို အပိုင္ကိုင္ဖို႔ လုပ္ေနတာကို ေတြ႕ရပါတယ္။ေဒသတြင္းရန္ဘက္ အီရန္ရဲ႕ စစ္အင္အားကို ဘက္မွ်ဖို႔ ေဆာ္ဒီကို ေနာက္ကေန ေထာက္ပံ့တာကေန ေဒသတြင္းမွာ တူရကီကိုပခုံးယွဥ္ဖို႔ ႀကိဳးစားလာတဲ့ ေဆာ္ဒီကို ဖိထားဖို႔နဲ႔ ေဆာ္ဒီကို အလိုလိုက္လြန္းတဲ့ ထရန႔္ ကို အပိုင္ကိုင္ဖို႔ ကာရႈိဂ်ီ ေသဆုံးမႈ အေသးစိတ္အခ်က္အလက္ သက္ေသေတြကို ယခုထိ ဖြင့္မခ်ဘဲ ကိုင္ထားတာကို ေတြ႕ရပါတယ္။

ယခုျဖစ္ရပ္က အေရွ႕အလယ္ပိုင္းက အစၥလာမ္ကမာၻထဲက အရႈပ္ေတြ ဆိုေပမယ့္ တူရကီ သမၼတ အာဒိုဂန္ နဲ႔ အေမရိကန္ သမၼတ ထရန႔္ တို႔ ဒီျပႆနာကေန ဘယ္လိုအက်ိဳးအျမတ္ေတြ ရေအာင္ထုတ္ၾကမလဲဆိုတာ ေစာင့္ၾကည့္ရေတာ့မွာ ျဖစ္ပါတယ္။

အာရွက ေၾကကြဲဖြယ္ အျဖစ္ဆိုး။
    

ယခုတစ္ပတ္အတြင္းျဖစ္ခဲ့တဲ့ သတင္းေတြထဲမွာ အာရွမွာျဖစ္ခဲ့တဲ့ ရထားတိုက္မႈ သတင္းနဲ႔ တ႐ုတ္မွာျဖစ္ခဲ့တဲ့ အမ်ိဳးသားတစ္ဦး ေသေၾကာင္းႀကံစည္ ဟန္ေဆာင္ရာကေန တစ္ကယ္ထင္ၿပီး ဇနီးနဲ႔ ကေလးေတြပါ ေသေၾကာင္းႀကံခဲ့တဲ့ ျဖစ္စဥ္ေတြက လူ႔ေလာကမွာ ေတြးထင္ထားတာထက္ ပိုၿပီးဆန္းၾကယ္ေနခဲ့ပါတယ္။
    

ေအာက္တိုဘာ ၁၉ ရက္က အိႏၵိယႏိုင္ငံ အေနာက္ပိုင္း တစ္ေနရာျဖစ္တဲ့ ပန္ဂ်ပ္ျပည္နယ္မွာ ဟိႏၵဴ ဝတ္ျပဳဆုေတာင္းသူေတြက ဒက္ရွီရာဘာသာေရးပြဲေတာ္ကို သံလမ္းေဘးမွာ က်င္းပေနစဥ္ ရထားက ဝင္တိုက္လို႔ ပြဲေတာ္ကို ဆင္ႏႊဲနသူ ၅၈ ဦး ေသဆုံးကာ ၄၀ ေက်ာ္ ထိခိုက္ဒဏ္ရာရခဲ့ပါတယ္။
    

ပြဲေတာ္မွာ နတ္ဆိုး ရာဝန္ ရဲ႕ ႐ုပ္ပုံကို မီးရႈိ႕ျခင္းနဲ႔ မီးရႈးမီးပန္းေတြ ပစ္ေဖာက္ၾကလို႔ ဆူညံေနစဥ္ ရထားလာတာကို သတိမမူမိတဲ့အတြက္ ရထားလမ္းေပၚတက္ေနတဲ့ ပြဲေတာ္ဆင္ႏႊဲေနသူေတြကို ရထားက ဝင္ႀကိတ္သလိုျဖစ္ကာ ေခါင္းျပတ္ေျချပတ္ ေသဆုံးရတဲ့အထိ ျဖစ္ခဲ့တာပါ။
    

