【 နိုင်ငံတကာဆောင်းပါး 】 တောင်ကိုရီးယား-ဂျပန် ပဋိပက္ခကြောင့် ဒေသဆိုင်ရာ တိုးတက်မှု အတွက် အန္တရာယ်ကျရောက်မည်

【  နိုင်ငံတကာဆောင်းပါး 】 တောင်ကိုရီးယား-ဂျပန် ပဋိပက္ခကြောင့် ဒေသဆိုင်ရာ တိုးတက်မှု အတွက် အန္တရာယ်ကျရောက်မည်

နှစ်နိုင်ငံဆက်ဆံရေးကို လမ်းဆုံးသို့တွန်းပို့လိုက်သည့် အန္တရာယ်ရှိသည် ဟု ကိုရီးယားသမ္မတနိုင်ငံ( ROK) ကပြောသည့် လုပ်ရပ်အဖြစ် နည်းပညာလုပ်ငန်းအတွက်အရေးပါသော ပစ္စည်း ၃ မျိုးကို ROK သို့တင်ပို့ခြင်းကို ထိန်းချုပ်မည်ဟု ဂျပန်နိုင်ငံသည်လွန်ခဲ့အပတ်က ကြေညာခဲ့သည်။

ထိုလုပ်ရပ်ကြောင့် မင်းတို့တွင် အခြားရွေးစရာလမ်းမရှိတော့ဘဲ တန်ပြန်အရေးယူမှု များသာပြုလုပ်ရန် ရှိတော့ကြောင်း ဆိုးလ်ကပြောသည်။ ထိုသို့ လုပ်ဆောင်ရခြင်းမှာ ယုံကြည်မှုပျက်စီးသွားသောကြောင့်ဖြစ်ကြောင်း တိုကျိုကပြောပြီး ROK မှ မြောက်ကိုရီးယား DPRK သို့ အရေးပါသောပစ္စည်းများ တရား မဝင် လွှဲပြောင်းမှုများရှိနိုင်သည်ဟု ပြောသည်။

သို့သော် ထိုလုပ်ရပ်သည် ဒုတိယကမ္ဘာစစ်အတွင်း အတင်းအကျပ်လုပ်အားခိုင်းခံရသော ကိုရီးယား များကို ဂျပန်လုပ်ငန်းကြီးများက လျှော်ကြေးပေးရန် ROK တရားရုံးတရုံးကဆုံးဖြတ်လိုက်သောကြောင့် ဂျပန်ကလက်စားခြေခြင်းအဖြစ်အများအပြားက ယုံကြည်ကြသည်။ ထိုပြဿနာကို ဖြေရှင်းပြီးဖြစ် သည် မှာ ကာလအတန်ကြာပြီဟု ဂျပန်နိုင်ငံကဆိုသည်။

ထိုပြင်းထန်သော သဘောထားက ဂျပန်နိုင်ငံသည် အရှေ့အာရှ အိမ်နီးချင်းများနှင့်နှစ်နိုင်ငံ ဆက်ဆံရေး များကို ကိုင်တွယ်ရာတွင် သမိုင်းနှင့်ဆိုင်သောကိစ္စများ၏ စိတ်ဓါတ်ရေးရာ ဝန်ထုပ်ဝန်ပိုး ကို ဆက်လက်သီးမခံလိုတော့ကြောင်းပြသနေသည်။ အထူးသဖြင့် ဇိမ်မယ်များပြဿနာကို အပြီး အပြတ် ပြန်လှည့်မရအောင် ဖြေရှင်းပြီးဖြစ်သည်ဟု ယူဆရသည့် ၂၀၁၅ ခုနှစ် စာချုပ်တခုကို ယခင်အစိုးရကသဘောတူပြီးနောက် လက်ရှိ ROK အစိုးရက ထိုပြဿနာကို ပြန်လည် အသက် သွင်းလိုက်သော အခါ တင်းမာ သဘောထားကိုပြသနေသည်။

ဂျပန်နိုင်ငံသည် ပို့ကုန်လုပ်ငန်းအဆင်ပြေရေးအတွက် အထူးအခွင့်အရေးပေးထားသော နိုင်ငံ ၂၇ နိုင်ငံစာရင်းမှ ROK ကိုပယ်ဖျက်ရန် လုပ်ငန်းများကို စတင်နေပြီဖြစ်သည်။ ထိုသို့ လုပ်ဆောင်ခြင်းကြောင့် ဂျပန်မှတင်ပို့သူများ သည် ROK သို့ အခြားပစ္စည်း အမျိုးအမည်များတင်ပို့ရာတွင် အစိုးရထံမှ ခွင့်ပြုချက်တောင်းခံရတော့မည်ဖြစ်သည်။

