【 တစ်ပတ်အတွင်း နိုင်ငံတကာသတင်း သုံးသပ်ချက် 】 ဗြိတိန်ဗိုင်းရပ်စ်မျိုးကွဲနှင့် တတိယလှိုင်းအစ

【 တစ်ပတ်အတွင်း နိုင်ငံတကာသတင်း သုံးသပ်ချက် 】 ဗြိတိန်ဗိုင်းရပ်စ်မျိုးကွဲနှင့် တတိယလှိုင်းအစ

ယခုရက်သတ္တပတ် နိုင်ငံတကာသတင်းတွေမှာ ဗြိတိန်က ကူးစက်မှုလျင်မြန်တဲ့ ဗိုင်းရပ်စ်သတင်းက ထိပ်တန်းသတင်းဖြစ်ခဲ့ပါတယ်။

 
မူလ ကိုရိုနာဗိုင်းရပ်စ်ရဲ့ မျိုးကွဲဖြစ်ပေမယ့် ကူးစက်မှုက ရာခိုင်နူန်း ၇၀ ပိုမြန်လို့ ဥရောပနဲ့ ကမ္ဘာတစ်ဝန်း ဗြိတိန်နဲ့ ကူးသန်းမှုတွေ လေ‌ကြောင်းသွားလာမှုတွေ ရပ်ဆိုင်းရတာတွေ စတဲ့ ကာကွယ်ဆေးပေါ်လို့ ဖြစ်လာနိုင်တဲ့ တိုးတက်မှုအားလုံးကို ခြိမ်းခြောက်ခဲ့ပါတယ်။ဗိုင်းရပ်စ်မျိုးကွဲကြောင့် အကြောက်တရားပြန်စနေတဲ့အချိန်မှာဘဲ နိုင်ငံတကာမှာ ဆောင်းရာသီထဲဝင်ရောက်လာလို့ ဗိုင်းရပ်စ်ကူးစက်မှုတွေ ပြင်းထန်လာတာ၊ နောက် အမေရိကန်က ကိုဗစ်အလွန် နိုင်ငံတကာကိုထောက်ပံ့မယ့် အကူအညီတွေကို ထရမ့် က ပယ်ချခဲ့တာ စတဲ့ နိုင်ငံတကာအခင်းအကျင်းတွေကလည်း စိတ်ဝင်စားစရာကောင်းခဲ့ပါတယ်။
 
ဒီထဲမှာ ဗိုင်းရပ်စ်မျိုးကွဲသတင်းတွေက ကမ္ဘာကို ကာကွယ်ဆေးကြောင့်ဖြစ်လာတဲ့ စိတ်ပိုင်းဆိုင်ရာ အားတက်မှုကို စိတ်ပျက်အားလျော့စေသလို ဗိုင်းရပ်စ်က အမြဲတစေ အသွင်ပြောင်းပြီး တည်ရှိနေနိုင် တာကို ပြခဲ့သလိုဖြစ်လို့ လူမှုနေထိုင်မှု ပုံစံအသစ်နဲ့ နေထိုင်ဖို့ ကမ္ဘာတစ်ဝန်း ပြင်ဆင်လာခဲ့ကြတာကိုလည်း တွေ့နေရပါတယ်။ဗိုင်းရပ်စ်ကာကွယ်ဆေးတွေကလည်း လတ်တလောအထိ ဆက်တိုက်အ တည်ပြုချက်ရနေတာကိုလည်း တွေ့ရပါတယ်။
 
ဒီတစ်ပတ်ထဲမှာ သတိထားမိခဲ့တဲ့ သတင်းတွေလည်းရှိခဲ့ပါတယ်။စင်ကာပူမှာ ကမ္ဘာ့ပထမဆုံး ဓာတ်ခွဲခန်းမွေး ကြက်သားကို တည်ခင်းရောင်းချခဲ့တာ၊ ပြည်သူ့ဝန်ဆောင်မှုကော်မရှင် စာမေးပွဲအောင်တဲ့သူတွေကိုသာ တရားဝင် ဆရာ၊ ဆရာမခန့်တဲ့ မူကို ဆန္ဒပြတဲ့ ရာပေါင်းများစွာသော ပါကစ္စတန် ဆရာ၊ ဆရာမတွေကို ရဲတပ်ဖွဲ့က အင်အားသုံးဖြိုခွဲခဲ့တာ၊ အိန္ဒိယမှာ အမြန်လမ်းဖောက်ရာကနေ ဘီစီ ၃ ရာစုနဲ့ အေဒီ ၁၂ ရာစုကြား ဗုဒ္ဓယဉ်ကျေးမှု အသုံးအဆောင်တွေကို တူးဖော်တွေ့ရှိခဲ့တာ၊ နိုင်ဂျီးရီးယားမှာ ဘိုကိုဟာရမ်တွေက ပြန်ပေးဆွဲသွားတဲ့ ကျောင်းသား ၃၅၀ ကျော်ကို ပြန်လွှတ်ပေးခဲ့တဲ့ ဖြစ်ရပ်ဖြစ်ပြီးနောက် ဂျီဟဒ်တွေက စစ်သား ၅ ဦးကိုသတ်ပြီး အရပ်သား ၃၅ ဦးကို ပြန်ပေးဆွဲခဲ့တာ၊နိုင်ငံရေးအရ တင်းမာနေပေမယ့် ထူးထူးခြားခြား ဗြိတိန် ဆက်သွယ်ရေးဂြိုဟ်တုတွေကို ရုရှား ဆိုယုဇ်ဒုံးပျံနဲ့ အာကာသထဲ လွှတ်တင်ခဲ့တဲ့သတင်း ----- စတဲ့သတင်းတွေ ဖြစ်ခဲ့ပါတယ်။
 
ဒီလိုသတင်းတွေနဲ့ယှဉ်ရင် ဗြိတိန်ဗိုင်းရပ်စ်မျိုးကွဲသတင်းက ဘာတွေဖြစ်လာနိုင်သလဲဆိုတာ သတိထားဖို့လိုသလို၊ ထရမ့် ပယ်ချနေတဲ့ ဘီလျံ ၉၀၀ ကိုဗစ်ထောက်ပံ့ရေးအစီအစဉ်ရဲ့ ရည်ရွယ်ချက်က စိတ်ဝင်စားစရာကောင်းနေလို့ ယခုတစ်ပတ်မှာ ဒီအကြောင်းအရာနှစ်ခုကိုဘဲ နိုင်ငံတကာသတင်းဌာနတွေမှာ ဖော်ပြတာတွေကိုစုစည်းကောက်နှုတ် ဖော်ပြချင်ပါတယ်။
 
ပြန်လည်နိုးထမှုကို ခြိမ်းခြောက်နေသည့် ပြင်းထန် သည့် ဗိုင်းရပ်စ်အသစ် 
 
ကူးစက်ပြန့်ပွားလွယ်ပြီး ထိန်းချုပ်ရခက်ခဲတဲ့ ကိုရိုနာဗိုင်းရပ်စ် မျိုးကွဲသစ်တစ်ခု တွေ့ထားတယ်လို့ ဗြိတိန်အစိုးရက ထုတ်ဖော်သတိပေးခဲ့ပြီးနောက် အလုပ်ဖြစ်တဲ့ ကာကွယ်ဆေးတွေကြောင့် နိုးထစပြု လာတဲ့ ကမ္ဘာတစ်ဝန်း သွားလာရေး၊ စီးပွားရေးနဲ့ ပညာရေးဆိုင်ရာ ကဏ္ဍတွေဟာ ရုတ်တရက် အထိတ်ထိတ်အလန့်လန့် ရပ်ဆိုင်းသွားခဲ့ပါတယ်။ဒါဟာ ပြီးခဲ့တဲ့ရက်သတ္တပတ်က ဗြိတိန်ကာကွယ်ရေးဝန်ကြီး မတ်ဟန်းကွတ်ခ် က လန်ဒန်တောင်ပိုင်းမှာ မျိုးကွဲဗီဇရှိတဲ့ ဗိုင်းရပ်စ်ကိုတွေ့တယ်လို့ ပြောပြီးနောက် တခဏအတွင်း ဖြစ်လာတာပါ။
 
ကျန်းမာရေးပညာရှင်တွေကတော့ ဒီမျိုးကွဲဗိုင်းရပ်စ်တွေဟာ ကပ်ဘေးတွေမှာ ဖြစ်လေ့ဖြစ်ထရှိတဲ့သဘော၊ အန္တရာယ်က ထင်သလောက်မပြင်းဘူးဆိုပေမယ့် လတ်တလော ကမ္ဘာအနှံ့မှာ ကူးစက်မှုတွေက ပထမလှိုင်း၊ ဒုတိယလှိုင်းထက်ကျော်ပြီး လှိုင်းပေါင်းစုံအထိ ကူးစက်မှုတွေ ကြောက်ခမန်းလိလိ တိုးနေတာကိုကြည့်ပြီး မျိုးကွဲဗိုင်းရပ်စ်အပေါ် သံသယရှိနေကြတာပါ။ဒီအတွက် ကာကွယ်ဆေးကို တက်သုတ်ရိုက်ထိုးပြီး တင်းကျပ်ထားတာတွေကိုလွှတ်ဖို့ ပြင်ဆင်နေတဲ့ နိုင်ငံတွေအဖို့ မူလအစီအစဉ် ကို ပြန်သုံးသပ်လာရတာတွေ ဖြစ်လာခဲ့ပါတယ်။
 
