【 နည်းပညာ 】League of Legends: Wild Rift အတွက် အစီအစဉ်သစ်တစ်ခုကို Riot ကြေညာ

၂၀၂၁ ခုနှစ်အတွင်းမှာ League of Legends: Wild Rift စမတ်ဖုန်းဂိမ်းအတွက် ကြီးမားတဲ့အစီအစဉ်တွေရှိတယ်လို့ Riot က ဆိုပါတယ်။

 

Moba ဂိမ်းတွေမှာ လူကြိုက်များနေတဲ့ ARAM mode (All Random All Mid) ကျရာ ဂိမ်း‌ဇာတ်ကောင်နဲ့ အလယ်လမ်းတစ်လမ်းတည်း တိုက်ပွဲဝင်ဆော့ကစားရမယ့် အစီအစဉ်ကို Wild Rift ဂိမ်းဆီကို ယူဆောင်လာမယ်လို့ Riot က အတည်ပြုခဲ့ပါတယ်။

 

Riot ရဲ့ အစီအစဉ်သစ်ရဲ့ ပုံစံဟာ သာမန်ဆော့ကစားတာနဲ့ တူညီမှာဖြစ်ပြီး၊ ကွဲပြားသွားတာကတော့ အလယ်လမ်းတစ်လမ်းတည်းဖြစ်ပြီး၊ ကျရာ ဂိမ်းဇာတ်ကောင်နဲ့ ယှဉ်ပြိုင်ကစားရမှာဖြစ်ပါတယ်။ဒါ့အပြင် ARAM mode မှာ စခန်းဆီသို့ ပြန်သွားနိုင်မှာ မဟုတ်သလို၊ လိုအပ်တဲ့ ပစ္စည်းတွေကိုလည်း တိုက်ခိုက်နေစဉ်အတွင်း ဝယ်ယူနိုင်မှာမဟုတ်ပါဘူး။ Wild Rift ရဲ့ ARAM mode ဟာ လတ်တလော ပြည်တွင်းမှာ နာမည်ကြီးနေတဲ့ Mobile Legends Bang Bang (MLBB) ရဲ့ Brawl mode နဲ့ တူညီမှာလည်းဖြစ်ပါတယ်။

 

Riot မှ Wild Rift အတွက် ARAM mode အစီအစဉ်သစ်ကို ကြေညာပေးခဲ့သလို၊ ၂၀၂၁ ခုနှစ်ရဲ့ လတိုင်းမှာ ပျမ်းမျှ ဂိမ်းဇာတ်ကောင် ၂ ကောင် ထွက်ရှိမယ်လို့လည်း ဆိုခဲ့ပါတယ်။ ၂၀၂၁ ခုနှစ်အတွင်း ဂိမ်းဇာတ်ကောင် ၂၄ ကောင် တိုးလာမယ်လို့လည်း အတည်ပြုခဲ့ပါသေးတယ်။

 

Damien 

 

( Zawgyi  )