【 နိုင်ငံတကာဆောင်းပါး 】သွေးကွဲမှုက ဒီမိုကရေစီအတွက်မည်သည့် ပြဿနာရှိသနည်း

နိုင်ငံအနေဖြင့် ကာလတိုနိုင်ငံရေးအသာစည်းရခြင်းသည် မိမိတို့နိုင်ငံ၏ ရေရှည်လူမှုကျန်းမာရေးအတွက် မိမိတို့ မစွန့်လွှတ်လျှင် ရေရှည်ကစားပွဲဖြစ်မည်။

ယခုဆောင်းပါးသည် တစ်နိုင်ငံလုံး စက်တင်ဘာလ ၁၅ ရက်နေ့တွင်ကျင်းပသည့် အမေရိကန်ဒီမိုကရေစီနေ့ (သို့မဟုတ်) နိုင်ငံတကာဒီမိုကရေစီနေ့၏ အစိတ်အပိုင်းဖြစ်သည်။ ထိုနေ့တွင် သတင်းအဖွဲ့အစည်းများသည် ဒီမိုကရေစီမည်သို့အလုပ်လုပ်သည်နှင့် ဒီမိုကရေစီရင်ဆိုင်နေရသည့် ခြိမ်းခြောက်မှုများကို သတင်းဖေါ်ပြကြသည်။

ဘဝအစောပိုင်းတွင် ကမ္ဘာပျက်ကိန်းဟောသည့် ပညာရှိများက လူအားလုံးအတွက်မဟုတ်လျှင်ပင် အများစုအတွက်နောက်ဆုံးအချိန် ရောက်တော့မည်ဟု အကြိမ်ကြိမ် ဟောကိန်းထုတ်သည်ကို ကြားခဲ့ဖူးသည်။ မိမိတို့ မျိုးပြုတ်ခြင်းသည် နည်းလမ်းပေါင်းစုံဖြင့်ဖြစ်လာမည်ဟုဆိုလိုသည်။ နျူကလီးယားစစ်ပွဲ၊ လူဦးရေပေါက်ကွဲမှုနှင့် ကမ္ဘာ့အငတ်ဘေးတို့ဖြစ်သည်။

သို့သော် မိမိတို့သည် အချမ်းသာအကြွယ်ဝဆုံးနှင့် လူ့သမိုင်းတွင် အငြိမ်းချမ်းဆုံးအချိန်တွင် နေထိုင်နေကြသည်။ သို့သော်စာရေးသူ ထိုသို့မခံစားရပေ။ သို့သော်ကျေးဇူးတင်စရာကောင်းသည်မှာ ငြိမ်းချမ်းရေးနှင့် ချမ်းသာကြွယ်ဝမှုသည် မိမိတို့ကို ဂရုမစိုက်ပေ။

ထို့ကြောင်ပင် ဤကမ္ဘာသည် ထိခိုက်လွယ်သည်ကို နေ့စဉ်သတိပေးနေသည့်ကြားမှ စာရေးသူသည် အကောင်းမြင်ဝါဒအတွက်တိုက်ပွဲဝင်ရန် ရွေးချယ်ခံရသည်။ သို့သော် မျှော်လင့်ချက်ထားရန် မည်သည်မျှ ပေးဆပ်ရန်မလိုပေ။ လူအများအပြားသည် စိုးရိမ်ပူပန်မှုများဖြင့် နေထိုင်ကြရသည်။

အမေရိကန် ဒီမိုကရေစီ ကြီးမားသောခြိမ်းခြောက်မှုများ ရင်ဆိုင်နေရ

သို့သော်လက်ရှိဖြစ်နေသည့်လမ်းကြောင်း အကောင်းမြင်ရန်အလွန်ကောင်းနေသည်။ အမေရိကန် ဒီမိုကရေစီ အနာဂတ်ပင်ဖြစ်သည်။

သောကြာနေ့ကကျင်းပသည့် နိုင်ငံတကာဒီမိုကရေစီနေ့ အခမ်းအနားကိုရောက်လာသောအခါ စာရေးသူ မည်သည့်အတွက် စိုးရိမ်သနည်း။

