ရင်ဘတ်အောင့်ခြင်းနှင့် နှလုံးသွေးကြောကျဉ်းရောဂါ အကြောင်းသိကောင်းစရာ

ကျွန်တော်တို့ ပတ်ဝန်းကျင်မှာ ရင်ဘတ်အောင့်ပြီး နှလုံးခုန်ရုတ်တရက် ရပ်သေဆုံးခြင်း (heart attack) ကို ကြားဖူးကြမှာပါ။

နှလုံးဟာ ခန္ဓာကိုယ်အတွက် လိုအပ်တဲ့ သွေးပမာဏကို နေ့စဉ် မရပ်မနား စည်းချက်မှန်မှန် ညှစ်ထုတ်ပေးနေရသည့် အလွန်အရေးကြီးသည့် အဂါၤတခုဖြစ်သည်။

နှလုံးပုံမှန် အလုပ်လုပ်နိုင်ဖို့ နှလုံးကြွက်သားအတွက် အောက်စီဂျင်နဲ့ အာဟာရကို နှလုံးသွေးကြောတွေက အထောက်အပံ့ပေးရတယ်။ထို နှလုံးသွေးကြော

နံရံမှာ အဆီတွေစုပုံလာကာ ကျဉ်းမြောင်းလာပြီး နှလုံးကြွက်သားအတွက် လိုအပ်တဲ့

အောက်စီဂျင်နဲ့ အာဟာရ လုံလောက်အောင်မပေးနိုင်သောကြောင့် နှလုံးသွေးကြောကျဉ်းရောဂါ (IHD) ဖြစ်လာရပါတယ်။

 

နှလုံးသွေးကြောကျဉ်းရောဂါ ဖြစ်စေသော အဓိကအကြောင်းရင်းများ -

၁)ဆေးလိပ်သောက်ခြင်း

၂)သွေးတိုးရောဂါ ရှိသူ

၃)ဆီးချိုရောဂါရှိသူများ 

၄)သွေးတွင်းအဆီဓါတ်များခြင်း

၅)အဝလွန်ခြင်း 

၆)ကိုယ်လက်လှုပ်ရှားမှုနည်းခြင်း တို့ဖြစ်သည်။

 

နှလုံးသွေးကြောကျဉ်းခြင်းရဲ့ အဓိက လက္ခဏာကတော့ ရင်ဘတ်အောင့်ခြင်းဖြစ်တယ်။အခြားသော ရင်ဘတ်အောင့်ရခြင်း အကြောင်းရင်းများနဲ့မတူဘဲ

ရင်ဘတ်အလယ်တည့်တည့်မှာ ဆွဲညှစ်ထားသလို ခံစားရခြင်း ၊

လက်မောင်း ပုခုံး မေးစေ့ လည်ပင်းနဲ့ 

နောက်ကျောအထိ ပျံ့နှံ့အောင့်ခြင်း တို့ဖြစ်တယ်။ စက္ကန့် ၃၀မှ ၅မိနစ်အထိ ကြာတတ်သည်။မောခြင်း၊မူးဝေခြင်း၊ပျို့အန်ခြင်း၊ချွေးစေးပြန်ခြင်း တို့နှင့်လည်း တွဲတတ်သည်။

 

နှလုံးသွေးကြောကျဉ်းခြင်းကြောင့် 

 ရင်ဘတ်အောင့်ခြင်းနှစ်မျိုးရှိတယ်။

၁.Stable Angina

လှုပ်ရှားရင် ရင်ဘတ်အောင့်တတ်ပြီး အနားယူလိုက်ရင် သက်သာသွားတဲ့ အမျိုးအစားဖြစ်သည်။

၂.Unstable Angina

အနားယူလိုက်ရင် မသက်သာပဲ အချိန်အတော်ကြာတဲ့ထိ အောင့်တတ်ပါတယ်။နှလုံးသွေးကြောပိတ်၍ နှလုံးကြွက်သားပုပ်ခြင်း (Myocardial infarct) ဖြစ်နိုင်ချေ risk များသည်။

 

် စစ်ဆေးနိုင်တဲ့အဓိကစမ်းသပ်မှုများကတော့

(၁) ECG

(၂) Threadmill Stress test (Exercise ECG) - ပြေးစက်ပေါ်ပြေးခိုင်းပြီး နှလုံးရဲ့အမောခံနိုင်မှုကိုစမ်းခြင်း

(၃) Echocardiogram - အသံလှိုင်းအသုံးပြုပြီးနှလုံးရဲ့ပုံရိပ်ကိုဖမ်းယူကြည့်ရှူခြင်း

(၄) CT Angiogram - နှလုံးကိုကွန်ပြူတာဓာတ်မှန်ပုံရိပ်ရိုက်ကူးခြင်း

(၅) Coronary Angiography - နှလုံးသွေးကြောဓာတ်မှန်ရိုက်ခြင်း

(၆) Nuclear Perfusion Scan

 

ကုသမှုအနေနဲ့ 

၁)ရင်ဘတ်အောင့်တာ သက်သာစေတဲ့ လျှာအောက်ငုံဆေး(nitrol) 

၂)Aspirin, Clopidogrel, Warfarin စတဲ့

သွေးကျဲဆေးများ

၃)သွေးကြောကျယ်စေပြီးသွေးဖိအားကျဆေးများ ACEI,CCB

၄)Beta blockers နှလုံးခုန်နှေးဆေး

၅)Cholesterol-lowering medications 

ကိုလက်စထောကျဆေး

 

အထက်ပါ နည်းလမ်းများနှင့် မသက်သာပဲလိုအပ်ပါက 

၁)Angioplasty and stenting ကျဉ်းနေတဲ့သွေးလွှတ်ကြောထဲမှာ သေးငယ်တဲ့ ပိုက်ငယ်လေးထည့်ထားခြင်း၊

၂)Coronary artery bypass surgery ခွဲစိတ်ပြီးနှလုံးသွေးကြောဖြတ်ဆက်ကုသခြင်းများပြုလုပ်နိုင်ပါတယ်။

 

ကာကွယ်နည်းများ

၁.ဆေးလိပ်ဖြတ်ပါ

၂.ကိုယ်လက်လှုပ်ရှားအားကစားပြုလုပ်ပါ

၃.အဆီများသော အစားအသောက်များရှောင်ကြဉ်ပါ

၄.ဆီးချို နှင့် သွေးတိုးရောဂါကို စနစ်တကျ ဆေးကုသမှုခံယူပါ

၅.စိတ်ဖိစီးမှု လျော့နည်းအောင်နေပါ

 

ကျန်းမာပျော်ရွှင်ကြပါစေ။

 

ဇီ၀က ေဆး(၁)