【 နိုင်ငံတကာဆောင်းပါး 】 တရုတ်နိုင်ငံ၏ စွမ်းအင်ဖွံ့ဖြိုးတိုးတက်ရေးဆိုင်ရာ စက္ကူဖြူစာတမ်း

နိုင်ငံ၏ စွမ်းအင်ဖွံ့ဖြိုးတိုးတက်မှုဆိုင်ရာ စက္ကူဖြူစာတမ်းကို တရုတ်က ၂၀၂၀ ခုနှစ် ဒီဇင်ဘာတွင် ထုတ်ပြန်ခဲ့သည်။

အဆိုပါထုတ်ပြန်သည့် စာတမ်းတွင် “Energy in China's New Era” ခေါင်းစဉ်ဖြင့် နိုင်ငံတော်ကောင်စီပြန်ကြားရေးရုံးမှ ထုတ်ပြန်ခဲ့ပြီး နိုင်ငံတော်၏ စွမ်းအင်ဖွံ့ဖြိုးတိုးတက်မှုတွင် အောင်မြင်မှုများနှင့် စွမ်းအင်ပြုပြင်ပြောင်းလဲမှုအတွက် အဓိကမူဝါဒများနှင့် အစီအမံများကို အပြည့်အစုံ ဖော်ပြခဲ့သည်။

စက္ကူဖြူစာတမ်းသည် အနာဂတ်ဥပဒေပြုရေးဆိုင်ရာ အဆိုပြုချက်များကို ရေးဆွဲရန် (သို့မဟုတ်) အငြင်းပွားဖွယ်ကိစ္စရပ်များတွင် ၎င်း၏ရပ်တည်ချက်ကို ထပ်လောင်းပြောဆိုရန် အစိုးရမှထုတ်သည့် တရားဝင်စာရွက်စာတမ်းဖြစ်သည်။ ၂၀၁၉ ခုနှစ်တွင် တရုတ်နိုင်ငံသည် စက္ကူဖြူစာတမ်း ၁၂ စောင် ထုတ်ပြန်ခဲ့သည်။ယခု တရုတ်နိုင်ငံ၏ စွမ်းအင်သစ်ဖွံ့ဖြိုးမှုသည် ထိုစဉ်က အစိုးရချမှတ်ခဲ့သည့် စွမ်းအင်ဆိုင်ရာ စက္ကူဖြူစာတမ်းများ၏ ခိုင်မာမှန်ကန်သော လမ်းညွှန်မှုကြောင့်ဖြစ်သည်။

တရုတ်နိုင်ငံသည် ကမ္ဘာ့အကြီးဆုံး စွမ်းအင်ထုတ်လုပ်သူနှင့် စားသုံးသူဖြစ်လာပြီး ၎င်း၏ ထိရောက်သော စွမ်းအင်အသုံးချမှုသို့ အသွင်ကူးပြောင်းမှုသည် ကမ္ဘာပေါ်တွင် အလျင်မြန်ဆုံးဖြစ်လာကြောင်း အဆိုပါစာတမ်းတွင် ဖော်ပြထားသည်။

ဖတ်ရသလောက် အဆိုပါစက္ကူဖြူစာတမ်းတွင် တရုတ်နိုင်ငံသည် စွမ်းအင်သုံးစွဲမှု နည်းလမ်းများကို ပြုပြင်ပြောင်းလဲရန်၊ သန့်ရှင်းပြီး ကွဲပြားသော စွမ်းအင်ထောက်ပံ့မှုစနစ် တည်ဆောက်ရန်၊ ဆန်းသစ်တီထွင်မှုဖြင့် စွမ်းအင်ဆိုင်ရာ မဟာဗျူဟာကို အကောင်အထည်ဖော်ရန်၊ စွမ်းအင်စနစ် ပြုပြင်ပြောင်းလဲမှု ပိုမိုလုပ်ဆောင်ရန်နှင့် နိုင်ငံတကာစွမ်းအင်ပူးပေါင်းဆောင်ရွက်မှု တိုးမြှင့်ရန် ဖော်ပြထားသည်။

