ဂျပန်ကားဟောင်းများ စျေးနှုန်းမြင့်မားမှုနှင့် အပိုပစ္စည်းဝယ်ယူရန် အခက်အခဲတွေကြောင့် Brand new ကားအသစ်နှင့် ပြည်တွင်းထုတ် SKD ကားများကိုသာ ပိုမိုဝယ်ယူလာကြဟု ဆို
ဂျပန်ကားဟောင်းများ စျေးနှုန်းမြင့်မားမှုနှင့် အပိုပစ္စည်းဝယ်ယူရန် အခက်အခဲတွေကြောင့် Brand new ကားအသစ်နှင့် ပြည်တွင်းထုတ် SKD ကားများကိုသာ ပိုမိုဝယ်ယူလာကြတယ်လို့ မြန်မာနိုင်ငံ ကားတင်သွင်းထုတ်လုပ် ရောင်းချသူများအသင်း ဥက္ကဌ ဒေါက်တာစိုးထွန်း က ပြောပါတယ်။
ပြည်တွင်းကားစျေးကွက်က ပြီးခဲ့တဲ့မိုးတွင်းကာလထက်စာရင် ယခုပွင့်လင်းရာသီမှာ အရောင်းအဝယ်က ပိုပြီးသွက်လာတဲ့ သဘောရှိတယ်လို့လည်း ၎င်းက ဆက်လက်ပြောပြခဲ့ပါတယ်။
“ဂျပန်ကားအဟောင်းစျေးက လက်ရှိအနေအထားမှာ စျေးမြင့်နေတာပေါ့နော်။စျေးမြင့်တော့ ပြည်တွင်းထုတ်တဲ့ SKD ကားစျေးနဲ့ဆိုရင် သိပ်မကွာတော့ဘူး။စျေးက သိပ်မကွာတော့ ဝယ်ယူသူတွေက ပြည်တွင်းထုတ်ကားဘက်ကို ပိုပြီးလှည့်လာကြတယ်ပေါ့လေ။ကားဟောင်းတွေက ပျက်ဆီးတာများတယ်။ပြင်ဆင်စရိတ်များတယ်၊ အပိုပစ္စည်းဝယ်ရတာခက်တယ်။အဲ့ဒါကြောင့်မို့ ယခုလက်ရှိစျေးကွက်က ကားအသစ်ရောင်းရတာက ပိုပြီးတော့များတဲ့ အနေအထားရှိပါတယ်။နောက် Brand new ကားတွေကို ပိုပြီးစိတ်ဝင်စားတာ ဝယ်လာကြတာ တွေ့ရပါတယ်။နောက်တစ်ချက်က လက်ရှိ ကျနော်တို့က ဝင်ငွေခွန်ကို မပြနိုင်တဲ့သူတွေကို ဒီအောက်တိုဘာ ၁ ရက်နေ့ကစပြီး ၃ ရာခိုင်နှုန်း သတ်မှတ်ပေးခဲ့တဲ့အတွက် ကားအရောင်းအဝယ် ပြန်ပြီးသွက်လာတယ်။ရာသီကလည်း ပွင့်လင်းရာသီဖြစ်တယ်။ပြောရရင် ဒီရာသီက ပွင့်လင်းရာသီဆိုတော့ မိုးတွင်းကာလထက်စာရင် ကားအရောင်းအဝယ်က ပိုပြီးတော့သွက်ပါတယ်။” လို့ ဒေါက်တာစိုးထွန်း က Opinion Leaders Media သို့ ပြောကြားခဲ့ပါတယ်။
ဒါ့အပြင် ယနေ့အထိ ရန်ကုန်လိုင်စင်ပိတ်ထားမှုနှင့် ပတ်သက်၍ ဒေါက်တာစိုးထွန်း က ၎င်းရဲ့အမြင်ကိုလည်း ယခုလိုပြောပြခဲ့ပါသေးတယ်။
“ရန်ကုန်လိုင်စင် ပိတ်ထားတာကတော့ ဘယ်တိုင်းပြည်မှာမှ မရှိဘူးလေ၊ တင်းကြပ်တတာက စင်ကာပူနိုင်ငံပါ သူတို့ကတော့ COE နဲ့ သတ်မှတ်ပြီးပေးတာပေါ့၊ ကားအစီးရေ ဘယ်လောက်ရှိသင့်သလဲဆိုတာကို ပေးပြီးတော့ COE နဲ့ လေလံဆွဲပြီး ဝယ်တာပေါ့ COE က စျေးကြီးတယ်ပေါ့။သူတို့နိုင်ငံမှာ အဲ့လိုပဲလုပ်တာပေါ့။ကျနော်တို့ဆီကတော့ လက်ရှိမှာ ရန်ကုန်လိုင်စင် ပိတ်ထားတာပေါ့နော်၊ အဲ့ဒါကတော့ လက်ရှိအနေအထားအရ ဒီလို ရန်ကုန်လိုင်စင်ပိတ်ထာမျိုးက ဘယ်နိုင်ငံမှာမှ မရှိသေးပါဘူး၊ ထူးခြားတဲ့အနေအထား ဖြစ်ပါတယ်။” လို့ ဒေါက်တာစိုးထွန်း က ထပ်လောင်းပြောပြခဲ့ပါတယ်။
