သပိတ်ကျင်း ငလျင်လှုပ်ခတ်ခဲ့သည့် နေရာတွင် ငလျင်တိုင်းတာ စစ်ဆေးမည်

သပိတ်ကျင်း ငလျင်လှုပ်ခတ်ခဲ့သည့် နေရာတွင် ၂၀၁၉ ခုနှစ် မတ်လမှ စတင်ပြီး ငလျင်နှင့် ပတ်သက်သည့် သတင်းအချက်အလက်များ တိုင်းတာစစ်ဆေးမည်ဖြစ်ကြောင်း မြန်မာနိုင်ငံ မြေငလျင်ကော်မတီ ဒုတိယဥက္ကဌ ဦးမျိုးသန့် က Opinion Leaders Media ရဲ့ မေးမြန်းမှုကို ဖြေကြားခဲ့ပါတယ်။

“မတ်လထဲမှာတော့ ၂၀၁၂ သပိတ်ကျင်း ငလျင်လှုပ်သွားတဲ့ အပိုင်းပေါ့ အဲ့ဒီအပိုင်းတော့ ၂၀၁၉ မတ်လထဲမှာ စတင်လေ့လာမယ်။GPS တွေ တိုင်းတာမယ်။နောက်ပြီးတော့ ပြတ်ရွေ့ရဲ့ မြေမျက်နှာသွင်ပြင်တွေ ဘာတွေ ကြည့်ဖို့ရာအတွက် ကောင်းကင်ဓာတ်ပုံ ရိုက်ဖို့ရှိတယ်။ကျင်းတွေတူးပြီး လေ့လာဖို့ရှိတယ်” လို့ ဆိုပါတယ်။

မှတ်တမ်းများအရ စစ်ကိုင်းပြတ်ရွေ့ တကောင်းအပိုင်းမှ ၁၉၄၆ ခုနှစ် စက်တင်ဘာလ ၁၂ ရက်နေ့တွင် ရစ်ချ်စတာစကေး ၇ ဒဿမ ၃ ဖြင့် တစ်ကြိမ်လှုပ်ခတ်ခဲ့ပြီး နှစ်ပေါင်း ၇၀ ကျော်အကြာ ၂၀၁၂ ခုနှစ် နိုဝင်ဘာလ ၆ ရက်နေ့တွင် အင်အား ၆ ဒဿမ ၈ အဆင့် ငလျင်လှုပ်ခတ်ခဲ့ခြင်း ဖြစ်ပါတယ်။မြန်မာနိုင်ငံတွင် ငလျင်နှင့် ပတ်သက်သည့် လေ့လာမှုများအား နေပြည်တော် ဝမ်းတွင်းမြို့အနီးတွင် ပြုလုပ်ခဲ့ပြီး တိုင်းထွာစမ်းသပ်မှုများအရ အင်အား ရစ်ချ်စတာစကေး ၇ နှင့် အထက် ငလျင်ကြီးများ ၃ ကြိမ်ခန့် လှုပ်ခတ်ခဲ့ဖူးကြောင်း၊ အဆိုပါ ဒေသရှိ အပေါ်ယံမြေလွှာများအား နိုင်ငံခြားသို့ တင်ပို့စစ်ဆေးနေပြီး စစ်ဆေးမှုရလဒ်များ ရရှိပါက မည်သည့်အချိန်ကာလက လှုပ်ခတ်ခဲ့ခြင်းဖြစ်ကြောင်း သိရှိရမှာ ဖြစ်တယ်လို့ ဦးမျိုးသန့် က ဆက်လက်ပြောကြားခဲ့ပါတယ်။

မြန်မာနိုင်ငံရဲ့ အဓိကပြတ်ရွေ့ကြောဖြစ်သည့် စစ်ကိုင်းပြတ်ရွေ့သည် မြန်မာနိုင်ငံ မြောက်ပိုင်း ပူတာအိုမှ မုတ္တမပင်လယ်ထဲအထိ မိုင်ပေါင်း ၆၀၀ ကျော် ရှည်လျားပြီး ငလျင်သမိုင်းတစ်လျှောက် အင်အားပြင်းငလျင်များ အကြိမ်ကြိမ်လှှုပ်ခတ်ခဲ့ပါတယ်။

၁၈၉၃ ခုနှစ်တွင် ရစ်ချ်စတာစကေး ၉ ရှိ အင်းဝ ငလျင်၊ ၁၉၅၆ ခုနှစ် အင်အား ၇.၁ အဆင့်ရှိ စစ်ကိုင်းငလျင်၊ ၁၉၉၁ ခုနှစ်က အင်အား ၇ အဆင့်ရှိတဲ့ တကောင်းငလျင်၊ ၁၉၉၄ ခုနှစ်က အင်အား ၆ အဆင့်ရှိ မြစ်ကြီးနားငလျင်၊ ၂၀၀၃ ခုနှစ် အင်အား ၆.၇ အဆင့်ရှိတဲ့ တောင်တွင်းကြီးငလျင်၊ ၂၀၁၂ ခုနှစ်က အင်အား ၆.၈ အဆင့်ရှိ သပိတ်ကျင်းငလျင်တို့သည် စစ်ကိုင်းပြတ်ရွေ့ကြောင့် ဖြစ်ပေါ်ခဲ့ခြင်း ဖြစ်ပါတယ်။

မင်းထွန်း(အုတ်ကျင်း)
ရန်ကုန်၊ ဒီဇင်ဘာ - ၁၂

( Zawgyi )

