၂၀၁၈ ရုပ်ရှင်ထူးချွန်ဆုအတွက် ရုံတင်ဇာတ်ကား ၈၃ ကားအနက် ဒုတိယအဆင့် ၂၅ ကားကို ထပ်မံကြည့်ရှု အကဲဖြတ်မည်

လာမယ့် မတ်လမှာ ကျင်းပဖို့ စီစဉ်ထားတဲ့ ၂၀၁၈ ခုနှစ် မြန်မာ့ရုပ်ရှင် ထူးချွန်ဆုအတွက် ထူးချွန်ဆုချီးမြှင့်ရေး အကဲဖြတ်အဖွဲ့က ရုံတင်ဇာတ်ကား ၈၃ ကားကို ကြည့်ရှုခဲ့ရာ ဒုတိယအဆင့် ၂၅ ကားကို ထပ်မံကြည့်ရှုဖို့ စီစဉ်နေတယ်လို့ မြန်မာနိုင်ငံ ရုပ်ရှင်အစည်းအရုံးက သိရပါတယ်။

“အစတုန်းက ဇာတ်ကား ၈၃ ကားထဲကနေ အခု ၂၅ ကားကို အကဲဖြတ်အဖွဲ့ဝင်တွေဟာ ထပ်ကြည့်ပြီးတော့ အကောင်းဆုံးဇာတ်ကားကို ထပ်မံရွေးချယ် အကဲဖြတ်ကြမှာ ဖြစ်ပါတယ်” လို့ အကဲဖြတ်အဖွဲ့မှာ ပါဝင်တဲ့ မြန်မာနိုင်ငံ ရုပ်ရှင်အစည်းအရုံး ဒုတိယဥက္ကဋ္ဌ (၁) ဦးအေးကြူလေး က ပြောပါတယ်။

အဲ့ဒီ ဇာတ်ကား ၂၅ ကားဟာ ဒါရိုက်တာ ကိုပေါက် ရဲ့ မိုးပန်းပွင့်ရဲ့သင်္ကေတ ဇာတ်ကား၊ ဒါရိုက်တာ ဝင်းထွန်းထွန်း ရဲ့ ဝိညာဉ်စိမ်း ဇာတ်ကား၊ ဒါရိုက်တာ အာကာ ရဲ့ ဒုဋ္ဌဝတီကိုကျော်လွန်၍ ဇာတ်ကား၊ ဒါရိုက်တာ အောင်ဇော်လင်း နဲ့ ဝင်းလွင်ထက် တို့ရဲ့ ငါ့ကိုနမ်းတဲ့မုန်တိုင်း ဇာတ်ကား၊ ဒါရိုက်တာ ဝင်းထွန်းထွန်း ရဲ့ ငယ်ကျွန် ဇာတ်ကား၊ ဒါရိုက်တာ ဗန်းကြီး ရဲ့ ဥပါဒါန် ဇာတ်ကား၊ ဒါရိုက်တာ သြရသ ရဲ့ မုန်းစွဲ ဇာတ်ကား၊ ဒါရိုက်တာ ဝိုင်း ရဲ့ ကာဗွန်ဒိုင်အောက်ဆိုဒ် ဇာတ်ကား၊ သတို့သမီး ဇာတ်ကား၊ ရွှေကြာ ဇာတ်ကား နဲ့ သမ္မတကြီးထံပေးစာ ဇာတ်ကား၊ ဒါရိုက်တာ တင်အောင်စိုး (ပန်းမြို့တော်) ရဲ့ ပြည်ထောင်စုသစ္စာ ဇာတ်ကား၊ ဒါရိုက်တာ ကြည်ဖြူသျှင် ရဲ့ ဇာတိမြေ ဇာတ်ကား၊ ဒါရိုက်တာ မောင်မျိုးမင်း (ရင်တွင်းဖြစ်) ရဲ့ မှော်ဝင်သမန်းကျား ဇာတ်ကား၊ ဒါရိုက်တာ ညွန့်မြန်မာညီညီအောင် ရဲ့ လရောင်ဖြာတဲ့အင်းလေးမှာ ဇာတ်ကားနဲ့ ငဒူ ဇာတ်ကား၊ ဒါရိုက်တာ ခရစ္စတီးနားခီ ရဲ့ ဥပါယ်တံမျဉ် ဇာတ်ကားနဲ့ မုဒြာရဲ့ခေါ်သံ ဇာတ်ကား၊ ဒါရိုက်တာ လူမင်း ရဲ့ ကြတ်ဂူ ဇာတ်ကား၊ ဒါရိုက်တာ မောင်ယဉ်အောင် ရဲ့ နောင်တွင်ဥဒါန်းတွင်စေသတည်း ဇာတ်ကား၊ ဒါရိုက်တာ ဉာဏ်ထင် ရဲ့ မျက်နှာပြင်များ ဇာတ်ကား၊ ဒါရိုက်တာ ဏကြီး ရဲ့ မီ ဇာတ်ကား၊ ဒါရိုက်တာ သြရသ ရဲ့ တိမ်တိုက်တံတား ဇာတ်ကား၊ ဒါရိုက်တာ မီးပွား ရဲ့ ရန်သူ ဇာတ်ကား၊ ဒါရိုက်တာ ဝင်းလွင်ထက် ရဲ့ ကိုယ်စောင့်နတ် ဇာတ်ကားတို့ပဲ ဖြစ်ကြပါတယ်။

