【 တစ်ပတ်အတွင်း နိုင်ငံတကာသတင်း သုံးသပ်ချက် 】 ဖန်နီ (သို့မဟုတ်) လူသားတွေအနိုင်ရခဲ့တဲ့ မုန်တိုင်း

ယခုတစ်ပတ်ဖြစ်ခဲ့တဲ့ နိုင်ငံတကာသတင်းတွေထဲ သဘာဝဘေး သတင်းတွေက ထိပ်တန်းသတင်းတွေ ဖြစ်ခဲ့ပါတယ်။အိန္ဒိယနဲ့ ဘင်္ဂလားဒေ့ရှ်ကို မုန်တိုင်းဝင်တာ၊ ဗင်နီဇွဲလားမှာ အတိုက်အခံနဲ့ အစိုးရကြား စစ်တပ်ကို အပြိုင်အဆိုင် ဆွဲနေတာ၊ အကြမ်းဖက်မှုတွေ ကမ္ဘာတစ်ဝန်းမှာ ဖြစ်ပျက်နေတဲ့ သတင်းတွေက ယခုတစ်ပတ်ရဲ့ ထိပ်တန်းသတင်းတွေ ဖြစ်ခဲ့ပါတယ်။

ဒီသတင်းတွေနဲ့အပြိုင် အမေရိကန် ဒုတိယရှေ့နေချုပ် ရော့ဒ်ရိုစန်စတိန်း ရာထူးက နုတ်ထွက်စာတင်လိုက်တဲ့ သတင်း၊ 1DMM ကုမ္ပဏီပိုင် အမေရိကန် ဒေါ်လာ သန်း ၂ဝဝ ကို အမေရိကန်က မလေးရှားအစိုးရထံ ပြန်ပေးတော့မယ့် သတင်း၊ မြောက်ကိုရီးယား ခေါင်းဆောင် ကင်ဂျုံအွန် နှင့် ပွင့်လင်းသော ဆွေးနွေးပွဲတစ်ခုဖြစ်လာဖို့ ဂျပန်ဝန်ကြီးချုပ်က မျှော်လင့်နေတဲ့ သတင်း၊ တရုတ်ရေတပ်နဲ့ ထိုင်းရေတပ်တို့ ပူးတွဲလေ့ကျင့်ရေးတစ်ခုကို မေ ၂ ရက်က ပြုလုပ်ခဲ့တဲ့ သတင်း၊ ဗြိတိန်နိုင်ငံ ကာကွယ်ရေးဝန်ကြီး ဂါဗင်ဝီလီယံဆင် ကို သတင်းအချက်အလက် ပေါက်ကြားမှုနဲ့ ရာထူးက ထုတ်ပယ်လိုက်တဲ့ သတင်း၊ အမေရိကန်နိုင်ငံအနေနဲ့  သုံးလအတွင်း ဒုံးကျည်ကန်ထရိုက်စာချုပ်သစ် ကန်ဒေါ်လာ တစ်ဘီလီယံကျော်ဖိုး လက်မှတ်ထိုးခဲ့တဲ့ သတင်း၊ သိုင်းကြိုးတွေ တပ်ထားတဲ့ ဝေလငါးတစ်ကောင်ကို နော်ဝေကမ်းလွန်မှာ တွေ့ခဲ့တဲ့ သတင်း၊ နန်းတက်ပွဲမတိုင်မီ သက်တော်စောင့်အဖွဲ့ခေါင်းဆောင် အမျိုးသမီးတစ်ဦးနဲ့ ထိုင်းဘုရင် မဟာဗာဂျီရာလောင်ကွန်း လက်ထပ်ထိမ်းမြားခဲ့တဲ့ သတင်း၊ ထိုင်ဝမ်ရေလက်ကြားကို အမေရိကန်ရေတပ်မှ စစ်သင်္ဘောနှစ်စင်း ဖြတ်သန်းခုတ်မောင်းခဲ့တဲ့ သတင်း၊ အော်ဒါမှာယူမှုကို နောက်ဆုတ်လိုက်တဲ့ သတင်း၊ ကိုရီးယားကျွန်းဆွယ် နျူကလီးယားဖျက်သိမ်းရေးကို ပြီးပြတ်အောင်မြင်တဲ့အထိ ကောင်းစွာလုပ်ဆောင်သွားဖို့ တောင်ကိုရီးယားက မြောက်ကိုရီးယားကို တိုက်တွန်းလိုက်တဲ့ သတင်း၊ ယခုနှစ် ပထမသုံးလအတွင်း ရုရှားဗဟိုဘဏ်၏ အသားတင် ရွှေဝယ်ယူမှု ၅၅ ဒသမ ၃ တန်အထိ ရှိတဲ့သတင်း၊ ဂျပန် ဧကရာဇ် အာ ကီဟီတို က ထီးနန်းစွန့်လွှတ်ကြောင်း ကြေညာခဲ့ပြီး အသက် ၅၉ နှစ်ရှိ သားတော် နာရူဟီတို က အရိုက်အရာ တရားဝင်ဆက်ခံခဲ့တဲ့ သတင်းတွေကလည်း ယခုတစ်ပတ် သတင်းဖတ်သူတွေ စိတ်ကို စွဲဆောင်ခဲ့ပါတယ်။

လူသန်း ၁၀၀ သေဆုံးသူ ဆယ်ဂဏန်းကျော်နဲ့ အင်အားပြင်း ဖန်နီ

ပြီးခဲ့တဲ့ ရက်သတ္တပတ်အတွင်း အများစု စိတ်ဝင်တစားစောင့်ကြည့်ခဲ့တဲ့ သတင်းက ဆိုင်ကလုံးမုန်တိုင်း ဖန်နီရဲ့ သတင်းတွေပါဘဲ။ဘင်္ဂလားပင်လယ်အော်မှာဖြစ်ခဲ့တဲ့ လေဖိအားနည်းရပ်ဝန်းကနေ စခဲ့တဲ့ မုန်တိုင်းက စတည်ခဲ့ပြီး မေ ၃ ရက်မှာ အိန္ဒိယနိုင်ငံ သြရိသျှပြည်နယ် ကမ်းခြေဒေသကို တည့်တည့်ဝင်တိုးပါတယ်။

အိန္ဒိယ မဝင်ခင် မိုးလေဝသ ကွန်ပျူတာတွေက ဒီမုန်တိုင်းဖြစ်လာနိုင်တဲ့ လေတိုက်ခတ်မှုနူန်းနဲ့ ဝင်နိုင်တဲ့ဒေသ ခန့်မှန်းမှုတွေကြောင့် လူတစ်သိန်းခွဲခန့် သေခဲ့ရတဲ့ နာဂစ်မုန်တိုင်းဒဏ် ခံရတဲ့ မြန်မာနိုင်ငံအတွက် သတိထားစရာ ဖြစ်ခဲ့ပါတယ်။မေ ၁ ရက်မှာ မုန်တိုင်းဝင်ရောက်နိုင်တဲ့ ဒေသအတိအကျကို တွက်ချက်ဖော်ပြနိုင်လောက်တဲ့အထိ ဖြစ်လာပြီး မုန်တိုင်းဝင်လေ့ဝင်ထရှိတဲ့ အိန္ဒိယက သြရိသျှပြည်နယ် ကမ်းခြေဒေသမှာ အာဏာပိုင်တွေဘက်က ပြင်ဆင်မှုတွေ စခဲ့ပါတယ်။

တစ်နာရီ ကီလိုမီတာ ၂၅၀ နူန်းနဲ့ ကုန်းတွင်းကို ဝင်ရောက်မယ့် ဆိုင်ကလုံးမုန်တိုင်းကြီး ဖန်နီရဲ့ လမ်းကြောင်းမှာ လူဦးရေ သန်း၁၀၀ ခန့် နေထိုင်ပါတယ်။ဒါဟာ ကမ္ဘာမှာ ထိခိုက်နိုင်ချေ အများဆုံးပါဘဲ။အိန္ဒိယအာဏာပိုင်တွေက  မုန်တိုင်းဒဏ် တိုက်ရိုက်ခံရနိုင်တဲ့ သြရိသျှပြည်နယ် ကမ်းခြေဒေသက မြို့တွေနဲ့ ကျေးရွာတွေက ဒေသခံတွေကို အလျင်အမြန် ရွှေ့ပြောင်းခဲ့ပါတယ်။ဒီရွှေ့ပြောင်းမှုကို အိန္ဒိယစစ်တပ်က ကြီးမှူးကာ အရပ်ဘက်အဖွဲ့အစည်းတွေ၊ လူငယ်အဖွဲ့တွေ၊ ကယ်ဆယ်ရေးလုပ်သားတွေ အပါအဝင် ဝိုင်းဝန်းလုပ်ဆောင်ခဲ့ပါတယ်။

ပြည်သူ ၄၆ သန်းတို့ရှိရာ သြရိသျှပြည်နယ်ရှိ ခရိုင် ၁၃ ခုမှာ ပြည်သူ ၇၈၀၀၀၀ ကို ဘေးကင်းလုံခြုံရာ နေရာများဆီသို့ တစ်ညလုံး ကယ်ဆယ်ရွှေ့ပြောင်းခဲ့ပြီး  ဒေသခံ ၁ ဒသမ ၂ သန်းကို အလျှင်အမြန် ရွှေ့ပြောင်းပေးရတဲ့ သမိုင်းဝင်တဲ့ ဒီရွှေ့ပြောင်းမှုကြောင့် လူသန်း ၁၀၀ နေထိုင်တဲ့ ဒီဒေသမှာ မုန်တိုင်းကြောင့် သေဆုံးသူဦးရေက ရာဂဏန်းထိတောင် မရှိခဲ့ပါဘူး။

ဒါဟာ လူတစ်သိန်းခွဲခန့် သေဆုံးခဲ့တဲ့ ၂၀၀၈ ခုနှစ်က မြန်မာကို တိုက်ခတ်ခဲ့တဲ့ နာဂစ်မုန်တိုင်းထက် အင်အားကြီးတဲ့ ဖန်နီမုန်တိုင်းဒဏ်အတွက် သောက်ရေသန့်၊ ကျန်းမာရေးစောင့်ရှောက်မှု၊ မီးဖိုးခန်း၊ လျှပ်စစ်မီးပါ ပြင်ဆင်ထားတဲ့ လူ ၁ သန်းလောက် နေထိုင်နိုင်တဲ့ ယာယီနားခိုရန်စခန်း ၈၅၀ ကျော်ကို ပြင်ဆင်ခဲ့ပါတယ်။