- အဓိကကျသည့် အင်စတီကျူးရှင်းအများအပြား (ရာဇဝတ် တရားစီရင်ရေး၊ ကွန်ဂရက်၊ ရဲတပ်ဖွဲ့၊ အများပြည်သူ ကျောင်းများ၊ ဘာသာရေး၊ သတင်းစာနှင့် နည်းပညာကုမ္ပဏီများ)  အပေါ်ယုံကြည်မှုသည် စံချိန်တင် နိမ့်ကျနေသည်။  မိမိတို့သည် မိမိတို့အယုံအကြည်မရှိသောအဖွဲ့အစည်းများ လူများ၏ စကားကို နားထောင်လေ့မရှိကြပေ။ စာရေးသူတို့သည် တစ်ယောက်စကားတစ်ယောက်နားမထောင်လျှင် မိမိတို့သည် အလုပ်ဖြစ်သော ဒီမိုကရက်တစ် လူမှုအသိုက်အဝန်းအတွက် မဖြစ်နိုင်သလောက်ပင်ဖြစ်သည်။

- အမေရိကန်တို့သည် မကြာသေးမီနှစ်များအတွင်း မိမိတို့၏နိုင်ငံရေးနှင့်လူမှုအတွေးအမြင်များကို လက်မခံသူများနှင့်ပတ်သက်ပြီး တွေးခေါ်ရာတွင် ပိုမိုဆွေမျိုးစုလူ့အဖွဲ့အစည်းဆန်လာသည်။ လွန်ခဲ့သောနှစ်က Pew သုတေသနက ကောက်ယူသည့် စစ်တမ်းတွင် ရီပတ်ဗလစ်ကန်များ၏ ၇၂ ရာခိုင်နှုန်းက ဒီမိုကရက်တို့သည် အခြား အမေရိကန်များထက် ပိုမိုမရိုးသားအကျင့်စာရိတ္တမကောင်းကြောင်းပြောသည်။ ဒီမိုကရက်များ၏ ၆၀ ရာခိုင်နှုန်းကျော်က ရီပတ်ဗလစ်ကန်တို့သည် ရီပတ်ဗလစ်ကန်တို့သည် ထိုသို့သော သူများဖြစ်သည်ဟုပြောသည်။  သင်က မရိုးသား ကျင့်ဝတ်မကောင်းဟု ယူဆသောသူများနှင့် အပေးအ ယူလုပ်ရန် သင်မည်မျှ စိတ်အားထက်သန်သနည်း။ အပေးအယူမရှိလျှင် ပြည်သူ့ထံမှ ပြည်သူ့ထံသို့ အစိုးရသည် အလုပ်ဖြစ်မည်မဟုတ်ပေ။

- ဒေသဆိုင်ရာသတင်းအဖွဲ့အစည်းများအလျင်အမြန်ကျဆင်းခြင်းသည် အမေရိက၏ ကျယ်ပြန့်သောဒေသများတွင် သတင်းကန္တာရများကို ဖြစ်စေသည်။ ခန့်မှန်းတွက်ချက်မှုတစ်ခုအရ အမေရိကန် သန်း ၇၀ တို့သည် ဒေသခံ သတင်းအဖွဲ့အစည်းများက ၎င်းတို့ဘဝများကို သက်ရောက်မည့် အရေးပါသော ပြဿနာများအကြောင်း ဖေါ်ပြခြင်းမရှိသည့် လူမှုအဖွဲ့အစည်းများတွင် နေထိုင်ရမည်မဟုတ်ကြောင်း ဖေါ်ပြသည်။ ထိုလူမှုအသိုက်အဝန်းများမှ သတင်းသမားများသည်လည်း ဒေသဆိုင်ရာအစိုးရများတွင် ၎င်းတို့လုပ်ရပ်များအတွက် တာဝန်ရှိကြောင်း မဖေါ်ပြသည့်အဖွဲ့အစည်းများဖြစ်သည်။ ဒီမိုကရေစီအတွက် အရေးပါသော အချက်အလက်ဖြစ်သည့်  သတင်းအချက်အလက်နှင့်တာဝန်ခံမှုမရှိခြင်းသည် ဒေသအစိုးရများကို ထပ်မံအဆိပ်သင့်စေပြီး နိုင်ငံသားများသည် ၎င်းတို့ခေါင်းဆောင်များနှင့် အင်စတီကျူးရှင်းများကို အပေါ်ယုံကြည်မှု ပိုမိုကင်းမဲ့လာသည်။

