【 ဗေဒင် 】 စနေ သားသမီးများအတွက် ယခုတစ်ပတ်ဆောင်ရန်/ရှောင်ရန်

ယခုတစ်ပတ် လူမှုရေး၊ စီးပွားရေး၊ ပညာရေး စတဲ့ အောင်မြင်လိုသောကိစ္စအဝဝအတွက် အင်္ဂါ သားသမီးများနှင့် တိုင်ပင်ဆောင်ရွက်တာ အကောင်းဆုံးပါ။ယခုရက်ပိုင်း လုပ်ငန်းသစ် စတာတွေ၊ အလုပ်အကိုင်ပြောင်းတာတွေ လုပ်ဖို့ကောင်းတဲ့ အချိန်အခါကောင်းပါ။ငွေဝင်ကောင်းသလို ငွေထွက်လည်းများနေလို့ အဖတ်မတင်ဖြစ်တတ်တဲ့ အချိန်အခါပါ။ဆုံးရှုံးပြီလို့ထင်တဲ့ ပစ္စည်းတွေ၊ ငွေကြေးတွေ ပြန်ဝင်တတ်သလို ရှိနေတဲ့အခက်အခဲတွေ ပြေလည်မယ့် အချိန်ကာလပါဘဲ။ပြည်တွင်းပြည်ပခရီးတွေ သွားရတတ်သလို စီစဉ်ထားရင်လည်း အဆင်ပြေသွားတတ်ပါတယ်။ဒီကာလမှာ ခရီးသွားလုပ်ငန်း လုပ်ကိုင်သူတွေနဲ့ ဗုဒ္ဓဟူးနံဖြစ်တဲ့ ရွှေ၊ ရေ စတဲ့ လုပ်ငန်းလုပ်ကိုင်သူ စီပွားရေးလုပ်ငန်းတွေ အလုပ်ပြန်ဖြစ်မယ့်ကာလ ဖြစ်ပါတယ်။ဒါပေမယ့် လူမျိုးခြားနဲ့စပ်တူလုပ်ရမယ့် အလုပ်တွေ၊ အစုရှယ်ယာအလုပ်တွေကို ခဏရှောင်ပါဦး။ကျန်းမာရေးကတော့ ညံ့တတ်လို့ သွားတာလာတာကအစ သတိထားသင့်ပါတယ်။ပညာရေးကတော့ မထင်မှတ်ဘဲ လိုချင်နေတဲ့ ပညာသင်ရတဲ့အခွင့်အလမ်းရှိနေပါတယ်။အိမ်ထောင်ရှင်များ၊ ချစ်သူတွေကတော့ ဒီရက်ပိုင်း ပူပန်ရတာတွေ၊ အထစ်အငေါ့တွေရှိပေမယ့် ပြန်ပြေလည် သွားပါလိမ့်မယ်။