စက္ကူဖြူစာတမ်း၏ အဓိကစာကိုယ်တွင် အပိုင်းခုနစ်ပိုင်းခွဲထားပြီး ခေတ်သစ်တွင် အရည်အသွေးမြင့် စွမ်းအင်ဖွံ့ဖြိုးတိုးတက်ရေး၊ စွမ်းအင်ဖွံ့ဖြိုးတိုးတက်ရေးတွင် သမိုင်းဝင်အောင်မြင်မှုများ၊ စွမ်းအင်သုံးစွဲမှုကို ပြုပြင်ပြောင်းလဲရန် ဘက်စုံကြိုးပမ်းမှု၊ သန့်ရှင်းပြီး ကွဲပြားသော စွမ်းအင်ထောက်ပံ့မှုစနစ် တည်ဆောက်ရေး၊ ဆန်းသစ်တီထွင်မှု၏ အဓိကမောင်းနှင်အားအဖြစ် အခန်းကဏ္ဍကို အသုံးချခြင်း၊ ဖွံ့ဖြိုးတိုးတက်မှု၊ နယ်ပယ်အားလုံးတွင် စွမ်းအင်စနစ်၏ ပိုမိုနက်ရှိုင်းသော ပြုပြင်ပြောင်းလဲမှုနှင့် ဘုတ်အဖွဲ့တစ်လျှောက် နိုင်ငံတကာစွမ်းအင်ပူးပေါင်းဆောင်ရွက်မှု အားကောင်းလာစေရေးတို့ပါဝင်သည်။

လက်ရှိတွင် လုပ်ပြီးသည့် အပိုင်းများရှိသည်။တရုတ်နိုင်ငံသည် ရုပ်ကြွင်းမဟုတ်သော စွမ်းအင်ကို ဦးစားပေးကာ ကာဗွန်နည်းသော ကာဗွန်စွမ်းအင်ကို အစားထိုးရန်နှင့် ရုပ်ကြွင်းစွမ်းအင်အစားထိုးရန်အတွက် ပြန်လည်ပြည့်ဖြိုးမြဲစွမ်းအင်ကို ကြိုးပမ်းနေကြောင်း စက္ကူဖြူစာတမ်းတွင် ဖော်ပြထားသည်။

တရုတ်နိုင်ငံသည် နေရောင်ခြည်စွမ်းအင်သုံး၊ လေအားလျှပ်စစ်၊ ရေအားလျှပ်စစ် ဖွံ့ဖြိုးတိုးတက်ရေးအပြင် ဇီဝလောင်စာ၊ ဘူမိအပူနှင့် သမုဒ္ဒရာမှ စွမ်းအင်ထုတ်ယူမှုဖွံ့ဖြိုးတိုးတက်ရေးတို့ကို အရှိန်အဟုန်မြှင့် ဆောင်ရွက်လျက်ရှိပြီး ဒေသန္တရအခြေအနေများနှင့်အညီ ဘေးအန္တရာယ်ကင်းရှင်း၍ ဖွဲ့စည်းတည်ဆောက်ထားသော နျူကလီးယားဓာတ်အားကိုပါ ဆောင်ရွက်လျက်ရှိကြောင်း သိရသည်။

အဆိုပါစာတမ်းတွင် နိုင်ငံတော်၏ ပျမ်းမျှ လေအားသုံးစွဲမှုနှုန်းသည် ၉၆ ရာခိုင်နှုန်းအထိ၊ နေရောင်ခြည်မှ လျှပ်စစ်ဓာတ်အား ၉၈ ရာခိုင်နှုန်းနှင့် အဓိကမြစ်ဝှမ်းဒေသများတွင် ရေစွမ်းအင်မှ ၂၀၁၉ ခုနှစ်တွင် ၉၆ ရာခိုင်နှုန်းအထိ အလုံးစုံ ပြန်လည်ပြည့်ဖြိုးမြဲစွမ်းအင် သုံးစွဲမှုနှုန်းကို တိုးမြှင့်ထားကြောင်း အဆိုပါစာတမ်းတွင် ဖော်ပြထားသည်။

၂၀၁၉ ခုနှစ်က ထုတ်ပြန်သည့် ယင်းစက္ကူဖြူစာတမ်းအရ တရုတ်နိုင်ငံသည် နိုင်ငံတကာပူးပေါင်းဆောင်ရွက်မှုကို အားကောင်းစေပြီး စွမ်းအင်ထောက်ပံ့မှုနှင့် သုံးစွဲမှုဆိုင်ရာ ပြုပြင်ပြောင်းလဲမှုများ မြှင့်တင်ရန် ကတိပြုထားသည့် စွမ်းအင်လုံခြုံရေး မဟာဗျူဟာသစ်ကို ချမှတ်ခဲ့သည်ဟု ဆိုသည်။

