【 နိုင်ငံတကာသတင်းဆောင်းပါး 】“ ကမ္ဘာ့စနစ်သစ်တွင် ဥရောပသမဂ္ဂ-တရုတ် ဆက်ဆံရေး”

ကမ္ဘာတဝှမ်းကူးစက်ရောဂါကြောင့်ပေါ်ပေါက်လာသည့် ကမ္ဘာ့ကျန်းမာရေး အကျပ်အတည်းသည် လူသားများအတွက် ဒုက္ခဝေဒနာများကို ဖြစ်ပေါ်စေသည်သာမက မိမိတို့ စီးပွားရေးများ၏ ထိခိုက်လွယ်မှု များကို ဖေါ်ပြကာ ကမ္ဘာတဝှမ်းဆက်စပ်ပြောင်းလည်းပေါင်းစည်းမှု ၏ အကျိုးကျေးဇူးများအပေါ် သံသယ များ ကို ပိုမိုခိုင်မာစေခြင်းဖြင့် ကမ္ဘာ့ကုန်သွယ်ရေးကိုလည်း ဟန့်တားလိုက်သည်။ 

 

ထိုကျန်းမာရေးအကျပ်အတည်းသည် စီးပွားရေးလုပ်ငန်းများကို ထိခိုက်စေကာ အလုပ်လက်မဲ့ဖြစ်စေ ပြီး အစိုးရများအနေဖြင့် စီးပွားရေးကို လမ်းညွှန်ရာတွင် ပိုမိုကြီးမားသောအခန်းကဏ္ဍမှ ပါဝင်ရန်နှင့် လူသား များ၊ ကုန်စည်များနှင့် ဝန်ဆောင်မှုများ ကူးသန်းသွားလာရာတွင် အတားအဆီးများ ချမှတ်လာရသည်။  ကမ္ဘာတဝှမ်းဆက်စပ်ပြောင်းလဲပေါင်းစည်းမှုကို မေးခွန်းထုတ်လာကြပြီး ကမ္ဘာ့စနစ်သစ်ကိုတောင်းဆိုသော အသံများကို ကြားလာရသည်။

 

လူသားများ၊ ကုမ္ပဏီများနှင့်အစိုးရများ အပြန်အလှန်တုံ့ပြန်ဆောင်ရွက် ပေါင်းစည်းခြင်းဖြစ်စဉ်ဟု ဖွင့်ဆိုသော ကမ္ဘာတဝှမ်း ဆက်စပ်ပြောင်းလဲ ပေါင်းစည်းခြင်းသည် ဆက်သွယ်ရေးနှင့် သယ်ယူပို့ဆောင်ရေးနည်းပညာများ တိုးတက်မှုကြောင့် လွန်ခဲ့သည့် နှစ် ၂၀ အတွင်း အရှိန်အဟုန်မြင့်မားလာသည်။ သို့သော် ကမ္ဘာတဝှမ်း ကူးစက်ရောဂါသည် နိုင်ငံအများစု၏ စီးပွားရေးများကို ထိခိုက်စေပြီး မူဝါဒချမှတ်ရာတွင် ၎င်း တို့၏ အများပြည်သူ (နိုင်ငံပိုင်) ကဏ္ဍများက ပိုမိုကြီးမားသော အခန်းကဏ္ဍကိုယူရန်တွန်အားပေးခံရသည်။

 

ထို့အပြင် ထိုပြဿနာများသည် အားလုံးအကြုံးဝင်သော တိုးတက်မှု ကုန်သွယ်ရေးစည်းမျဉ်းများနှင့် ပတ်သတ်လျှင် ကမ္ဘာ့ကုန်သွယ်ရေးအဖွဲ့(WTO) ကဲ့သို့သော လက်ရှိနိုင်ငံတကာအဖွဲ့အစည်းများ၏ ထိရောက်မှုကို မေးခွန်းထုတ်စရာဖြစ်စေပြီး အပြောင်းအလဲကိုတောင်းဆိုသော အသံများကို ပိုမိုခိုင်မာစေသည်။ ကြီးမားသော နည်းပညာကုမ္ပဏီကြီးများ ၎င်းတို့၏သြဇာအာဏာကို ကမ္ဘာတခုလုံးတွင် ချဲ့ထွင်ပြီး ဝင်ငွေနိမ့် အုပ်စုများမှ ဝင်ငွေအမြင့်မားဆုံး အုပ်စုများသို့ ဓနဥစ္စာ ပြန်လည်မျှဝေမှုကိုဖြစ်စေခဲ့သည်။ ထိုလုပ်ငန်းကြီးများသည် နိုင်ငံတော်အာဏာကို ထိခိုက်စေပြီး နိုင်ငံများအနေဖြင့် ၎င်းတို့၏ စီးပွားရေးများကို စီမံသည့် စွမ်းရည်ကို ချိနဲ့စေသည်။