၎င်းတို့၏ အငြင်းပွားမှုသည် လွန်ခဲ့သော တနှစ်ခန့်ကာလအတွင်း အရှေ့မြောက်အာရှတွင် ရရှိ ထားသော ကောင်းမွန်သည့် အရှိန်အဟုန်ကို အန္တရာယ်ကျရောက်စေနိုင်သည်။ ထို အိမ်နီးချင်းနှစ်နိုင်ငံ သည် ၎င်းတို့ ၏ သဘောထားကွဲလွဲမှုများကို တွေ့ဆုံဆွေးနွေး ညှိနှိုင်း တိုင်ပင်ခြင်းဖြင့်ဖြေရှင်းနိုင်လိမ့်မည်ဟု နှစ်နိုင်ငံလုံးနှင့် ဆက်ဆံရေးတိုးတက်လာသော တရုတ်နိုင်ငံက မျှော်လင့် သည်။

 ၎င်းတို့အနေဖြင့် ကိုရီးယားကျွန်းဆွယ်တွင် ညူကလီးယားကင်းစင်ရေးမှသည် တရုတ်နိုင်ငံနှင့် သုံးနိုင်ငံ လွတ်လပ်သောကုန်သွယ်မှုဒေသထူထောင်ရေးအထိပါဝင်သော ၎င်းတို့၏ ဘုံအကျိုး စီးပွား များကိုသာ အာရုံစိုက်သင့်သည်။ ထိုသုံးနိုင်ငံသည် ကမ္ဘာ့စီးပွားရေး၏ ၂၀ ရာခိုင်နှုန်းကိုကိုယ်စားပြုပြီး သုံးနိုင်ငံအကြားလွတ်လပ်သော ကုန်သွယ်မှုဒေသထူထောင်ခြင်းသည် ဒေသတွင်း စီးပွားရေးပေါင်းစည်းခြင်းနှင့်စီးပွားရေးတိုးတက်မှုကို အရှိန်မြှင့်ပေးမည်ဖြစ်သည်။ ဆင်ခြင်တုံတရားက စိုးမိုးသောအခါမှသာလျှင် ထိုအခြေအနေကို စောလျှင်စွာရရှိအောင်မြင်မည်ဖြစ်သည်။

အိမ်နီးချင်းနိုင်ငံများကို ဒုက္ခများစွာဖြစ်စေခဲ့သော ဂျပန်နိုင်ငံအနေဖြင့် တောင်းပန်ခြင်းနှင့်ကြေအေးခြင်းတွင် လုံလောက်ပြီဟုပြောနိုင်သည့်အရာမရှိကြောင်း သတိရရမည်ဖြစ်သည်။ တိုကျိုအနေဖြင့်အခြေအနေကိုပိုမိုဆိုးရွားစေသည့်အရေးယူမှုများပြုလုပ်ခြင်းကို ရှောင်ရှားသင့်ပေ သည်။

၁၉၁၀ မှ ၁၉၄၅ ခုနှစ်အထိ ကိုရီးယားကို ဂျပန်က ကိုလိုနီပြုသိမ်းပိုက်ခြင်းသည် ROK ၏ အမျိုးသားရေး စိတ်ဓါတ်တွင် ဖျောက်ဖျက်မရသော အမာရွတ်ဖြစ်သည်မှာ သံသယရှိဖွယ်မလိုပေ။ ဆိုးလ်အနေဖြင့် ၎င်းတို့၏ဆုံးဖြတ်ချက်များအပေါ် အတိတ်ကသြဇာလွှမ်းမိုးသည်ကို ခွင့်မပြုသင့်ပေ။ အနာဂါတ်ကိုမျှော်ကြည့်ခြင်းသည် သမိုင်းကို သစ္စာဖေါက်ခြင်းမဟုတ်ပေ။

(  Zawgyi  )

