【 နိုင်ငံတကာ 】 G20 ထိပ်သီးအစည်းအဝေးမှာ ရှီရဲ့ ပျက်ကွက်မှု တရုတ်ဘက်က ရှင်းပြဖို့သာဖြစ်တယ်လို့ အမေရိကန်ပြော

ဝါရှင်တန်၊ စက်တင်ဘာ - ၉

ယခုသီတင်းပတ်ကုန်တွင် နယူးဒေလီ၌ ကျင်းပမည့် G20 ထိပ်သီးအစည်းအဝေးတွင် တရုတ်သမ္မတ ရှီကျင့်ဖျင် မရှိရခြင်း အကြောင်းအရင်းကို တရုတ်ကသာ ရှင်းပြနိုင်သည်ဟု အမေရိကန်အရာရှိတစ်ဦးက စနေနေ့တွင် ပြောကြားလိုက်ပါတယ်။

ကုန်သွယ်ရေးနှင့် ပထဝီဝင်နိုင်ငံရေး တင်းမာမှုများကြောင့် ပျက်ပြားနေသော ဆက်ဆံရေးကို ကမ္ဘာ့အင်အားကြီးနှစ်နိုင်ငံက ပြုပြင်ရန် လအတန်ကြာ ကြိုးပမ်းခဲ့ပြီးနောက် ရှီနှင့် အမေရိကန်သမ္မတ ဂျိုးဘိုင်ဒင်တို့ကြား ထိပ်သီးဆွေးနွေးပွဲအတွက် ဖြစ်နိုင်ခြေရှိသော တွေ့ဆုံပွဲအတွက် ထိုအစည်းအဝေးကို နေရာတစ်ခုအဖြစ် ရှုမြင်ခဲ့ကြပါတယ်။

“ဘာကြောင့် ခေါင်းဆောင်ကပါဝင်မှာ၊ မပါဝင်မှာကို “ရှင်းပြဖို့က တရုတ်အစိုးရအပေါ်မှာ မူတည်တယ်” လို့ အမေရိကန်အမျိုးသားလုံခြုံရေး လက်ထောက်အကြံပေး ဂျွန်ဖင်နာက အိန္ဒိယမြို့တော်မှာ သတင်းထောက်တွေကို ပြောပါတယ်။

တရုတ်အစိုးရရဲ့ လုပ်ရပ်တွေကို ရှင်းပြဖို့ အမေရိကန်ကို မကြာခဏတောင်းဆိုခဲ့ပေမယ့် ဒါဟာ သူ့ရဲ့အခန်းကဏ္ဍမဟုတ်ကြောင်း ပြောခဲ့ပါတယ်။

“တချို့က တရုတ်နိုင်ငံရဲ့ ပျက်ကွက်မှုက G-20 ကို စွန့်လွှတ်လိုက်တာဖြစ်ပြီး BRICS ကဲ့သို့သော အုပ်စုဖွဲ့မှုတွေကို အခွင့်ထူးပေးမယ့် အစားထိုး ကမ္ဘာ့အစီအစဉ်ကို တည်ဆောက်နေတာဖြစ်ကြောင်း ထင်ကြေးပေးနေကြပါတယ်” ဟု ဖင်နာက ဆိုပါတယ်။

ဝန်ကြီးချုပ် လီချန်သည် တရုတ်နိုင်ငံ၏ ကိုယ်စားလှယ်အဖွဲ့အား  ဦးဆောင်ကာ အိန္ဒိယမြို့တော်သို့ လာနေပါတယ်။ရုရှားသမ္မတ ဗလာဒီမာ ပူတင်လည်း ထိပ်သီးအစည်းအဝေးကနေပျက်ကွက်ပြီး ၎င်းအစား နိုင်ငံခြားရေးဝန်ကြီး ဆာဂိုင်း လာဗက်ဗော့က ကိုယ်စားပြုလာနေပါတယ်။

အမေရိကန်သမ္မတ ဘိုင်ဒန်သည် ထိပ်သီးအစည်းအဝေးအတွက် သောကြာနေ့တွင် ရောက်ရှိလာခဲ့ပါတယ်။ပြီးခဲ့သည့် တနင်္ဂနွေနေ့က G-20 ထိပ်သီးအစည်းအဝေးသို့ ရှီက တက်ရောက်မည် မဟုတ်ကြောင်း သတင်းကြောင့် ဘိုင်ဒန်က စိတ်ပျက်မိသော်လည်း သူ့ကိုတွေ့မည်ဟု တုံ့ပြန်ပြောကြားခဲ့ပါတယ်။

“တရုတ်က မလုပ်ဘူးဆိုရင် လူတိုင်းအတွက် ကံဆိုးပါတယ်” ဟု ၎င်းက ပြောပါတယ်။ဆက်ပြီး “ဒါပေမဲ့ တရုတ်အတွက် ပိုကံဆိုးတယ်လို့ ကျွန်တော်တို့ယုံကြည်ပါတယ်” လို့ ဖင်နာက ပြောခဲ့ပါတယ်။

Linko
Ref - Reuters