ကိုရိုနာဗိုင်းရပ်စ်‌ကြောင့် လက်ရှိအချိန်အထိ ကမ္ဘာ့တစ်ဝန်းမှာ သေဆုံးသူ ၁၇ သိန်းခွဲနီးပါး၊ ကူးစက်ခံရသူ ၅၆ သန်းကျော်ရှိလာနေရာမှာ ထပ်ပြီး ပြင်းထန်တဲ့ ဗိုင်းရပ်စ်မျိုးကွဲသာ ထင်ထားသလို အသေအပျောက်များခဲ့မယ်ဆိုရင် ဥရောပရဲ့ဆောင်းရာသီမှာ အဆိုးဝါးဆုံး စံချိန်တင်သေဆုံးမှုတွေဖြစ်လာမှာကို စိုးရိမ်နေကြပါတယ်။ဒီလို ပြင်းထန်တဲ့ ဗိုင်းရပ်စ်အမျိုးအစားကို ထိန်းချုပ်တားဆီးဖို့ WHO က အစည်းအဝေး အားချင်းခေါ်ခဲ့ရသလို ဥရောပနိုင်ငံတွေကို ကာကွယ်ရေးအစီအမံတွေ မြှင့်တင်လုပ်ဆောင်ကြဖို့ တိုက်တွန်းခဲ့ပါတယ်။အထူးသဖြင့် စတင်တွေ့ရှိကြောင်း ဗြိတိန်ကပြောခဲ့ ပြီးနောက် ဒီဇင်ဘာ ၂၀ ရက်မှာ ဥရောပနိုင်ငံတွေက ဗြိတိန်နဲ့ လေယာဉ်ခရီးစဉ်ပျံသန်းမှုတွေကို တားမြစ်ပိတ်ပင်လိုက်ပါတယ်။
 
ဒီလိုတားမြစ်ချက်တွေကြောင့် ဗြိတိန်နဲ့ ရေအောက်ဥမင်ကနေ ကုန်းလမ်းတိုက်ရိုက်ရှိတဲ့ ပြင်သစ်ကနေ ဝင်လာတဲ့ ကုန်တင်နဲ့ အိမ်စီးကားတွေ၊ ဗြိတိန်ကနေ ပြင်သစ်ကိုဝင်လာတဲ့ ကားတွေ ပြင်းထန်တဲ့နှင်းထုအောက်မှာ ရပ်ဆိုင်းထားရပြီး အလျင်အမြန်စီမံမှုတွေ လုပ်ဆောင်ခဲ့ပါတယ်။ကိုရိုနာဗိုင်းရပ်စ် မျိုးစိတ်သစ်အပေါ် စိုးရိမ်ပူပန်မှုတွေ‌ကြောင့် နယ်စပ်တွေကို ပိတ်ချခဲ့တဲ့အတွက် ဗြိတိန်ကနေလာရောက်တဲ့ ခရီးသွားတွေမှန်သမျှ ခရီးသွားလာမှုဆိုင်ရာ ပရမ်းပတာအခြေအနေများကို ဖြစ်စေခဲ့ပါတယ်။
 
ဗြိတိန်အတွက်လည်း ဒီအခြေအနေက အတော်လေး အကြပ်အတည်းကာလပါဘဲ။မကြာမီမှာ အီးယူကနေ ခွဲထွက်မှာဖြစ်လို့ ပြည်တွင်းကုန်စည်ပြတ်လပ်နိုင်တဲ့ အခြေအနေကိုလည်း ကြုံနေရတဲ့ အချိန်ပါ။ဒီလိုအချိန်မှာ နယ်စပ်တွေပိတ်ချ၊အသွားအလာရပ်ဆိုင်းတာတွေက ဗြိတိန်အတွက် ထိန်းရသိမ်းရခက်ခဲတဲ့ အခြေအနေပါဘဲ။လက်ရှိမှာဆိုရင် ဗြိတိန်နဲ့ ပြင်သစ်၊ အီတလီ၊ ဂျာမနီ၊ နယ်သာလန်၊ ဩစတြီးယား၊ အိုင်ယာလန်၊ ဘယ်လ်ဂျီယံနှင့် ကနေဒါ အပါအဝင် နိုင်ငံအတော်များများက လေကြောင်းခရီးတွေ ပိတ်ခဲ့ပါတယ်။
 
မျိုးကွဲဗိုင်းရပ်စ်ကြောင့်‌ ထိခိုက်ရတာ လောလောဆယ် ကုန်သွယ်ရေးပါဘဲ။ကမ္ဘာ့နိုင်ငံအများအပြားဆိုရင် ဗိုင်းရပ်စ်မျိုးကွဲသစ်ကို စိုးရိမ်ကြောက်ရွံ့လို့ ဒီဇင်ဘာ ၂၁ ရက်နေ့ကစပြီး ဗြိတိန်မှဝင်ရောက်ခွင့်များကို ပိတ်ပင်ခဲ့ကြသလို ဂျပန်ဆိုရင် သူ့နိုင်ငံထဲ ဗြိတိန်က‌လာမယ့် သူ့နိုင်ငံသားမဟုတ်တဲ့သူတွေကို အဝင်မခံဘဲ ဗြိတိန်ပြန် ဂျပန်လူမျိုးများကိုလည်း ကိုဗစ်-၁၉ ကင်းစင်ကြောင်း ၇၂ နာရီအတွင်း စစ်ထားသည့် ဆေးစစ်ချက်ကို တင်ပြရမယ်အထိ တင်းကျပ်ခဲ့တာကို တွေ့ရပါတယ်။ကမ္ဘာ့ဒုတိယကူးစက်မှုအများဆုံး အိန္ဒိယဆိုရင်လည်း ဒီလိုမျိုးကွဲဗိုင်းရပ်စ်ကြောင့် ထပ်ထိမှာစိုးလို့ ဒီဇင်ဘာ ၃၀ အထိ ဗြိတိန်နဲ့ လေကြောင်းပျံသန်းမှုအားလုံးကို ရပ်ဆိုင်းခဲ့ပါတယ်။
 
ဒီလိုပြင်ဆင်နေကြပေမယ့် ဗိုင်းရပ်စ်သန္ဓေပြောင်းအပြင် တခြားသော ဗိုင်းရပ်စ်မျိုးကွဲကိုပါ တောင် အာဖရိကနိုင်ငံကနေ ပြန်လာသူထံကနေ တွေ့ခဲ့လို့ ဗြိတိန်အတွက် တင်းကျပ်တဲ့ ကျန်းမာရေးကန့်သတ် မှုတွေ ချမှတ်ခဲ့ပါတယ်။ကမ္ဘာပေါ်မှာ ပထမဆုံး ကာကွယ်ဆေးထိုးနေတာဖြစ်ပေမယ့် ဒီလိုမျိုးကွဲသန္ဓေပြောင်း ဗိုင်းရပ်စ်တွေကို လက်ရှိအတည်ပြုထားတဲ့ ကာကွယ်ဆေးတွေက ခုခံနိုင်ပါ့မလားဆိုတာ ပြဿနာဖြစ်နေပါတယ်။တစ်ကယ်လို့သာ လက်ရှိထိုးနှံနေတဲ့ ကာကွယ်ဆေးတွေက မခုခံနိုင်ဘူးဆိုရင် ကာကွယ်ဆေးတွေ အလဟဿဖြစ်ရမယ့်သဘောဖြစ်လို့ ကာကွယ်ဆေးပေါ်ဖို့ အစအဆုံးပြန်လုပ်ရမယ့် အနေအထားပါ။ဒါဆိုရင် ကမ္ဘာအတွက် ပြဿနာပါ။နောက်ထပ် တင်းကျပ်တဲ့ကန့်သတ်မှုတွေကို တစ်နှစ်နီးပါးခံထားရတဲ့ အတွက် ဘယ်သူမှ လက်မခံနိုင်တော့ပါဘူး။ဒါဆိုရင် တားမြစ်ချက်တွေဖောက်ဖျက်လို့ မတည်ငြိမ်မှုတွေ ကြိမ်းသေဖြစ်လာမှာ အသေအချာပါဘဲ။
 
လက်ရှိမှာ ဗြိတိန်၊ အမေရိကန်ပြည်ထောင်စုနဲ့ အီးယူ - ဥရောပအဖွဲ့ဝင်နိုင်ငံတွေ အပါအဝင် နိုင်ငံ ၄၅ ခုကျော်မှာ အသုံးပြုခွင့်ရထားတဲ့ Pfizer ကာကွယ်ဆေးကတော့ ဒီမျိုးကွဲဗိုင်းရပ်စ်ကို ကာကွယ်နိုင်တယ်လို့ ဆေးဖော်ထုတ်ခဲ့တဲ့ Pfizer/BioNTech ကုမ္ပဏီဘက်က ပြောခဲ့သလို လိုအပ်ရင် ရက်သတ္တပတ် ၆ ပတ်အတွင်း ဆောင်ရွက်ပေးနိုင်တယ်ဆိုပြီး ပြောခဲ့တာရှိပါတယ်။ဒါပေမယ့် ဗိုင်းရပ်စ်မျိုးကွဲသစ်ကြောင့် ပိုပြီးဆိုးဆိုးရွားရွား ဖျားနာမဲ့လက္ခဏာ မတွေ့ရသေးပေမဲ့ ဥရောပနိုင်ငံတွေကတော့ ဗြိတိန်နဲ့ အသွားအလာ အကူးအသန်း ဖြတ်တောက်လာကြပါပြီ။ဆေးစျေးကွက်ထဲ အီတလီနဲ့ အမေရိကန်ကုမ္ပဏီထုတ် Modena ကာကွယ်ဆေးကလည်း အသုံးပြုခွင့်ရလာသလို မျိုးကွဲဗိုင်းရပ်စ်ကိုလည်း တိုက်ခိုက်ကာကွယ်နိုင်တယ်ဆိုတဲ့ အတွက် အခြေအနေက အဆိုးကြီးမရောက်သေးဘူးလို့ ထင်ရတဲ့ အခြေအနေပါ။ကမ္ဘာ့နိုင်ငံအတော်များများက နှစ်သစ်ကနေစပြီး အရဲစွန့်ကာ ပုံမှန်ပြန်လည်ပတ်ဖို့ တစ်ဆင့်ချင်း စလာတော့မှာမို့ အလုပ်ဖြစ်တဲ့ ကာကွယ်ဆေးတွေရရှိဖို့က နိုင်ငံတိုင်းအတွက် အရေးကြီးတဲ့ပြဿနာ ဖြစ်လာနေပါတယ်။
 