မုန်တိုင်းက မေ ၃ ရက် မနက်မှာ စတင်ပြီး သြရိသျှပြည်နယ်ကို ဝင်ရောက်ခဲ့ပါတယ်။တိုက်ခတ်ချိန် ၄ နာရီအတွင်း ဒေသတစ်ခုလုံး ဖွတ်ဖွတ်ညက်ညက်ကြေအောင် တိုက်ခတ်ခဲ့ပြီး ပါဝါလျှပ်စစ်လိုင်းတွေ၊ အင်တာနက်နဲ့ ဆက်သွယ်ရေးတွေပါ ပြတ်တောက်ခဲ့ပါတယ်။လေတိုက်နူန်း တစ်နာရီကို ကီလိုမီတာ ၂၀၀ ထိရှိတဲ့ ဆိုင်ကလုံးဖန်နီကြောင့် ကားတွေ၊ ဆိုင်ခန်းတွေ လွင့်စင်ကာ အဆောက်အဦးတွေ ပြိုကျပျက်စီးခဲ့ပါတယ်။မုန်တိုင်း ဖန်နီဟာ သောကြာမှာ အိန္ဒိယဝင်ပြီး စနေနေ့မှာ ဘင်္ဂလားဒေ့ရှ်ဘက်ကို ဆက်ရွှေ့လျှားခဲ့ကာ ကုန်းတွင်းမုန်တိုင်းကနေ လေဖိအားနည်းရပ်ဝန်းအဖြစ် အားလျော့သွားခဲ့ပါတယ်။
ဘင်္ဂလားဒေ့ရှ် အာဏာပိုင်တွေက လူပေါင်း ၁ ဒသမ ၆ သန်းကို ဘေးလွတ်ရာကို ရွှေ့ပြောင်းပေးခဲ့ပါတယ်။

ကမ္ဘာ့လူနေထူထပ်ဆုံး ဒေသဖြစ်တဲ့ အိန္ဒိယနဲ့ ဘင်္ဂလားဒေ့ရှ်ကို ဖျက်အားပြင်းမုန်တိုင်းဝင်လို့ အသေအပျောက်များမယ် ထင်ထားပေမယ့် ယခင်ကြုံတွေ့ခဲ့ရသည့် မုန်တိုင်းများကို သင်ခန်းစာယူကာ ကြီးမားလှသည့် သဘာဝဘေးမှ  ရှောင်ရှားနိုင်အောင် လူများကို ဘေးလွတ်ရာသို့   ရွှေ့ပြောင်းခြင်း လုပ်ငန်းများကို အရှိန်အဟုန်ဖြင့် လုပ်ဆောင်နိုင်ခဲ့တဲ့အတွက် နှစ်နိုင်ငံစလုံး လူသေပျောက်မှု အခြေအနေက မထင်မှတ်လောက်အောင် ထိုးကျခဲ့ပါတယ်။မေ ၅ ရက်အထိ သေဆုံးသူဦးရေက စုစုပေါင်း ၂၄ ဦးသာ ရှိခဲ့ပါတယ်။

ဒါဟာ နာဂစ်ကြောင့် သေခဲ့တဲ့ မြန်မာနိုင်ငံသား တစ်သိန်းခွဲအတွက် ပေါ့ဆခဲ့တဲ့ တာဝန်ရှိသူတွေကို ကျိန်ဆဲချင်စရာပါ။

ဒီသတင်းက  မိုဇမ်ဘစ်နိုင်ငံ မြောက်ပိုင်းကို အပူပိုင်း ဆိုင်ကလုန်းမုန်တိုင်း ကန်နက် တိုက်ခတ်လို့ ဒေသခံ ၃၈ ဦး သေဆုံးခဲ့တဲ့ သတင်း၊ ကနေဒါနိုင်ငံ နယူးဘရန်ဆွစ်၊ ကွီဗက်နှင့် အွန်တေရီအို ပြည်နယ်တွေ ရေကြီးမှုဖြစ်ပေါ်နေလို့ လူ ၁ဝဝဝဝ ကျော်ကို ဘေးလွတ်ရွှေ့ပြောင်းခဲ့ရတဲ့ သတင်း၊ ဗြိတိန် လွှတ်တော်အမတ်တွေက သဘာဝပတ်ဝန်းကျင်နှင့် ရာသီဥတုဆိုင်ရာ အရေးပေါ်အခြေအနေ ကြေညာရေး အဆိုတစ်ရပ်ကို အတည်ပြုခဲ့တဲ့ သတင်း၊ ကုလသမဂ္ဂ အစီရင်ခံစာမှာ သန်းနှင့်ချီသော မျိုးစိတ်များမှာ မျိုးသုဉ်းပျောက်ကွယ်တော့မည့် အန္တရာယ်နှင့် ရင်ဆိုင်နေရတယ်လို့ ထုတ်ပြန်ခဲ့တဲ့ သတင်း၊ အင်ဒိုနီးရှားနိုင်ငံမှာ မိုးသည်းထန်စွာ ရွာသွန်းခဲ့လို့ ရေကြီးရေလျှံမှုနှင့် မြေပြိုမှုများ ဖြစ်ပွားခဲ့လို့ လူ ၄၀ နီးပါး သေဆုံးကာ အများအပြား ပျောက်ဆုံးနေတဲ့ သတင်း၊ နီပေါနိုင်ငံ ဟွမ်လာခရိုင်မှာ အမျိုးအမည် ခွဲခြားလို့မရသေးတဲ့ ရောဂါကြောင့် လူ ၁၀ ဦး သေဆုံးခဲ့တဲ့ သတင်း၊ ဆယ်စုနှစ်တစ်ခုအတွင်း သီးနှံအထွက်နှုန်း အဆိုးဝါးဆုံး ကျဆင်းလာလို့ မြောက်ကိုရီးယားနိုင်ငံမှာ ရိက္ခာခွဲတမ်းကို အနည်းဆုံးအထိ လျှော့ချထားရတဲ့ သတင်း စတဲ့ သဘာဝကြောင့် လူတွေ ထိခိုက်သေကြေရတဲ့ သတင်းတွေထဲ စောင့်ကြည့်ရတဲ့ သတင်းတစ်ပုဒ် ဖြစ်ခဲ့ပါတယ်။

ပြည်တွင်းစစ် ချောက်ကမ်းပါးကပ်လာတဲ့ ဗင်နီဇွဲလား

ဗင်နီဇွဲလား နိုင်ငံခြားရေးဝန်ကြီး ဂျော့အာရီယာဇာ က ဧပြီ ၃ဝ ရက်က ဗင်နီဇွဲလားနိုင်ငံတွင် အာဏာသိမ်းယူမှု လုပ်ဆောင်ရန် အမေရိကန်အစိုးရက သဘောတူခဲ့ပြီး အတိုက်အခံအဖွဲ့ကို ထောက်ခံကြရန် ဗင်နီဇွဲလား လက်နက်ကိုင်တပ်ဖွဲ့ကို ပြောခဲ့ပါတယ်။

ဧပြီ ၃၀ ရက်မှာ ဗင်နီဇွဲလား အတိုက်အခံခေါင်းဆောင် ဂျူအန်ဂွိုက်ဒို က လွတ်မြောက်ရေးကြိုးပမ်းမှု စတင်ပြီဟု ပြောကြားခဲ့ပြီးနောက်တွင် မြို့တော် ကရာကတ်မှာ ထောင်နှင့်ချီသော ပြည်သူများ ဆန္ဒပြခဲ့ကြပါတယ်။ဒီလိုပြောခဲ့တဲ့အတွက် ဗင်နီဇွဲလားအစိုးရက ဒါဟာ စစ်အာဏာသိမ်းရန် လုပ်ဆောင်နေတယ်ဆိုပြီး ပြောခဲ့ပါတယ်။ဒီဆန္ဒပြပွဲမှာ ပြည်သူတွေနဲ့ လုံခြုံရေးတပ်ဖွဲ့များ ထိပ်တိုက်တွေ့ဆုံခဲ့ပြီး ဗင်နီဇွဲလားအလံကို ဝှေ့ယမ်းချီတက်လာတဲ့ ဆန္ဒပြသူ လူရာပေါင်းများစွာကို ရဲတပ်ဖွဲ့ဝင်များက မျက်ရည်ယိုဗုံးများ ပစ်ပေါက်ခဲ့လို့ လူတချို့က ရဲတပ်ဖွဲ့ဝင်တွေကို ကျောက်တုံးတွေနဲ့ ပြန်ပစ်ပေါက်ခဲ့ပါတယ်။

ဗင်နီဇွဲလား သမ္မတ နီကိုလပ်မာဒူရို ကတော့ လက်ရှိဖြစ်ပွားနေသော ပဋိပက္ခများနှင့် ဆူပူအုံကြွမှုများက ဆက်အရှိန်မြင့်တက်လာရင် ပြည်တွင်းစစ် ဖြစ်ပေါ်လာစေမှာဖြစ်ပြီး ဒီကနေ အမေရိကန်က ကြားဝင်စွက်လာမယ်လို့လည်း ဗင်နီဇွဲလား သမ္မတ နီကိုလပ်မာဒူရို က ဆိုပါတယ်။အတိုက်အခံ ခေါင်းဆောင် ဂျူအန်ဂွိုက်ဒို ကတော့ လက်ရှိသမ္မတကို ဖြုတ်ချနိုင်ရေးအတွက် ကြိုးပမ်းမှုကို နောက်မဆုတ်နိုင်ဘူးလို့ ဆိုပါတယ်။အတိုက်အခံ ခေါင်းဆောင်တဲ့ ဦးဆောင်မှုနောက်ကို အတိုက်အခံ လှုပ်ရှားမှုတွင် ဗင်နီဇွဲလားတပ်ဘက်ကအချို့ ဘက်ပြောင်းပါဝင်လာသလို ဒုတိယဗိုလ်မှူးကြီး အိုင်းလစ်ဆန်ချက်ဇ် ကလည်း အတိုက်အခံလှုပ်ရှားမှုမှာ ပြည်သူများ ပါဝင်လာရန် တိုက်တွန်းထားတဲ့အတွက် ဗင်နီဇွဲလား အရေးက အချိန်နှင့်အမျှ သတိထားနေရတဲ့ အခြေအနေကို ရောက်လာနေပါတယ်။