 ႏွစ္ႏိုင္ငံဆက္ဆံေရးကို လမ္းဆုံးသို႔တြန္းပို႔လိုက္သည့္ အႏၲရာယ္ရွိသည္ ဟု ကိုရီးယားသမၼတႏိုင္ငံ( ROK) ကေျပာသည့္ လုပ္ရပ္အျဖစ္ နည္းပညာလုပ္ငန္းအတြက္အေရးပါေသာ ပစၥည္း ၃ မ်ိဳးကို ROK သို႔တင္ပို႔ျခင္းကို ထိန္းခ်ဳပ္မည္ဟု ဂ်ပန္ႏိုင္ငံသည္လြန္ခဲ့အပတ္က ေၾကညာခဲ့သည္။

ထိုလုပ္ရပ္ေၾကာင့္ မင္းတို႔တြင္ အျခားေ႐ြးစရာလမ္းမရွိေတာ့ဘဲ တန္ျပန္အေရးယူမႈ မ်ားသာျပဳလုပ္ရန္ ရွိေတာ့ေၾကာင္း ဆိုးလ္ကေျပာသည္။ ထိုသို႔ လုပ္ေဆာင္ရျခင္းမွာ ယုံၾကည္မႈပ်က္စီးသြားေသာေၾကာင့္ျဖစ္ေၾကာင္း တိုက်ိဳကေျပာၿပီး ROK မွ ေျမာက္ကိုရီးယား DPRK သို႔ အေရးပါေသာပစၥည္းမ်ား တရား မဝင္ လႊဲေျပာင္းမႈမ်ားရွိႏိုင္သည္ဟု ေျပာသည္။

သို႔ေသာ္ ထိုလုပ္ရပ္သည္ ဒုတိယကမာၻစစ္အတြင္း အတင္းအက်ပ္လုပ္အားခိုင္းခံရေသာ ကိုရီးယား မ်ားကို ဂ်ပန္လုပ္ငန္းႀကီးမ်ားက ေလွ်ာ္ေၾကးေပးရန္ ROK တရား႐ုံးတ႐ုံးကဆုံးျဖတ္လိုက္ေသာေၾကာင့္ ဂ်ပန္ကလက္စားေျချခင္းအျဖစ္အမ်ားအျပားက ယုံၾကည္ၾကသည္။ ထိုျပႆနာကို ေျဖရွင္းၿပီးျဖစ္ သည္ မွာ ကာလအတန္ၾကာၿပီဟု ဂ်ပန္ႏိုင္ငံကဆိုသည္။

ထိုျပင္းထန္ေသာ သေဘာထားက ဂ်ပန္ႏိုင္ငံသည္ အေရွ႕အာရွ အိမ္နီးခ်င္းမ်ားႏွင့္ႏွစ္ႏိုင္ငံ ဆက္ဆံေရး မ်ားကို ကိုင္တြယ္ရာတြင္ သမိုင္းႏွင့္ဆိုင္ေသာကိစၥမ်ား၏ စိတ္ဓါတ္ေရးရာ ဝန္ထုပ္ဝန္ပိုး ကို ဆက္လက္သီးမခံလိုေတာ့ေၾကာင္းျပသေနသည္။ အထူးသျဖင့္ ဇိမ္မယ္မ်ားျပႆနာကို အၿပီး အျပတ္ ျပန္လွည့္မရေအာင္ ေျဖရွင္းၿပီးျဖစ္သည္ဟု ယူဆရသည့္ ၂၀၁၅ ခုႏွစ္ စာခ်ဳပ္တခုကို ယခင္အစိုးရကသေဘာတူၿပီးေနာက္ လက္ရွိ ROK အစိုးရက ထိုျပႆနာကို ျပန္လည္ အသက္ သြင္းလိုက္ေသာ အခါ တင္းမာ သေဘာထားကိုျပသေနသည္။

ဂ်ပန္ႏိုင္ငံသည္ ပို႔ကုန္လုပ္ငန္းအဆင္ေျပေရးအတြက္ အထူးအခြင့္အေရးေပးထားေသာ ႏိုင္ငံ ၂၇ ႏိုင္ငံစာရင္းမွ ROK ကိုပယ္ဖ်က္ရန္ လုပ္ငန္းမ်ားကို စတင္ေနၿပီျဖစ္သည္။ ထိုသို႔ လုပ္ေဆာင္ျခင္းေၾကာင့္ ဂ်ပန္မွတင္ပို႔သူမ်ား သည္ ROK သို႔ အျခားပစၥည္း အမ်ိဳးအမည္မ်ားတင္ပို႔ရာတြင္ အစိုးရထံမွ ခြင့္ျပဳခ်က္ေတာင္းခံရေတာ့မည္ျဖစ္သည္။