သပိတ္က်င္း ငလ်င္လႈပ္ခတ္ခဲ့သည့္ ေနရာတြင္ ၂၀၁၉ ခုႏွစ္ မတ္လမွ စတင္ၿပီး ငလ်င္ႏွင့္ ပတ္သက္သည့္ သတင္းအခ်က္အလက္မ်ား တိုင္းတာစစ္ေဆးမည္ျဖစ္ေၾကာင္း ျမန္မာႏိုင္ငံ ေျမငလ်င္ေကာ္မတီ ဒုတိယဥကၠဌ ဦးမ်ိဳးသန႔္ က Opinion Leaders Media ရဲ႕ ေမးျမန္းမႈကို ေျဖၾကားခဲ့ပါတယ္။

“မတ္လထဲမွာေတာ့ ၂၀၁၂ သပိတ္က်င္း ငလ်င္လႈပ္သြားတဲ့ အပိုင္းေပါ့ အဲ့ဒီအပိုင္းေတာ့ ၂၀၁၉ မတ္လထဲမွာ စတင္ေလ့လာမယ္။GPS ေတြ တိုင္းတာမယ္။ေနာက္ၿပီးေတာ့ ျပတ္ေ႐ြ႕ရဲ႕ ေျမမ်က္ႏွာသြင္ျပင္ေတြ ဘာေတြ ၾကည့္ဖို႔ရာအတြက္ ေကာင္းကင္ဓာတ္ပုံ ႐ိုက္ဖို႔ရွိတယ္။က်င္းေတြတူးၿပီး ေလ့လာဖို႔ရွိတယ္” လို႔ ဆိုပါတယ္။

မွတ္တမ္းမ်ားအရ စစ္ကိုင္းျပတ္ေ႐ြ႕ တေကာင္းအပိုင္းမွ ၁၉၄၆ ခုႏွစ္ စက္တင္ဘာလ ၁၂ ရက္ေန႔တြင္ ရစ္ခ်္စတာစေကး ၇ ဒႆမ ၃ ျဖင့္ တစ္ႀကိမ္လႈပ္ခတ္ခဲ့ၿပီး ႏွစ္ေပါင္း ၇၀ ေက်ာ္အၾကာ ၂၀၁၂ ခုႏွစ္ ႏိုဝင္ဘာလ ၆ ရက္ေန႔တြင္ အင္အား ၆ ဒႆမ ၈ အဆင့္ ငလ်င္လႈပ္ခတ္ခဲ့ျခင္း ျဖစ္ပါတယ္။ျမန္မာႏိုင္ငံတြင္ ငလ်င္ႏွင့္ ပတ္သက္သည့္ ေလ့လာမႈမ်ားအား ေနျပည္ေတာ္ ဝမ္းတြင္းၿမိဳ႕အနီးတြင္ ျပဳလုပ္ခဲ့ၿပီး တိုင္းထြာစမ္းသပ္မႈမ်ားအရ အင္အား ရစ္ခ်္စတာစေကး ၇ ႏွင့္ အထက္ ငလ်င္ႀကီးမ်ား ၃ ႀကိမ္ခန႔္ လႈပ္ခတ္ခဲ့ဖူးေၾကာင္း၊ အဆိုပါ ေဒသရွိ အေပၚယံေျမလႊာမ်ားအား ႏိုင္ငံျခားသို႔ တင္ပို႔စစ္ေဆးေနၿပီး စစ္ေဆးမႈရလဒ္မ်ား ရရွိပါက မည္သည့္အခ်ိန္ကာလက လႈပ္ခတ္ခဲ့ျခင္းျဖစ္ေၾကာင္း သိရွိရမွာ ျဖစ္တယ္လို႔ ဦးမ်ိဳးသန႔္ က ဆက္လက္ေျပာၾကားခဲ့ပါတယ္။

ျမန္မာႏိုင္ငံရဲ႕ အဓိကျပတ္ေ႐ြ႕ေၾကာျဖစ္သည့္ စစ္ကိုင္းျပတ္ေ႐ြ႕သည္ ျမန္မာႏိုင္ငံ ေျမာက္ပိုင္း ပူတာအိုမွ မုတၱမပင္လယ္ထဲအထိ မိုင္ေပါင္း ၆၀၀ ေက်ာ္ ရွည္လ်ားၿပီး ငလ်င္သမိုင္းတစ္ေလွ်ာက္ အင္အားျပင္းငလ်င္မ်ား အႀကိမ္ႀကိမ္လွႈပ္ခတ္ခဲ့ပါတယ္။

၁၈၉၃ ခုႏွစ္တြင္ ရစ္ခ်္စတာစေကး ၉ ရွိ အင္းဝ ငလ်င္၊ ၁၉၅၆ ခုႏွစ္ အင္အား ၇.၁ အဆင့္ရွိ စစ္ကိုင္းငလ်င္၊ ၁၉၉၁ ခုႏွစ္က အင္အား ၇ အဆင့္ရွိတဲ့ တေကာင္းငလ်င္၊ ၁၉၉၄ ခုႏွစ္က အင္အား ၆ အဆင့္ရွိ ျမစ္ႀကီးနားငလ်င္၊ ၂၀၀၃ ခုႏွစ္ အင္အား ၆.၇ အဆင့္ရွိတဲ့ ေတာင္တြင္းႀကီးငလ်င္၊ ၂၀၁၂ ခုႏွစ္က အင္အား ၆.၈ အဆင့္ရွိ သပိတ္က်င္းငလ်င္တို႔သည္ စစ္ကိုင္းျပတ္ေ႐ြ႕ေၾကာင့္ ျဖစ္ေပၚခဲ့ျခင္း ျဖစ္ပါတယ္။

မင္းထြန္း(အုတ္က်င္း)
ရန္ကုန္၊ ဒီဇင္ဘာ - ၁၂