နှစ်ရက်ကြာ လူထုဆန္ဒပြမှုမှာ မြို့တော် ကရာကတ်၏ လမ်းများပေါ်တွင် ထောင်နှင့်ချီတဲ့လူများ ဆန္ဒပြခဲ့ကြပြီးနောက် တချို့က လုံခြုံရေးတပ်ဖွဲ့ဝင်များကို ခဲများနှင့် ပစ်ပေါက်ခဲ့ကြသလို လုံခြုံရေးတပ်ဖွဲ့ဝင်များက လည်း ရံဖန်ရံခါ ကျည်ဆန်အစစ်များ၊ ရော်ဘာကျည်ဆန် များ၊ မျက်ရည်ယိုဗုံးများဖြင့် ပြန်လည်ပစ်ခတ်ခဲ့ကြလို့ သေဆုံးသူ လေးဦးရှိခဲ့ပြီး လူအများအပြား ဒဏ်ရာရရှိခဲ့ပါတယ်။အတိုက်အခံဘက်ကနေ တပ်ဘက်ကအချို့ ပါဝင်လာခဲ့တဲ့အတွက် ဗင်နီဇွဲလားအစိုးရဘက်က တပ်မတော်အနေဖြင့် ပုန်ကန်မှုမရှိကြောင်း၊ တပ်မတော်ထဲမှ သစ္စာဖောက်တပ်သား အနည်းငယ်သာ အာဏာသိမ်းရေး အထမြောက်အောင် ကြိုးပမ်းနေကြောင်း ပြောခဲ့သလို ဗင်နီဇွဲလား စစ်ခေါင်းဆောင်များအား မည်သည့်အာဏာသိမ်းမှုမဆို ဆန့်ကျင်ကြရန် တောင်းဆိုခဲ့ပါတယ်။ရုပ်သံကနေ ဗင်နီဇွဲလားစစ်တပ် အကြီးအကဲနှင့်အတူ ထုတ်လွှင့်တဲ့ ထုတ်ပြန်မှုမှာ သမ္မတ မာဒူရို က ဗင်နီဇွဲလားတွင် တိုက်ပွဲများဖြစ်နေပြီး သစ္စာဖောက်သူ၊ အာဏာသိမ်းရန် ကြံစည်သူ မည်သူ့ကိုမဆို လက်နက်ချလာအောင် ကိုင်တွယ်ဆောင်ရွက်သွားမယ်လို့ ပြောခဲ့ပါတယ်။အုံကြွမှုတွင် ဦးဆောင်ပါဝင်ခဲ့တဲ့ ဗင်နီဇွဲလားစစ်တပ်မှ  ၂၅ ဦးက ဗင်နီဇွဲလားရှိ ဘရာဇီးသံရုံးမှာ ခိုလှုံခွင့် တောင်းထားပါတယ်။

အမေရိကန်ကတော့ ဗင်နီဇွဲလားနိုင်ငံမှာ မတည်ငြိမ်မှုတွေ ရပ်တန့်သွားအောင် လိုအပ်ရင် စစ်ရေးအရ အရေးယူမှုတွေ လုပ်ဆောင်သွားမယ်လို့ ကြေညာထားသလို ကုလသမဂ္ဂ အတွင်းရေးမှူးချုပ် အန်တိုနီ ယိုဂူတာရက်စ် ကလည်း ဗင်နီဇွဲလား အာဏာပိုင်တွေကို ဆန္ဒပြသူတွေ အသက်အန္တရာယ် ထိခိုက်အောင် အင်အားမသုံးဖို့ သတိပေးထားပါတယ်။

ဗင်နီဇွဲလားမှာ စစ်သားနဲ့ ရဲတပ်ဖွဲ့ဝင်များ အပါအဝင် လက်နက်ကိုင်အင်အား ၃၆၅၀၀၀ ရှိပြီး အရပ်ဘက် အရန်စစ်မှုထမ်း ၁ ဒသမ ၆ သန်း ရှိတဲ့အတွက် ဒီအာဏာလွန်ဆွဲပွဲကနေ ဘာတွေဆက်ဖြစ်လာဦးမလဲဆိုတာ စောင့်ကြည့်ရဦးမှာ ဖြစ်ပါတယ်။

ဒီသတင်းက ယခုတစ်ပတ်ဖြစ်ခဲ့တဲ့ ကိုလံဘီယာနိုင်ငံ ရောက်ရှိနေတဲ့ ဗင်နီဇွဲလား ကလေးငယ် ၃၂၇၀၀၀ ခန့် အကူအညီ လိုအပ်နေတယ်လို့ ကုလသမဂ္ဂ ကလေးများ ရန်ပုံငွေအဖွဲ့ ယူနီဆက်ဖ်က ထုတ်ပြန်သတိပေးလိုက်တဲ့ သတင်း၊ ဧပြီ ၂၈ ရက်က ကျင်းပခဲ့တဲ့ စပိန်ရွေးကောက်ပွဲတွင် စပိန်ဝန်ကြီးချုပ် ပီဒရို ဆန်ချက် အနိုင်ရရှိခဲ့တဲ့ သတင်း၊ ဂျပန်ဝန်ကြီးချုပ် ရှင်ဇိုအာဘေး ကနေဒါနိုင်ငံသို့ ရောက်ရှိစဉ် နှစ်နိုင်ငံ ပြည်ပကုန်သွယ်မှု အဖွဲ့အစည်းကြား နားလည်မှုစာချွန်လွှာ လက်မှတ်ရေးထိုးခဲ့တဲ့ သတင်း၊ အမေရိကန်နှင့် တရုတ်ကြား ကာလအတန်ကြာ အဖြေမရှာနိုင်ဘဲ ဖြစ်နေတဲ့ ကုန်သွယ်ရေးဆိုင်ရာ ပြဿနာတွေအတွက် မေ ၁ ရက် မှာ ဆွေးနွေးပွဲပြန်စခဲ့တဲ့ သတင်း၊ ကနေဒါနိုင်ငံသားတစ်ဦးနှင့် တရုတ်နိုင်ငံသားတစ်ဦးကို မူးယစ်ဆေး မှောင်ခိုမှုနဲ့ တရုတ်တရားရုံးက သေဒဏ်ချမှတ်ခဲ့တဲ့ သတင်း၊ နျူကလီးယားလက်နက် မပြန့်ပွားစေရေး တားဆီးရန် ရေးဆွဲထားတဲ့  နိုင်ငံတကာ သဘောတူစာချုပ်မှ နုတ်ထွက်ရန် အီရန်က စဉ်းစားနေတဲ့ သတင်း၊ ကမ္ဘာ့အလုပ်သမားနေ့ မေဒေးအထိမ်းအမှတ် လမ်းလျှောက်ချီတက်သူ ၁၃၇ ဦးကို တူရကီရဲများက ဖမ်းဆီးခဲ့တဲ့ သတင်းတွေထဲ ထူးထူးခြားခြား ကမ္ဘာက စောင့်ကြည့်ရတဲ့ သတင်းတစ်ပုဒ် ဖြစ်ခဲ့ပါတယ်။

ပဋိပက္ခများနဲ့ အကြမ်းဖက်မှု

ကမ္ဘာတစ်ဝန်း အကြမ်းဖက်မှုတွေက ဒုနဲ့ဒေးပါ။သေဆုံးမှုတွေကို တက်လာတဲ့ သတင်းတွေအရ ကြည့်မယ်ဆိုရင် မေ ၁ ရက်က အိန္ဒိယနိုင်ငံ အနောက်ပိုင်းမှာ မော်ဝါဒီသူပုန်တွေ ဗုံးဖောက်ခွဲတိုက်ခိုက်လို့ အိန္ဒိယ စစ်ရဲတပ်ဖွဲ့ဝင် ၁၆ ဦး သေဆုံးခဲ့ပါတယ်။အစ္စရေးနဲ့ ပါလက်စတိုင်း အပြန်အလှန် ပစ်ခတ်တိုက်ခတ်လို့ သေကြေဒဏ်ရာရမှုတွေ ရှိနေပါတယ်။

အရှေ့အလယ်ပိုင်းဒေသမှာ စစ်ပွဲက တဖြေးဖြေးနဲ ကျယ်ပြန့်လာပြီး ယခုအခါ အစ္စရေးနှင့် ဟားမားစ်အုပ်စုတို့ကြား တိုက်ပွဲများဖြစ်လျှက်ရှိရာ ဟားမားစ်တွေက အစ္စရေးပိုင် နယ်မြေထဲ ဒုံးကျည် ၂၀၀ ခန့် ပစ်ခတ်ခဲ့ပြီး အစ္စရေးကလည်း ပြန်လည်တုံ့ပြန်တဲ့အနေနဲ့ လေကြောင်းနဲ့ မြေပြင်ကပါ တိုက်ခိုက်တွေ ပြုလုပ်ခဲ့လို့ အစ္စရေးဘက်က အသက် ၈၀ အရွယ် အမျိုးသမီးကြီးတစ်ဦး သေဆုံးခဲ့သလို ပါလက်စတိုင်းဘက်က အသက် ၁၄ လအရွယ် ကလေးငယ်တစ်ဦးနှင့် ဟားမားစ်အဖွဲ့ကို လိုလားသော တိုက်ခိုက်ရေးသမားတစ်ဦး သေဆုံးခဲ့ပါတယ်။ဟားမားစ်တွေနဲ့ အပြန်အလှန်ဖြစ်နေချိန်မှာ အစ္စရေးက လက်ဘနွန်ကို တိုက်လာရင် အစ္စရေးကို တိုက်ခိုက်ချေမှုန်းနိုင်လောက်တဲ့ စွမ်းရည်ရှိတယ်လို့ လက်ဘနွန်အခြေစိုက် ဟဇ်ဘိုလာအဖွဲ့က စိန်ခေါ်ခဲ့ပါတယ်။