- သင်ချစ်သည်ဖြစ်စေ မုန်းသည်ဖြစ်စေ အမေရိကန် သမ္မတဟောင်းတစ်ယောက်သည် ယခုနှစ် ပထမ ၉ လအတွင်း ရာဇဝတ်မှုစွပ်စွဲချက် ၄ ခုဖြင့် စွဲချက်တင်ခံရသည်။ ထိုအမှုများအနက် ၂ ခုသည် အမေရိကန်လွှတ်တော် အဆောက်အအုံကို စီးနင်းခြင်းအပါအဝင် ၂၀၂၀ ရွေးကောက်ပွဲရလဒ်ကို ပြောင်းလဲအောင် လုပ်ဆောင်ခြင်းအမှုဖြစ်သည်။ ယခုအချိန်သည် မိမိတို့လမ်းကြောင်းပြောင်းလဲရေးကတိကဝတ်နှင့်တကွ အမျိုးသားဝမ်းနည်းကြေကွဲခြင်းနှင့် ပြန်လည်သုံးသပ်ခြင်း အချိန်ဖြစ်သင့်သည်။ ထိုသို့လုပ်ရမည့်အစား မိမိတို့သည် ခက်ခက်ခဲခဲ လျှောက်လှမ်းနေပြီး မိမိတို့သည် ၁၉၆၈ ခုနှစ်နောက်ပိုင်း ဖရိုဖရဲဖြစ်မှုများနှင့် စိတ်ဓာတ်ကျဆင်းမှုများနောက်ပိုင်း မမြင်ဖူးသည့်နည်းလမ်းများဖြင့် နိုင်ငံကိုတစစီ ဖြစ်အောင်လုပ်မည့် ရွေးကောက်ပွဲကို မျှော်မှန်းနေကြသည်။

- ဂျိုးဘိုင်ဒင်၏ အိမ်ဖြူတော်၊ ဖက်ဒရယ်ထောက်လှမ်းရေးဗျူရို၊ ဆရာဝန်ချုပ်နှင့် ရောဂါထိန်းချုပ်တားဆီးရေးဌာနတို့သည် လူမှုကွန်ရက်ပလက်ဖေါင်းများမှအကြောင်းအရာများ ပူပန်မှုလျှောချရန် အတင်းအကျပ်လုပ်သည် သို့မဟုတ် အားပေးသည်ပြီး ဖွဲ့စည်းပုံအခြေခံဥပဒေပထမပြင်ဆင်ချက်ကို ချိုးဖေါက်နိုင်ခြေရှိကြောင်း  ဖက်ဒရယ်အယူခံတရားရုံးတစ်ခုက လွန်ခဲ့သောအပတ်ကတွေ့ရှိသည်။ အရာရှိအများအပြားသည် အမေရိကန်ဖွဲ့စည်းပုံ အခြေခံဥပဒေ ပထမပြင်ဆင်ချက်၏ခွန်အားကို ပစ်မှတ်ထားခြင်းဆိုသည့်အချက်သည် ထိန်းကွပ်မှုမရှိသော အစိုးရ၏အာဏာသည် ဒီမိုကရေစီအတွက်အကြီးမားဆုံး ခြိမ်းခြောက်မှုဖြစ်သည်ကို နားလည်သူတိုင်းအတွက် နှိုးဆော်ချက်ဖြစ်သင့်သည်။