ရထားနဲ႔ တိုက္မိခ်ိန္မွာ ည ၇ နာရီဝန္းက်င္မွာ က်င္းပရတဲ့ ပြဲေတာ္စခ်ိန္ျဖစ္လို႔ အမ်ားစုအာ႐ုံက ပြဲေတာ္ထဲ ေရာက္ေနတဲ့အတြက္ ရထားလာတာကို သတိမမူမိဘဲ အငိုက္မိကာ ေသဆုံးသူ မ်ားခဲ့ပါတယ္။ေသဆုံးသူေတြရဲ႕ အျဖစ္က ဆိုးဝါးလြန္းတဲ့အတြက္ အေလာင္းေတြ လိုက္ေကာက္သူေတြေတာင္ ေတာ္ေတာ္စိတ္ထိခိုက္စရာ အျဖစ္ပါ။ဒါဟာ ရထားလမ္းေဘးမွာ ပြဲေတာ္ေတြ ရွိတတ္တဲ့ အာရွႏိုင္ငံေတြအတြက္ သတိထားစရာျဖစ္သလို ေနာင္အခ်ိန္ကာလ အေတာ္ေတာ္မ်ားမ်ားထိ ပန္ဂ်ပ္ျပည္နယ္က လူေတြအတြက္ ေမ့ေပ်ာက္လို႔မရတဲ့ ကိစၥတစ္ခု ျဖစ္လာဖြယ္ ရွိေနပါတယ္။
    

ေအာက္တိုဘာ ၂၁ ရက္ နံနက္ပိုင္းကလည္း ထိုင္ဝမ္မွာ ရထားတစင္း လမ္းေခ်ာ္တိမ္းေမွာက္ခဲ့လို႔ လူ ၂၂ ဦးထက္မနည္း ေသဆုံးၿပီး ၁၇၀ ေက်ာ္ ဒဏ္ရာရခဲ့ပါတယ္။ဒီရထားက ထိုင္ဝမ္ကမ္းေျခတေလွ်ာက္ေျပးတဲ့ ရထားျဖစ္ၿပီး စေန၊ တနဂၤေႏြ အားလပ္ရက္ ျပန္လာၾကတဲ့လူေတြ အျပည့္ပါလာတဲ့ အျမန္ရထားျဖစ္လို႔ ပါလာတဲ့ တြဲ ၈ တြဲထဲက ငါးတြဲထက္မနည္း တိမ္းေမွာက္ခဲ့လို႔ အေသအေပ်ာက္ မ်ားခဲ့တာျဖစ္ၿပီး ကယ္ဆယ္ေရးေတြက ရွာေဖြကယ္ဆယ္ေနရဆဲ ျဖစ္ပါတယ္။
    

ဒီလိုအျဖစ္နဲ႔ မတူေပမယ့္ ေနာက္ထပ္ေၾကကြဲစရာ ကိစၥတစ္ခုကေတာ့ တ႐ုတ္ႏိုင္ငံမွာျဖစ္ခဲ့တဲ့ အျဖစ္အပ်က္တစ္ခုပါဘဲ။
    

အျဖစ္အပ်က္က ဒီလိုပါ။တ႐ုတ္ႏိုင္ငံက အသက္ ၃၄ ႏွစ္ အ႐ြယ္ရွိ အမ်ိဳးသားတစ္ဦး ေငြေရးေၾကးေရး အခက္အခဲေၾကာင့္ အာမခံေငြေၾကး ထုတ္ယူရန္ ေသဆုံးဟန္ လုပ္ႀကံဖန္တီးခဲ့ရာမွ ၎၏ ဇနီးက ယုံၾကည္ၿပီး မိမိကိုယ္ကိုေရာ၊ ကေလးႏွစ္ဦးကိုပါ အဆုံးစီရင္မႈ ျဖစ္ပြားခဲ့တဲ့ အမႈပါ။
    

အဆိုပါ အမ်ိဳးသားရဲ႕ ကားကို ျမစ္ကမ္းေဘးတစ္ခုမွာ ရဲတပ္ဖြဲ႕က ရွာေတြ႕ခဲ့ေပမယ့္ အေလာင္းကို ျပန္မေတြ႕ရာကေန သုံးပတ္အၾကာမွာ ဇနီးသည္က ခင္ပြန္းျဖစ္သူ အမွန္တကယ္ ေသဆုံးသြားၿပီလို႔  ယုံၾကည္ၿပီး ကေလးႏွစ္ဦးနဲ႔အတူ ေရနစ္ေသေၾကာင္းႀကံစည္ခဲ့ရာမွာ ေသဆုံးခဲ့တာ ျဖစ္ပါတယ္။
    