လစ်ဗျားနိုင်ငံ ထရီပိုလီမှာ နှစ်ဘက်ကြား လက်နက်ကိုင်တိုက်ခိုက်မှုတွေ ဆက်လက်ဖြစ်ပွားနေလို့  လူပေါင်း ၄၂၀ဝဝ ကျော် ထွက်ပြေးနေရပါတယ်။အာရှအလယ်ပိုင်းကနေ ဆုတ်ခွာနေတဲ့ အမေရိကန်ကတော့ အာဖဂန်က တာလီဘန် စစ်သွေးကြွအဖွဲ့တွေနဲ့ ကာတာနိုင်ငံ ဒိုဟာမှာ ငြိမ်းချမ်းရေးဆွေးနွေးပွဲတွေ ကျင်းပနေခဲ့ပါတယ်။
ဒီလိုဆွေးနွေးနေပေမယ့် တစ်ဖက်မှာတော့ အမေရိကန်က အီရန်အပေါ် ချထားတဲ့ ပိတ်ဆို့မှုတွေကို ထပ်တိုးခဲ့ပါတယ်။ဒီထဲမှာ အီရန်ကနေ ရေနံတင်သွင်းတဲ့ နိုင်ငံများအပေါ် ပေးထားတဲ့ ပိတ်ဆို့မှုကင်းလွတ်ခွင့်ကို အမေရိကန်က ရုပ်သိမ်းလိုက်တာပါ။ဒီအတွက် အီရန်ရော၊ ကင်းလွတ်ခွင့် ရုပ်သိမ်းခံရတဲ့ နိုင်ငံပေါင်း ခုနစ်နိုင်ငံပါ ထိခိုက်မှုပြင်းခဲ့ပါတယ်။အီရန်နိုင်ငံ နိုင်ငံခြားရေးဝန်ကြီး မိုဟာမက်ဂျာ ဗတ်ဇာရစ်ဖ် ကတော့ ဒီလိုလုပ်တဲ့အတွက် အမေရိကန်နိုင်ငံ၏ ဖိအားပေးမှုအပေါ် လက်မြှောက်အရှုံးပေးမှာ မဟုတ်ဘူးလို့ ပြောခဲ့ပါတယ်။

မကြာခင်က ဖြစ်တဲ့ အီစတာ ဗုံးဆက်ကွဲမှုတွေမှာ ကျူးလွန်ခဲ့သူ အမျိုးသားရှစ်ဦးနှင့် အမျိုးသမီးတစ်ဦးတို့ရဲ့ အမည်နဲ့  ဓာတ်ပုံတွေကို အာဏာပိုင်များက ထုတ်ပြန်ခဲ့ပါတယ်။ဧပြီ ၃၀ ရက်မှာတော့ ဗုံးကွဲမှုကြောင့် ပိတ်ပင်ခဲ့သော လူမှုမီဒီယာအသုံးပြုခွင့် တားမြစ်ချက်ကို သီရိလင်္ကာအစိုးရက ပြန်လည်ဖယ်ရှားပေးခဲ့ပါတယ်။ဒါပေမယ့် လုံခြုံရေးစောင့်ကြပ်မှုကိုတော့ တစ်နိုင်ငံလုံး အတိုင်းအတာနဲ့ တင်းကျပ်ထားနေဆဲပါ။တောင်အာရှ နှစ်နိုင်ငံဖြစ်တဲ့ ပါကစ္စတန်နဲ့ အိန္ဒိယမှာ တပ်ဖွဲ့ဝင်တွေ တစ်ဖက်နှင့်တစ်ဖက် အပြန်အလှန် ပစ်ခတ်မှုများ ဖြစ်ပွားခဲ့လို့ ဒေသတွင်းအတွက် ထိတ်လန့်စရာ ဖြစ်ခဲ့ပါတယ်။

နျူကလီးယားထိပ်ဖူး ၁၃ဝ မှ ၁၄ဝ ကြားနှင့် ၁၄ဝ မှ ၁၅ဝ ကြားအထိ အသီးသီးပိုင်ဆိုင်ထားတဲ့ ဒီနှစ်နိုင်ငံကြား ဘာသာရေးနဲ့ နယ်စပ်ပိုင်နက် အငြင်းပွားမှုကြောင့် မကြာခဏ စစ်ပွဲတွေ အကြိမ်ကြိမ်ဖြစ်ပွားခဲ့သလို လတ်တလောမှာ ဖေဖော်ဝါရီလထဲ ပါကစ္စတန်အခြေစိုက် စစ်သွေးကြွအဖွဲ့က အသေခံ ဗုံးခွဲတိုက်ခိုက်လို့ အိန္ဒိယရဲတပ်ဖွဲ့ဝင် ၄ဝ သေဆုံးပြီးနောက် ဒီနှစ်နိုင်ငံကြားမှာ လေယာဉ်စီးချင်းထိုး တိုက်ရတဲ့အထိ ဖြစ်ထားတာရှိလို့ ဒီလိုမြေပြင်တပ်တွေ ထိတွေ့ပစ်ခတ်တာ ထိတ်လန့်စရာပါ။နှစ်နိုင်ငံကြား နျူကလီးယား စစ်ပွဲအထိ ဖြစ်ပွားလာနိုင်လို့ သတိထားစရာပါ။

ဆွီဒင် သုတေသနအဖွဲ့တစ်ဖွဲ့၏ စစ်တမ်းတစ်ရပ်အရ ကမ္ဘာ့နိုင်ငံများ၏ ကာကွယ်ရေးဆိုင်ရာ အသုံးစရိတ် စံချိန်တင်မြင့်တက်လာခဲ့လို့ စစ်ရေးတင်းမာမှု မြင့်တက်လာမှုတွေကို စောင့်ကြည့်ရမှာပါ။

ဒီသတင်းတွေက ယခုရက်သတ္တပတ်အတွင်းဖြစ်ခဲ့တဲ့ နိုင်ငံတကာသတင်းတွေဖြစ်တဲ့ အင်ဒိုနီးရှား ရွေးကောက်ပွဲအတွင်း အမှုထမ်းပေါင်း ၃၀၀ ကျော် ပင်ပန်းကာ ဖျားနာသေဆုံးခဲ့တဲ့ သတင်း၊ သီရိလင်္ကာ အီစတာ ဗုံးပေါက်ကွဲမှုကြောင့် သေဆုံးသူ ၂၅၃ ဦးထဲ နိုင်ငံခြားသား ၄၂ ဦး ပါဝင်ခဲ့တယ်လို့ သီရိလင်္ကာ အာဏာပိုင်များက အတည်ပြုပြောကြားခဲ့တဲ့ သတင်း၊ မြောက်ကိုရီးယား ခေါင်းဆောင် ကင်ဂျုံအန် နှင့် ဖအေတူ မအေကွဲ ကင်ဂျုံနမ် အသတ်ခံရမှုအတွက် တရားရင်ဆိုင်နေရသည့် ဗီယက်နမ် အမျိုးသမီး လွတ်မြောက်လာတဲ့ သတင်း၊ ပင်လယ်နီအတွင်း၌ စက်ပျက်နေတဲ့ အီရန်ရေနံတင်သင်္ဘောကို ဆော်ဒီအာရေဗျ ကမ်းခြေစောင့်တပ်ဖွဲ့ ကယ်တင်ခဲ့တဲ့ သတင်း၊ အိန္ဒိယနှင့် ပါကစ္စတန် နိုင်ငံတို့မှ တပ်ဖွဲ့ဝင်များ တစ်ဖက်နှင့်တစ်ဖက် အပြန်အလှန် ပစ်ခတ်မှုများ ဖြစ်ပွားခဲ့တဲ့ သတင်း၊ တောင်ကိုရီးယားမှာ ဂျပန်၊ တောင်ကိုရီးယားနဲ့ အမေရိကန်တို့ လုံခြုံရေးဆိုင်ရာ ဆွေးနွေးပွဲတွေ ပူးတွဲကျင်းပသွားမယ့် သတင်း၊ သြစတြေးလျနိုင်ငံ ဗစ်တိုးရီးယားပြည်နယ်ရှိ သက်ကြီးစုံတွဲတစ်တွဲထံ လိပ်စာမှားပြီး မက်သာ အဖက်တမင်း မူးယစ်ဆေး ၂၀ ကီလိုဂရမ်ခန့် ရောက်လာတဲ့ သတင်း၊ Virgin Australia လေကြောင်းလိုင်းဟာ ဘိုရင်းကုမ္ပဏီကနေ သူတို့၏ Boeing 737 MAX ဖလော်ရီဒါမှာ ဘိုးရင်း  ၇၃၇ လေယာဉ်တစ်စင်း၏ ပြေးလမ်းချော်ပြီး မြစ်ထဲ အရေးပေါ် ရှပ်ဆင်းခဲ့ရတဲ့ သတင်းတွေထဲ စစ်ရေးသတင်းတွေက စောင့်ကြည့်ရမယ့် သတင်းဆိုတာ တင်ပြရင်း ယခုတစ်ပတ် နိုင်ငံတကာသတင်း သုံးသပ်ချက်ကို ဒီမှာဘဲရပ်လိုက်ချင်ပါတယ်။

မင်းထက်
မေ - ၆

( Zawgyi )

ယခုတစ္ပတ္ျဖစ္ခဲ့တဲ့ ႏိုင္ငံတကာသတင္းေတြထဲ သဘာဝေဘး သတင္းေတြက ထိပ္တန္းသတင္းေတြ ျဖစ္ခဲ့ပါတယ္။အိႏၵိယနဲ႔ ဘဂၤလားေဒ့ရွ္ကို မုန္တိုင္းဝင္တာ၊ ဗင္နီဇြဲလားမွာ အတိုက္အခံနဲ႔ အစိုးရၾကား စစ္တပ္ကို အၿပိဳင္အဆိုင္ ဆြဲေနတာ၊ အၾကမ္းဖက္မႈေတြ ကမာၻတစ္ဝန္းမွာ ျဖစ္ပ်က္ေနတဲ့ သတင္းေတြက ယခုတစ္ပတ္ရဲ႕ ထိပ္တန္းသတင္းေတြ ျဖစ္ခဲ့ပါတယ္။