 

အစိုးရများနှင့် ကမ္ဘာ့အဖွဲအစည်းများသည်  ထိုလုပ်ငန်းစဉ်၏ အကျိုးကျေးဇူးများကို စနစ်ကျစွာ အသိအမှတ်ပြုသော်လည်း ဖြစ်နိုင်ခြေရှိသော အန္တရာယ်နှင့် ပေးဆပ်ရသည့် တန်ဖိုးကို အသိအမှတ် မပြု ကြပေ။ ဘဏ္ဍာရေးဆိုင်ရာ နိုင်ငံတကာ ဝန်ဆောင်မှု လုပ်ငန်းကိုလည်း အသွင်ပြောင်းလဲပစ်လိုက်ပြီး ကုန်ထုတ်လုပ် မှုနှင့် ဝန်ဆောင်မှုကဏ္ဍမှ ကမ္ဘာ့ဘဏ္ဍာရေးကဏ္ဍသို့ ဓနဥစ္စလွှဲပြောင်းမှု အကြီးအကျယ်ဖြစ်ကာ ရေရှည်စီးပွားရေး လုံခြုံမှုအတွက် အန္တရာယ်ပိုမိုများပြားစေသည်။ နည်းပညာနှင့်ဘဏ္ဍာရေး ကဏ္ဍသည်လည်း ဝင်ငွေ နိမ့်နှင့်ဝင်ငွေအလယ်အလတ်သမားများကို အခြေအနေ ပိုမိုဆိုးရွားစေသည့် တချိန်တည်းတွင် လူဦးရေ၏ အလွန်နည်းသော အစိတ်အပိုင်းကိုသာ အကျိုးပိုမိုရှိစေပြီး နိုင်ငံအများအပြားတွင် ကြီးမားသော စိန်ခေါ်မှုများ ကို ဖန်တီးလိုက်ကြသည်။

 

ဖွံ့ဖြိုးပြီး စီးပွားရေးများတွင် ကမ္ဘာတဝှမ်း ဆက်စပ်ပြောင်းလဲပေါင်းစည်းခြင်းကုန်ထုတ်စွမ်းအားကို တိုးတက်စေပြီး စီးပွာရေးတိုးတက်မှုတွင် တိုင်းတာနိုင်သော သက်ရောက်မှုဖြစ်စေသော်လည်း ထိုဖြစ်စဉ်က ဝင်ငွေအလတ်အလတ်အလုပ်သမားများ၏ အလုပ်အကိုင်များကို ခြိမ်းခြောက်လာကြောင်း တွေ့မြင်လာ ရသည်။

 

အခြားတဖက်တွင်မူ တရုတ်ပြည်နှင့် ထွန်းသစ်စ ဈေးကွက်များမှ ဝင်ငွေအလယ်အလတ်အလုပ်သမားများသည် ၎င်းတို့၏ လူနေမှုအဆင့်အတန်းမြင့်မားလာသည်ကို တွေ့ရသည်။

 

ကစားပွဲ၏ စည်းမျဉ်းသစ်များ ရေးဆွဲရာတွင် ဥရောပသမဂ္ဂနှင့်တရုတ် နိုင်ငံတို့ ဦးဆောင်ရန် နှင့် ပူးပေါင်းဆောင်ရွက်ရန် အရေးပေါ်လိုအပ်လာသည်။ တစုံတရာသော အတိုင်းအတာအထိ တရုတ်နိုင်ငံသည် ကျန်းမာရေးအကျပ်အတည်းကို ထိန်းချုပ်ကာ အကျပ်အတည်းများကိုကိုင်တွယ်သည့် ၎င်း၏ဆေးပညာနှင့် စီမံခန့်ခွဲရေးစွမ်းရည်ကို ပြသရုံသာမက နိုင်ငံတကာသြဇာကိုလည်း မြှင့်တင်နိုင်ခဲ့သည်။ ထို့ကြောင့် တရုတ်နိုင်ငံ နှင့် အပြုသဘောထိတွေ့ဆက်ဆံရန် ထောက်ခံမှုအတွက်  ဥရောပသမဂ္ဂတွင် အများသဘောတူညီမှုကို ကူညီပေါ်ပေါက်စေခဲ့သည်။