အီဘိုလာဗိုင်းရပ်စ်ကို ရှာဖွေတွေ့ရှိခဲ့တဲ့ ဆရာဝန်ပညာရှင်ကတော့ အနာဂတ်မှာ အသက်အန္တရာယ်ပေးမည့် ဗိုင်းရပ်စ်မျိုးသစ်များ ထပ်လာဦးမယ်လို့ သတိပေးထားတဲ့အတွက် မူလပုံမှန်အတိုင်း မြန်မြန်ဆန်ဆန်လည်ပတ်နိုင်ဖို့ လုပ်ဆောင်နေရတဲ့ ကမ္ဘာကြီးက ကပ်ဘေးပိုးတွေအတွက် အဆင်သင့်ဖြစ်၊ မဖြစ် စောင့်ကြည့်ရတော့မှာဖြစ်ပါတယ်။
 
အမေရိကန်ရဲ့ ဘီလျံ ၉၀၀ ရှိ ကိုဗစ်ကာလထောက်ပံ့ကြေး နောက်ကွယ်
 
ပြီးခဲ့တဲ့ တနင်္ဂနွေနေ့နေ့က အမေရိကန် လွှတ်တော်အမတ်တွေက အမေရိကန်ဒေါ်လာ ၉၀၀ ဘီလျံနီးပါး တန်ဖိုးရှိ ထောက်ပံ့ရေးဥပဒေကြမ်းကို သဘောတူညီခဲ့ကြပါတယ်။အဓိကအားဖြင့် ကိုရိုနာ ဗိုင်းရပ်စ်ကူးစက်မှု အဆိုးဆုံးခံစားနေရတဲ့ အမေရိကန်ပြည်သူတွေနဲ့ ကမ္ဘာ့နိုင်ငံတွေကို ထောက်ပံ့ကူညီဖို့ အစီအစဉ်ပါ။ဒီသဘောတူညီချက်မှာ အမေရိကန်ပြည်သူတွေအတွက် တစ်ဦးလျှင် ဒေါ်လာ ၆၀၀ တိုက်ရိုက်ပေးအပ်မှုနဲ့ အလုပ်လက်မဲ့လျော်ကြေးငွေ တစ်ပတ်လျှင် ဒေါ်လာ ၃၀၀ ပါတဲ့အပြင် ကာကွယ်ဆေးဖြန့် ဖြူးရေးနဲ့ ထောက်ပံ့ပို့ဆောင်ရေးတွေ၊ အိုးအိမ်ဆိုင်ရာထောက်ပံ့ငွေတွေ စာသင်ကျောင်းနဲ့ ကလေးစောင့်ရှောက်ရေးစင်တာတွေ ပြန်ဖွင့်ဖို့တွေအထိ ပါဝင်ပါတယ်။ဒီဥပဒေကြမ်းမှာ ထူခြားတာက ဖွံ့ဖြိုးဆဲနိုင်ငံတွေနဲ့ ကမ္ဘာ့နိုင်ငံအချို့အတွက် ထောက်ပံ့မှုတွေ ပါဝင်နေပါတယ်။ဒီဥပဒေကြမ်းကို လွှတ်တော်နှစ်ရပ်လုံးက သဘောတူခဲ့ပေမယ့် အမေရိကန်သမ္မတ ထရမ့်ကတော့ လက်မခံခဲ့သလို ဗီတိုအာဏာနဲ့ ပယ်ချ မယ့်သဘောကို တွေ့ရပါတယ်။
 
သတင်းဖော်ပြချက်တွေအရဆိုရင် ထရမ့် က အမေရိကန်နိုင်ငံသားတွေကို ငွေသားတိုက်ရိုက် ထောက်ပံ့မှုမှာ ၆၀၀ ကနေ ၂၀၀၀ အထိ တိုးပေးဖို့ ပြောခဲ့သလို တခြားနိုင်ငံတွေကို ထောက်ပံ့ပေးဖို့ ကိစ္စတွေလို အပိုကိစ္စတွေကို ဖြုတ်ချထားဖို့ တိုက်တွန်းခဲ့တာပါ။ဒီလိုပြောခဲ့တဲ့ဟာကို မီဒီယာတွေမှာ ဖော်ပြတဲ့အတိုင်း ပြန်ဖော်ပြရမယ်ဆိုရင် “'ဒီဥပဒေကြမ်းမှာ ကမ္ဘောဒီးယားအတွက် အမေရိကန်ဒေါ်လာ ၈၅.၅ သန်း၊ မြန်မာနိုင်ငံအတွက် အမေရိကန်ဒေါ်လာ ၁၃၄ သန်း၊ အီဂျစ်နဲ့ အီဂျစ် စစ်တပ်အတွက် အမေရိကန်ဒေါ်လာ ၁.၃ ဘီလျံ (သူတို့က အဲဒီငွေကြေးနဲ့ ရုရှားဆီက စစ်လက်နက်တွေဝယ်မှာ သေချာသလောက်ပဲ)။ပါကစ္စတန်နိုင်ငံမှာ ဒီမိုကရေစီနဲ့ ကျား၊ မ တန်းတူညီမျှရေး စီမံကိန်းအတွက် ဒေါ်လာ ၂၅ သန်း၊ ဘီလစ်၊ ကော်စတာရီကာ၊ အယ်လ်ဆာဗေးဒိုး၊ ဂွာတီမာလာ၊ ဟွန်ဒူးရပ်စ်၊ နိုင်ကရာဂွာ၊ ပနားမား နိုင်ငံတွေအတွက် ဒေါ်လာ ၅၀၅ သန်း ထောက်ပံ့ပေးဖို့ ပါဝင်နေပါတယ်။လွှတ်တော်က ပြည်ပနိုင်ငံတွေ၊ လော်ဘီတွေနဲ့ အထူးအကျိုးစီးပွားအတွက် ငွေပေါပေါသီသီ သုံးပေမဲ့ အကူအညီလိုအပ်နေတဲ့ အမေရိကန်နိုင်ငံသားတွေအတွက် အနည်းဆုံးပမာဏလောက်ပဲ ထောက်ပံ့ပေးတယ်။ဒါက အမေရိကန်ပြည်သူတွေရဲ့ အမှားမဟုတ်ပါဘူး။တရုတ်နိုင်ငံရဲ့ အမှားပါ” လို့ ပြောခဲ့ပါတယ်။
 
ထရမ့်အတွက် ဒါဟာ ဘယ်လိုပဲသဘောမတူသည်ဖြစ်စေ ဒီဥပဒေကြမ်းက လွှတ်တော်နှစ်ရပ်စလုံးကလက်ခံသဘောတူညီထားလို့ ဗီတိုအာဏာကို ကျော်လွှားသွားနိုင်မယ့် အနေအထားပါဘဲ။ဒီလို ဆိုရင် ဘာကြောင့် ထရမ့် က ကန့်ကွက်နေခဲ့ရတာလဲဆိုတာ စိတ်ဝင်စားစရာပါ။ထရမ့် က အမေရိကန်ပြည်သူတွေကို ပိုပေးလိုတယ်ဆိုတာကိုရှင်းရှင်းလင်းလင်း ဖော်ပြခဲ့ပါတယ်။တစ်ကယ်လို့ ဘီလျံနဲ့ချီတဲ့ ထောက်ပံ့မှုတွေက တခြားနိုင်ငံကို ရောက်ခဲ့ရင် ဘယ်သူအကျိုးရှိမလဲ၊ ဘာအတွက် အထောက်အကူဖြစ်စေလဲဆိုတာ ထရမ့် ကွဲကွဲပြားပြားမြင်ခဲ့ပါတယ်။ထရမ့်အနေနဲ့ တရုတ်ကို သည်းကြီးမဲကြီး တိုက်ခိုက်နေပေမယ့် သူ့ရဲ့သက်တမ်းအတွင်းမှာ ပြည်တွင်းကို ဂရုမစိုက်ခဲ့တဲ့ အတွက် နောက်သက်တမ်းမှာ ရွေးကောက်မခံခဲ့ရပါဘူး။ဒါကြောင့်လည်း ယခုထိ ရွေးကောက်ပွဲရလဒ်တွေကို လက်မခံဘဲ တရားစွဲမှုတွေကို လုပ်နေဆဲဖြစ်ပါတယ်။ 
 
