【 အလှအပနှင့် ကျန်းမာရေး 】 နှလုံးခုန်နှုန်း မမှန်ခြင်း (#Atrial_Fibrillation)

နှလုံးခုန်နှုန်း မမှန်ခြင်း (#Atrial_Fibrillation) ဆိုတာကတော့ နှလုံးသွေးဝင်ခန်းရဲ့ နှလုံးခုန်နှုန်း ပုံမှန်မဟုတ်ဘဲ အလွန်အမင်းမြန်ခြင်းကြောင့်ဖြစ်တဲ့ ရောဂါဖြစ်ပါတယ်။

 

နှလုံးခုန်နှုန်း မမှန်ခြင်း ဖြစ်နိုင်ခြေများတဲ့သူတွေကတော့

 

- နှလုံးရောဂါရှိသူများ

- နှလုံးခွဲစိတ်ထားသူများ

- သွေးတိုးရောဂါရှိသူများ

- အဝလွန်သူများ

- လည်ပင်းသိုင်းရွိုက်ဟော်မုန်းရောဂါရှိသူများ

- အရက်အလွန်အကျွံသောက်သူများ

- ကော်ဖီ၊ လက်ဖက်ရည် စတဲ့

ကဖင်းဓာတ်သုံးစွဲမှုများသူများ

- ဆေးလိပ်သောက်သူများ

- မူးယစ်ဆေးဝါးသုံးစွဲသူများ 

- အသက်အရွယ်ကြီးသူများ စတဲ့သူ‌တွေမှာ နှလုံးခုန်နှုန်း မမှန်ခြင်း ဖြစ်နိုင်ခြေ ပိုများပါတယ်။

 

နှလုံးခုန်နှုန်း မမှန်တဲ့အခါ ခံစားရတဲ့ ရောဂါလက္ခဏာတွေကတော့

 

- ရင်တုန်ခြင်း

- အသက်ရှူမဝဖြစ်ခြင်း၊ မောခြင်း

- ရင်ဘတ်အောင့်ခြင်း

- ခေါင်းမူးခြင်း

- သတိလစ်ခြင်း စတဲ့ လက္ခဏာတွေ ခံစားရနိုင်ပါတယ်။

 

          နှလုံးခုန်နှုန်း မမှန်ခြင်းကို ဘယ်လိုကုသမလဲ ?

 

- နှလုံးခုန်နှုန်းကို ပုံမှန်ထိန်းပေးသော ဆေးဝါးများဖြင့် ကုသခြင်း

- နှလုံးခုန်နှုန်း မြန်ခြင်းကို ထိန်းပေးသော ဆေးဝါးများဖြင့် ကုသခြင်း

- သွေးကျဲဆေးဖြင့် ကုသခြင်း

- အချို့သောအခြေအနေများတွင်

- ခွဲစိတ်ကုသခြင်း

- နှလုံးစက်တပ်ကုသခြင်း

- နှလုံးခုန်နှုန်း ပုံမှန်ပြန်ဖြစ်အောင် လျှပ်စီးလှိုင်းဖြင့်ကုသခြင်း (electrical cardioversion) စတဲ့ နည်းလမ်းများနဲ့ ကုသနိုင်ပါတယ်။

 

နှလုံးခုန်နှုန်း မမှန်ခြင်းကြောင့် ဖြစ်နိုင်တဲ့ နောက်ဆက်တွဲ ဆိုးကျိုးတွေကတော့

 

- နှလုံးတွင်း သွေးခဲဖြစ်ခြင်း

- နှလုံးသွေးခဲ ပြုတ်ထွက်ပါက လေဖြတ်ခြင်း

- နှလုံးသွေးကြောပိတ်ခြင်း

- နှလုံးအားနည်းခြင်း စတဲ့ နောက်ဆက်တွဲ ဆိုးကျိုး‌တွေ ခံစားရနိုင်ပါတယ်။

 

ဒါကြောင့် နှလုံးခုန်နှုန်း မမှန်ခြင်း ရောဂါရှိသူတွေ အနေနဲ့ တတ်ကျွမ်းနားလည်တဲ့ ဆရာဝန်နဲ့ သေချာပြသ စစ်ဆေးပြီး ကုသမှုခံယူဖို့တိုက်တွန်းလိုပါတယ်။

 

Dr.Phyu

Photo Credit - freepik