【 အလှအပနှင့်ကျန်းမာရေး 】အရေပြားမှိုရောဂါ(ညှင်းပေါက်ခြင်း)
အရေပြားမှိုရောဂါတစ်မျိုးဖြစ်တဲ့ညှင်းလို့မြန်မာလိုခေါ်ကြတဲ့ရောဂါကတော့အဖြစ်များတဲ့ အရေပြားရောဂါတစ်ခုဖြစ်ပါတယ်။
ဘာကြောင့်အရေပြားမှို(ညှင်းရောဂါ)ဖြစ်ရတာလဲ?
ညှင်းရောဂါက မည်သူမဆိုဖြစ်နိုင်ပါတယ်။ ညှင်းရောဂါဖြစ်ရတဲ့အကြောင်းအရင်းကတော့
- ရာသီဥတုပူနွေးစိုထိုင်းမှုများခြင်း
- အဆီပြန်သောအသားအရည်ရှိခြင်း
- ချွေးထွက်များခြင်း
- ကိုယ်ခံအားနည်းခြင်း
- ဆီးချိုရောဂါရှိခြင်း
- ပိုးသတ်ဆေးများကိုရေရှည်သောက်သုံးခြင်း
- အဝလွန်ခြင်း
- ကလေးငယ်များတွင်Diaper၊အနှီးစတာတွေ ကိုအလဲအလှယ်မလုပ်ဘဲ အချိန်ကြာမြင့်စွာထားခြင်းစတဲ့အခြေအနေတွေမှာတော့ မှိုရောဂါဖြစ်နိုင်ချေပိုများပါတယ်။
အရေပြားမှာညှင်းဖြစ်တဲ့အခါဘယ်လိုလက္ခဏာတွေခံစားရမလဲ?
- ခန္ဓာကိုယ်ပုံမှန်အသားရောင်နဲ့မတူဘဲ ဖျော့သော (သို့)ရင့်သော အကွက်များဖြစ်ခြင်း
- ယားယံခြင်း
- အရေခွံများကွာခြင်း စတဲ့လက္ခဏာတွေခံစားရနိုင်ပါတယ်။
အရေပြားမှာညှင်းပေါက်တဲ့အခါဘယ်လိုကုသနိုင်ပါသလဲ?
- မှိုသတ်ဆေးလိမ်းဆေးများဖြင့်ကုသခြင်း
- မှိုပိုးသေစေသော ခေါင်းလျှော်ရည်များအသုံးပြုခြင်း
- လိမ်းဆေးများနဲ့မသက်သာပါက မှိုပိုးသတ်ဆေးသောက်ဆေး အသုံးပြု၍ကုသနိုင်ပါတယ်။
အရေပြားမှာညှင်းရောဂါမဖြစ်အောင်ဘယ်လိုကာကွယ်ရမလဲ?
- တစ်ကိုယ်ရေသန့်ရှင်းရေးကိုနေ့စဉ်ပြုလုပ်ပါ။
- အရေပြားကို သန့်ရှင်းခြောက်သွေ့နေအောင်ထားပါ။
- ကြပ်လွန်းသောအဝတ်အစားများဝတ်ဆင်ခြင်းကိုရှောင်ကြဉ်ပါ။
- ပွပွချောင်ချောင် အဝတ်အထည်များကိုဝတ်ဆင်ပါ။
Dr.Phyu
Photo credit -freepik