【 နိုင်ငံတကာ 】 ယူကရိန်းအတွက် အမေရိကန်ရဲ့ စစ်ရေးထောက်ပံ့မှုကို မက္ကဆီကိုသမ္မတက ရှုတ်ချ

မက္ကဆီကိုစီးတီး၊ အောက်တိုဘာ - ၃

မက္ကဆီကိုသမ္မတ အန်ဒရက်စ်မန်နူရယ်လိုပက်ဇ် အိုဘရာဒိုက  ယူကရိန်းနိုင်ငံသို့ အမေရိကန်၏ စစ်ရေးအကူအညီနှင့်ပတ်သက်ပြီး တနင်္လာနေ့က ချိုးချိုးဖဲ့ဖဲ့ ဝေဖန်ခဲ့ကာ ၎င်းမှာ ဆင်ခြင်မဲ့တယ်လို့ မှတ်ချက်ပြုခဲ့ပြီး လက်တင်အမေရိကနိုင်ငံတွေကို ကူညီဖို့အတွက် အရင်းအမြစ်တွေ ပိုမြှုပ်နှံထားဖို့ ဝါရှင်တန်ကို တိုက်တွန်းခဲ့တာကြောင့် စစ်ပွဲအပေါ် ဝေဖန်မှုတွေ မြင့်တက်လာခဲ့ပါတယ်။

လိုပက်ဇ် အိုဘရာဒိုက အမေရိကန်ကို ရွှေ့ပြောင်းနေထိုင်မှုဆိုင်ရာ ဖိအားများကို ဖြေလျှော့ရန်အတွက် ဗဟိုအမေရိကနှင့် ကာရစ်ဘီယံနိုင်ငံတွေရဲ့ စီးပွားရေးဖွံ့ဖြိုးတိုးတက်မှုကို ကူညီရန်အတွက် ရန်ပုံငွေများ ပိုမိုမြှုပ်နှံထားဖို့ ကာလရှည်ကြာ တောင်းဆိုထားတာဖြစ်ပါတယ်။

၎င်းရဲ့ နေ့စဉ်သတင်းစာရှင်းလင်းပွဲမှာ လိုပက်ဇ် အိုဘရာဒိုက ယူကရိန်းအတွက် နောက်ထပ်အကူအညီတွေကို ဖယ်ထုတ်လိုက်တဲ့ ရပ်တန့်ရေး ရန်ပုံငွေဥပဒေကြမ်းကို ပြီးခဲ့တဲ့အပတ်က အငြင်းပွားတာကို ကိုးကားပြီး အမေရိကန်ကွန်ဂရက်လွှတ်တော်ကို ဒေသတွင်းသို့ ငွေကြေးအလွတ်မပေးသည့်အတွက် ဝေဖန်ခဲ့ပါတယ်။

“ယူကရိန်းစစ်ပွဲအတွက် အကူအညီတွေ အာဏာပိုင်တွေ ခွင့်မပြုဘူးဆိုတာ အခုပဲကြည့်နေတာ” လို့ သူကပြောပါတယ်။

“ဒါပေမဲ့ ယူကရိန်းစစ်ပွဲအတွက် သူတို့ဘယ်လောက်မှန်းထားသလဲ။စစ်ပွဲအတွက် ဒေါ်လာဘီလီယံ ၃၀ ကနေ ၅၀ ဘီလီယံအထိလား။ ဘယ်လောက်တောင် သူတို့ဆင်ခြင်မဲ့ဆုံးဖြစ်နေကြလဲ။ပျက်စီးလဲ” လို့လည်း သူက ဆက်ပြောပါတယ်။

“ဒါကြောင့် သူတို့ရဲ့နည်းဗျူဟာကို ပြုပြင်ပြောင်းလဲပြီး လေးစားတတ်ဖို့ သင်ယူရမယ်၊ မက္ကဆီကိုအာဏာပိုင်တွေကို လျစ်လျူရှုရမယ့်အချိန်မဟုတ်ဘူး” လို့  လိုပက်ဇ် အိုဘရာဒိုက ပြောခဲ့ပါတယ်။

ယင်းအပေါ် မက္ကဆီကိုရှိ ယူကရိန်းသံရုံးက မှတ်ချက်ပေးရန် ငြင်းဆိုခဲ့ပါတယ်။အမေရိကန်နိုင်ငံခြားရေးဌာနကလည်း မှတ်ချက်ပေးရန် တောင်းဆိုချက်ကို ချက်ချင်းအကြောင်းပြန်ခြင်းမရှိပေ။

လက်ဝဲဝါဒီ လိုပက်ဇ် အိုဘရာဒိုသည် ရုရှားကျူးကျော်မှုတွင် မက္ကဆီကိုနိုင်ငံအား ကြားနေနိုင်ငံဖြစ်ရန် ကိယက်ဗ်အတွက် အနောက်နိုင်ငံများ၏ စစ်ရေးအကူအညီကို ဝေဖန်ခဲ့ပါတယ်။ထို့အပြင် ရုရှား-ယူကရိန်း ပဋိပက္ခကို အဆုံးသတ်ရန် ငြိမ်းချမ်းရေးဆွေးနွေးမှုများလည်း အဆိုပြုခဲ့ပါတယ်။

လွန်ခဲ့သည့်နှစ်ပတ်က မက္ကဆီကိုနိုင်ငံ လွတ်လပ်ရေးနေ့အထိမ်းအမှတ် စစ်ရေးချီတက်ပွဲ၌ ရုရှားစစ်ဘက်ဆိုင်ရာတပ်ဖွဲ့တစ်ခုရှိနေခြင်းကို ယူကရိန်းကို ကျူးကျော်တဲ့ တပ်ဖွဲ့တွေအတွက် သူ့နိုင်ငံက စင်မြင့်တစ်ခုပေးထားတယ်လို့ ပြင်းပြင်းထန်ထန် ဝေဖန်မှုတွေအပြီးမှာ သမ္မတက ကာကွယ်ပြောဆိုခဲ့ပါတယ်။

Linko
Ref - Reuters