၎တို႔၏ အျငင္းပြားမႈသည္ လြန္ခဲ့ေသာ တႏွစ္ခန႔္ကာလအတြင္း အေရွ႕ေျမာက္အာရွတြင္ ရရွိ ထားေသာ ေကာင္းမြန္သည့္ အရွိန္အဟုန္ကို အႏၲရာယ္က်ေရာက္ေစႏိုင္သည္။ ထို အိမ္နီးခ်င္းႏွစ္ႏိုင္ငံ သည္ ၎တို႔ ၏ သေဘာထားကြဲလြဲမႈမ်ားကို ေတြ႕ဆုံေဆြးေႏြး ညႇိႏႈိင္း တိုင္ပင္ျခင္းျဖင့္ေျဖရွင္းႏိုင္လိမ့္မည္ဟု ႏွစ္ႏိုင္ငံလုံးႏွင့္ ဆက္ဆံေရးတိုးတက္လာေသာ တ႐ုတ္ႏိုင္ငံက ေမွ်ာ္လင့္ သည္။

 ၎တို႔အေနျဖင့္ ကိုရီးယားကြၽန္းဆြယ္တြင္ ညဴကလီးယားကင္းစင္ေရးမွသည္ တ႐ုတ္ႏိုင္ငံႏွင့္ သုံးႏိုင္ငံ လြတ္လပ္ေသာကုန္သြယ္မႈေဒသထူေထာင္ေရးအထိပါဝင္ေသာ ၎တို႔၏ ဘုံအက်ိဳး စီးပြား မ်ားကိုသာ အာ႐ုံစိုက္သင့္သည္။ ထိုသုံးႏိုင္ငံသည္ ကမာၻ႔စီးပြားေရး၏ ၂၀ ရာခိုင္ႏႈန္းကိုကိုယ္စားျပဳၿပီး သုံးႏိုင္ငံအၾကားလြတ္လပ္ေသာ ကုန္သြယ္မႈေဒသထူေထာင္ျခင္းသည္ ေဒသတြင္း စီးပြားေရးေပါင္းစည္းျခင္းႏွင့္စီးပြားေရးတိုးတက္မႈကို အရွိန္ျမႇင့္ေပးမည္ျဖစ္သည္။ ဆင္ျခင္တုံတရားက စိုးမိုးေသာအခါမွသာလွ်င္ ထိုအေျခအေနကို ေစာလွ်င္စြာရရွိေအာင္ျမင္မည္ျဖစ္သည္။

အိမ္နီးခ်င္းႏိုင္ငံမ်ားကို ဒုကၡမ်ားစြာျဖစ္ေစခဲ့ေသာ ဂ်ပန္ႏိုင္ငံအေနျဖင့္ ေတာင္းပန္ျခင္းႏွင့္ေၾကေအးျခင္းတြင္ လုံေလာက္ၿပီဟုေျပာႏိုင္သည့္အရာမရွိေၾကာင္း သတိရရမည္ျဖစ္သည္။ တိုက်ိဳအေနျဖင့္အေျခအေနကိုပိုမိုဆိုး႐ြားေစသည့္အေရးယူမႈမ်ားျပဳလုပ္ျခင္းကို ေရွာင္ရွားသင့္ေပ သည္။

၁၉၁၀ မွ ၁၉၄၅ ခုႏွစ္အထိ ကိုရီးယားကို ဂ်ပန္က ကိုလိုနီျပဳသိမ္းပိုက္ျခင္းသည္ ROK ၏ အမ်ိဳးသားေရး စိတ္ဓါတ္တြင္ ေဖ်ာက္ဖ်က္မရေသာ အမာ႐ြတ္ျဖစ္သည္မွာ သံသယရွိဖြယ္မလိုေပ။ ဆိုးလ္အေနျဖင့္ ၎တို႔၏ဆုံးျဖတ္ခ်က္မ်ားအေပၚ အတိတ္ကၾသဇာလႊမ္းမိုးသည္ကို ခြင့္မျပဳသင့္ေပ။ အနာဂါတ္ကိုေမွ်ာ္ၾကည့္ျခင္းသည္ သမိုင္းကို သစၥာေဖါက္ျခင္းမဟုတ္ေပ။