 

တရုတ်နိုင်ငံ၏ စနစ်သည် လစ်ဘရယ်အနောက်တိုင်းပုံစံ ဒီမိုကရေစီနှင့်အပြိုင် အခြားရွေးစရာတခုအဖြစ် ဖြစ်ပေါ်တိုးတက်အောင်မြင်လာသည်မှာ ထင်ရှားသည်။

နိုင်ငံတကာ စီးပွားရေး ပူးတွဲတည်ရှိမှုအတွက် လိုအပ်ချက်ကို အခြေခံသော စနစ်သစ်ကို တရုတ်နှင့် ဥရောပသမဂ္ဂတို့ ပူးတွဲပုံဖေါ်ရန် အခွင့်လမ်းကိုပေးသော ကမ္ဘာ့စနစ်သစ် ထွက်ပေါ်လာနေပြီဖြစ်သည်။

 

ဥရောပသမဂ္ဂနှင့်တရုတ်နိုင်ငံတို့သည် ကမ္ဘာတွင် အကြီးမားဆုံး ကုန်သွယ်ရေး အင်အားစုကြီး နှစ်ခု ဖြစ်သည်။ လက်ရှိအချိန်တွင် တရုတ်နိုင်ငံသည် အမေရိကန်ပြည်ထောင်စုပြီးလျှင် ဥရောပသမဂ္ဂ၏ ဒုတိယ အကြီးမားဆုံး ကုန်သွယ်ဖက်ဖြစ်သည်။ ဥရောပသမဂ္ဂသည် တရုတ်နိုင်ငံ၏ အကြီးမားဆုံး ကုန်သွယ်ဖက်ဖြစ်သည်။ ကမ္ဘာတဝှမ်းကူးစက်ရောဂါက အကျပ်အတည်းကို ကိုင်တွယ်ရာတွင် အများပြည်သူဆိုင်ရာ အာဏာပိုင်များ၏အားနည်းချက်ကို ဖေါ်ထုတ်ပြသလိုက်သောကြောင့် နှစ်ဖက်အနေဖြင့် နိုင်ငံတကာစနစ်ကို ပြန်လည်သုံးသပ်သင့်သည်။

 

စီးပွားရေးထိခိုက်မှု၏ သက်ရောက်မှုများကို လျှော့ချရန်  နိုင်ငံတော်၏ အခန်းကဏ္ဍပြန်လည်ခေါင်းထောင်လာခြင်းသည် စီးပွားရေးနှင့်လူမှုပြိုကွဲမှုကိုတားဆီးရန် ကြီးမားသော အများပြည်သူ ကြားဝင်ဆောင်ရွက်မှုကို လိုအပ်ကြောင်းပြသနေသည်။

ကမ္ဘာသစ်သည် ကမ္ဘာတဝှမ်း ကူးစက်ရောဂါမှ ပေါ်ပေါက်လာနေပြီး ထိုကမ္ဘာသစ်ကို ပိုမိုခိုင်နိုင်ရည် ရှိစေရန်၊ ပိုမိုရေရှည်တည်တံ့စေရန်နှင့် အားလုံးပိုမိုအကျုံးဝင်လုပ်ဆောင်ရန် လိုအပ်နေသည်။ တရုတ် နိုင်ငံနှင့် ပထဝီနိုင်ငံရေးစစ်အတွက် အချိန်မရှိပေ။ ကမ္ဘာ့စီးပွားရေးသည် ခက်ခဲ့သောအသွင်ကူးပြောင်းကာလ အဆက်ပတ်မှုကို ဖြတ်သန်းနေသောကြောင့် ရာသီဥတုပြောင်းလဲမှုကဲ့သို့သော ကမ္ဘာ့ပြဿနာများတွင် ဥရောပ သမဂ္ဂအနေဖြင့် တရုတ်နိုင်ငံနှင့် ပူးပေါင်းလုပ်ဆောင်ရန်မှာ အထွဋ်အထိပ်အရေးအပါဆုံးဖြစ်သည်။