ပြေသိမ်း၊ ဇွဲမာန်
ရန်ကုန်၊ အောက်တိုဘာ - ၂၆
( Zawgyi )
ဂ်ပန္ကားေဟာင္းမ်ား ေစ်းႏႈန္းျမင့္မားမႈႏွင့္ အပိုပစၥည္းဝယ္ယူရန္ အခက္အခဲေတြေၾကာင့္ Brand new ကားအသစ္ႏွင့္ ျပည္တြင္းထုတ္ SKD ကားမ်ားကိုသာ ပိုမိုဝယ္ယူလာၾကတယ္လို႔ ျမန္မာႏိုင္ငံ ကားတင္သြင္းထုတ္လုပ္ ေရာင္းခ်သူမ်ားအသင္း ဥကၠဌ ေဒါက္တာစိုးထြန္း က ေျပာပါတယ္။
ျပည္တြင္းကားေစ်းကြက္က ၿပီးခဲ့တဲ့မိုးတြင္းကာလထက္စာရင္ ယခုပြင့္လင္းရာသီမွာ အေရာင္းအဝယ္က ပိုၿပီးသြက္လာတဲ့ သေဘာရွိတယ္လို႔လည္း ၎က ဆက္လက္ေျပာျပခဲ့ပါတယ္။
“ဂ်ပန္ကားအေဟာင္းေစ်းက လက္ရွိအေနအထားမွာ ေစ်းျမင့္ေနတာေပါ့ေနာ္။ေစ်းျမင့္ေတာ့ ျပည္တြင္းထုတ္တဲ့ SKD ကားေစ်းနဲ႔ဆိုရင္ သိပ္မကြာေတာ့ဘူး။ေစ်းက သိပ္မကြာေတာ့ ဝယ္ယူသူေတြက ျပည္တြင္းထုတ္ကားဘက္ကို ပိုၿပီးလွည့္လာၾကတယ္ေပါ့ေလ။ကားေဟာင္းေတြက ပ်က္ဆီးတာမ်ားတယ္။ျပင္ဆင္စရိတ္မ်ားတယ္၊ အပိုပစၥည္းဝယ္ရတာခက္တယ္။အဲ့ဒါေၾကာင့္မို႔ ယခုလက္ရွိေစ်းကြက္က ကားအသစ္ေရာင္းရတာက ပိုၿပီးေတာ့မ်ားတဲ့ အေနအထားရွိပါတယ္။ေနာက္ Brand new ကားေတြကို ပိုၿပီးစိတ္ဝင္စားတာ ဝယ္လာၾကတာ ေတြ႕ရပါတယ္။ေနာက္တစ္ခ်က္က လက္ရွိ က်ေနာ္တို႔က ဝင္ေငြခြန္ကို မျပႏိုင္တဲ့သူေတြကို ဒီေအာက္တိုဘာ ၁ ရက္ေန႔ကစၿပီး ၃ ရာခိုင္ႏႈန္း သတ္မွတ္ေပးခဲ့တဲ့အတြက္ ကားအေရာင္းအဝယ္ ျပန္ၿပီးသြက္လာတယ္။ရာသီကလည္း ပြင့္လင္းရာသီျဖစ္တယ္။ေျပာရရင္ ဒီရာသီက ပြင့္လင္းရာသီဆိုေတာ့ မိုးတြင္းကာလထက္စာရင္ ကားအေရာင္းအဝယ္က ပိုၿပီးေတာ့သြက္ပါတယ္။” လို႔ ေဒါက္တာစိုးထြန္း က Opinion Leaders Media သို႔ ေျပာၾကားခဲ့ပါတယ္။
ဒါ့အျပင္ ယေန႔အထိ ရန္ကုန္လိုင္စင္ပိတ္ထားမႈႏွင့္ ပတ္သက္၍ ေဒါက္တာစိုးထြန္း က ၎ရဲ႕အျမင္ကိုလည္း ယခုလိုေျပာျပခဲ့ပါေသးတယ္။
“ရန္ကုန္လိုင္စင္ ပိတ္ထားတာကေတာ့ ဘယ္တိုင္းျပည္မွာမွ မရွိဘူးေလ၊ တင္းၾကပ္တတာက စင္ကာပူႏိုင္ငံပါ သူတို႔ကေတာ့ COE နဲ႔ သတ္မွတ္ၿပီးေပးတာေပါ့၊ ကားအစီးေရ ဘယ္ေလာက္ရွိသင့္သလဲဆိုတာကို ေပးၿပီးေတာ့ COE နဲ႔ ေလလံဆြဲၿပီး ဝယ္တာေပါ့ COE က ေစ်းႀကီးတယ္ေပါ့။သူတို႔ႏိုင္ငံမွာ အဲ့လိုပဲလုပ္တာေပါ့။က်ေနာ္တို႔ဆီကေတာ့ လက္ရွိမွာ ရန္ကုန္လိုင္စင္ ပိတ္ထားတာေပါ့ေနာ္၊ အဲ့ဒါကေတာ့ လက္ရွိအေနအထားအရ ဒီလို ရန္ကုန္လိုင္စင္ပိတ္ထာမ်ိဳးက ဘယ္ႏိုင္ငံမွာမွ မရွိေသးပါဘူး၊ ထူးျခားတဲ့အေနအထား ျဖစ္ပါတယ္။” လို႔ ေဒါက္တာစိုးထြန္း က ထပ္ေလာင္းေျပာျပခဲ့ပါတယ္။
ေျပသိမ္း၊ ဇြဲမာန္
ရန္ကုန္၊ ေအာက္တိုဘာ - ၂၆