 

အဲ့ဒီလို အကဲဖြတ်ကြည့်ရှုတာကို လွန်ခဲ့တဲ့ ဒီဇင်ဘာပထမပတ်ကတည်းက လုပ်ဆောင်ခဲ့တာ ဖြစ်သလို အဆင့်ဆင့် ဆက်လက်ကြည့်ရှုသွားဖို့လည်း စီစဉ်ထားကြတာ ဖြစ်ပါတယ်။၏လာမယ့် မတ်လထဲ ကျင်းပမယ့် ရုပ်ရှင်ထူးချွန်ဆု ချီးမြှင့််ပွဲမှာ ဆုပေါင်း ၁၁ ဆုကို ချီးမြှင့်သွားမှာဖြစ်သလို အကဲဖြတ်အဖွဲ့တွေက ရုံတင်ဇာတ်ကားတွေကို ကြည့်ရှုကာ မဲစနစ်ဖြင့် အမှတ်ပေးလုပ်ဆောင်တာတွေလည်း ရှိခဲ့သလို ဖေဖော်ဝါရီ ၁၈ ရက်မှာ ဆက်လက်ကြည့်ဖို့ ၂၅ ကား ပေါ်ထွက်ခဲ့တာ ဖြစ်ပါတယ်။

မင်းခေတ်လင်း
ရန်ကုန်၊ ဖေဖော်ဝါရီ - ၁၉

( Zawgyi )

လာမယ့္ မတ္လမွာ က်င္းပဖို႔ စီစဥ္ထားတဲ့ ၂၀၁၈ ခုႏွစ္ ျမန္မာ့႐ုပ္ရွင္ ထူးခြၽန္ဆုအတြက္ ထူးခြၽန္ဆုခ်ီးျမႇင့္ေရး အကဲျဖတ္အဖြဲ႕က ႐ုံတင္ဇာတ္ကား ၈၃ ကားကို ၾကည့္ရႈခဲ့ရာ ဒုတိယအဆင့္ ၂၅ ကားကို ထပ္မံၾကည့္ရႈဖို႔ စီစဥ္ေနတယ္လို႔ ျမန္မာႏိုင္ငံ ႐ုပ္ရွင္အစည္းအ႐ုံးက သိရပါတယ္။

“အစတုန္းက ဇာတ္ကား ၈၃ ကားထဲကေန အခု ၂၅ ကားကို အကဲျဖတ္အဖြဲ႕ဝင္ေတြဟာ ထပ္ၾကည့္ၿပီးေတာ့ အေကာင္းဆုံးဇာတ္ကားကို ထပ္မံေ႐ြးခ်ယ္ အကဲျဖတ္ၾကမွာ ျဖစ္ပါတယ္” လို႔ အကဲျဖတ္အဖြဲ႕မွာ ပါဝင္တဲ့ ျမန္မာႏိုင္ငံ ႐ုပ္ရွင္အစည္းအ႐ုံး ဒုတိယဥကၠ႒ (၁) ဦးေအးၾကဴေလး က ေျပာပါတယ္။