ဒီလို ေနအိမ္အနီး ေရအိုင္ထဲမွာ ေရနစ္ေသဆုံးေနတဲ့ ကေလးႏွစ္ဦးနဲ႔ ဇနီးျဖစ္သူကို ေတြ႕တဲ့သတင္းက တ႐ုတ္မီဒီယာေတြမွာ ပ်ံ႕ႏွံ႔လာၿပီးတဲ့ေနာက္ ေသဆုံးဟန္ေဆာင္ခဲ့တဲ့ ခင္ပြန္းျဖစ္သူက ဟီနန္ေဒသရွိ ရဲစခန္းသို႔ ကိုယ္တိုင္ လာေရာက္ဆက္သြယ္ အဖမ္းခံခဲ့ပါတယ္။ယြမ္တစ္သန္းတန္ အသက္အာမခံထားၿပီး လိမ္လည္ထုတ္ယူဖို႔ ႀကံစည္တဲ့ အဆိုပါအမ်ိဳးသားအတြက္ ေႁမြပါလည္းဆုံး သားလည္းဆုံးအျဖစ္ ျဖစ္သလို ေငြေၾကးဆိုင္ရာ အရႈပ္အရွင္းေတြေၾကာင့္  မိသားစုၿပိဳကြဲပ်က္စီးရတာ သံေဝဂယူစရာပါ။
    

ဒီသတင္းက ယခုတစ္ပတ္ထဲ အာရွမွာျဖစ္ပ်က္ခဲ့တဲ့ တိုင္ေပလြတ္လပ္ေရးအတြက္ တက္ႂကြလႈပ္ရွားသူ ေထာင္ေပါင္းမ်ားစြာ လမ္းေပၚထြက္ ဆႏၵျပခဲ့တဲ့ သတင္း၊ အဂတိလိုက္စားမႈ မေလးရွား ရင္းဂစ္ ၁၁၄ သန္းအတြက္ စြဲခ်က္ ၄၅ နဲ႔ မေလးရွား ဒုတိယဝန္ႀကီးခ်ဳပ္ေဟာင္း အာမက္ဇာဟစ္ဟာမီဒီ ကို တရားစြဲခဲ့တဲ့ သတင္း၊ တိဗက္ေဒသမွာ ေျမၿပိဳလို႔ ယာလန္ဆန္ပိုျမစ္မွာ ျမစ္ေၾကာင္းပိတ္ဆို႔မႈျဖစ္ၿပီး ေဒသခံ ၆၀၀၀ ခန႔္ ေဘးလြတ္ရာ ေ႐ႊ႕ေျပာင္းေပးထားရတဲ့ သတင္းေတြလိုမ်ိဳးထဲ သတိထားေစာင့္ၾကည့္စရာ သတင္းေတြ ျဖစ္ခဲ့ပါတယ္။

န်ဴကလီးယားေခတ္ တစ္ေက်ာ့ျပန္ေစလိုတဲ့ ထရန႔္။
    

ယခုတစ္ပတ္ ႏိုင္ငံတကာ သတင္းလူသားျဖစ္တဲ့ အေမရိကန္ သမၼတ ထရန႔္ ရဲ႕ သတင္းေတြထဲ သတိထားစရာ သတင္းတစ္ခုက ႐ုရွားနဲ႔ ခ်ဳပ္ဆိုထားတဲ့ တာလတ္ န်ဴကလီးယားစာခ်ဳပ္ထဲကေန ႏုတ္ထြက္ဖို႔ စီစဥ္ေနတယ္လို႔ ထရန႔္ က ေအာက္တိုဘာ ၂၀ ရက္က ေျပာလိုက္တဲ့ သတင္းပါဘဲ။
    