ပြုပြင်ပြောင်းလဲရေးတွင် အဓိကအားဖြင့် ကဏ္ဍလေးရပ်နှင့် ပြည့်စုံသော နိုင်ငံတကာပူးပေါင်းဆောင်ရွက်ရေးဆိုင်ရာ မဟာဗျူဟာသည် ပြည်တွင်းနှင့် နိုင်ငံတကာအပြောင်းအလဲများနှင့် လိုက်လျောညီထွေဖြစ်ပြီး လိုအပ်ချက်အသစ်များကို ဖြည့်ဆည်းရန် ကြိုးပမ်းသည်။

တရုတ်နိုင်ငံသည် ၎င်း၏ စွမ်းအင်ကဏ္ဍကို ကမ္ဘာသို့ ထပ်မံဖွင့်လှစ်ရန် ကတိပြုထားကြောင်း စက္ကူဖြူစာတမ်းတွင် ဖော်ပြထားသည်။

အဆိုပါစာတမ်းတွင် စွမ်းအင်ကဏ္ဍသို့ နိုင်ငံခြားရင်းနှီးမြုပ်နှံမှုများ ဝင်ရောက်မှုအပေါ် ကန့်သတ်ချက်များကို လျှော့ချခဲ့ကြောင်း ဖော်ပြခဲ့ပြီး ကျောက်မီးသွေး၊ ရေနံ၊ သဘာဝဓာတ်ငွေ့၊ လျှပ်စစ်ဓာတ်အားနှင့် စွမ်းအင်သစ်များ မပါဝင်သည့် ကဏ္ဍများတွင် နိုင်ငံခြားရင်းနှီးမြှုပ်နှံမှုများ ဝင်ရောက်ရန် ကန့်သတ်ချက်များကို ရုပ်သိမ်းခဲ့သည်။

နိုင်ငံတကာစွမ်းအင်ကုမ္ပဏီများသည် တရုတ်နိုင်ငံတွင် ရင်းနှီးမြှုပ်နှံမှုများ ဆက်တိုက်ဆိုသလို တိုးချဲ့လျက်ရှိပြီး Tesla ၏ ရှန်ဟိုင်း စက်ရုံကဲ့သို့သော နိုင်ငံခြားရင်းနှီးမြှုပ်နှံမှု ပရောဂျက်များ တစ်ခုပြီး တစ်ခု စတင်နေပြီး နိုင်ငံခြားမှ ထောက်ပံ့ထားသော ဓာတ်ဆီဆိုင်အရေအတွက်မှာ လျင်မြန်စွာကြီးထွားလာကြောင်း စက္ကူဖြူစာတမ်းတွင် ဖော်ပြထားသည်။

ကမ္ဘာ့စွမ်းအင် စဉ်ဆက်မပြတ် ဖွံ့ဖြိုးတိုးတက်ရေး၊ ရာသီဥတုပြောင်းလဲမှုဆိုင်ရာ စိန်ခေါ်မှုများကို ကိုင်တွယ်ဖြေရှင်းရန်နှင့် ပိုမိုသန့်ရှင်းသာယာလှပသော ကမ္ဘာကို တည်ဆောက်ရန် နိုင်ငံတကာအသိုက်အဝန်းအား တရုတ်က အဆိုပြုထားသည်။

နိုင်ငံအားလုံးသည် အစိမ်းရောင်ဖွံ့ဖြိုးတိုးတက်ရေးလမ်းကြောင်းကို ရွေးချယ်သင့်ပြီး၊ အစိမ်းရောင်၊ ကာဗွန်နည်းပြီး ရေရှည်တည်တံ့သော လုပ်ငန်းခွင်အလေ့အထများနှင့် လူနေမှုပုံစံများကို ကျင့်သုံးရန်၊ စွမ်းအင်ကူးပြောင်းမှုကို မြှင့်တင်ရန်နှင့် စွမ်းအင်နှင့်ပတ်သက်သော ပြဿနာများကို ပူးပေါင်းကိုင်တွယ် ဖြေရှင်းသင့်ကြောင်း ယင်းစက္ကူဖြူစာတမ်းတွင် ဖော်ပြထားသည်ကို တွေ့ရသည်။

စိုးနိုင်ထွန်း
Ref - CMG | China issues white paper on energy development