【 နိုင်ငံတကာ 】 အကျဉ်းသားလဲလှယ်မှု တစ်စိတ်တစ်ပိုင်းအဖြစ် အီရန်သို့ ဒေါ်လာ ၆ ဘီလီယံ လွှဲပြောင်းမှုကို အမေရိကန် သဘောတူ

ဝါရှင်တန်၊ စက်တင်ဘာ - ၁၂

ယခင်က ကြေညာထားသော အမေရိကန်-အီရန် အကျဉ်းသားလဲလှယ်မှုဆောင်ရွက်ရန် လိုအပ်သည့် အဆင့်အဖြစ် တောင်ကိုရီးယားမှ ကာတာသို့ အီရန်ရန်ပုံငွေ ဒေါ်လာ ၆ ဘီလီယံ လွှဲပြောင်းခွင့်ပြုရန် အမေရိကန်က ပိတ်ဆို့အရေးယူမှုများကို လျှော့ပေါ့ပေးခဲ့ကြောင်း ရိုက်တာက တနင်္လာနေ့တွင် မြင်ခဲ့ရသည် စာရွက်စာတမ်းအရ သိရပါတယ်။

ရန်ပုံငွေလွှဲပြောင်းခြင်းနှင့် အီရန်တွင် ဖမ်းဆီးထိန်းသိမ်းခံထားရသော အမေရိကန်နိုင်ငံသား ၅ ဦးနှင့် အမေရိကန်တွင် ထိန်းသိမ်းထားသည့် အီရန်နိုင်ငံသား ၅ ဦးအား အမေရိကန်မှ ထွက်ခွာခွင့်ပြုမည့် အမေရိကန်-အီရန် အကျဉ်းသားလဲလှယ်ရေး သဘောတူညီချက်၏ ကျယ်ပြန့်သော အချက်များကို သြဂုတ် ၁၀ ရက်က လူသိရှင်ကြား ထုတ်ပြန်ခဲ့ပြီးဖြစ်ပါတယ်။

ရိုက်တာမှ မြင်တွေ့ရသည့် နိုင်ငံခြားရေးဌာန၏ စာရွက်စာတမ်းအရ နိုင်ငံခြားရေးဝန်ကြီး အန်တိုနီ ဘလင်ကန်က အမေရိကန်၏ အမျိုးသားလုံခြုံရေး အကျိုးစီးပွားအတွက် ပိတ်ဆို့မှုများကို စွန့်လွှတ်ရန် ဆုံးဖြတ်ခဲ့ကြောင်း ဖော်ပြခဲ့ပါတယ်။

အမေရိကန် လွှတ်တော်ကော်မတီများထံ ပေးပို့သည့် စာတမ်းသည် အမေရိကန်အစိုးရမှ ပထမဆုံးအကြိမ် တရားဝင်အသိအမှတ်ပြုခြင်းဖြစ်ပြီး အမေရိကန်မှာ ထိန်းသိမ်းထားတဲ့ အီရန်နိုင်ငံသားငါးဦးကို အမေရိကန်နိုင်ငံသားငါးဦးရဲ့ လွတ်လပ်ခွင့် အာမခံချက် တစ်စိတ်တစ်ပိုင်းအနေနဲ့ ပြန်လွှတ်ပေးဖို့ရှိနေပါတယ်။

“သူတို့လွတ်မြောက်ရေး အဆင်ပြေစေဖို့၊ အမေရိကန်ပြည်ထောင်စုက လက်ရှိ အမေရိကန်မှာ ထိန်းသိမ်းထားတဲ့ အီရန်နိုင်ငံသားငါးဦးကို ပြန်လွှတ်ပေးဖို့နဲ့ (ကိုရီးယားသမ္မတနိုင်ငံ) မှာရှိတဲ့ ကန့်သတ်အကောင့်တွေမှာ သိမ်းဆည်းထားတဲ့ ဒေါ်လာ ၆ ဘီလီယံခန့်ရှိတဲ့ အီရန်ရန်ပုံငွေတွေကို ကာတာမှာရှိတဲ့ ကန့်သတ်အကောင့်တွေဆီ လွှဲပြောင်းခွင့်ပြုဖို့ ကတိပြုထားပါတယ်။လူသားချင်းစာနာထောက်ထားမှုဆိုင်ရာ ကုန်သွယ်မှုအတွက် ရန်ပုံငွေများကိုသာ ရနိုင်လိမ့်မည်” ဟု ၎င်းကဆိုပါတယ်။

ရန်ပုံငွေများကို လူသားချင်းစာနာထောက်ထားမှုဆိုင်ရာ ကုန်သွယ်မှုအတွက်သာ အသုံးပြုနိုင်မည်ဖြစ်သောကြောင့် ရန်ပုံငွေလွှဲပြောင်းမှုသည် အီရန်အတွက် အကန့်အသတ်ရှိသော အကျိုးအမြတ်ကိုသာ ပေးမည်ဖြစ်ကြောင်း အဆိုပါစာတမ်းတွင် ဖော်ပြထားပါတယ်။

အီရန်နှင့် ညှိနှိုင်းမှုနှင့် နီးစပ်သော အခြားသတင်းရင်းမြစ်ရှစ်ခုက ဒေါ်လာ ၆ ဘီလီယံ လွှဲပြောင်းမှုနှင့် အကျဉ်းသားလဲလှယ်ရေး လုပ်ငန်းစဉ်သည် လာမည့်သီတင်းပတ်အစောပိုင်းတွင် ဖြစ်နိုင်ကြောင်း ပြောကြားခဲ့ပါတယ်။

အဆိုပါပိတ်ဆို့မှုကို စွန့်လွှတ်မှုသည် ဂျာမနီ၊ အိုင်ယာလန်၊ ကာတာ၊ တောင်ကိုရီးယားနှင့် ဆွစ်ဇာလန်တို့ ၏ အဓိကတရားစီရင်ပိုင်ခွင့်အောက်ရှိ ဘဏ္ဍာရေးအဖွဲ့အစည်းအချို့နှင့် သက်ဆိုင်ကြောင်း ဆိုပါတယ်။

Linko
Ref - Reuters