 

တရုတ်နိုင်ငံ၏ ယဉ်ကျေးမှုလူ့အဖွဲ့အစည်းခြင်း ပူးပေါင်းဆောင်ရွက်သည့် အတွေးအခေါ်သည် ဥရောပသမဂ္ဂအနေဖြင့် အလုပ်သဘောသာမက အချို့သော နိုင်ငံရေးနှင့်ယဉ်ကျေးမှု ပိုဆန်သည့် ကိစ္စများ အတွက် တရုတ်နှင့် ၎င်း၏ ဆက်ဆံရေးကို ပုံဖေါ်ရန်အခွင့်အလမ်းကို ဖွင့်ပေးသည်။ တရုတ်နှင့် ဥရောပသမဂ္ဂ ဆက်ဆံရေးသည် စီးပွားရေးနှင့် ကုန်သွယ်ရေးအရသာမက ထိုထက်ပိုမိုပူးပေါင်းရမည်ဖြစ်ပြီး ပိုမိုခိုင်မာသော စီးပွားရေးနှင့် ယဉ်ကျေးမှုအသွင်ကို ရှာဖွေရမည်ဖြစ်သည်။ ထိုသို့ လုပ်ဆောင်ရာတွင် အခြားတဖက်စီ၏ အဓိကအကျိုးစီးပွားများနှင့် စွက်ဖက်မခံနိုင်သည်များကို အခြားတဖက်က နားလည် လက်ခံစေရေးအတွက် နှစ်ဖက်စလုံးမှ ကြီးမားသော အားထုတ်မှုလိုနိုင်သည်။

 

ကုန်သွယ်မှုနှင့် ကမ္ဘာတဝှမ်းကူးစက်ရောဂါအကျပ်အတည်းနှင့် သဘာဝပတ်ဝန်းကျင်ကို ကိုင်တွယ် ခြင်းကဲ့သို့သော နယ်ပယ်များတွင် ပူးပေါင်းဆောင်ရွက်ရေးစည်းမျဉ်းများကိုဖွင့်ဆိုရာတွင် စေ့စပ်ညှိနှိုင်းမှုများ ကို အသုံးပြုနိုင်သည်။ ထို စည်းမျဉ်းသစ်များတွင် လက်ရှိ လစ်ဘရယ် ကမ္ဘာ့ကုန်သွယ်ရေး မူဘောင်ကပေးသည်ထက်  ပြည်တွင်းမူဝါဒ နယ်ပယ်တွင် ပိုမိုကျယ်ပြန့်သော မူဘောင်ကိုခွင့်ပြုသည့် မူဝါဒနှင့် အယူအဆ များကို ထည့်သွင်းသင့်ကြောင်း မိမိတို့ခန့်မှန်းနိုင်သည်။ လူ့အဖွဲ့အစည်းဆိုင်ရာတန်ဖိုးများကို စနစ်တကျအလေးပေးခြင်းနှင့် ပြုပြင်ထားသည့် လူမှုပဋိညာဉ် မူဘောင်ကို ဖွင့်ဆိုခြင်းလည်း ပါဝင်နိုင်သည်။ 

 

 

နောက်ဆုံးရလဒ်မှာ အားလုံးအကျုံးဝင်သော ကမ္ဘာတဝှစ်ဆက်စပ်ပြောင်းလည်းပေါင်းစည်းမှုနှင့် လူဦးရေးအလွှာအားလုံးအတွက်အခွင့်အလမ်းနှင့်တိုးတက်သော လူနေမှုအဆင့်အတန်းများကိုပေးသော ကမ္ဘာ့ စနစ်ဖြစ်သင့်သည်။

 

 

(အယ်ဒီတာမှတ်ချက်- Dinos Stasinopoulos သည် ဥရောပသမဂ္ဂ အရာရှိဟောင်းဖြစ်သည်။ လက်ရှိအချိန်တွင် သူသည် ကမ္ဘာ့စီးပွားရေးနှင့် အုပ်ချုပ်ရေး အတိုင်ပင်ခံအဖြစ်ဆောင်ရွက်နေသည်။ ယခုဆောင်းပါးသည် သူ၏ အမြင်သာဖြစ်ပြီး CGTN ၏ အမြင်ဟု မယူဆနိုင်ပါ။)

 

 

  Linko 

 

(  Zawgyi  )