【 နိုင်ငံတကာ 】 တရုတ်စစ်လေယာဉ် ၃၉ စင်းနဲ့ လေယာဉ်တင်သင်္ဘော ထိုင်ဝမ်နား တွေ့ရှိဟု ဆို

တိုင်ပေ၊ စက်တင်ဘာ ၁၁

သီတင်းပတ်ကုန်က အမေရိကန် ဖျက်သင်္ဘောနှင့် ကနေဒါ ဖရီးဂိတ်တစ်စီးတို့သည် ထိုင်ဝမ်ရေလက်ကြားကို ဖြတ်သန်းပြီးနောက် ထိုင်ဝမ်ကျွန်းအနီးတွင် တရုတ်စစ်လေယာဉ် ၃၉ စင်းနှင့် လေယာဉ်တင်သင်္ဘောတစ်စင်းကို တွေ့ရှိခဲ့ကြောင်း ထိုင်ဝမ်က တနင်္လာနေ့တွင် ပြောကြားခဲ့ပါတယ်။

လေယာဉ် ၂၆ စင်းနှင့် စစ်သင်္ဘော ၁၃ စင်း ကျွန်းတစ်ဝိုက်တွင် လှည့်ပတ်နေသည်ကို တနင်္ဂနွေနှင့် တနင်္လာနေ့ နံနက်ပိုင်းကြားတွင်တွေ့ရပြီး အခြားလေယာဉ် ၁၃ စင်းကို တနင်္လာနေ့အစောပိုင်းကတည်းက တွေ့ရှိခဲ့ကြောင်း ထိုင်ဝမ်ကာကွယ်ရေးဝန်ကြီးဌာနက ပြောကြားခဲ့ပါတယ်။

တရုတ်လေယာဉ်တင်သင်္ဘော Shandong ကို ထိုင်ဝမ်တောင်ဘက်စွန်း Eluanbi ၏ အရှေ့တောင်ဘက် ၁၁၁ ကီလိုမီတာအကွာတွင် တနင်္လာနေ့တွင် ရှာဖွေတွေ့ရှိခဲ့ကာ လေ့ကျင့်ရေးအတွက် အရှေ့ဘက်သို့ ရွက်လွှင့်ကာ အနောက်ပစိဖိတ်သမုဒ္ဒရာအတွင်းသို့ ဝင်ရောက်ခဲ့ကြောင်း ဝန်ကြီးဌာနက ပြောကြားခဲ့ပါတယ်။

တရုတ်နိုင်ငံသည် ထိုင်ဝမ်အား ခွဲထွက်ပြည်နယ်တစ်ခုအဖြစ် ရှုမြင်ထားပြီး စစ်ရေးအရသိမ်းယူမှုအပါအဝင် လိုအပ်သည့် နည်းလမ်းများဖြင့် ကျွန်းအား ၎င်းတို့ထိန်းချုပ်မှုအောက် ထည့်သွားမည်ဟု ကတိပြုထားပါတယ်။

မကြာသေးမီနှစ်များအတွင်း ပေကျင်းသည် ထိုင်ဝမ်အပေါ် စစ်ရေးနှင့် နိုင်ငံရေးအရ ဖိအားများကို တွန်းအားပေးခဲ့ပြီး မကြာခဏဆိုသလို ရေတပ်လေ့ကျင့်ခန်းများပြုလုပ်ခြင်း (သို့မဟုတ်) တိုင်ပေနှင့် သံတမန်ရေးအရ ထိတွေ့ဆက်ဆံမှုများနှင့် တိုက်ဆိုင်ရန် စစ်လေယာဉ်များ စေလွှတ်လေ့ရှိပါတယ်။

မကြာသေးမီက တွေ့ရှိခဲ့သည့် လေယာဉ် ၃၉ စင်းအနက် ၂၂ စင်းသည် ထိုင်ဝမ်ကျွန်းနှင့် တရုတ်နိုင်ငံအကြား ကျဉ်းမြောင်းသော ရေလက်ကြားဖြစ်သည့် ထိုင်ဝမ်ရေလက်ကြား၏ ပျမ်းမျှမျဉ်းကို ဖြတ်ကျော်သွားခဲ့ကြောင်း ထိုင်ဝမ်က ပြောကြားခဲ့ပါတယ်။

ထိုင်ဝမ်ရေလက်ကြားကိုဖြတ်၍ ထိုင်ဝမ်နှင့် ကနေဒါနိုင်ငံပိုင် သင်္ဘောနှစ်စင်း  ရွက်လွှင့်ပြီးနောက် တရုတ်က ၎င်း၏တပ်ဖွဲ့ဝင်များအား “အဆက်မပြတ် သတိပေးထားကြောင်း” စနေနေ့တွင် တရုတ်က ပြောကြားခဲ့ပါတယ်။

Linko
Ref - VOA