【အလှအပနှင့်ကျန်းမာရေး】ဝက်သက်ရောဂါ
ဝက်သက်ရောဂါဆိုတာကတော့ ဗိုင်းရပ်စ် ပိုးကြောင့်ဖြစ်တဲ့ရောဂါဖြစ်ပြီး ကလေးတွေမှာအဖြစ်များပါတယ်။
ဝက်သက်ရောဂါကဘယ်လိုကူးစက်ပါသလဲ?
ဝက်သက်ရောဂါဟာ ကူးစက်လွယ်တဲ့ရောဂါအမျိုးအစားဖြစ်ပြီး အသက်ရှူလမ်းကြောင်း ကတစ်ဆင့်ကူးစက်တဲ့ရောဂါဖြစ်ပါတယ်။
ဝက်သက်ရောဂါရှိသူနဲ့တွေ့မိပြီး ၈-၁၂ ရက်အကြာမှာ ဝက်သက်ရောဂါရဲ့လက္ခဏာတွေပြနိုင်ပါတယ်။
ရောဂါလက္ခဏာတွေကတော့
- ကိုယ်အပူချိန်တက်ခြင်း
- ခန္ဓာကိုယ်အနှံ့တွင်အနီကွက်များထွက်ခြင်း
- ချောင်းဆိုးခြင်း
- နှာရည်ယိုခြင်း
- ကြွက်သားများနာကျင်ခြင်း
- ပါးစောင်အတွင်းတွင် အဖြူရောင်အစက်များထွက်ခြင်းစတဲ့ ရောဂါလက္ခဏာတွေခံစားရနိုင်ပါတယ်။
ဝက်သက်ရောဂါဟာ အချို့သောသူများမှာ ပြင်းထန်နိုင်ပြီး နောက်ဆက်တွဲဆိုးကျိုးတွေ ခံစားရနိုင်ပါတယ်။
အထူးသဖြင့်
- အသက် ၅နှစ်အောက်ကလေးငယ်များ
- ကိုယ်ဝန်ဆောင်မိခင်များ
- ကိုယ်ခံအားနည်းသူများ
- အသက်ကြီးသူများ စတဲ့သူတွေမှာ ပြင်းထန်တဲ့နောက်ဆက်တွဲ ဆိုးကျိုးတွေ ခံစားရနိုင်ပါတယ်။
ဝက်သက်ရောဂါရဲ့နောက်ဆက်တွဲဆိုးကျိုးတွေကတော့
- ဝမ်းပျက်ဝမ်းလျှောခြင်း
- အော့အန်ခြင်း
- နားအတွင်းပိုးဝင်ခြင်း
- အဆုတ်ရောင်နမိုးနီးယားဖြစ်ခြင်း
- ဦးနှောက်အမြှေးပါးရောင်ခြင်း
- ကိုယ်ဝန်ဆောင်မိခင်များတွင် လမစေ့ဘဲမွေးဖွားခြင်း၊ပေါင်မပြည့်သောကလေးမွေးဖွားခြင်း၊ သန္ဓေသားသေဆုံးခြင်းစတဲ့နောက်ဆက်တွဲ ဆိုးကျိုးတွေခံစားရနိုင်ပါတယ်။
ဝက်သက်ရောဂါကာကွယ်ဆေးကို ဘယ်အသက်အရွယ်မှာထိုးသင့်ပါသလဲ?
ဝက်သက်ရောဂါကာကွယ်ဆေးကို
- ကလေးအသက် ၁၂လ-၁၅လ အတွင်း ပထမအကြိမ်
- ကလေးအသက် ၄နှစ်-၅နှစ်အတွင်း ဒုတိယအကြိမ် ထိုးနှံသင့်ပါတယ်။
- ဝက်သက်ရောဂါခံစားရပါက တတ်ကျွမ်းနားလည်တဲ့ ဆရာဝန်ထံသွားရောက်ပြသပြီး ကုသမှုခံယူပါ။
- ဝက်သက်ရောဂါဖြစ်နေသူကနေတစ်ဆင့် အခြားသူဆီကူးစက်မှုကို လျှော့ချဖို့အတွက် သီးခြားနေထိုင်ပါ။
Dr.Phyu
Photo credit -freepik