ယခုဥပဒေကြမ်းက လာမည့် သမ္မတသက်တမ်းကို တာဝန်ယူမယ့် ဘိုင်ဒင်အတွက် သေချာပေါက် အထောက်အကူဖြစ်မယ့် ဥပဒေကြမ်းပါဘဲ။ထရမ့်လက်ထက် ကျဆင်းခဲ့တဲ့ ကမ္ဘာ့ပါဝါကြီးနေရာကို ကျန်းမာရေးကပ်ဘေးကြောင့်ဖြစ်လာတဲ့ လစ်ဟာမှုကို ဖြည့်စွက်ယူလိုက်ရုံနဲ့ လွယ်လင့်တကူ ပြန်နေရာရလာနိုင်မယ့် အနေအထားကို ဒီမိုကရက်တစ်တွေရော၊ ရီပတ်ဘလီကင်တွေပါ မြင်ထားပါတယ်။အထူးသဖြင့် တရုတ်နိုင်ငံရဲ့ ကြီးမားလာတဲ့ ဓနနဲ့ စစ်အင်အား၊ စီးပွားရေးအခြေအနေ၊ ယှက်သွယ်နေတဲ့ စီးပွားရေးကွန်ယက်တွေကို ချိုးဖျက်မယ်ဆိုရင် ယခုလိုအချိန်အခါက အမေရိကန်တွေအတွက် အချိန်အခါကောင်းပါဘဲ။ဒါကြောင့်လဲ ဘီလျံ ၉၀၀ ရှိတဲ့ ကြီးမားတဲ့ထောက်ပံ့မှု ဥပဒေကြမ်းကို ဘိုင်ဒင်လက်ထဲ ထည့်ပေးရမှာမို့ ထရမ့်အတွက် မခံမရပ်နိုင်စရာဖြစ်သလို ဖြစ်သမျှ ဆွဲထားဖို့လည်း ကြံဆောင်နေတာလည်း ဖြစ်ပါတယ်။
 
ထရမ့်အလွန် ကမ္ဘာ့အနေအထားနဲ့ ကိုဗစ်အလွန် ကမ္ဘာ့အခင်းအကျင်းက စိတ်ဝင်စားဖို့ကောင်းနေပါတယ်။တရုတ်က ကိုဗစ်ကို လုံး၀ထိန်းချုပ်နိုင်ခဲ့ပေမယ့် အမေရိကန်နဲ့ ကမ္ဘာ့နိုင်ငံတွေက ယခုထိ ကိုဗစ်လှိုင်းတွေကို တစ်လှိုင်းပြီး တစ်လှိုင်း ကြုံနေရလို့ အလဲလဲအကွဲကွဲပါဘဲ။ဒီထဲမှာ နိုင်ငံတစ်ခုခြင်းဆီ က ကိုဗစ်ကနေ ခွာထုတ်နိုင်ဖို့ ကြိုးစားနေကြပေမယ့် ဒါဟာ ဖြစ်နိုင်တဲ့အနေအထား မဟုတ်ပါဘူး။အထူးသဖြင့် ပြည်တွင်းစီးပွားရေးကို ပြန်ထူထောင်ဖို့ကြိုးစားရင်း ကိုဗစ်ကြောင့် ဆုံးရှုံးခဲ့ရတဲ့ နိုင်ငံရေး၊ စီးပွားရေးနဲ့ တခြားကဏ္ဍတွေက ဆုံးရှုံးမှုကို ရင်းစားရအောင် ပြန်ယူကြရမှာဖြစ်လို့ နိုင်ငံတကာအခြေအနေက ကိုဗစ်မတိုင်မီကထက် ရှုပ်ထွေးလာနိုင်စရာ မြင်နေပါတယ်။
 
အမြဲစစ်မက်ဖြစ်နေတဲ့ အရှေ့အလယ်ပိုင်းမှာ အစ္စရေးနဲ့ သဘောထားပျော့ပြောင်းတဲ့ အာရပ်နိုင်ငံ တွေအကြား သံတမန်ဆက်သွယ်မှုတွေကို အမေရိကန် ကမကထပြုမှုနဲ့ လုပ်နေတဲ့အတွက် အာရပ်တွေနဲ့ အစ္စရေးကြား ပြဿနာနည်းခဲ့ရင် ရုရှား၊ တရုတ်တို့နဲ့ နီးကပ်တဲ့ဆက်ဆံရေးရှိတဲ့ အီရန်၊ ဆီးရီးယားတို့ကို အမေရိကန်မပါဘဲ အစ္စရေးနဲ့ အာရပ်တွေ ၀ိုင်းပတ်ထားမယ့် အစီအမံက အလုပ်ဖြစ်ဖွယ်ရှိနေပါတယ်။ဒီလိုဆို အမေရိကန်အတွက် ကမ္ဘာမှာ ဘယ်နေရာကိုဦးတည်ပြီး အာရုံစိုက်မလဲဆိုတာ ကမ္ဘာက စိတ်ဝင်စားနေကြတာပါ။အထူးသဖြင့် ထရမ့်လက်ထက် မပြီးသေးတဲ့ တရုတ်နဲ့ ကုန်သွယ်ရေးစစ်၊ တောင်တရုတ်ပင်လယ်အရေး၊ ထိုင်ဝမ် စတဲ့ ထိရှလွယ်တဲ့ ပြဿနာတွေမှာ ဘိုင်ဒင် ဘယ်လို ကိုင်တွယ်မလဲဆိုတာ စိတ်ဝင်စားစရာပါ။
 
မကြာမီက နိုင်ငံတော်လုံခြုံရေးအကြံပေးအဖြစ် ဘိုင်ဒင် ရွေးချယ်ခဲ့တဲ့ ဂျိတ်ခ်ဆူလဗန် က “တောင်တရုတ်ပင်လယ်အတွင်း ရေကြောင်းသွားလာရေး လွတ်လပ်ခွင့်ကို သေချာစေရန်နဲ့ ပိုမိုအားဖြည့်ဖို့ မိတ်ဖက်တွေနဲ့ အတူလက်တွဲပြီး ကိုင်တွယ်ဖို့အတွက် အရင်းအနှီးတွေ အရင်းအမြစ်တွေ ပိုမို မြှုပ်နှံသင့်တယ်” ဆိုပြီး ပြောခဲ့တဲ့အတွက် ဘိုင်ဒင်လက်ထက်မှာ ထရမ့်၏ မူဝါဒ အရှိန်မြင့်တက်လာချေ အလားအလာကို ပြသနေပါတယ်။
 
ယခုလို ဘီလျံ ၉၀၀ တန် ထောက်ပံ့ရေးဥပဒေကြမ်းက ကမ္ဘာမှာ အမေရိကန်ရဲ့ မူလဦးဆောင်သူနေရာကို ပြန်ယူဖို့ တစ်စိတ်တစ်ပိုင်းပါနေတဲ့အတွက် ဘိုင်ဒင်လက်ထက် ဘယ်လိုနေမလဲဆိုတာ ဇန်နဝါရီနောက်ပိုင်း မြင်တွေ့ရတော့မှာဖြစ်ပါတယ်။
 
ဒီလိုသတင်းတွေအပြင် ဟာ၀ိုင်အီမှာ Kilauea မီးတောင်ပေါက်ကွဲခဲ့တဲ့သတင်း၊ ရွေးကောက်ခံ အ မေရိကန်သမ္မတ ဂျိုးဘိုင်ဒန် Pfizer ကာကွယ်ဆေးအထိုးခံခဲ့တဲ့သတင်း၊ အီသီယိုးပီးယားမှာ လူမျိုးစု ပြဿနာကနေ လူ ၁၅၀ ကျော် အစုလိုက်အပြုံလိုက် အသတ်ခံရတဲ့သတင်း၊ ထိုင်ဝမ်မှာ ၈ လကျော်ကာလအတွင်း ပထမဆုံး ပြည်တွင်းဗိုင်းရပ်စ်ကူးသူ တွေ့ရှိလာတဲ့သတင်း၊ အမေရိကန်သမ္မတ အိမ်ဖြူတော် အကြီးတန်းအကြံပေးပုဂ္ဂိုလ် ဦးဆောင်ပြီး အစ္စရေးကိုယ်စားလှယ်အဖွဲ့ကို ဦးဆောင်ပြီး မော်ရိုကိုနိုင်ငံကို ပထမဆုံးအကြိမ် သွားရောက်ခဲ့တဲ့ သတင်း၊ ကိုဗစ်စည်ကမ်းချိုးဖောက်ပြီး ဗြိတိန်တော်ဝင်မိသားစုအချို့ Sandringham ပန်းခြံထဲမှာ ၆ ဦးထက်ပိုစုပြီး ဓာတ်ပုံစုရိုက်ထားတဲ့ပုံတွေ ထွက်ပေါ်လာတဲ့သတင်း၊ ကဘူးလ်မြို့တွင် ဗုံးပေါက်ကွဲမှုကြောင့် ငါးဦးသေဆုံးခဲ့တဲ့ သတင်းတွေလည်း ဖြစ်ခဲ့တယ်ဆိုတာ တင်ပြရင်း ယခုရက်သတ္တပတ်နိုင်ငံတကာသတင်းသုံးသပ်ချက် အစီအစဉ်ကို ဒီမှာဘဲရပ်လိုက်ချင်ပါတယ်။ 
 
မင်းထက်
ဒီဇင်ဘာ - ၂၅
 
( Zawgyi )
 
 ယခုရက္သတၱပတ္ ႏိုင္ငံတကာသတင္းေတြမွာ ၿဗိတိန္က ကူးစက္မႈလ်င္ျမန္တဲ့ ဗိုင္းရပ္စ္သတင္းက ထိပ္တန္းသတင္းျဖစ္ခဲ့ပါတယ္။
 
မူလ ကို႐ိုနာဗိုင္းရပ္စ္ရဲ႕ မ်ိဳးကြဲျဖစ္ေပမယ့္ ကူးစက္မႈက ရာခိုင္ႏူန္း ၇၀ ပိုျမန္လို႔ ဥေရာပနဲ႔ ကမာၻတစ္ဝန္း ၿဗိတိန္နဲ႔ ကူးသန္းမႈေတြ ေလ‌ေၾကာင္းသြားလာမႈေတြ ရပ္ဆိုင္းရတာေတြ စတဲ့ ကာကြယ္ေဆးေပၚလို႔ ျဖစ္လာႏိုင္တဲ့ တိုးတက္မႈအားလုံးကို ၿခိမ္းေျခာက္ခဲ့ပါတယ္။ဗိုင္းရပ္စ္မ်ိဳးကြဲေၾကာင့္ အေၾကာက္တရားျပန္စေနတဲ့အခ်ိန္မွာဘဲ ႏိုင္ငံတကာမွာ ေဆာင္းရာသီထဲဝင္ေရာက္လာလို႔ ဗိုင္းရပ္စ္ကူးစက္မႈေတြ ျပင္းထန္လာတာ၊ ေနာက္ အေမရိကန္က ကိုဗစ္အလြန္ ႏိုင္ငံတကာကိုေထာက္ပံ့မယ့္ အကူအညီေတြကို ထရမ့္ က ပယ္ခ်ခဲ့တာ စတဲ့ ႏိုင္ငံတကာအခင္းအက်င္းေတြကလည္း စိတ္ဝင္စားစရာေကာင္းခဲ့ပါတယ္။
 
