【 အလှအပနှင့်ကျန်းမာရေး 】နားပြည်ယိုခြင်း/နားကိုက်ခြင်း
နားပြည်ယိုခြင်းရောဂါဟာ နားအတွင်းသို့ရောဂါပိုးဝင်ရောက်ခြင်းကြောင့် ခံစားရတဲ့ရောဂါဖြစ်ပါတယ်။
နားပြည်ယိုခြင်းဟာ အသက်အရွယ်မရွေးဖြစ်နိုင်ပြီး ကလေးငယ်များမှာ အဖြစ်များတဲ့ရောဂါတစ်မျိုးဖြစ်ပါတယ်။
ရောဂါလက္ခဏာတွေကတော့
- နားကိုက်ခြင်း
- နားအူခြင်း
- အသံကောင်းစွာမကြားရခြင်း
- နားအတွင်းမှ ပြည်၊အရည်များထွက်ခြင်း
- ကိုယ်အပူချိန်တက်ခြင်း
- ခေါင်းကိုက်ခြင်း စတဲ့ရောဂါလက္ခဏာတွေ ခံစားရနိုင်ပါတယ်။
ဘယ်လိုအချက်တွေကြောင့် နားပြည်ယိုခြင်းဖြစ်နိုင်ချေပိုများသလဲ?
- ကလေးသူငယ်များ
- မိသားစုမျိုးရိုးထဲတွင်နားပြည်ယိုခြင်းရောဂါရှိသူများ
- အအေးမိခြင်း၊ဖျားနာခြင်း
- လေထုညစ်ညမ်းခြင်း
- နားကိုမကြာခဏ ကလော်ခြင်းစတာတွေကြောင့် နားကိုရောဂါပိုးဝင်ရောက်နိုင်ချေပိုများပြီး နားပြည်ယိုခြင်းရောဂါဖြစ်နိုင်ချေပိုများပါတယ်။
နားပြည်ယိုခြင်းကြောင့်ခံစားရနိုင်တဲ့ နောက်ဆက်တွဲဆိုးကျိုးတွေကတော့
- နားအကြားအာရုံထိခိုက်ခြင်း
- နားမှရောဂါပိုးပျံ့နှံ့ပြီး ဦးနှောက်အမြှေးပါးရောင်ခြင်း
- နားစည်ပေါက်ခြင်းစတဲ့ နောက်ဆက်တွဲဆိုးကျိုးတွေ ခံစားရနိုင်ပါတယ်။
နားပြည်ယိုခြင်းရောဂါမဖြစ်ဖို့ဘယ်လိုကာကွယ်နိုင်ပါသလဲ?
- အအေးမိ၊ဖျားနာခြင်းမဖြစ်အောင် ဂရုစိုက်ပါ။
- ကလေးငယ်များတွင်အအေးမိ၊ဖျားနာခြင်းမဖြစ်အောင်ဂရုစိုက်ပါ၊လိုအပ်ပါက ကာကွယ်ဆေးများထိုးနှံပေးပါ။
- ကလေးငယ်များအနီးတွင် ဆေးလိပ်သောက်ခြင်းကို ရှောင်ကြဉ်ပါ။
- နားအတွင်းသို့မည်သည့် အရာဝတ္ထု၊အရည်မှ မထည့်ပါနှင့်။
- နားကလော်ခြင်းကိုရှောင်ကြဉ်ပါ။
- ပတ်ဝန်းကျင်လေထုညစ်ညမ်းခြင်းကိုလျော့ချပါ။
နားကိုက်ခြင်း၊နားပြည်ယိုခြင်းခံစားရပါက တတ်ကျွမ်းနားလည်တဲ့ဆရာဝန်ထံ သွားရောက်ပြသပြီး ကုသမှုခံယူဖို့ တိုက်တွန်းလိုပါတယ်။
Dr.Phyu
Photo credit -freepik