【 ဗေဒင် 】အင်္ဂါသားသမီးများအတွက်ယခုတစ်ပတ် ဆောင်ရန်/ရှောင်ရန်

ယခုတစ်ပတ် လူမှုရေး ၊စီးပွားရေး ပညာရေးအောင်မြင်လိုသောကိစ္စများအတွက် သောကြာသားသမီး များနှင့်  တိုင်ပင်ဆောင်ရွက်ပါ။ ယခုရက်ပိုင်းအတွင်း အဖက်ဖက်က အခွင့်အလမ်းတွေ ပေါ်လာတတ်ပါတယ်။ ကံတရားက ကိုယ့်ဘက်မှာရှိနေလို့ ကိုယ်လုပ်ချင်တာကို ဆထပ်တပိုးလုပ်သင့်တဲ့ အချိန်အခါပါ။ လုပ်ငန်းခွင်မှာ အလုပ်အပြောင်းအလဲရှိပါတယ်။ တာဝန်ပိုကြီးတဲ့နေရာ ပြောင်းရမှာပါ။ မိတ်ကောင်းဆွေကောင်းတွေရဲ့ အကူ အညီရတတ်ပါတယ်။ မနာလိုသူတွေ အပြိုင်အဆိုင်တွေ ရှိပါတယ်။ပြည်တွင်းခရီးကောင်းတွေ သွားရတတ်ပါတယ်။  စပ်တူကိစ္စတွေ စာချုပ်စာတမ်းကိစ္စတွေ သတိထားပါ။လူမျိုးခြား အကျိုးမပေးသေးပါ။ ပညာရေးကံကကောင်းနေလို့ အားစိုက်မှုလျော့ကျနေ တတ်ပါတယ်။  သတိထားပါ။ ကျန်းမာရေးကတော့ ဆီး၊မျက်စိ၊အစာအိမ်စတဲ့ နေရာတွေမှာ ဖြစ်တတ်ပါတယ်။ချစ်သူရည်းစားတွေ အတိတ်ဟောင်းက အချစ်ဟောင်းကြောင့် လက်ရှိချစ်သူက အချစ်ပိုနေလို့ နေရခက်နေပါလိမ့်မယ်။အိမ်ထောင်ရှင်တွေ အတွက် သတင်းကောင်းတွေ ကြားရတတ်ပါတယ်။ 

 

 

ငွေကြေးအကျပ်အတည်းမှ လွတ်မြောက်ရန်။   ။ဘုရားအား ပန်းပေါင်းစုံဖြင့်  ပူဇော်ပြီး ဒိဝါတပတိဂါထာ ပုတီးစိပ်ပါ။ 

 

ပြည်ပထွက်ခွာလိုသူများ။    ။ တစ်ရက်တည်း စေတီသုံးဆူအားဖူးမြှော်ကာ စေတီ၏ သောကြာထောင့်တွင် စံပယ်ပန်းဖြင့် ပူဇော်ပါ။ 

 

အလုပ်ရရှိရန်အခက်အခဲဖြစ်နေသူများ။  ။နံနက်စောစောကို ခွေးအား ထန်းညက် သုံးခဲကို ကျွေးကာ လိုရာဆုတောင်းပါ။ 

 

အိမ်ထောင်ရေး၊နှလုံးသားရေးအဆင်မပြေသူများ။   ။ မိမိအိမ်ထဲ ကွဲနေသည့်ဖန်ပုလင်း၊မှန်ကွဲ စသည်တို့ကို ရှာဖွေရှင်းလင်းပါ။  

 

လူမှုရေးအတိုက်အခံများသူများ။      ။ မွေးနေ့တိုင်း ဘုရားကျောင်းကန်များသို့ သွားကာ သန့်ရှင်းရေးလုပ်ပေးပါ။ ကုဋီ ဆေးကြောပေးပါ။ 

 

ကျန်းမာရေးမကောင်းသူများ ။      ။ ဈေးထဲသွားကာ ငါးအရှင်တွေ့ပါက ဈေးမဆစ်ဘဲ ရေပြင်ကျယ်သည့် နေရာသို့ လွှတ်ပေးပါ ။

 

ထီကံကောင်းလိုသူများ ။  ။ သောကြာသားသမီး ကလေးငယ်ကို ချီကာ ၃ အစ ၆ အဆုံး ထီလက်မှတ်ကို ရှာ ထိုးပေးပါ။ 

 

(  Zawgyi  )