ဒီထဲမွာ ဗိုင္းရပ္စ္မ်ိဳးကြဲသတင္းေတြက ကမာၻကို ကာကြယ္ေဆးေၾကာင့္ျဖစ္လာတဲ့ စိတ္ပိုင္းဆိုင္ရာ အားတက္မႈကို စိတ္ပ်က္အားေလ်ာ့ေစသလို ဗိုင္းရပ္စ္က အၿမဲတေစ အသြင္ေျပာင္းၿပီး တည္ရွိေနႏိုင္ တာကို ျပခဲ့သလိုျဖစ္လို႔ လူမႈေနထိုင္မႈ ပုံစံအသစ္နဲ႔ ေနထိုင္ဖို႔ ကမာၻတစ္ဝန္း ျပင္ဆင္လာခဲ့ၾကတာကိုလည္း ေတြ႕ေနရပါတယ္။ဗိုင္းရပ္စ္ကာကြယ္ေဆးေတြကလည္း လတ္တေလာအထိ ဆက္တိုက္အ တည္ျပဳခ်က္ရေနတာကိုလည္း ေတြ႕ရပါတယ္။
 
ဒီတစ္ပတ္ထဲမွာ သတိထားမိခဲ့တဲ့ သတင္းေတြလည္းရွိခဲ့ပါတယ္။စင္ကာပူမွာ ကမာၻ႔ပထမဆုံး ဓာတ္ခြဲခန္းေမြး ၾကက္သားကို တည္ခင္းေရာင္းခ်ခဲ့တာ၊ ျပည္သူ႔ဝန္ေဆာင္မႈေကာ္မရွင္ စာေမးပြဲေအာင္တဲ့သူေတြကိုသာ တရားဝင္ ဆရာ၊ ဆရာမခန႔္တဲ့ မူကို ဆႏၵျပတဲ့ ရာေပါင္းမ်ားစြာေသာ ပါကစၥတန္ ဆရာ၊ ဆရာမေတြကို ရဲတပ္ဖြဲ႕က အင္အားသုံးၿဖိဳခြဲခဲ့တာ၊ အိႏၵိယမွာ အျမန္လမ္းေဖာက္ရာကေန ဘီစီ ၃ ရာစုနဲ႔ ေအဒီ ၁၂ ရာစုၾကား ဗုဒၶယဥ္ေက်းမႈ အသုံးအေဆာင္ေတြကို တူးေဖာ္ေတြ႕ရွိခဲ့တာ၊ ႏိုင္ဂ်ီးရီးယားမွာ ဘိုကိုဟာရမ္ေတြက ျပန္ေပးဆြဲသြားတဲ့ ေက်ာင္းသား ၃၅၀ ေက်ာ္ကို ျပန္လႊတ္ေပးခဲ့တဲ့ ျဖစ္ရပ္ျဖစ္ၿပီးေနာက္ ဂ်ီဟဒ္ေတြက စစ္သား ၅ ဦးကိုသတ္ၿပီး အရပ္သား ၃၅ ဦးကို ျပန္ေပးဆြဲခဲ့တာ၊ႏိုင္ငံေရးအရ တင္းမာေနေပမယ့္ ထူးထူးျခားျခား ၿဗိတိန္ ဆက္သြယ္ေရးၿဂိဳဟ္တုေတြကို ႐ုရွား ဆိုယုဇ္ဒုံးပ်ံနဲ႔ အာကာသထဲ လႊတ္တင္ခဲ့တဲ့သတင္း ----- စတဲ့သတင္းေတြ ျဖစ္ခဲ့ပါတယ္။
 
ဒီလိုသတင္းေတြနဲ႔ယွဥ္ရင္ ၿဗိတိန္ဗိုင္းရပ္စ္မ်ိဳးကြဲသတင္းက ဘာေတြျဖစ္လာႏိုင္သလဲဆိုတာ သတိထားဖို႔လိုသလို၊ ထရမ့္ ပယ္ခ်ေနတဲ့ ဘီလ်ံ ၉၀၀ ကိုဗစ္ေထာက္ပံ့ေရးအစီအစဥ္ရဲ႕ ရည္႐ြယ္ခ်က္က စိတ္ဝင္စားစရာေကာင္းေနလို႔ ယခုတစ္ပတ္မွာ ဒီအေၾကာင္းအရာႏွစ္ခုကိုဘဲ ႏိုင္ငံတကာသတင္းဌာနေတြမွာ ေဖာ္ျပတာေတြကိုစုစည္းေကာက္ႏႈတ္ ေဖာ္ျပခ်င္ပါတယ္။
 
ျပန္လည္ႏိုးထမႈကို ၿခိမ္းေျခာက္ေနသည့္ ျပင္းထန္ သည့္ ဗိုင္းရပ္စ္အသစ္ 
 
ကူးစက္ျပန႔္ပြားလြယ္ၿပီး ထိန္းခ်ဳပ္ရခက္ခဲတဲ့ ကို႐ိုနာဗိုင္းရပ္စ္ မ်ိဳးကြဲသစ္တစ္ခု ေတြ႕ထားတယ္လို႔ ၿဗိတိန္အစိုးရက ထုတ္ေဖာ္သတိေပးခဲ့ၿပီးေနာက္ အလုပ္ျဖစ္တဲ့ ကာကြယ္ေဆးေတြေၾကာင့္ ႏိုးထစျပဳ လာတဲ့ ကမာၻတစ္ဝန္း သြားလာေရး၊ စီးပြားေရးနဲ႔ ပညာေရးဆိုင္ရာ က႑ေတြဟာ ႐ုတ္တရက္ အထိတ္ထိတ္အလန႔္လန႔္ ရပ္ဆိုင္းသြားခဲ့ပါတယ္။ဒါဟာ ၿပီးခဲ့တဲ့ရက္သတၱပတ္က ၿဗိတိန္ကာကြယ္ေရးဝန္ႀကီး မတ္ဟန္းကြတ္ခ္ က လန္ဒန္ေတာင္ပိုင္းမွာ မ်ိဳးကြဲဗီဇရွိတဲ့ ဗိုင္းရပ္စ္ကိုေတြ႕တယ္လို႔ ေျပာၿပီးေနာက္ တခဏအတြင္း ျဖစ္လာတာပါ။
 
က်န္းမာေရးပညာရွင္ေတြကေတာ့ ဒီမ်ိဳးကြဲဗိုင္းရပ္စ္ေတြဟာ ကပ္ေဘးေတြမွာ ျဖစ္ေလ့ျဖစ္ထရွိတဲ့သေဘာ၊ အႏၲရာယ္က ထင္သေလာက္မျပင္းဘူးဆိုေပမယ့္ လတ္တေလာ ကမာၻအႏွံ႔မွာ ကူးစက္မႈေတြက ပထမလႈိင္း၊ ဒုတိယလႈိင္းထက္ေက်ာ္ၿပီး လႈိင္းေပါင္းစုံအထိ ကူးစက္မႈေတြ ေၾကာက္ခမန္းလိလိ တိုးေနတာကိုၾကည့္ၿပီး မ်ိဳးကြဲဗိုင္းရပ္စ္အေပၚ သံသယရွိေနၾကတာပါ။ဒီအတြက္ ကာကြယ္ေဆးကို တက္သုတ္႐ိုက္ထိုးၿပီး တင္းက်ပ္ထားတာေတြကိုလႊတ္ဖို႔ ျပင္ဆင္ေနတဲ့ ႏိုင္ငံေတြအဖို႔ မူလအစီအစဥ္ ကို ျပန္သုံးသပ္လာရတာေတြ ျဖစ္လာခဲ့ပါတယ္။
 
ကို႐ိုနာဗိုင္းရပ္စ္‌ေၾကာင့္ လက္ရွိအခ်ိန္အထိ ကမာၻ႔တစ္ဝန္းမွာ ေသဆုံးသူ ၁၇ သိန္းခြဲနီးပါး၊ ကူးစက္ခံရသူ ၅၆ သန္းေက်ာ္ရွိလာေနရာမွာ ထပ္ၿပီး ျပင္းထန္တဲ့ ဗိုင္းရပ္စ္မ်ိဳးကြဲသာ ထင္ထားသလို အေသအေပ်ာက္မ်ားခဲ့မယ္ဆိုရင္ ဥေရာပရဲ႕ေဆာင္းရာသီမွာ အဆိုးဝါးဆုံး စံခ်ိန္တင္ေသဆုံးမႈေတြျဖစ္လာမွာကို စိုးရိမ္ေနၾကပါတယ္။ဒီလို ျပင္းထန္တဲ့ ဗိုင္းရပ္စ္အမ်ိဳးအစားကို ထိန္းခ်ဳပ္တားဆီးဖို႔ WHO က အစည္းအေဝး အားခ်င္းေခၚခဲ့ရသလို ဥေရာပႏိုင္ငံေတြကို ကာကြယ္ေရးအစီအမံေတြ ျမႇင့္တင္လုပ္ေဆာင္ၾကဖို႔ တိုက္တြန္းခဲ့ပါတယ္။အထူးသျဖင့္ စတင္ေတြ႕ရွိေၾကာင္း ၿဗိတိန္ကေျပာခဲ့ ၿပီးေနာက္ ဒီဇင္ဘာ ၂၀ ရက္မွာ ဥေရာပႏိုင္ငံေတြက ၿဗိတိန္နဲ႔ ေလယာဥ္ခရီးစဥ္ပ်ံသန္းမႈေတြကို တားျမစ္ပိတ္ပင္လိုက္ပါတယ္။
 