ဒီသတင္းေတြနဲ႔အၿပိဳင္ အေမရိကန္ ဒုတိယေရွ႕ေနခ်ဳပ္ ေရာ့ဒ္႐ိုစန္စတိန္း ရာထူးက ႏုတ္ထြက္စာတင္လိုက္တဲ့ သတင္း၊ 1DMM ကုမၸဏီပိုင္ အေမရိကန္ ေဒၚလာ သန္း ၂ဝဝ ကို အေမရိကန္က မေလးရွားအစိုးရထံ ျပန္ေပးေတာ့မယ့္ သတင္း၊ ေျမာက္ကိုရီးယား ေခါင္းေဆာင္ ကင္ဂ်ဳံအြန္ ႏွင့္ ပြင့္လင္းေသာ ေဆြးေႏြးပြဲတစ္ခုျဖစ္လာဖို႔ ဂ်ပန္ဝန္ႀကီးခ်ဳပ္က ေမွ်ာ္လင့္ေနတဲ့ သတင္း၊ တ႐ုတ္ေရတပ္နဲ႔ ထိုင္းေရတပ္တို႔ ပူးတြဲေလ့က်င့္ေရးတစ္ခုကို ေမ ၂ ရက္က ျပဳလုပ္ခဲ့တဲ့ သတင္း၊ ၿဗိတိန္ႏိုင္ငံ ကာကြယ္ေရးဝန္ႀကီး ဂါဗင္ဝီလီယံဆင္ ကို သတင္းအခ်က္အလက္ ေပါက္ၾကားမႈနဲ႔ ရာထူးက ထုတ္ပယ္လိုက္တဲ့ သတင္း၊ အေမရိကန္ႏိုင္ငံအေနနဲ႔  သုံးလအတြင္း ဒုံးက်ည္ကန္ထ႐ိုက္စာခ်ဳပ္သစ္ ကန္ေဒၚလာ တစ္ဘီလီယံေက်ာ္ဖိုး လက္မွတ္ထိုးခဲ့တဲ့ သတင္း၊ သိုင္းႀကိဳးေတြ တပ္ထားတဲ့ ေဝလငါးတစ္ေကာင္ကို ေနာ္ေဝကမ္းလြန္မွာ ေတြ႕ခဲ့တဲ့ သတင္း၊ နန္းတက္ပြဲမတိုင္မီ သက္ေတာ္ေစာင့္အဖြဲ႕ေခါင္းေဆာင္ အမ်ိဳးသမီးတစ္ဦးနဲ႔ ထိုင္းဘုရင္ မဟာဗာဂ်ီရာေလာင္ကြန္း လက္ထပ္ထိမ္းျမားခဲ့တဲ့ သတင္း၊ ထိုင္ဝမ္ေရလက္ၾကားကို အေမရိကန္ေရတပ္မွ စစ္သေဘၤာႏွစ္စင္း ျဖတ္သန္းခုတ္ေမာင္းခဲ့တဲ့ သတင္း၊ ေအာ္ဒါမွာယူမႈကို ေနာက္ဆုတ္လိုက္တဲ့ သတင္း၊ ကိုရီးယားကြၽန္းဆြယ္ န်ဴကလီးယားဖ်က္သိမ္းေရးကို ၿပီးျပတ္ေအာင္ျမင္တဲ့အထိ ေကာင္းစြာလုပ္ေဆာင္သြားဖို႔ ေတာင္ကိုရီးယားက ေျမာက္ကိုရီးယားကို တိုက္တြန္းလိုက္တဲ့ သတင္း၊ ယခုႏွစ္ ပထမသုံးလအတြင္း ႐ုရွားဗဟိုဘဏ္၏ အသားတင္ ေ႐ႊဝယ္ယူမႈ ၅၅ ဒသမ ၃ တန္အထိ ရွိတဲ့သတင္း၊ ဂ်ပန္ ဧကရာဇ္ အာ ကီဟီတို က ထီးနန္းစြန႔္လႊတ္ေၾကာင္း ေၾကညာခဲ့ၿပီး အသက္ ၅၉ ႏွစ္ရွိ သားေတာ္ နာ႐ူဟီတို က အ႐ိုက္အရာ တရားဝင္ဆက္ခံခဲ့တဲ့ သတင္းေတြကလည္း ယခုတစ္ပတ္ သတင္းဖတ္သူေတြ စိတ္ကို စြဲေဆာင္ခဲ့ပါတယ္။

လူသန္း ၁၀၀ ေသဆုံးသူ ဆယ္ဂဏန္းေက်ာ္နဲ႔ အင္အားျပင္း ဖန္နီ

ၿပီးခဲ့တဲ့ ရက္သတၱပတ္အတြင္း အမ်ားစု စိတ္ဝင္တစားေစာင့္ၾကည့္ခဲ့တဲ့ သတင္းက ဆိုင္ကလုံးမုန္တိုင္း ဖန္နီရဲ႕ သတင္းေတြပါဘဲ။ဘဂၤလားပင္လယ္ေအာ္မွာျဖစ္ခဲ့တဲ့ ေလဖိအားနည္းရပ္ဝန္းကေန စခဲ့တဲ့ မုန္တိုင္းက စတည္ခဲ့ၿပီး ေမ ၃ ရက္မွာ အိႏၵိယႏိုင္ငံ ၾသရိသွ်ျပည္နယ္ ကမ္းေျခေဒသကို တည့္တည့္ဝင္တိုးပါတယ္။

အိႏၵိယ မဝင္ခင္ မိုးေလဝသ ကြန္ပ်ဴတာေတြက ဒီမုန္တိုင္းျဖစ္လာႏိုင္တဲ့ ေလတိုက္ခတ္မႈႏူန္းနဲ႔ ဝင္ႏိုင္တဲ့ေဒသ ခန႔္မွန္းမႈေတြေၾကာင့္ လူတစ္သိန္းခြဲခန႔္ ေသခဲ့ရတဲ့ နာဂစ္မုန္တိုင္းဒဏ္ ခံရတဲ့ ျမန္မာႏိုင္ငံအတြက္ သတိထားစရာ ျဖစ္ခဲ့ပါတယ္။ေမ ၁ ရက္မွာ မုန္တိုင္းဝင္ေရာက္ႏိုင္တဲ့ ေဒသအတိအက်ကို တြက္ခ်က္ေဖာ္ျပႏိုင္ေလာက္တဲ့အထိ ျဖစ္လာၿပီး မုန္တိုင္းဝင္ေလ့ဝင္ထရွိတဲ့ အိႏၵိယက ၾသရိသွ်ျပည္နယ္ ကမ္းေျခေဒသမွာ အာဏာပိုင္ေတြဘက္က ျပင္ဆင္မႈေတြ စခဲ့ပါတယ္။

တစ္နာရီ ကီလိုမီတာ ၂၅၀ ႏူန္းနဲ႔ ကုန္းတြင္းကို ဝင္ေရာက္မယ့္ ဆိုင္ကလုံးမုန္တိုင္းႀကီး ဖန္နီရဲ႕ လမ္းေၾကာင္းမွာ လူဦးေရ သန္း၁၀၀ ခန႔္ ေနထိုင္ပါတယ္။ဒါဟာ ကမာၻမွာ ထိခိုက္ႏိုင္ေခ် အမ်ားဆုံးပါဘဲ။အိႏၵိယအာဏာပိုင္ေတြက  မုန္တိုင္းဒဏ္ တိုက္႐ိုက္ခံရႏိုင္တဲ့ ၾသရိသွ်ျပည္နယ္ ကမ္းေျခေဒသက ၿမိဳ႕ေတြနဲ႔ ေက်း႐ြာေတြက ေဒသခံေတြကို အလ်င္အျမန္ ေ႐ႊ႕ေျပာင္းခဲ့ပါတယ္။ဒီေ႐ႊ႕ေျပာင္းမႈကို အိႏၵိယစစ္တပ္က ႀကီးမႉးကာ အရပ္ဘက္အဖြဲ႕အစည္းေတြ၊ လူငယ္အဖြဲ႕ေတြ၊ ကယ္ဆယ္ေရးလုပ္သားေတြ အပါအဝင္ ဝိုင္းဝန္းလုပ္ေဆာင္ခဲ့ပါတယ္။

ျပည္သူ ၄၆ သန္းတို႔ရွိရာ ၾသရိသွ်ျပည္နယ္ရွိ ခ႐ိုင္ ၁၃ ခုမွာ ျပည္သူ ၇၈၀၀၀၀ ကို ေဘးကင္းလုံၿခဳံရာ ေနရာမ်ားဆီသို႔ တစ္ညလုံး ကယ္ဆယ္ေ႐ႊ႕ေျပာင္းခဲ့ၿပီး  ေဒသခံ ၁ ဒသမ ၂ သန္းကို အလွ်င္အျမန္ ေ႐ႊ႕ေျပာင္းေပးရတဲ့ သမိုင္းဝင္တဲ့ ဒီေ႐ႊ႕ေျပာင္းမႈေၾကာင့္ လူသန္း ၁၀၀ ေနထိုင္တဲ့ ဒီေဒသမွာ မုန္တိုင္းေၾကာင့္ ေသဆုံးသူဦးေရက ရာဂဏန္းထိေတာင္ မရွိခဲ့ပါဘူး။

ဒါဟာ လူတစ္သိန္းခြဲခန႔္ ေသဆုံးခဲ့တဲ့ ၂၀၀၈ ခုႏွစ္က ျမန္မာကို တိုက္ခတ္ခဲ့တဲ့ နာဂစ္မုန္တိုင္းထက္ အင္အားႀကီးတဲ့ ဖန္နီမုန္တိုင္းဒဏ္အတြက္ ေသာက္ေရသန႔္၊ က်န္းမာေရးေစာင့္ေရွာက္မႈ၊ မီးဖိုးခန္း၊ လွ်ပ္စစ္မီးပါ ျပင္ဆင္ထားတဲ့ လူ ၁ သန္းေလာက္ ေနထိုင္ႏိုင္တဲ့ ယာယီနားခိုရန္စခန္း ၈၅၀ ေက်ာ္ကို ျပင္ဆင္ခဲ့ပါတယ္။