လြန္ခဲ့တဲ့ ႏွစ္ ၃၀ ကာလျဖစ္တဲ့ ၁၉၈၇ ခုႏွစ္က အေမရိကန္ သမၼတ ေရာ္နယ္ေရဂင္ ႏွင့္ ဆိုဗီယက္ေခါင္းေဆာင္ မီေခးလ္ေဂၚဘာေခ်ာ့ဗ္ တို႔က သေဘာတူ လက္မွတ္ေရးထိုးခဲ့တဲ့ တာလတ္ န်ဴကလီးယားစာခ်ဳပ္ထဲကေန အေမရိကန္ဘက္က ႏုတ္ထြက္ဖို႔ စီစဥ္ေနတယ္လို႔ ထရန႔္ က ေျပာခဲ့တာပါ။အေၾကာင္းျပခ်က္အေနနဲ႔ အေမရိကန္အေနနဲ႔ စာခ်ဳပ္ပါ အခ်က္ေတြကို လိုက္နာခဲ့ေပမယ့္ ႐ုရွားဘက္က ႏွစ္ေပါင္းမ်ားစြာ ခ်ိဳးေဖာက္ခဲ့တဲ့အတြက္ ဒီသေဘာတူညီခ်က္ကို  အဆုံးသတ္ၿပီး ႏုတ္ထြက္ဖို႔ ဆုံးျဖတ္ခဲ့တာ ဆိုပါတယ္။
    

အေမရိကန္ အမ်ိဳးသားလုံၿခဳံေရးအႀကံေပး ဂြၽန္ဘိုလ္တန္ ႐ုရွား ႏိုင္ငံျခားေရးဝန္ႀကီးနဲ႔ေတြ႕ဖို႔ ေမာ္စကိုေရာက္ေနစဥ္ ထရန႔္ က INF သေဘာတူညီခ်က္မွ ႏုတ္ထြက္မည့္အေၾကာင္း ေၾကညာခဲ့လို႔ ဒါဟာ ေသခ်ာရည္႐ြယ္ထားတဲ့ ကိစၥတစ္ခုျဖစ္ဖို႔ မ်ားေနပါတယ္။
    

ဒီသေဘာတူညီခ်က္ကေန အေမရိကန္ ႏုတ္ထြက္မယ္ဆိုရင္  ေနာက္တစ္ဖန္ စစ္ေအးေခတ္ကာလကို ေရာက္ဖို႔ အလားအလာမ်ားေနပါတယ္။ယခင္စစ္ေအးေခတ္မွာ ဆိုဗီယက္နဲ႔ အေမရိကန္ ႏွစ္ႏိုင္ငံထဲရွိေပမယ့္ ယခုကေတာ့ တ႐ုတ္နဲ႔ ဂ်ပန္၊ အိႏၵိယ ႏိုင္ငံေတြကိုပါ ထည့္တြက္ရမယ့္ အေျခအေနရွိေနလို႔ ပိုက်ယ္ျပန႔္လာဖြယ္ ရွိေနပါတယ္။အထူးသျဖင့္ အေမရိကန္ လက္နက္ေဈးကြက္ကို ျဖန႔္ခ်ထားျခင္တဲ့ ထရန႔္ အတြက္ ယခု န်ဴကလီးယားစာခ်ဳပ္ကေန ထြက္ျခင္းက စစ္လက္နက္ ၿပိဳင္ဆိုင္တာထက္ သူ႔လက္နက္ေတြကို ေငြေၾကးသုံးႏိုင္တဲ့ အာရွနဲ႔ ဥေရာပမွာ အေမရိကန္ လက္နက္ေတြကို အရွိန္အဟုန္ေကာင္းေကာင္း ေရာင္းခ်ဖို႔ဆိုရင္ ေဒသတြင္းစစ္ပြဲေတြ တင္းမာမႈေတြ၊ လက္နက္ၿပိဳင္ဆိုင္မႈေတြ ျဖစ္ေနဖို႔ လိုပါတယ္။
    

ထရန႔္ ရဲ႕ ဗ်ဴဟာခ်ေနတဲ့ ရည္႐ြယ္ခ်က္ ကမာၻ႔စီးပြားေရးအားလုံး ထိန္းခ်ဳပ္ထားႏိုင္ဖို႔ ျဖစ္ဖို႔နဲ႔ အေမရိကန္ လုပ္ငန္းရွင္ေတြ စီးပြားေရးေကာင္းေနဖို႔ ျဖစ္ပါလိမ့္မယ္။စစ္ေအးေခတ္ ၿပီးဆုံးေစတဲ့ ဒီစာခ်ဳပ္ ခ်ဳပ္ဆိုႏိုင္ဖို႔ အေမရိကန္ သမၼတအဆက္ဆက္ ႀကိဳးပမ္းခဲ့မႈ စီးပြားေရးသမား ထရန႔္ လက္ထက္မွာ ဖ်က္သိမ္းဖို႔ ျဖစ္လာတဲ့အတြက္ ဒါဟာ ကမာၻ႔ၿငိမ္းခ်မ္းေရးအတြက္ ဆုတ္ယုတ္မႈ ျဖစ္လာဖြယ္ရွိေနသလို အားလုံးက စိုးရိမ္တႀကီး ေစာင့္ၾကည့္ေနရတဲ့  အေရးႀကီးကိစၥတစ္ခု ျဖစ္လာပါတယ္။
    