ဒီလိုတားျမစ္ခ်က္ေတြေၾကာင့္ ၿဗိတိန္နဲ႔ ေရေအာက္ဥမင္ကေန ကုန္းလမ္းတိုက္႐ိုက္ရွိတဲ့ ျပင္သစ္ကေန ဝင္လာတဲ့ ကုန္တင္နဲ႔ အိမ္စီးကားေတြ၊ ၿဗိတိန္ကေန ျပင္သစ္ကိုဝင္လာတဲ့ ကားေတြ ျပင္းထန္တဲ့ႏွင္းထုေအာက္မွာ ရပ္ဆိုင္းထားရၿပီး အလ်င္အျမန္စီမံမႈေတြ လုပ္ေဆာင္ခဲ့ပါတယ္။ကို႐ိုနာဗိုင္းရပ္စ္ မ်ိဳးစိတ္သစ္အေပၚ စိုးရိမ္ပူပန္မႈေတြ‌ေၾကာင့္ နယ္စပ္ေတြကို ပိတ္ခ်ခဲ့တဲ့အတြက္ ၿဗိတိန္ကေနလာေရာက္တဲ့ ခရီးသြားေတြမွန္သမွ် ခရီးသြားလာမႈဆိုင္ရာ ပရမ္းပတာအေျခအေနမ်ားကို ျဖစ္ေစခဲ့ပါတယ္။
 
ၿဗိတိန္အတြက္လည္း ဒီအေျခအေနက အေတာ္ေလး အၾကပ္အတည္းကာလပါဘဲ။မၾကာမီမွာ အီးယူကေန ခြဲထြက္မွာျဖစ္လို႔ ျပည္တြင္းကုန္စည္ျပတ္လပ္ႏိုင္တဲ့ အေျခအေနကိုလည္း ႀကဳံေနရတဲ့ အခ်ိန္ပါ။ဒီလိုအခ်ိန္မွာ နယ္စပ္ေတြပိတ္ခ်၊အသြားအလာရပ္ဆိုင္းတာေတြက ၿဗိတိန္အတြက္ ထိန္းရသိမ္းရခက္ခဲတဲ့ အေျခအေနပါဘဲ။လက္ရွိမွာဆိုရင္ ၿဗိတိန္နဲ႔ ျပင္သစ္၊ အီတလီ၊ ဂ်ာမနီ၊ နယ္သာလန္၊ ဩစႀတီးယား၊ အိုင္ယာလန္၊ ဘယ္လ္ဂ်ီယံႏွင့္ ကေနဒါ အပါအဝင္ ႏိုင္ငံအေတာ္မ်ားမ်ားက ေလေၾကာင္းခရီးေတြ ပိတ္ခဲ့ပါတယ္။
 
မ်ိဳးကြဲဗိုင္းရပ္စ္ေၾကာင့္‌ ထိခိုက္ရတာ ေလာေလာဆယ္ ကုန္သြယ္ေရးပါဘဲ။ကမာၻ႔ႏိုင္ငံအမ်ားအျပားဆိုရင္ ဗိုင္းရပ္စ္မ်ိဳးကြဲသစ္ကို စိုးရိမ္ေၾကာက္႐ြံ႕လို႔ ဒီဇင္ဘာ ၂၁ ရက္ေန႔ကစၿပီး ၿဗိတိန္မွဝင္ေရာက္ခြင့္မ်ားကို ပိတ္ပင္ခဲ့ၾကသလို ဂ်ပန္ဆိုရင္ သူ႔ႏိုင္ငံထဲ ၿဗိတိန္က‌လာမယ့္ သူ႔ႏိုင္ငံသားမဟုတ္တဲ့သူေတြကို အဝင္မခံဘဲ ၿဗိတိန္ျပန္ ဂ်ပန္လူမ်ိဳးမ်ားကိုလည္း ကိုဗစ္-၁၉ ကင္းစင္ေၾကာင္း ၇၂ နာရီအတြင္း စစ္ထားသည့္ ေဆးစစ္ခ်က္ကို တင္ျပရမယ္အထိ တင္းက်ပ္ခဲ့တာကို ေတြ႕ရပါတယ္။ကမာၻ႔ဒုတိယကူးစက္မႈအမ်ားဆုံး အိႏၵိယဆိုရင္လည္း ဒီလိုမ်ိဳးကြဲဗိုင္းရပ္စ္ေၾကာင့္ ထပ္ထိမွာစိုးလို႔ ဒီဇင္ဘာ ၃၀ အထိ ၿဗိတိန္နဲ႔ ေလေၾကာင္းပ်ံသန္းမႈအားလုံးကို ရပ္ဆိုင္းခဲ့ပါတယ္။
 
ဒီလိုျပင္ဆင္ေနၾကေပမယ့္ ဗိုင္းရပ္စ္သေႏၶေျပာင္းအျပင္ တျခားေသာ ဗိုင္းရပ္စ္မ်ိဳးကြဲကိုပါ ေတာင္ အာဖရိကႏိုင္ငံကေန ျပန္လာသူထံကေန ေတြ႕ခဲ့လို႔ ၿဗိတိန္အတြက္ တင္းက်ပ္တဲ့ က်န္းမာေရးကန႔္သတ္ မႈေတြ ခ်မွတ္ခဲ့ပါတယ္။ကမာၻေပၚမွာ ပထမဆုံး ကာကြယ္ေဆးထိုးေနတာျဖစ္ေပမယ့္ ဒီလိုမ်ိဳးကြဲသေႏၶေျပာင္း ဗိုင္းရပ္စ္ေတြကို လက္ရွိအတည္ျပဳထားတဲ့ ကာကြယ္ေဆးေတြက ခုခံႏိုင္ပါ့မလားဆိုတာ ျပႆနာျဖစ္ေနပါတယ္။တစ္ကယ္လို႔သာ လက္ရွိထိုးႏွံေနတဲ့ ကာကြယ္ေဆးေတြက မခုခံႏိုင္ဘူးဆိုရင္ ကာကြယ္ေဆးေတြ အလဟႆျဖစ္ရမယ့္သေဘာျဖစ္လို႔ ကာကြယ္ေဆးေပၚဖို႔ အစအဆုံးျပန္လုပ္ရမယ့္ အေနအထားပါ။ဒါဆိုရင္ ကမာၻအတြက္ ျပႆနာပါ။ေနာက္ထပ္ တင္းက်ပ္တဲ့ကန႔္သတ္မႈေတြကို တစ္ႏွစ္နီးပါးခံထားရတဲ့ အတြက္ ဘယ္သူမွ လက္မခံႏိုင္ေတာ့ပါဘူး။ဒါဆိုရင္ တားျမစ္ခ်က္ေတြေဖာက္ဖ်က္လို႔ မတည္ၿငိမ္မႈေတြ ႀကိမ္းေသျဖစ္လာမွာ အေသအခ်ာပါဘဲ။
 
လက္ရွိမွာ ၿဗိတိန္၊ အေမရိကန္ျပည္ေထာင္စုနဲ႔ အီးယူ - ဥေရာပအဖြဲ႕ဝင္ႏိုင္ငံေတြ အပါအဝင္ ႏိုင္ငံ ၄၅ ခုေက်ာ္မွာ အသုံးျပဳခြင့္ရထားတဲ့ Pfizer ကာကြယ္ေဆးကေတာ့ ဒီမ်ိဳးကြဲဗိုင္းရပ္စ္ကို ကာကြယ္ႏိုင္တယ္လို႔ ေဆးေဖာ္ထုတ္ခဲ့တဲ့ Pfizer/BioNTech ကုမၸဏီဘက္က ေျပာခဲ့သလို လိုအပ္ရင္ ရက္သတၱပတ္ ၆ ပတ္အတြင္း ေဆာင္႐ြက္ေပးႏိုင္တယ္ဆိုၿပီး ေျပာခဲ့တာရွိပါတယ္။ဒါေပမယ့္ ဗိုင္းရပ္စ္မ်ိဳးကြဲသစ္ေၾကာင့္ ပိုၿပီးဆိုးဆိုး႐ြား႐ြား ဖ်ားနာမဲ့လကၡဏာ မေတြ႕ရေသးေပမဲ့ ဥေရာပႏိုင္ငံေတြကေတာ့ ၿဗိတိန္နဲ႔ အသြားအလာ အကူးအသန္း ျဖတ္ေတာက္လာၾကပါၿပီ။ေဆးေဈးကြက္ထဲ အီတလီနဲ႔ အေမရိကန္ကုမၸဏီထုတ္ Modena ကာကြယ္ေဆးကလည္း အသုံးျပဳခြင့္ရလာသလို မ်ိဳးကြဲဗိုင္းရပ္စ္ကိုလည္း တိုက္ခိုက္ကာကြယ္ႏိုင္တယ္ဆိုတဲ့ အတြက္ အေျခအေနက အဆိုးႀကီးမေရာက္ေသးဘူးလို႔ ထင္ရတဲ့ အေျခအေနပါ။ကမာၻ႔ႏိုင္ငံအေတာ္မ်ားမ်ားက ႏွစ္သစ္ကေနစၿပီး အရဲစြန႔္ကာ ပုံမွန္ျပန္လည္ပတ္ဖို႔ တစ္ဆင့္ခ်င္း စလာေတာ့မွာမို႔ အလုပ္ျဖစ္တဲ့ ကာကြယ္ေဆးေတြရရွိဖို႔က ႏိုင္ငံတိုင္းအတြက္ အေရးႀကီးတဲ့ျပႆနာ ျဖစ္လာေနပါတယ္။
 