အဲ့ဒီ ဇာတ္ကား ၂၅ ကားဟာ ဒါ႐ိုက္တာ ကိုေပါက္ ရဲ႕ မိုးပန္းပြင့္ရဲ႕သေကၤတ ဇာတ္ကား၊ ဒါ႐ိုက္တာ ဝင္းထြန္းထြန္း ရဲ႕ ဝိညာဥ္စိမ္း ဇာတ္ကား၊ ဒါ႐ိုက္တာ အာကာ ရဲ႕ ဒု႒ဝတီကိုေက်ာ္လြန္၍ ဇာတ္ကား၊ ဒါ႐ိုက္တာ ေအာင္ေဇာ္လင္း နဲ႔ ဝင္းလြင္ထက္ တို႔ရဲ႕ ငါ့ကိုနမ္းတဲ့မုန္တိုင္း ဇာတ္ကား၊ ဒါ႐ိုက္တာ ဝင္းထြန္းထြန္း ရဲ႕ ငယ္ကြၽန္ ဇာတ္ကား၊ ဒါ႐ိုက္တာ ဗန္းႀကီး ရဲ႕ ဥပါဒါန္ ဇာတ္ကား၊ ဒါ႐ိုက္တာ ၾသရသ ရဲ႕ မုန္းစြဲ ဇာတ္ကား၊ ဒါ႐ိုက္တာ ဝိုင္း ရဲ႕ ကာဗြန္ဒိုင္ေအာက္ဆိုဒ္ ဇာတ္ကား၊ သတို႔သမီး ဇာတ္ကား၊ ေ႐ႊၾကာ ဇာတ္ကား နဲ႔ သမၼတႀကီးထံေပးစာ ဇာတ္ကား၊ ဒါ႐ိုက္တာ တင္ေအာင္စိုး (ပန္းၿမိဳ႕ေတာ္) ရဲ႕ ျပည္ေထာင္စုသစၥာ ဇာတ္ကား၊ ဒါ႐ိုက္တာ ၾကည္ျဖဴသွ်င္ ရဲ႕ ဇာတိေျမ ဇာတ္ကား၊ ဒါ႐ိုက္တာ ေမာင္မ်ိဳးမင္း (ရင္တြင္းျဖစ္) ရဲ႕ ေမွာ္ဝင္သမန္းက်ား ဇာတ္ကား၊ ဒါ႐ိုက္တာ ၫြန႔္ျမန္မာညီညီေအာင္ ရဲ႕ လေရာင္ျဖာတဲ့အင္းေလးမွာ ဇာတ္ကားနဲ႔ ငဒူ ဇာတ္ကား၊ ဒါ႐ိုက္တာ ခရစၥတီးနားခီ ရဲ႕ ဥပါယ္တံမ်ဥ္ ဇာတ္ကားနဲ႔ မုျဒာရဲ႕ေခၚသံ ဇာတ္ကား၊ ဒါ႐ိုက္တာ လူမင္း ရဲ႕ ၾကတ္ဂူ ဇာတ္ကား၊ ဒါ႐ိုက္တာ ေမာင္ယဥ္ေအာင္ ရဲ႕ ေနာင္တြင္ဥဒါန္းတြင္ေစသတည္း ဇာတ္ကား၊ ဒါ႐ိုက္တာ ဉာဏ္ထင္ ရဲ႕ မ်က္ႏွာျပင္မ်ား ဇာတ္ကား၊ ဒါ႐ိုက္တာ ဏႀကီး ရဲ႕ မီ ဇာတ္ကား၊ ဒါ႐ိုက္တာ ၾသရသ ရဲ႕ တိမ္တိုက္တံတား ဇာတ္ကား၊ ဒါ႐ိုက္တာ မီးပြား ရဲ႕ ရန္သူ ဇာတ္ကား၊ ဒါ႐ိုက္တာ ဝင္းလြင္ထက္ ရဲ႕ ကိုယ္ေစာင့္နတ္ ဇာတ္ကားတို႔ပဲ ျဖစ္ၾကပါတယ္။

အဲ့ဒီလို အကဲျဖတ္ၾကည့္ရႈတာကို လြန္ခဲ့တဲ့ ဒီဇင္ဘာပထမပတ္ကတည္းက လုပ္ေဆာင္ခဲ့တာ ျဖစ္သလို အဆင့္ဆင့္ ဆက္လက္ၾကည့္ရႈသြားဖို႔လည္း စီစဥ္ထားၾကတာ ျဖစ္ပါတယ္။၏လာမယ့္ မတ္လထဲ က်င္းပမယ့္ ႐ုပ္ရွင္ထူးခြၽန္ဆု ခ်ီးျမႇင့္္ပြဲမွာ ဆုေပါင္း ၁၁ ဆုကို ခ်ီးျမႇင့္သြားမွာျဖစ္သလို အကဲျဖတ္အဖြဲ႕ေတြက ႐ုံတင္ဇာတ္ကားေတြကို ၾကည့္ရႈကာ မဲစနစ္ျဖင့္ အမွတ္ေပးလုပ္ေဆာင္တာေတြလည္း ရွိခဲ့သလို ေဖေဖာ္ဝါရီ ၁၈ ရက္မွာ ဆက္လက္ၾကည့္ဖို႔ ၂၅ ကား ေပၚထြက္ခဲ့တာ ျဖစ္ပါတယ္။

မင္းေခတ္လင္း
ရန္ကုန္၊ ေဖေဖာ္ဝါရီ - ၁၉