ဒီလိုႏုတ္ထြက္မႈ ဘာေတြဆက္ျဖစ္လာမလဲဆိုတာ အားလုံးက ေစာင့္ၾကည့္ေနရတဲ့အတြက္ ဒီသတင္းက ယခုတစ္ပတ္အတြင္း အေမရိကန္နဲ႔ ဆိုင္တဲ့ သတင္းေတြျဖစ္တဲ့ The Guardian သတင္းေထာက္တစ္ဦးကို အၾကမ္းဖက္တိုက္ခိုက္ခဲ့လို႔ ေငြဒဏ္နဲ႔ ဆိုင္းငံေထာင္ဒဏ္ ခ်ခံရတဲ့ အေမရိကန္ လႊတ္ေတာ္အမတ္ ဂ်ီ ယန္ေဖာ္ တီ ကို သမၼတ ေဒၚနယ္ထရန႔္ က ခ်ီးက်ဴးလိုက္တဲ့ သတင္း၊ အေမရိကန္ကို ဦးတည္တဲ့ ေထာင္ခ်ီတဲ့ ဗဟိုအေမရိက ေ႐ႊ႕ေျပာင္းဒုကၡသည္ အုပ္စုေတြ မကၠဆီကို ေတာင္ပိုင္း ခိုလႈံေရးစင္တာမ်ားမွာ စခန္းခ်ေနတဲ့ သတင္း၊ အေမရိကန္ဆီ ဦးတည္လာေနတဲ့ ဟြန္ဒူးရပ္စ္မွ ေ႐ႊ႕ေျပာင္းဝင္ေရာက္သူ ေထာင္ေပါင္းမ်ားစြာကို တားဆီးဖို႔ မကၠဆီကို နယ္စပ္ကို စစ္တပ္သုံး ပိတ္ပစ္မယ္လို႔ ေဒၚနယ္ထရန႔္ က ၿခိမ္းေျခာက္ေျပာဆိုလိုက္တဲ့ သတင္း၊ အီေကြေဒါမွာ ကေလးသူခိုးလို႔ သံသယရွိ သူ ၃ ဦးကို ေဒါသထြက္ေနတဲ့ လူအုပ္ႀကီးက မွားယြင္းၿပီး ဝိုင္းဝန္းသတ္ျဖတ္ခဲ့တဲ့ သတင္း၊ နာေရးဝန္ေဆာင္မႈလုပ္ငန္း ေဆာင္႐ြက္တဲ့ အေမရိကန္ျပည္ေထာင္စု မီခ်ီဂန္ျပည္နယ္ ဒက္ထ႐ိုက္ၿမိဳ႕Funeral Home အေဆာက္အအုံမွာ ေမြးကင္းစ ကေလးႏွင့္ သေႏၶသား ၆၀ ေက်ာ္ရဲ႕ အႂကြင္းအက်န္ေတြ ေတြ႕ရွိရတဲ့ သတင္း စတဲ့ သတင္းေတြထက္ အမ်ားစုစိတ္ထဲ ထူးျခားေနခဲ့ပါတယ္။

တစ္ေက်ာ့ျပန္ ဘရီဇစ္ (Brexit)
    