မုန္တိုင္းက ေမ ၃ ရက္ မနက္မွာ စတင္ၿပီး ၾသရိသွ်ျပည္နယ္ကို ဝင္ေရာက္ခဲ့ပါတယ္။တိုက္ခတ္ခ်ိန္ ၄ နာရီအတြင္း ေဒသတစ္ခုလုံး ဖြတ္ဖြတ္ညက္ညက္ေၾကေအာင္ တိုက္ခတ္ခဲ့ၿပီး ပါဝါလွ်ပ္စစ္လိုင္းေတြ၊ အင္တာနက္နဲ႔ ဆက္သြယ္ေရးေတြပါ ျပတ္ေတာက္ခဲ့ပါတယ္။ေလတိုက္ႏူန္း တစ္နာရီကို ကီလိုမီတာ ၂၀၀ ထိရွိတဲ့ ဆိုင္ကလုံးဖန္နီေၾကာင့္ ကားေတြ၊ ဆိုင္ခန္းေတြ လြင့္စင္ကာ အေဆာက္အဦးေတြ ၿပိဳက်ပ်က္စီးခဲ့ပါတယ္။မုန္တိုင္း ဖန္နီဟာ ေသာၾကာမွာ အိႏၵိယဝင္ၿပီး စေနေန႔မွာ ဘဂၤလားေဒ့ရွ္ဘက္ကို ဆက္ေ႐ႊ႕လွ်ားခဲ့ကာ ကုန္းတြင္းမုန္တိုင္းကေန ေလဖိအားနည္းရပ္ဝန္းအျဖစ္ အားေလ်ာ့သြားခဲ့ပါတယ္။
ဘဂၤလားေဒ့ရွ္ အာဏာပိုင္ေတြက လူေပါင္း ၁ ဒသမ ၆ သန္းကို ေဘးလြတ္ရာကို ေ႐ႊ႕ေျပာင္းေပးခဲ့ပါတယ္။

ကမာၻ႔လူေနထူထပ္ဆုံး ေဒသျဖစ္တဲ့ အိႏၵိယနဲ႔ ဘဂၤလားေဒ့ရွ္ကို ဖ်က္အားျပင္းမုန္တိုင္းဝင္လို႔ အေသအေပ်ာက္မ်ားမယ္ ထင္ထားေပမယ့္ ယခင္ႀကဳံေတြ႕ခဲ့ရသည့္ မုန္တိုင္းမ်ားကို သင္ခန္းစာယူကာ ႀကီးမားလွသည့္ သဘာဝေဘးမွ  ေရွာင္ရွားႏိုင္ေအာင္ လူမ်ားကို ေဘးလြတ္ရာသို႔   ေ႐ႊ႕ေျပာင္းျခင္း လုပ္ငန္းမ်ားကို အရွိန္အဟုန္ျဖင့္ လုပ္ေဆာင္ႏိုင္ခဲ့တဲ့အတြက္ ႏွစ္ႏိုင္ငံစလုံး လူေသေပ်ာက္မႈ အေျခအေနက မထင္မွတ္ေလာက္ေအာင္ ထိုးက်ခဲ့ပါတယ္။ေမ ၅ ရက္အထိ ေသဆုံးသူဦးေရက စုစုေပါင္း ၂၄ ဦးသာ ရွိခဲ့ပါတယ္။

ဒါဟာ နာဂစ္ေၾကာင့္ ေသခဲ့တဲ့ ျမန္မာႏိုင္ငံသား တစ္သိန္းခြဲအတြက္ ေပါ့ဆခဲ့တဲ့ တာဝန္ရွိသူေတြကို က်ိန္ဆဲခ်င္စရာပါ။

ဒီသတင္းက  မိုဇမ္ဘစ္ႏိုင္ငံ ေျမာက္ပိုင္းကို အပူပိုင္း ဆိုင္ကလုန္းမုန္တိုင္း ကန္နက္ တိုက္ခတ္လို႔ ေဒသခံ ၃၈ ဦး ေသဆုံးခဲ့တဲ့ သတင္း၊ ကေနဒါႏိုင္ငံ နယူးဘရန္ဆြစ္၊ ကြီဗက္ႏွင့္ အြန္ေတရီအို ျပည္နယ္ေတြ ေရႀကီးမႈျဖစ္ေပၚေနလို႔ လူ ၁ဝဝဝဝ ေက်ာ္ကို ေဘးလြတ္ေ႐ႊ႕ေျပာင္းခဲ့ရတဲ့ သတင္း၊ ၿဗိတိန္ လႊတ္ေတာ္အမတ္ေတြက သဘာဝပတ္ဝန္းက်င္ႏွင့္ ရာသီဥတုဆိုင္ရာ အေရးေပၚအေျခအေန ေၾကညာေရး အဆိုတစ္ရပ္ကို အတည္ျပဳခဲ့တဲ့ သတင္း၊ ကုလသမဂၢ အစီရင္ခံစာမွာ သန္းႏွင့္ခ်ီေသာ မ်ိဳးစိတ္မ်ားမွာ မ်ိဳးသုဥ္းေပ်ာက္ကြယ္ေတာ့မည့္ အႏၲရာယ္ႏွင့္ ရင္ဆိုင္ေနရတယ္လို႔ ထုတ္ျပန္ခဲ့တဲ့ သတင္း၊ အင္ဒိုနီးရွားႏိုင္ငံမွာ မိုးသည္းထန္စြာ ႐ြာသြန္းခဲ့လို႔ ေရႀကီးေရလွ်ံမႈႏွင့္ ေျမၿပိဳမႈမ်ား ျဖစ္ပြားခဲ့လို႔ လူ ၄၀ နီးပါး ေသဆုံးကာ အမ်ားအျပား ေပ်ာက္ဆုံးေနတဲ့ သတင္း၊ နီေပါႏိုင္ငံ ဟြမ္လာခ႐ိုင္မွာ အမ်ိဳးအမည္ ခြဲျခားလို႔မရေသးတဲ့ ေရာဂါေၾကာင့္ လူ ၁၀ ဦး ေသဆုံးခဲ့တဲ့ သတင္း၊ ဆယ္စုႏွစ္တစ္ခုအတြင္း သီးႏွံအထြက္ႏႈန္း အဆိုးဝါးဆုံး က်ဆင္းလာလို႔ ေျမာက္ကိုရီးယားႏိုင္ငံမွာ ရိကၡာခြဲတမ္းကို အနည္းဆုံးအထိ ေလွ်ာ့ခ်ထားရတဲ့ သတင္း စတဲ့ သဘာဝေၾကာင့္ လူေတြ ထိခိုက္ေသေၾကရတဲ့ သတင္းေတြထဲ ေစာင့္ၾကည့္ရတဲ့ သတင္းတစ္ပုဒ္ ျဖစ္ခဲ့ပါတယ္။

ျပည္တြင္းစစ္ ေခ်ာက္ကမ္းပါးကပ္လာတဲ့ ဗင္နီဇြဲလား

ဗင္နီဇြဲလား ႏိုင္ငံျခားေရးဝန္ႀကီး ေဂ်ာ့အာရီယာဇာ က ဧၿပီ ၃ဝ ရက္က ဗင္နီဇြဲလားႏိုင္ငံတြင္ အာဏာသိမ္းယူမႈ လုပ္ေဆာင္ရန္ အေမရိကန္အစိုးရက သေဘာတူခဲ့ၿပီး အတိုက္အခံအဖြဲ႕ကို ေထာက္ခံၾကရန္ ဗင္နီဇြဲလား လက္နက္ကိုင္တပ္ဖြဲ႕ကို ေျပာခဲ့ပါတယ္။

ဧၿပီ ၃၀ ရက္မွာ ဗင္နီဇြဲလား အတိုက္အခံေခါင္းေဆာင္ ဂ်ဴအန္ဂြိဳက္ဒို က လြတ္ေျမာက္ေရးႀကိဳးပမ္းမႈ စတင္ၿပီဟု ေျပာၾကားခဲ့ၿပီးေနာက္တြင္ ၿမိဳ႕ေတာ္ ကရာကတ္မွာ ေထာင္ႏွင့္ခ်ီေသာ ျပည္သူမ်ား ဆႏၵျပခဲ့ၾကပါတယ္။ဒီလိုေျပာခဲ့တဲ့အတြက္ ဗင္နီဇြဲလားအစိုးရက ဒါဟာ စစ္အာဏာသိမ္းရန္ လုပ္ေဆာင္ေနတယ္ဆိုၿပီး ေျပာခဲ့ပါတယ္။ဒီဆႏၵျပပြဲမွာ ျပည္သူေတြနဲ႔ လုံၿခဳံေရးတပ္ဖြဲ႕မ်ား ထိပ္တိုက္ေတြ႕ဆုံခဲ့ၿပီး ဗင္နီဇြဲလားအလံကို ေဝွ႔ယမ္းခ်ီတက္လာတဲ့ ဆႏၵျပသူ လူရာေပါင္းမ်ားစြာကို ရဲတပ္ဖြဲ႕ဝင္မ်ားက မ်က္ရည္ယိုဗုံးမ်ား ပစ္ေပါက္ခဲ့လို႔ လူတခ်ိဳ႕က ရဲတပ္ဖြဲ႕ဝင္ေတြကို ေက်ာက္တုံးေတြနဲ႔ ျပန္ပစ္ေပါက္ခဲ့ပါတယ္။

ဗင္နီဇြဲလား သမၼတ နီကိုလပ္မာဒူ႐ို ကေတာ့ လက္ရွိျဖစ္ပြားေနေသာ ပဋိပကၡမ်ားႏွင့္ ဆူပူအုံႂကြမႈမ်ားက ဆက္အရွိန္ျမင့္တက္လာရင္ ျပည္တြင္းစစ္ ျဖစ္ေပၚလာေစမွာျဖစ္ၿပီး ဒီကေန အေမရိကန္က ၾကားဝင္စြက္လာမယ္လို႔လည္း ဗင္နီဇြဲလား သမၼတ နီကိုလပ္မာဒူ႐ို က ဆိုပါတယ္။အတိုက္အခံ ေခါင္းေဆာင္ ဂ်ဴအန္ဂြိဳက္ဒို ကေတာ့ လက္ရွိသမၼတကို ျဖဳတ္ခ်ႏိုင္ေရးအတြက္ ႀကိဳးပမ္းမႈကို ေနာက္မဆုတ္ႏိုင္ဘူးလို႔ ဆိုပါတယ္။အတိုက္အခံ ေခါင္းေဆာင္တဲ့ ဦးေဆာင္မႈေနာက္ကို အတိုက္အခံ လႈပ္ရွားမႈတြင္ ဗင္နီဇြဲလားတပ္ဘက္ကအခ်ိဳ႕ ဘက္ေျပာင္းပါဝင္လာသလို ဒုတိယဗိုလ္မႉးႀကီး အိုင္းလစ္ဆန္ခ်က္ဇ္ ကလည္း အတိုက္အခံလႈပ္ရွားမႈမွာ ျပည္သူမ်ား ပါဝင္လာရန္ တိုက္တြန္းထားတဲ့အတြက္ ဗင္နီဇြဲလား အေရးက အခ်ိန္ႏွင့္အမွ် သတိထားေနရတဲ့ အေျခအေနကို ေရာက္လာေနပါတယ္။