ဒီမိုကရေစီ၏ ကျန်းမာရေး အလကားမရ

စာရေးသူအနေဖြင့်ဆက်လက် ဆက်လက်ပြောနိုင်သေးသည်။ သို့သော်ရည်ရွယ်ချက်မှာ စာဖတ်သူ စိတ်ပျက်စေရန် စိတ်ဖိစီးစေရန်မဟုတ်ပေ။ စာရေးသူသည် အကောင်းမြင်ဝါဒကို ရွေးချယ်ခဲ့သည်ကို သတိရပါ။ အဓိကပြောလိုသည့်အချက်မှာ ဒီမိုကရေစီ၏ ကျန်းမာရေးသည် အကြောင်းမဲ့ဖြစ်လာခြင်းမဟုတ် အထူးသဖြင့် ယခုအချိန်တွင် ထိုသို့မဖြစ်နိုင်ပါ။

အဖြေ၏တစ်စိတ်တပိုင်းဖြစ်လိုပြီး ပြဿနာ၏ တစ်စိတ်တပိုင်းမဖြစ်လိုပါက သင့်ကိုယ်သင်မေးရန် မေးခွန်းအနည်းငယ်ရှိသည်။ သင်နှင့်နိုင်ငံရေးအမြင်မတူသည့် အမေရိကန်များနှင့် အလေးအနက်ဆွေးနွေးမှုများတွင် သင်မည်မျှ ပါဝင်ဖူးပါသနည်း။ ဆန့်ကျင်ဘက်အယူအဆကို နားထောင်ရန် မည်မျှစိတ်အားထက်သန်သနည်း။ မတူညီသော ဘဝအတွေ့အကြုံနှင့်အမြင်ရှိသူများကို လှောင်ပြောင်ရန် သို့မဟုတ် ပယ်ချရန် ပြင်ဆင်ထားပါသလား။  အမေရိကန်၏ ကွဲပြားစုံလင်မှုကို အမှန်တကယ် တန်ဖိုထားပါသလား သို့မဟုတ် မိမိတို့တွင် ဗားမောက်ပုံစံ ၅၀ သို့မဟုတ် အိုကလာဟိုးမားပုံစံ ၅၀ ရှိနေလျှင်ကောင်းသည်ဟု  သင်ထင်ပါသလား။

ထိုမေးခွန်းများ၏ အဓိကအကြောင်းအရာသည် လုပ်ရပ်ထက် သဘောထားနှင့် ပိုမိုသက်ဆိုင်သည်။ မိမိတို့ ဒီမိုကရေစီတွင် ယခုလိုအပ်နေသည်မှာ သဘောထားပြောင်းလဲရန်၊ အမေရိကန်များအကြား ၎င်းတို့နှင့် အယူအဆနှင့် တန်ဖိုးမတူသူများကို လေးစားမှု ၊ ယဉ်ကျေးမှုနှင့် ကျက်သရေရှိမှု တိုးချဲ့ရန်ဖြစ်သည်။

ထို့ကြောင့် မိမိတို့သည် နိုင်ငံရေး၊ လူမှု၊ ဘာသာရေး၊ လူမျိုးစုနှင့် စီးပွားရေးအကွဲအပြဲများကို ပေါင်းကူးပေးမည့် အချိန်နှင့်စွမ်းအင်ရင်နှီးမြှုပ်နှံနိုင်သော အမေရိကန်များလိုအပ်သည်။ ထိုကြောင့် မိမိတို့သည် ရေရှည်လူမှုကျန်းမာရေးအတွက် ကာလတိုနိုင်ငံရေး အနိုင်ရခြင်းသည် ရေရှည်ကစားပွဲကို ရှုံးနိမ့်ခြင်းဖြစ်ကြောင်း နားလည်သည့် အမေရိကန်ကိုလိုအပ်သည်။

မိမိတို့သည် ဒီမိုကရေစီ နိုင်ငံအဖြစ်မှကျဆုံးသွားပြီလား။ မကျဆုံးသေးဆိုသည့်အဖြေကို စာရေးသူရွေးချယ်သည်။ သို့သော် မိမိတို့သည် မိမိတို့နိုင်ငံကို မိမိတို့ ဖြစ်စေသည့် ဒဏ်ရာဒဏ်ချက်များကို ကုသရန်အချိန် နှစ်ပေါင်းများစွာကြိုးစားလုပ်ဆောင်ရမည်ဖြစ်သည်။

Linko

Ref: USA Today|Are Republicans dishonest? Democrats immoral? Why toxic polarization threatens democracy