ယခုတစ္ပတ္ သတင္းေတြထဲ ထူးျခားတဲ့ သတင္းတစ္ခု ရွိခဲ့ပါတယ္။ဒါက ၿပီးခဲ့တဲ့ႏွစ္ေတြထဲ ၿဗိတိန္ဝန္ႀကီးခ်ဳပ္ ႏုတ္ထြက္ရတဲ့အထိ ျဖစ္ခဲ့တဲ့ ဥေရာပသမဂၢ (EU) ကေန ၿဗိတိန္ႏိုင္ငံ ႏုတ္ထြက္တဲ့ကိစၥ အၿပီးသတ္ခ်ိန္မွာ ၿဗိတိန္ႏိုင္ငံမွာ ဒီသေဘာတူညီခ်က္နဲ႔ ပတ္သက္ၿပီး ဒုတိယအႀကိမ္ လူထုဆႏၵခံယူဖို႔ ေတာင္းဆိုမႈေတြ ရွိလာခဲ့တာကိုပါ။
    

ၿပီးခဲ့တဲ့ ေအာက္တိုဘာ ၂၀ ရက္က လန္ဒန္ေဒသခံ ခုႏွစ္သိန္းဟာ လန္ဒန္ၿမိဳ႕တစ္ေလွ်ာက္ ခ်ီတက္ကာ ဥေရာပသမဂၢမွ ၿဗိတိန္ႏိုင္ငံ ႏုတ္ထြက္ေရး (Brexit) အၿပီးသတ္ သေဘာတူညီခ်က္အေပၚ ဒုတိယအႀကိမ္ လူထုဆႏၵခံယူပြဲ က်င္းပေပးဖို႔ ဆႏၵျပေတာင္းဆိုခဲ့ပါတယ္။
    

EU ကေန ႏုတ္ထြက္ဖို႔ လုပ္ေဆာင္ေနတဲ့ ၿဗိတိန္ဝန္ႀကီးခ်ဳပ္ ထရီဆာေမ အတြက္ ဒီဆႏၵထုတ္ေဖာ္မႈက အၾကပ္ေတြ႕စရာ ျဖစ္လာဖြယ္ ရွိေနပါတယ္။Brexit ေၾကာင့္ ဝန္ႀကီးခ်ဳပ္ရာထူးကို ရလာတဲ့ ထရီဆာေမ အတြက္ ျပည္သူေတြက ဒုတိယအႀကိမ္ ဆႏၵထုတ္ေဖာ္ဖို႔ ေတာင္းဆိုေနတာကို အႀကိမ္ႀကိမ္ပယ္ခ်ခဲ့ရာမွာ ယခုလို လူ သိန္းခ်ီၿပီး ေတာင္းဆိုမႈေတြ ရွိလာတဲ့အတြက္ ၿဗိတိန္ ဥေရာပသမဂၢကေန ႏုတ္ထြက္ဖို႔ ကိစၥက ေနာက္ေၾကာင္းျပန္ဖို႔ ျဖစ္လာမလားဆိုတာ ထည့္တြက္စရာ ျဖစ္လာခဲ့ပါတယ္။
    

လတ္တေလာမွာ အေမရိကန္ သမၼတ ထရန႔္ ရဲ႕ တစ္ဖက္သတ္ဆန္တဲ့ ကုန္သြယ္ေရးအခြန္ တိုးေကာက္မႈေတြေၾကာင့္ ဥေရာပရဲ႕ ကုန္သြယ္ေရးအေျခအေနက သိပ္မဟန္ဘူးျဖစ္ေနသလို ကမာၻ႔ကုန္သြယ္ေရး အေျခအေနကလည္း သိပ္ၿပီးအေကာင္းဘက္မွာ မရွိပါဘူး။EU ကေန ၿဗိတိန္ထြက္ရင္ EU ကို ေပးေလ်ာ္ရမယ့္ ဘီလ်ံနဲ႔ခ်ီတဲ့ ေလ်ာ္ေၾကးကလည္း ယခုအခ်ိန္မွာ ၿဗိတိန္ျပည္သူေတြအတြက္ စဥ္းစားစရာ ျဖစ္လာပါတယ္။
    

