【 နည်းပညာ 】ဈေးနှုန်းသက်သာလာဖွယ်ရှိတဲ့ Samsung ရဲ့ မျိုးဆက်သစ် ကွေးညွတ်ဖုန်း

ကွေးညွတ်စမတ်ဖုန်းဈေးကွက်မှာ အောင်မြင်မှုတွေရရှိနေတဲ့ Samsung ကုမ္ပဏီမှ နောက်ထပ် ကွေး ညွတ်စမတ်ဖုန်းတွေကို ထပ်မံမိတ်ဆက်သွားမယ်လို့ ဆိုပါတယ်။

 

ယခုတော့ Samsung ရဲ့ မျိုးဆက်သစ် ကွေးညွတ်စမတ်ဖုန်းနဲ့ပတ်သက်ပြီး သတင်းတွေကတော့ ထွက်ပေါ်လာနေပြီလည်း ဖြစ်ပါတယ်။

 

Samsung ရဲ့ ကွေးညွတ်စမတ်ဖုန်းသစ်ကို Galaxy Z Flip3 လို့ အမည်ပေးထားဖွယ်ရှိပြီး၊ လာမယ့် ဇန်နဝါရီမှာ မိတ်ဆက်မယ့် Galaxy S21 series စမတ်ဖုန်းတွေ မိတ်ဆက်အပြီးမှာ ထွက်ပေါ်လာနိုင် ခြေရှိ ပါတယ်။ သတင်းထွက်ပေါ်မှုတွေအရ ဝမ်းသာစရာကတော့ ထပ်မံမိတ်ဆက်လာမယ့် Samsung ရဲ့ ကွေးညွတ် စမတ် ဖုန်းသစ်မှာ အလယ်လတ်တန်းစား chipset နဲ့သာ အသုံးပြုမောင်းနှင်ပေးထားဖွယ်ရှိနေပြီး၊ ယခင် ကွေးညွတ် စမတ်ဖုန်းထုတ်ကုန်တွေထက် ပိုမိုဈေးသက်သာမယ်ဆိုတာပါပဲ။ဒါ့အပြင် Galaxy Z Flip3 ကွေးညွတ်ဖုန်းကို 5G ကွန်ယက်နဲ့ 4G ကွန်ယက်ဆိုပြီး ဗားရှင်းနှစ်မျိုး မိတ်ဆက်လာဖွယ်ရှိတယ်လို့လည်း သတင်းတွေ ထွက်ပေါ် လျက်ရှိနေပါတယ်။

 

Samsung ဘက်က ၂၀၂၁ ခုနှစ်အတွင်း ကွေးညွတ်စမတ်ဖုန်းနှစ်မျိုးကို မိတ်ဆက်လာဖွယ်ရှိနေပြီး၊ Galaxy Z Fold3 နဲ့ ဈေးနှုန်းသက်သာတဲ့ Galaxy Z Flip3 တို့ ဖြစ်ဖွယ်ရှိတယ် ဆိုပါတယ်။

 

Damien

 

(   Zawgyi   )