အီဘိုလာဗိုင္းရပ္စ္ကို ရွာေဖြေတြ႕ရွိခဲ့တဲ့ ဆရာဝန္ပညာရွင္ကေတာ့ အနာဂတ္မွာ အသက္အႏၲရာယ္ေပးမည့္ ဗိုင္းရပ္စ္မ်ိဳးသစ္မ်ား ထပ္လာဦးမယ္လို႔ သတိေပးထားတဲ့အတြက္ မူလပုံမွန္အတိုင္း ျမန္ျမန္ဆန္ဆန္လည္ပတ္ႏိုင္ဖို႔ လုပ္ေဆာင္ေနရတဲ့ ကမာၻႀကီးက ကပ္ေဘးပိုးေတြအတြက္ အဆင္သင့္ျဖစ္၊ မျဖစ္ ေစာင့္ၾကည့္ရေတာ့မွာျဖစ္ပါတယ္။
 
အေမရိကန္ရဲ႕ ဘီလ်ံ ၉၀၀ ရွိ ကိုဗစ္ကာလေထာက္ပံ့ေၾကး ေနာက္ကြယ္
 
ၿပီးခဲ့တဲ့ တနဂၤေႏြေန႔ေန႔က အေမရိကန္ လႊတ္ေတာ္အမတ္ေတြက အေမရိကန္ေဒၚလာ ၉၀၀ ဘီလ်ံနီးပါး တန္ဖိုးရွိ ေထာက္ပံ့ေရးဥပေဒၾကမ္းကို သေဘာတူညီခဲ့ၾကပါတယ္။အဓိကအားျဖင့္ ကို႐ိုနာ ဗိုင္းရပ္စ္ကူးစက္မႈ အဆိုးဆုံးခံစားေနရတဲ့ အေမရိကန္ျပည္သူေတြနဲ႔ ကမာၻ႔ႏိုင္ငံေတြကို ေထာက္ပံ့ကူညီဖို႔ အစီအစဥ္ပါ။ဒီသေဘာတူညီခ်က္မွာ အေမရိကန္ျပည္သူေတြအတြက္ တစ္ဦးလွ်င္ ေဒၚလာ ၆၀၀ တိုက္႐ိုက္ေပးအပ္မႈနဲ႔ အလုပ္လက္မဲ့ေလ်ာ္ေၾကးေငြ တစ္ပတ္လွ်င္ ေဒၚလာ ၃၀၀ ပါတဲ့အျပင္ ကာကြယ္ေဆးျဖန႔္ ျဖဴးေရးနဲ႔ ေထာက္ပံ့ပို႔ေဆာင္ေရးေတြ၊ အိုးအိမ္ဆိုင္ရာေထာက္ပံ့ေငြေတြ စာသင္ေက်ာင္းနဲ႔ ကေလးေစာင့္ေရွာက္ေရးစင္တာေတြ ျပန္ဖြင့္ဖို႔ေတြအထိ ပါဝင္ပါတယ္။ဒီဥပေဒၾကမ္းမွာ ထူျခားတာက ဖြံ႕ၿဖိဳးဆဲႏိုင္ငံေတြနဲ႔ ကမာၻ႔ႏိုင္ငံအခ်ိဳ႕အတြက္ ေထာက္ပံ့မႈေတြ ပါဝင္ေနပါတယ္။ဒီဥပေဒၾကမ္းကို လႊတ္ေတာ္ႏွစ္ရပ္လုံးက သေဘာတူခဲ့ေပမယ့္ အေမရိကန္သမၼတ ထရမ့္ကေတာ့ လက္မခံခဲ့သလို ဗီတိုအာဏာနဲ႔ ပယ္ခ် မယ့္သေဘာကို ေတြ႕ရပါတယ္။
 
သတင္းေဖာ္ျပခ်က္ေတြအရဆိုရင္ ထရမ့္ က အေမရိကန္ႏိုင္ငံသားေတြကို ေငြသားတိုက္႐ိုက္ ေထာက္ပံ့မႈမွာ ၆၀၀ ကေန ၂၀၀၀ အထိ တိုးေပးဖို႔ ေျပာခဲ့သလို တျခားႏိုင္ငံေတြကို ေထာက္ပံ့ေပးဖို႔ ကိစၥေတြလို အပိုကိစၥေတြကို ျဖဳတ္ခ်ထားဖို႔ တိုက္တြန္းခဲ့တာပါ။ဒီလိုေျပာခဲ့တဲ့ဟာကို မီဒီယာေတြမွာ ေဖာ္ျပတဲ့အတိုင္း ျပန္ေဖာ္ျပရမယ္ဆိုရင္ “'ဒီဥပေဒၾကမ္းမွာ ကေမာၻဒီးယားအတြက္ အေမရိကန္ေဒၚလာ ၈၅.၅ သန္း၊ ျမန္မာႏိုင္ငံအတြက္ အေမရိကန္ေဒၚလာ ၁၃၄ သန္း၊ အီဂ်စ္နဲ႔ အီဂ်စ္ စစ္တပ္အတြက္ အေမရိကန္ေဒၚလာ ၁.၃ ဘီလ်ံ (သူတို႔က အဲဒီေငြေၾကးနဲ႔ ႐ုရွားဆီက စစ္လက္နက္ေတြဝယ္မွာ ေသခ်ာသေလာက္ပဲ)။ပါကစၥတန္ႏိုင္ငံမွာ ဒီမိုကေရစီနဲ႔ က်ား၊ မ တန္းတူညီမွ်ေရး စီမံကိန္းအတြက္ ေဒၚလာ ၂၅ သန္း၊ ဘီလစ္၊ ေကာ္စတာရီကာ၊ အယ္လ္ဆာေဗးဒိုး၊ ဂြာတီမာလာ၊ ဟြန္ဒူးရပ္စ္၊ ႏိုင္ကရာဂြာ၊ ပနားမား ႏိုင္ငံေတြအတြက္ ေဒၚလာ ၅၀၅ သန္း ေထာက္ပံ့ေပးဖို႔ ပါဝင္ေနပါတယ္။လႊတ္ေတာ္က ျပည္ပႏိုင္ငံေတြ၊ ေလာ္ဘီေတြနဲ႔ အထူးအက်ိဳးစီးပြားအတြက္ ေငြေပါေပါသီသီ သုံးေပမဲ့ အကူအညီလိုအပ္ေနတဲ့ အေမရိကန္ႏိုင္ငံသားေတြအတြက္ အနည္းဆုံးပမာဏေလာက္ပဲ ေထာက္ပံ့ေပးတယ္။ဒါက အေမရိကန္ျပည္သူေတြရဲ႕ အမွားမဟုတ္ပါဘူး။တ႐ုတ္ႏိုင္ငံရဲ႕ အမွားပါ” လို႔ ေျပာခဲ့ပါတယ္။
 
ထရမ့္အတြက္ ဒါဟာ ဘယ္လိုပဲသေဘာမတူသည္ျဖစ္ေစ ဒီဥပေဒၾကမ္းက လႊတ္ေတာ္ႏွစ္ရပ္စလုံးကလက္ခံသေဘာတူညီထားလို႔ ဗီတိုအာဏာကို ေက်ာ္လႊားသြားႏိုင္မယ့္ အေနအထားပါဘဲ။ဒီလို ဆိုရင္ ဘာေၾကာင့္ ထရမ့္ က ကန႔္ကြက္ေနခဲ့ရတာလဲဆိုတာ စိတ္ဝင္စားစရာပါ။ထရမ့္ က အေမရိကန္ျပည္သူေတြကို ပိုေပးလိုတယ္ဆိုတာကိုရွင္းရွင္းလင္းလင္း ေဖာ္ျပခဲ့ပါတယ္။တစ္ကယ္လို႔ ဘီလ်ံနဲ႔ခ်ီတဲ့ ေထာက္ပံ့မႈေတြက တျခားႏိုင္ငံကို ေရာက္ခဲ့ရင္ ဘယ္သူအက်ိဳးရွိမလဲ၊ ဘာအတြက္ အေထာက္အကူျဖစ္ေစလဲဆိုတာ ထရမ့္ ကြဲကြဲျပားျပားျမင္ခဲ့ပါတယ္။ထရမ့္အေနနဲ႔ တ႐ုတ္ကို သည္းႀကီးမဲႀကီး တိုက္ခိုက္ေနေပမယ့္ သူ႔ရဲ႕သက္တမ္းအတြင္းမွာ ျပည္တြင္းကို ဂ႐ုမစိုက္ခဲ့တဲ့ အတြက္ ေနာက္သက္တမ္းမွာ ေ႐ြးေကာက္မခံခဲ့ရပါဘူး။ဒါေၾကာင့္လည္း ယခုထိ ေ႐ြးေကာက္ပြဲရလဒ္ေတြကို လက္မခံဘဲ တရားစြဲမႈေတြကို လုပ္ေနဆဲျဖစ္ပါတယ္။ 
 
