【 နိုင်ငံတကာ 】 တောင်တရုတ်ပင်လယ်မှာ ပြဿနာရှာနေတာမဟုတ်၊ ပိုင်နက်ကို ကာကွယ်တာဟု ဖိလစ်ပိုင်ခေါင်းဆောင် ဆို

မနီလာ၊ စက်တင်ဘာ - ၂၉

မဟာဗျူဟာမြောက် တောင်တရုတ်ပင်လယ်တွင် ရေတိမ်သောင်ခုံပိုင်ဆိုင်မှုနှင့်ပတ်သက်ပြီး ငြင်းခုံဆူပွက်နေချိန်မှာ ဖိလစ်ပိုင်သမ္မတက စက်တင်ဘာ ၂၉ ရက်တွင်ပြုလုပ်တဲ့ အင်တာဗျူးတွင် ဖိလစ်ပိုင်သည် ၎င်း၏ ပိုင်နက်နယ်မြေနှင့် ဖိလစ်ပိုင်ငါးဖမ်းသမားများ၏ အခွင့်အရေးများကို ခိုင်ခိုင်မာမာ ခုခံကာကွယ်မည်ဖြစ်ပြီး ပြဿနာရှာနေခြင်းမဟုတ်ကြောင်း ပြောခဲ့ပါတယ်။

ဆယ်စုနှစ်တစ်ခုကျော် ပေကျင်းထိန်းချုပ်ထားသည့် ဧရိယာတစ်ခုဖြစ်သည့် Scarborough ရေတိမ်သောင်ခုံသို့ ဝင်ရောက်ခွင့်မရအောင်တားထားသည့် မီတာ ၃၀၀ အရှည်ရှိ ရေပေါ်အတားအဆီးတစ်ခုကို ဖြတ်တောက်လိုက်ကြောင်း ဖိလစ်ပိုင်ကမ်းခြေစောင့်တပ်က ယခုသီတင်းပတ်ထဲမှာ ပြောကြားခဲ့ပါတယ်။

ဖိလစ်ပိုင်သမ္မတ ဖာဒီနန်မားကို့စ်ဂျူနီယာက သူ့ရဲ့ပထမဆုံးမှတ်ချက်မှာ နောက်ဆုံးထွက်ရှိလာတဲ့ အငြင်းပွားစေတဲ့ မှတ်ချက်အဖြစ် ဖိလစ်ပိုင်သည် ၎င်း၏သီးသန့်စီးပွားရေးဇုန်တွင် ငါးဖမ်းပိုင်ခွင့်ကို ဆုပ်ကိုင်ထားကြောင်း ဆိုပါတယ်။

“ကျွန်တော်တို့ လုပ်ရမယ့်အရာက ဖိလစ်ပိုင်ရဲ့ ပင်လယ်ရေပိုင်နက်နယ်မြေဖြစ်တဲ့ ဖိလစ်ပိုင်ကို ဆက်ကာကွယ်ဖို့၊ ကျွန်တော်တို့ ငါးဖမ်းသမားတွေ နှစ်ရာနဲ့ချီပြီးရှိနေတဲ့လုပ်နေတဲ့ ဒေသတွေမှာ ငါးဖမ်းခွင့်ရရေးပဲ” ဟု မားကို့စ်က သတင်းထောက်များအား ပြောကြားခဲ့ပါတယ်။

“အဲဒါကြောင့်မို့လို့ ဒီလိုဖြစ်တာကို နားမလည်ဘူး” ဟုလည်း သူဆိုသည်။

မဟာမိတ် မနီလာ၏ နောက်တွင်ရှိရန် အမေရိကန် ချိန်ဆနေချိန်တွင်  တရုတ်ကမ်းရိုးတန်းစောင့်တပ်ဖွဲ့က ဖိလစ်ပိုင်၏ အဖြစ်အပျက် အမြင်အပေါ် အငြင်းပွားခဲ့ပြီး ဖိလစ်ပိုင်အကြီးတန်းကာကွယ်ရေးအရာရှိတစ်ဦးက ၎င်း၏လှုပ်ရှားမှုကို ရဲရင့်သောခြေလှမ်းဟုခေါ်ဆိုကာ ၎င်း၏ကိုလိုနီဟောင်းကို ခုခံကာကွယ်ရန် စာချုပ်ပါ တာဝန်ဝတ္တရားများကို မီးမောင်းထိုးပြနေကြောင်း ဆိုပါတယ်။

“ဒါပေမယ့် အတားအဆီးကို ဖြုတ်ချတာနဲ့ပတ်သက်ပြီး ဘာလုပ်နိုင်မလဲဆိုတာ ကျွန်တော်တို့ မမြင်မိပါဘူး” လို့ ပြောခဲ့ပါတယ်။

ဖိလစ်ပိုင်ထဲ ၎င်း၏တပ်ဖွဲ့ဝင်များ တိုးချဲ့ဝင်ရောက်မှု၊ လေ့ကျင့်မှုနှင့် လူသားချင်းစာနာမှုဆိုင်ရာ ရည်ရွယ်ချက်များအပါအဝင် ဝါရှင်တန်နှင့် ကာကွယ်ရေးဆိုင်ရာ ဆက်ဆံမှုများ ပိုမိုနက်ရှိုင်းလာစေရန် မားကို့စ်မှ လှည့်ပြောင်းမှုကြောင့် ဖိလစ်ပိုင်နှင့် တရုတ်ကြား ဆက်ဆံရေးမှာ နောက်ပိုင်းတွင် ယိုယွင်းလာခဲ့ပါတယ်။

Scarborough ရေတိမ်သောင်ခုံမှာ ၎င်း၏ ပိုင်နက်ဖြစ်သည်ဟု တရုတ်က ပြောကြားထားပြီး ဒေသတွင်း ရန်စလှုံ့ဆော်တာလို့ ခေါ်သည့်အတွက် အမေရိကန်ကို ပြစ်တင်ဝေဖန်ခဲ့ပါတယ်။

Linko
Ref - AsiaOne