ႏွစ္ရက္ၾကာ လူထုဆႏၵျပမႈမွာ ၿမိဳ႕ေတာ္ ကရာကတ္၏ လမ္းမ်ားေပၚတြင္ ေထာင္ႏွင့္ခ်ီတဲ့လူမ်ား ဆႏၵျပခဲ့ၾကၿပီးေနာက္ တခ်ိဳ႕က လုံၿခဳံေရးတပ္ဖြဲ႕ဝင္မ်ားကို ခဲမ်ားႏွင့္ ပစ္ေပါက္ခဲ့ၾကသလို လုံၿခဳံေရးတပ္ဖြဲ႕ဝင္မ်ားက လည္း ရံဖန္ရံခါ က်ည္ဆန္အစစ္မ်ား၊ ေရာ္ဘာက်ည္ဆန္ မ်ား၊ မ်က္ရည္ယိုဗုံးမ်ားျဖင့္ ျပန္လည္ပစ္ခတ္ခဲ့ၾကလို႔ ေသဆုံးသူ ေလးဦးရွိခဲ့ၿပီး လူအမ်ားအျပား ဒဏ္ရာရရွိခဲ့ပါတယ္။အတိုက္အခံဘက္ကေန တပ္ဘက္ကအခ်ိဳ႕ ပါဝင္လာခဲ့တဲ့အတြက္ ဗင္နီဇြဲလားအစိုးရဘက္က တပ္မေတာ္အေနျဖင့္ ပုန္ကန္မႈမရွိေၾကာင္း၊ တပ္မေတာ္ထဲမွ သစၥာေဖာက္တပ္သား အနည္းငယ္သာ အာဏာသိမ္းေရး အထေျမာက္ေအာင္ ႀကိဳးပမ္းေနေၾကာင္း ေျပာခဲ့သလို ဗင္နီဇြဲလား စစ္ေခါင္းေဆာင္မ်ားအား မည္သည့္အာဏာသိမ္းမႈမဆို ဆန႔္က်င္ၾကရန္ ေတာင္းဆိုခဲ့ပါတယ္။႐ုပ္သံကေန ဗင္နီဇြဲလားစစ္တပ္ အႀကီးအကဲႏွင့္အတူ ထုတ္လႊင့္တဲ့ ထုတ္ျပန္မႈမွာ သမၼတ မာဒူ႐ို က ဗင္နီဇြဲလားတြင္ တိုက္ပြဲမ်ားျဖစ္ေနၿပီး သစၥာေဖာက္သူ၊ အာဏာသိမ္းရန္ ႀကံစည္သူ မည္သူ႔ကိုမဆို လက္နက္ခ်လာေအာင္ ကိုင္တြယ္ေဆာင္႐ြက္သြားမယ္လို႔ ေျပာခဲ့ပါတယ္။အုံႂကြမႈတြင္ ဦးေဆာင္ပါဝင္ခဲ့တဲ့ ဗင္နီဇြဲလားစစ္တပ္မွ  ၂၅ ဦးက ဗင္နီဇြဲလားရွိ ဘရာဇီးသံ႐ုံးမွာ ခိုလႈံခြင့္ ေတာင္းထားပါတယ္။

အေမရိကန္ကေတာ့ ဗင္နီဇြဲလားႏိုင္ငံမွာ မတည္ၿငိမ္မႈေတြ ရပ္တန႔္သြားေအာင္ လိုအပ္ရင္ စစ္ေရးအရ အေရးယူမႈေတြ လုပ္ေဆာင္သြားမယ္လို႔ ေၾကညာထားသလို ကုလသမဂၢ အတြင္းေရးမႉးခ်ဳပ္ အန္တိုနီ ယိုဂူတာရက္စ္ ကလည္း ဗင္နီဇြဲလား အာဏာပိုင္ေတြကို ဆႏၵျပသူေတြ အသက္အႏၲရာယ္ ထိခိုက္ေအာင္ အင္အားမသုံးဖို႔ သတိေပးထားပါတယ္။

ဗင္နီဇြဲလားမွာ စစ္သားနဲ႔ ရဲတပ္ဖြဲ႕ဝင္မ်ား အပါအဝင္ လက္နက္ကိုင္အင္အား ၃၆၅၀၀၀ ရွိၿပီး အရပ္ဘက္ အရန္စစ္မႈထမ္း ၁ ဒသမ ၆ သန္း ရွိတဲ့အတြက္ ဒီအာဏာလြန္ဆြဲပြဲကေန ဘာေတြဆက္ျဖစ္လာဦးမလဲဆိုတာ ေစာင့္ၾကည့္ရဦးမွာ ျဖစ္ပါတယ္။

ဒီသတင္းက ယခုတစ္ပတ္ျဖစ္ခဲ့တဲ့ ကိုလံဘီယာႏိုင္ငံ ေရာက္ရွိေနတဲ့ ဗင္နီဇြဲလား ကေလးငယ္ ၃၂၇၀၀၀ ခန႔္ အကူအညီ လိုအပ္ေနတယ္လို႔ ကုလသမဂၢ ကေလးမ်ား ရန္ပုံေငြအဖြဲ႕ ယူနီဆက္ဖ္က ထုတ္ျပန္သတိေပးလိုက္တဲ့ သတင္း၊ ဧၿပီ ၂၈ ရက္က က်င္းပခဲ့တဲ့ စပိန္ေ႐ြးေကာက္ပြဲတြင္ စပိန္ဝန္ႀကီးခ်ဳပ္ ပီဒ႐ို ဆန္ခ်က္ အႏိုင္ရရွိခဲ့တဲ့ သတင္း၊ ဂ်ပန္ဝန္ႀကီးခ်ဳပ္ ရွင္ဇိုအာေဘး ကေနဒါႏိုင္ငံသို႔ ေရာက္ရွိစဥ္ ႏွစ္ႏိုင္ငံ ျပည္ပကုန္သြယ္မႈ အဖြဲ႕အစည္းၾကား နားလည္မႈစာခြၽန္လႊာ လက္မွတ္ေရးထိုးခဲ့တဲ့ သတင္း၊ အေမရိကန္ႏွင့္ တ႐ုတ္ၾကား ကာလအတန္ၾကာ အေျဖမရွာႏိုင္ဘဲ ျဖစ္ေနတဲ့ ကုန္သြယ္ေရးဆိုင္ရာ ျပႆနာေတြအတြက္ ေမ ၁ ရက္ မွာ ေဆြးေႏြးပြဲျပန္စခဲ့တဲ့ သတင္း၊ ကေနဒါႏိုင္ငံသားတစ္ဦးႏွင့္ တ႐ုတ္ႏိုင္ငံသားတစ္ဦးကို မူးယစ္ေဆး ေမွာင္ခိုမႈနဲ႔ တ႐ုတ္တရား႐ုံးက ေသဒဏ္ခ်မွတ္ခဲ့တဲ့ သတင္း၊ န်ဴကလီးယားလက္နက္ မျပန႔္ပြားေစေရး တားဆီးရန္ ေရးဆြဲထားတဲ့  ႏိုင္ငံတကာ သေဘာတူစာခ်ဳပ္မွ ႏုတ္ထြက္ရန္ အီရန္က စဥ္းစားေနတဲ့ သတင္း၊ ကမာၻ႔အလုပ္သမားေန႔ ေမေဒးအထိမ္းအမွတ္ လမ္းေလွ်ာက္ခ်ီတက္သူ ၁၃၇ ဦးကို တူရကီရဲမ်ားက ဖမ္းဆီးခဲ့တဲ့ သတင္းေတြထဲ ထူးထူးျခားျခား ကမာၻက ေစာင့္ၾကည့္ရတဲ့ သတင္းတစ္ပုဒ္ ျဖစ္ခဲ့ပါတယ္။

ပဋိပကၡမ်ားနဲ႔ အၾကမ္းဖက္မႈ

ကမာၻတစ္ဝန္း အၾကမ္းဖက္မႈေတြက ဒုနဲ႔ေဒးပါ။ေသဆုံးမႈေတြကို တက္လာတဲ့ သတင္းေတြအရ ၾကည့္မယ္ဆိုရင္ ေမ ၁ ရက္က အိႏၵိယႏိုင္ငံ အေနာက္ပိုင္းမွာ ေမာ္ဝါဒီသူပုန္ေတြ ဗုံးေဖာက္ခြဲတိုက္ခိုက္လို႔ အိႏၵိယ စစ္ရဲတပ္ဖြဲ႕ဝင္ ၁၆ ဦး ေသဆုံးခဲ့ပါတယ္။အစၥေရးနဲ႔ ပါလက္စတိုင္း အျပန္အလွန္ ပစ္ခတ္တိုက္ခတ္လို႔ ေသေၾကဒဏ္ရာရမႈေတြ ရွိေနပါတယ္။

အေရွ႕အလယ္ပိုင္းေဒသမွာ စစ္ပြဲက တေျဖးေျဖးနဲ က်ယ္ျပန႔္လာၿပီး ယခုအခါ အစၥေရးႏွင့္ ဟားမားစ္အုပ္စုတို႔ၾကား တိုက္ပြဲမ်ားျဖစ္လွ်က္ရွိရာ ဟားမားစ္ေတြက အစၥေရးပိုင္ နယ္ေျမထဲ ဒုံးက်ည္ ၂၀၀ ခန႔္ ပစ္ခတ္ခဲ့ၿပီး အစၥေရးကလည္း ျပန္လည္တုံ႔ျပန္တဲ့အေနနဲ႔ ေလေၾကာင္းနဲ႔ ေျမျပင္ကပါ တိုက္ခိုက္ေတြ ျပဳလုပ္ခဲ့လို႔ အစၥေရးဘက္က အသက္ ၈၀ အ႐ြယ္ အမ်ိဳးသမီးႀကီးတစ္ဦး ေသဆုံးခဲ့သလို ပါလက္စတိုင္းဘက္က အသက္ ၁၄ လအ႐ြယ္ ကေလးငယ္တစ္ဦးႏွင့္ ဟားမားစ္အဖြဲ႕ကို လိုလားေသာ တိုက္ခိုက္ေရးသမားတစ္ဦး ေသဆုံးခဲ့ပါတယ္။ဟားမားစ္ေတြနဲ႔ အျပန္အလွန္ျဖစ္ေနခ်ိန္မွာ အစၥေရးက လက္ဘႏြန္ကို တိုက္လာရင္ အစၥေရးကို တိုက္ခိုက္ေခ်မႈန္းႏိုင္ေလာက္တဲ့ စြမ္းရည္ရွိတယ္လို႔ လက္ဘႏြန္အေျခစိုက္ ဟဇ္ဘိုလာအဖြဲ႕က စိန္ေခၚခဲ့ပါတယ္။