ယခုဥပေဒၾကမ္းက လာမည့္ သမၼတသက္တမ္းကို တာဝန္ယူမယ့္ ဘိုင္ဒင္အတြက္ ေသခ်ာေပါက္ အေထာက္အကူျဖစ္မယ့္ ဥပေဒၾကမ္းပါဘဲ။ထရမ့္လက္ထက္ က်ဆင္းခဲ့တဲ့ ကမာၻ႔ပါဝါႀကီးေနရာကို က်န္းမာေရးကပ္ေဘးေၾကာင့္ျဖစ္လာတဲ့ လစ္ဟာမႈကို ျဖည့္စြက္ယူလိုက္႐ုံနဲ႔ လြယ္လင့္တကူ ျပန္ေနရာရလာႏိုင္မယ့္ အေနအထားကို ဒီမိုကရက္တစ္ေတြေရာ၊ ရီပတ္ဘလီကင္ေတြပါ ျမင္ထားပါတယ္။အထူးသျဖင့္ တ႐ုတ္ႏိုင္ငံရဲ႕ ႀကီးမားလာတဲ့ ဓနနဲ႔ စစ္အင္အား၊ စီးပြားေရးအေျခအေန၊ ယွက္သြယ္ေနတဲ့ စီးပြားေရးကြန္ယက္ေတြကို ခ်ိဳးဖ်က္မယ္ဆိုရင္ ယခုလိုအခ်ိန္အခါက အေမရိကန္ေတြအတြက္ အခ်ိန္အခါေကာင္းပါဘဲ။ဒါေၾကာင့္လဲ ဘီလ်ံ ၉၀၀ ရွိတဲ့ ႀကီးမားတဲ့ေထာက္ပံ့မႈ ဥပေဒၾကမ္းကို ဘိုင္ဒင္လက္ထဲ ထည့္ေပးရမွာမို႔ ထရမ့္အတြက္ မခံမရပ္ႏိုင္စရာျဖစ္သလို ျဖစ္သမွ် ဆြဲထားဖို႔လည္း ႀကံေဆာင္ေနတာလည္း ျဖစ္ပါတယ္။
 
ထရမ့္အလြန္ ကမာၻ႔အေနအထားနဲ႔ ကိုဗစ္အလြန္ ကမာၻ႔အခင္းအက်င္းက စိတ္ဝင္စားဖို႔ေကာင္းေနပါတယ္။တ႐ုတ္က ကိုဗစ္ကို လုံးဝထိန္းခ်ဳပ္ႏိုင္ခဲ့ေပမယ့္ အေမရိကန္နဲ႔ ကမာၻ႔ႏိုင္ငံေတြက ယခုထိ ကိုဗစ္လႈိင္းေတြကို တစ္လႈိင္းၿပီး တစ္လႈိင္း ႀကဳံေနရလို႔ အလဲလဲအကြဲကြဲပါဘဲ။ဒီထဲမွာ ႏိုင္ငံတစ္ခုျခင္းဆီ က ကိုဗစ္ကေန ခြာထုတ္ႏိုင္ဖို႔ ႀကိဳးစားေနၾကေပမယ့္ ဒါဟာ ျဖစ္ႏိုင္တဲ့အေနအထား မဟုတ္ပါဘူး။အထူးသျဖင့္ ျပည္တြင္းစီးပြားေရးကို ျပန္ထူေထာင္ဖို႔ႀကိဳးစားရင္း ကိုဗစ္ေၾကာင့္ ဆုံးရႈံးခဲ့ရတဲ့ ႏိုင္ငံေရး၊ စီးပြားေရးနဲ႔ တျခားက႑ေတြက ဆုံးရႈံးမႈကို ရင္းစားရေအာင္ ျပန္ယူၾကရမွာျဖစ္လို႔ ႏိုင္ငံတကာအေျခအေနက ကိုဗစ္မတိုင္မီကထက္ ရႈပ္ေထြးလာႏိုင္စရာ ျမင္ေနပါတယ္။
 
အၿမဲစစ္မက္ျဖစ္ေနတဲ့ အေရွ႕အလယ္ပိုင္းမွာ အစၥေရးနဲ႔ သေဘာထားေပ်ာ့ေျပာင္းတဲ့ အာရပ္ႏိုင္ငံ ေတြအၾကား သံတမန္ဆက္သြယ္မႈေတြကို အေမရိကန္ ကမကထျပဳမႈနဲ႔ လုပ္ေနတဲ့အတြက္ အာရပ္ေတြနဲ႔ အစၥေရးၾကား ျပႆနာနည္းခဲ့ရင္ ႐ုရွား၊ တ႐ုတ္တို႔နဲ႔ နီးကပ္တဲ့ဆက္ဆံေရးရွိတဲ့ အီရန္၊ ဆီးရီးယားတို႔ကို အေမရိကန္မပါဘဲ အစၥေရးနဲ႔ အာရပ္ေတြ ဝိုင္းပတ္ထားမယ့္ အစီအမံက အလုပ္ျဖစ္ဖြယ္ရွိေနပါတယ္။ဒီလိုဆို အေမရိကန္အတြက္ ကမာၻမွာ ဘယ္ေနရာကိုဦးတည္ၿပီး အာ႐ုံစိုက္မလဲဆိုတာ ကမာၻက စိတ္ဝင္စားေနၾကတာပါ။အထူးသျဖင့္ ထရမ့္လက္ထက္ မၿပီးေသးတဲ့ တ႐ုတ္နဲ႔ ကုန္သြယ္ေရးစစ္၊ ေတာင္တ႐ုတ္ပင္လယ္အေရး၊ ထိုင္ဝမ္ စတဲ့ ထိရွလြယ္တဲ့ ျပႆနာေတြမွာ ဘိုင္ဒင္ ဘယ္လို ကိုင္တြယ္မလဲဆိုတာ စိတ္ဝင္စားစရာပါ။
 
မၾကာမီက ႏိုင္ငံေတာ္လုံၿခဳံေရးအႀကံေပးအျဖစ္ ဘိုင္ဒင္ ေ႐ြးခ်ယ္ခဲ့တဲ့ ဂ်ိတ္ခ္ဆူလဗန္ က “ေတာင္တ႐ုတ္ပင္လယ္အတြင္း ေရေၾကာင္းသြားလာေရး လြတ္လပ္ခြင့္ကို ေသခ်ာေစရန္နဲ႔ ပိုမိုအားျဖည့္ဖို႔ မိတ္ဖက္ေတြနဲ႔ အတူလက္တြဲၿပီး ကိုင္တြယ္ဖို႔အတြက္ အရင္းအႏွီးေတြ အရင္းအျမစ္ေတြ ပိုမို ျမႇဳပ္ႏွံသင့္တယ္” ဆိုၿပီး ေျပာခဲ့တဲ့အတြက္ ဘိုင္ဒင္လက္ထက္မွာ ထရမ့္၏ မူဝါဒ အရွိန္ျမင့္တက္လာေခ် အလားအလာကို ျပသေနပါတယ္။
 
ယခုလို ဘီလ်ံ ၉၀၀ တန္ ေထာက္ပံ့ေရးဥပေဒၾကမ္းက ကမာၻမွာ အေမရိကန္ရဲ႕ မူလဦးေဆာင္သူေနရာကို ျပန္ယူဖို႔ တစ္စိတ္တစ္ပိုင္းပါေနတဲ့အတြက္ ဘိုင္ဒင္လက္ထက္ ဘယ္လိုေနမလဲဆိုတာ ဇန္နဝါရီေနာက္ပိုင္း ျမင္ေတြ႕ရေတာ့မွာျဖစ္ပါတယ္။
 
ဒီလိုသတင္းေတြအျပင္ ဟာဝိုင္အီမွာ Kilauea မီးေတာင္ေပါက္ကြဲခဲ့တဲ့သတင္း၊ ေ႐ြးေကာက္ခံ အ ေမရိကန္သမၼတ ဂ်ိဳးဘိုင္ဒန္ Pfizer ကာကြယ္ေဆးအထိုးခံခဲ့တဲ့သတင္း၊ အီသီယိုးပီးယားမွာ လူမ်ိဳးစု ျပႆနာကေန လူ ၁၅၀ ေက်ာ္ အစုလိုက္အၿပဳံလိုက္ အသတ္ခံရတဲ့သတင္း၊ ထိုင္ဝမ္မွာ ၈ လေက်ာ္ကာလအတြင္း ပထမဆုံး ျပည္တြင္းဗိုင္းရပ္စ္ကူးသူ ေတြ႕ရွိလာတဲ့သတင္း၊ အေမရိကန္သမၼတ အိမ္ျဖဴေတာ္ အႀကီးတန္းအႀကံေပးပုဂၢိဳလ္ ဦးေဆာင္ၿပီး အစၥေရးကိုယ္စားလွယ္အဖြဲ႕ကို ဦးေဆာင္ၿပီး ေမာ္႐ိုကိုႏိုင္ငံကို ပထမဆုံးအႀကိမ္ သြားေရာက္ခဲ့တဲ့ သတင္း၊ ကိုဗစ္စည္ကမ္းခ်ိဳးေဖာက္ၿပီး ၿဗိတိန္ေတာ္ဝင္မိသားစုအခ်ိဳ႕ Sandringham ပန္းၿခံထဲမွာ ၆ ဦးထက္ပိုစုၿပီး ဓာတ္ပုံစု႐ိုက္ထားတဲ့ပုံေတြ ထြက္ေပၚလာတဲ့သတင္း၊ ကဘူးလ္ၿမိဳ႕တြင္ ဗုံးေပါက္ကြဲမႈေၾကာင့္ ငါးဦးေသဆုံးခဲ့တဲ့ သတင္းေတြလည္း ျဖစ္ခဲ့တယ္ဆိုတာ တင္ျပရင္း ယခုရက္သတၱပတ္ႏိုင္ငံတကာသတင္းသုံးသပ္ခ်က္ အစီအစဥ္ကို ဒီမွာဘဲရပ္လိုက္ခ်င္ပါတယ္။ 
 
မင္းထက္
ဒီဇင္ဘာ - ၂၅