【 ဗေဒင် 】 တနင်္ဂနွေ သားသမီးများအတွက် ယခုတစ်ပတ် ဆောင်ရန်/ရှောင်ရန်

ဒီရက်ပိုင်းအတွင်း အလုပ်များနေသလို စိတ်မောလူမောဖြစ်နေရသလို အပင်ပန်းခံမှ အဆင်ပြေမယ့်ကာလတစ်ခုပါ။ဟိုစပ်စပ် ဒီစပ်စပ်လုပ်တာမျိုးတွေကိုတော့ လုပ်မိနေပြီး ဘာကိစ္စမဆို မပြီးပြတ်ဘဲ တန်းလန်းဖြစ်နေလို့ သင့်မှာစိတ်ပျက်မှုတွေ ဖြစ်နေရတာပါ။ခေါင်းကို အေးအေးထားပြီး အလုပ်ကိုဂရုတစိုက်လုပ်ရမယ့် အချိန်ကာလပါ။လုပ်ငန်းခွင်မှာ အလုပ်အကြွေးတွေများနေသလို အောက်လက်ငယ်သားတွေ ပြန်တော်လှန်တာမျိုးတွေ ကြုံရတတ်ပါတယ်။ဒီကာလမှာ အလုပ်ကထွက်ချင်တဲ့စိတ်တွေဖြစ်နေသလို အေးအေးချမ်းချမ်းနေရတဲ့အရပ်ကို ပြေးထွက်သွားချင်တဲ့စိတ်တွေ ပေါက်နေတတ်ပါတယ်။ငွေကြေးကံ နည်းနည်းညံ့နေပေမယ့် ကူညီဆောင်မမယ့်သူကတော့ ရှိနေပါတယ်။ယခုတစ်ပတ် လူမှုရေး၊ စီးပွားရေး၊ ပညာရေး အောင်မြင်လိုသောကိစ္စများအတွက် စနေ သားသမီးများနှင့် တိုင်ပင်ဆောင်ရွက်ပါ။အခုချိန်မှာ လူမျိုးခြားနဲ့ တွဲလုပ်တဲ့ အလုပ်တွေ အောင်မြင်မှုရရှိတတ်တဲ့အခါဖြစ်နေလို့ စပ်တူလုပ်ရတဲ့အလုပ်လည်းအောင်မြင်တဲ့ကာလပါ။ပညာရေးကိစ္စမှာအတတ်ပညာသင်သူတွေ အောင်မြင်မှုရှိနေတဲ့ အချိန်အခါပါ။ကျန်းမာရေးကတော့ အာရုံကြော၊လေထိုးလေအောင့်နဲ့ နှလုံးနဲ့ပတ်သက်တဲ့ ရောဂါတွေ ဖြစ်တတ်ပါတယ်။အိမ်ထောင်သည်တွေ အဆင်မပြေသလိုလိုနဲ့ ပြေလည်မှာဖြစ်သလိုချစ်သူရှာမယ့် ငယ်ရွယ်သူတွေကတော့ အဆင်ပြေပြီးမှ လွဲတတ်ပါတယ်။