လစ္ဗ်ားႏိုင္ငံ ထရီပိုလီမွာ ႏွစ္ဘက္ၾကား လက္နက္ကိုင္တိုက္ခိုက္မႈေတြ ဆက္လက္ျဖစ္ပြားေနလို႔  လူေပါင္း ၄၂၀ဝဝ ေက်ာ္ ထြက္ေျပးေနရပါတယ္။အာရွအလယ္ပိုင္းကေန ဆုတ္ခြာေနတဲ့ အေမရိကန္ကေတာ့ အာဖဂန္က တာလီဘန္ စစ္ေသြးႂကြအဖြဲ႕ေတြနဲ႔ ကာတာႏိုင္ငံ ဒိုဟာမွာ ၿငိမ္းခ်မ္းေရးေဆြးေႏြးပြဲေတြ က်င္းပေနခဲ့ပါတယ္။
ဒီလိုေဆြးေႏြးေနေပမယ့္ တစ္ဖက္မွာေတာ့ အေမရိကန္က အီရန္အေပၚ ခ်ထားတဲ့ ပိတ္ဆို႔မႈေတြကို ထပ္တိုးခဲ့ပါတယ္။ဒီထဲမွာ အီရန္ကေန ေရနံတင္သြင္းတဲ့ ႏိုင္ငံမ်ားအေပၚ ေပးထားတဲ့ ပိတ္ဆို႔မႈကင္းလြတ္ခြင့္ကို အေမရိကန္က ႐ုပ္သိမ္းလိုက္တာပါ။ဒီအတြက္ အီရန္ေရာ၊ ကင္းလြတ္ခြင့္ ႐ုပ္သိမ္းခံရတဲ့ ႏိုင္ငံေပါင္း ခုနစ္ႏိုင္ငံပါ ထိခိုက္မႈျပင္းခဲ့ပါတယ္။အီရန္ႏိုင္ငံ ႏိုင္ငံျခားေရးဝန္ႀကီး မိုဟာမက္ဂ်ာ ဗတ္ဇာရစ္ဖ္ ကေတာ့ ဒီလိုလုပ္တဲ့အတြက္ အေမရိကန္ႏိုင္ငံ၏ ဖိအားေပးမႈအေပၚ လက္ေျမႇာက္အရႈံးေပးမွာ မဟုတ္ဘူးလို႔ ေျပာခဲ့ပါတယ္။

မၾကာခင္က ျဖစ္တဲ့ အီစတာ ဗုံးဆက္ကြဲမႈေတြမွာ က်ဴးလြန္ခဲ့သူ အမ်ိဳးသားရွစ္ဦးႏွင့္ အမ်ိဳးသမီးတစ္ဦးတို႔ရဲ႕ အမည္နဲ႔  ဓာတ္ပုံေတြကို အာဏာပိုင္မ်ားက ထုတ္ျပန္ခဲ့ပါတယ္။ဧၿပီ ၃၀ ရက္မွာေတာ့ ဗုံးကြဲမႈေၾကာင့္ ပိတ္ပင္ခဲ့ေသာ လူမႈမီဒီယာအသုံးျပဳခြင့္ တားျမစ္ခ်က္ကို သီရိလကၤာအစိုးရက ျပန္လည္ဖယ္ရွားေပးခဲ့ပါတယ္။ဒါေပမယ့္ လုံၿခဳံေရးေစာင့္ၾကပ္မႈကိုေတာ့ တစ္ႏိုင္ငံလုံး အတိုင္းအတာနဲ႔ တင္းက်ပ္ထားေနဆဲပါ။ေတာင္အာရွ ႏွစ္ႏိုင္ငံျဖစ္တဲ့ ပါကစၥတန္နဲ႔ အိႏၵိယမွာ တပ္ဖြဲ႕ဝင္ေတြ တစ္ဖက္ႏွင့္တစ္ဖက္ အျပန္အလွန္ ပစ္ခတ္မႈမ်ား ျဖစ္ပြားခဲ့လို႔ ေဒသတြင္းအတြက္ ထိတ္လန႔္စရာ ျဖစ္ခဲ့ပါတယ္။

န်ဴကလီးယားထိပ္ဖူး ၁၃ဝ မွ ၁၄ဝ ၾကားႏွင့္ ၁၄ဝ မွ ၁၅ဝ ၾကားအထိ အသီးသီးပိုင္ဆိုင္ထားတဲ့ ဒီႏွစ္ႏိုင္ငံၾကား ဘာသာေရးနဲ႔ နယ္စပ္ပိုင္နက္ အျငင္းပြားမႈေၾကာင့္ မၾကာခဏ စစ္ပြဲေတြ အႀကိမ္ႀကိမ္ျဖစ္ပြားခဲ့သလို လတ္တေလာမွာ ေဖေဖာ္ဝါရီလထဲ ပါကစၥတန္အေျခစိုက္ စစ္ေသြးႂကြအဖြဲ႕က အေသခံ ဗုံးခြဲတိုက္ခိုက္လို႔ အိႏၵိယရဲတပ္ဖြဲ႕ဝင္ ၄ဝ ေသဆုံးၿပီးေနာက္ ဒီႏွစ္ႏိုင္ငံၾကားမွာ ေလယာဥ္စီးခ်င္းထိုး တိုက္ရတဲ့အထိ ျဖစ္ထားတာရွိလို႔ ဒီလိုေျမျပင္တပ္ေတြ ထိေတြ႕ပစ္ခတ္တာ ထိတ္လန႔္စရာပါ။ႏွစ္ႏိုင္ငံၾကား န်ဴကလီးယား စစ္ပြဲအထိ ျဖစ္ပြားလာႏိုင္လို႔ သတိထားစရာပါ။

ဆြီဒင္ သုေတသနအဖြဲ႕တစ္ဖြဲ႕၏ စစ္တမ္းတစ္ရပ္အရ ကမာၻ႔ႏိုင္ငံမ်ား၏ ကာကြယ္ေရးဆိုင္ရာ အသုံးစရိတ္ စံခ်ိန္တင္ျမင့္တက္လာခဲ့လို႔ စစ္ေရးတင္းမာမႈ ျမင့္တက္လာမႈေတြကို ေစာင့္ၾကည့္ရမွာပါ။

ဒီသတင္းေတြက ယခုရက္သတၱပတ္အတြင္းျဖစ္ခဲ့တဲ့ ႏိုင္ငံတကာသတင္းေတြျဖစ္တဲ့ အင္ဒိုနီးရွား ေ႐ြးေကာက္ပြဲအတြင္း အမႈထမ္းေပါင္း ၃၀၀ ေက်ာ္ ပင္ပန္းကာ ဖ်ားနာေသဆုံးခဲ့တဲ့ သတင္း၊ သီရိလကၤာ အီစတာ ဗုံးေပါက္ကြဲမႈေၾကာင့္ ေသဆုံးသူ ၂၅၃ ဦးထဲ ႏိုင္ငံျခားသား ၄၂ ဦး ပါဝင္ခဲ့တယ္လို႔ သီရိလကၤာ အာဏာပိုင္မ်ားက အတည္ျပဳေျပာၾကားခဲ့တဲ့ သတင္း၊ ေျမာက္ကိုရီးယား ေခါင္းေဆာင္ ကင္ဂ်ဳံအန္ ႏွင့္ ဖေအတူ မေအကြဲ ကင္ဂ်ဳံနမ္ အသတ္ခံရမႈအတြက္ တရားရင္ဆိုင္ေနရသည့္ ဗီယက္နမ္ အမ်ိဳးသမီး လြတ္ေျမာက္လာတဲ့ သတင္း၊ ပင္လယ္နီအတြင္း၌ စက္ပ်က္ေနတဲ့ အီရန္ေရနံတင္သေဘၤာကို ေဆာ္ဒီအာေရဗ် ကမ္းေျခေစာင့္တပ္ဖြဲ႕ ကယ္တင္ခဲ့တဲ့ သတင္း၊ အိႏၵိယႏွင့္ ပါကစၥတန္ ႏိုင္ငံတို႔မွ တပ္ဖြဲ႕ဝင္မ်ား တစ္ဖက္ႏွင့္တစ္ဖက္ အျပန္အလွန္ ပစ္ခတ္မႈမ်ား ျဖစ္ပြားခဲ့တဲ့ သတင္း၊ ေတာင္ကိုရီးယားမွာ ဂ်ပန္၊ ေတာင္ကိုရီးယားနဲ႔ အေမရိကန္တို႔ လုံၿခဳံေရးဆိုင္ရာ ေဆြးေႏြးပြဲေတြ ပူးတြဲက်င္းပသြားမယ့္ သတင္း၊ ၾသစေၾတးလ်ႏိုင္ငံ ဗစ္တိုးရီးယားျပည္နယ္ရွိ သက္ႀကီးစုံတြဲတစ္တြဲထံ လိပ္စာမွားၿပီး မက္သာ အဖက္တမင္း မူးယစ္ေဆး ၂၀ ကီလိုဂရမ္ခန႔္ ေရာက္လာတဲ့ သတင္း၊ Virgin Australia ေလေၾကာင္းလိုင္းဟာ ဘိုရင္းကုမၸဏီကေန သူတို႔၏ Boeing 737 MAX ဖေလာ္ရီဒါမွာ ဘိုးရင္း  ၇၃၇ ေလယာဥ္တစ္စင္း၏ ေျပးလမ္းေခ်ာ္ၿပီး ျမစ္ထဲ အေရးေပၚ ရွပ္ဆင္းခဲ့ရတဲ့ သတင္းေတြထဲ စစ္ေရးသတင္းေတြက ေစာင့္ၾကည့္ရမယ့္ သတင္းဆိုတာ တင္ျပရင္း ယခုတစ္ပတ္ ႏိုင္ငံတကာသတင္း သုံးသပ္ခ်က္ကို ဒီမွာဘဲရပ္လိုက္ခ်င္ပါတယ္။

မင္းထက္
ေမ - ၆