ထရန႔္ ကိုင္တြယ္ေနတဲ့ အေမရိကန္ရဲ႕ အခြန္ထိုးစစ္ကို တစ္ခုတည္းေသာ ဥေရာပအေနနဲ႔ တုံ႔ျပန္မွျဖစ္ႏိုင္မွာကို ယခုခ်ိန္မွာ EU ကေန ၿဗိတိန္ ထြက္တာ၊ မထြက္တာက ၿဗိတိန္အတြက္သာမက ဥေရာပအတြက္လည္း အေရးႀကီးေနၿပီ ျဖစ္ပါတယ္။ထရီဆာေမ ရဲ႕ ပါတီထဲမွာလည္း သေဘာထားကြဲလြဲမႈေတြ ျဖစ္ေနသလို ၅ - လသာ က်န္ေတာ့တဲ့  ဥေရာပသမဂၢ ကေန ႏုတ္ထြက္ေရး ျပႆနာကေန ဘာေတြျဖစ္လာဦးမလဲ၊ အရင္တစ္ခါလို ဝန္ႀကီးခ်ဳပ္ အေျပာင္းအလဲေတြ ျဖစ္လာႏိုင္မလား ဆိုတာေတြ ေစာင့္ၾကည့္ရမယ့္ အေျခအေနပါဘဲ။
    

ဒီသတင္းက ယခုတစ္ပတ္အတြင္း ျဖစ္ခဲ့တဲ့ စိတ္ဝင္စားဖြယ္ရာ သတင္းေတြျဖစ္တဲ့ မာက်ဴရီ ၿဂိဳဟ္ (ဗုဒၶဟူးၿဂိဳဟ္) ကို ေလ့လာဖို႔ ၿဂိဳဟ္တုႏွစ္စင္းကို ေတာင္အေမရိက အာကာသစခန္းကေန လႊတ္တင္လိုက္တဲ့ သတင္း၊ ညဘက္ လမ္းေတြ အလင္းေပးဖို႔ တ႐ုတ္သိပၸံပညာရွင္ေတြက လအတုတစ္လုံး လႊတ္တင္ဖို႔္ စီစဥ္ေနတဲ့ သတင္း၊ ႏိုင္ဂ်ီးရီးယားႏိုင္ငံ ေျမာက္ပိုင္း ေဈးတစ္ခုမွာ ဟြာဆာလူမ်ိဳး မြတ္စလင္လူငယ္မ်ားႏွင့္ အာဒရာလူမ်ိဳး ခရစ္ယာန္လူငယ္မ်ားၾကား ရန္ပြဲျဖစ္လို႔ လူ ၅၅ ဦး ေသဆုံးခဲ့တဲ့ သတင္း၊ လႊတ္ေတာ္ေ႐ြးေကာက္ပြဲ ယွဥ္ၿပိဳင္မည့္ အာဖဂန္ လႊတ္ေတာ္အမတ္ တစ္ဦး၏ ႐ုံးခန္းမွာ ဗုံးေပါက္ကြဲလို႔ လႊတ္ေတာ္အမတ္ အပါအဝင္ လူေလးဦး ေသဆုံးခဲ့တဲ့ သတင္း၊ ကန္ဒါဟာျပည္နယ္ ရဲတပ္ဖြဲ႕တပ္မႉး ဗိုလ္ခ်ဳပ္ႀကီး ရာဇက္   အေမရိကန္တပ္မႉး ဗိုလ္ခ်ဳပ္ႀကီး စေကာ့မီလာ ႏွင့္ ေတြ႕ဆုံၿပီး ထြက္လာစဥ္ သက္ေတာ္ေစာင့္တစ္ဦး ပစ္ခတ္လို႔ ေသဆုံးခဲ့တဲ့ သတင္း၊ ဂါဇာရွိ စစ္ေသြးႂကြေတြ လက္ခ်က္နဲ႔ အစၥေရး လူေနအိမ္တစ္လုံး ထိခိုက္ပ်က္စီးသြားလို႔ အစၥေရး စစ္တပ္က လက္တုံ႔ျပန္ ပစ္ခတ္ခဲ့တဲ့ သတင္း၊ ဂါဇာကမ္းေျမာင္ရွိ အစၥေရး နယ္စပ္အနီး အစၥေရး စစ္တပ္က Merkava တင့္ကားေတြနဲ႔ ေျခလ်င္တင္ သံခ်ပ္ကာယာဥ္ေတြ တပ္စြဲထားတဲ့ သတင္းေတြ စတဲ့ သတင္းေပါင္းမ်ားစြာ ျဖစ္ခဲ့တယ္ဆိုတာ တင္ျပရင္း ယခုတစ္ပတ္ သတင္းသုံးသပ္ခ်က္ကို ဒီမွာဘဲ ရပ္လိုက္ခ်င္ပါတယ္။

မင္းထက္
ေအာက္တိုဘာ - ၂၂