【 ‌ဗေဒင် 】 အင်္ဂါ သားသမီးများအတွက် ယခုတစ်ပတ် ဆောင်ရန်/ရှောင်ရန်

ယခုတစ်ပတ် ဆုံးဖြတ်ရခက်တဲ့ကိစ္စတွေ၊ မတင်မကျကိစ္စတွေကြောင့် အမှားကြုံရကိန်းရှိနေပါတယ်။သူတစ်ပါးကိစ္စကို ကူညီရတာတွေကြောင့် ကိုယ့်အလုပ်ထိခိုက်နေတတ်ပါတယ်။ဒီတစ်ပတ်မှာ ပညာရေး၊ လူမှုရေး၊ စီးပွားရေးအတွက် သင့်ကိုအကောင်းဆုံးအကြံပေးနိုင်တာက ကြာသပတေး သားသမီးတွေပါ။အရာရာငြီးငွေ့နေတတ်ပြီး မလုပ်ချင်မကိုင်ချင်တာတွေ၊ မတွေ့ချင်တဲ့လူတွေနဲ့ တွဲလုပ်နေရလို့ စိတ်ပင်ပန်းနေတတ်ပါတယ်။မထင်မှတ်ဘဲ အလှူအတန်းတွေ၊ ဘာသာရေးအလုပ်တွေ လုပ်ရကိန်းရှိပါတယ်။အထည်အလိပ်သမားတွေ၊ ဖက်ရှင်လုပ်ငန်းတွေ၊အနုပညာလုပ်ငန်းတွေ ဒီကာလအတွင်း အထူးအကျိုးပေးပါတယ်။အိမ်ခြံမြေစပ်တူကိစ္စတွေ သိပ်အကောင်းကြီး မဟုတ်သေးပါဘူး။ကျန်းမာရေးက သာမန်အားဖြင့်ကောင်းနေပေမယ့် အစားမှားတာတွေ ဒူးနာတာတွေ ဖြစ်တတ်ပါတယ်။ပညာရေးကတော့ အထူးကောင်းပါတယ်။အိမ်ထောင်ရှင်တွေကတော့ ဝေးနေတဲ့ခင်ပွန်းကြောင့် သောကရောက်ရသလို ငယ်ရွယ်သူချစ်သူများကတော့ ကြားလူစကားကို သတိထားရမယ့် အချိန်ကာလပါ။